بولىمسىز ساۋلە الاۋعا اينالادى، شەكسىز سۇيىسپەنشىلىك اينالانى مەيىرگە بولەيدى
− قۇلجا قالاسىنىڭ ىندەتتەن ساقتانۋ - تىزگىندەۋ الدىڭعى شەبىنەن كورگەن - بىلگەندەرىمىز
□ انار بۇلت \ شينجياڭ گازەتىنىڭ ءتىلشىسى بارشا تەگىس، ەرىكتى ءتىلشى ما چىڭلۋ، لي جيان
2022.08.29 14:44 كەلۋ قاينارى : شينجياڭ گازەتى
وسى جولى ىندەت تۋىلعاننان كەيىن، قۇلجا قالاسىنداعى پارتيالى كادرلار، ەمدەۋ - كۇتىمدەۋ قىزمەتكەرلەرى، ەرىكتىلەر حاۋىپ - قاتەردەن قورىقپاي، كۇندى تۇنگە جالعاپ، ىندەتتەن ساقتانۋ - تىزگىندەۋدىڭ الدىڭعى شەبىنەن بۇلجىمادى، مىندەت پەن جاۋاپكەرشىلىك ارقالاۋ ارقىلى ءومىردى قورعاۋدىڭ سانداعان قورعانىس شەبىن بەكەمدەدى.
ەمدەۋ ماماندارى: قىزمەت ورىندارىنان تاپجىلمادى
8 - ايدىڭ 19 - كۇنى، جاڭ جىنيۇي شيپاگەرلەر مەرەكەسىن ۇشاقتا وتكىزدى. سول كۇنى تاڭەرتەڭ ەرتە، ول شاڭحاي حۇڭچياۋ اۋەجايىنان اتتانىپ، چىڭدۋدى اينالىپ قۇلجاعا جەتتى. ول دەمىن الىپ، ەنتىگىن باسۋعا دا ۇلگىرمەستەن، قاتتى گازجارعاق تاجىريبەحاناسىنا توتە بارىپ قىزمەتكە كىرىستى، جۇمىس بارىسى، تاجىريبە جابدىقتارى، اسپاپتار، ادامداردى سەپتەۋ سياقتى ماسەلەلەر جونىندە سول اراداعى قىزمەتكەرلەرمەن پىكىر اۋىستىرىپ، اقىلداستى ءارى شارالاردى جاقسارتۋدى ورتاعا قويدى، سودان كەلەسى كۇنى ساعات 4كە دەيىن قىزمەت ىستەدى...
جاڭ جىنيۇي جياڭسۋ ولكەسى نانتۇڭ قالالىق انالار مەن بالالار دەنساۋلىعىن قورعاۋ شيپاحاناسى تەكسەرۋ - ساراپتاۋ ءبولىمىنىڭ مەڭگەرۋشى تەحنيگى، وسى رەت جياڭسۋ ولكەسىنىڭ قۇلجاعا كومەكتەسۋ الدىڭعى شەپ قولباسشىلىق شتابى ۇسىنىس ەتكەن قۇلجاعا كومەكتەسەتىن ەمدەۋ مامانى، ول تەحنيكالىق جاقتان جەرگىلىكتى ورىننىڭ قاتتى گازجارعاق تاجىريبەحاناسىنىڭ جوعارى ءونىمدى جۇمىس جۇرگىزۋىن قامتاماسىز ەتۋگە تەحنيكالىق جاقتان قولداۋ كورسەتەدى.
8 - ايدىڭ 25 - كۇنى، جاڭ جىنيۇيدىڭ قۇلجا قالاسىنا كەلگەنىنە 7 كۇن بولدى، الايدا ول ءباز - باياعىسىنداي قاتتى گازجارعاق تاجىريبەحاناسىندا قاربالاس ىستەدى، ەكرانداعى باقىلاۋ - مەڭگەرۋ جۇيەسىنەن كوز الماي، تاجىريبەحانانىڭ ءارقايسى اۋماعىنىڭ اينالىم احۋالىن ەگجەي - تەگجەيلى تەكسەرىپ، تاجىريبەحانانىڭ تەكسەرۋ بۋىندارى مەن ساپالىق ولشەمىنە شىنايى كەپىلدىك ەتتى.
”دەمالۋىما بولمايدى، ءسوز جوق، تاجىريبەحانانىڭ ونىمدىلىگىن تەز ارادا ارتتىرىپ، ىندەتتەن ساقتانۋ - تىزگىندەۋدىڭ قاجەتىن قامتاماسىز ەتىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە ەرتەرەك قول جەتكىزۋىمىز كەرەك“. جاڭ جىنيۇي بىلاي دەدى: ۇجىمدى باستاپ العاشقى كۇنىنە 5000 تۇتىكشە تەكسەرۋدەن، قازىر كۇنىنە نەشە ون مىڭ تۇتىكشە حىسۋان تەكسەرۋ مىندەتىن ورىنداپ وتىرمىز، حىسۋان تەكسەرۋ قابىلەتىمىز كۇشەيىپ قالماستان، ىندەتتى ءبىر جاقتى ەتۋ ونىمدىلىگىن دە ارتتىردىق.
پارتيالى كادرلار: ىرىقتىلىقپەن الدا جۇرىپ قىزمەت وتەدى
8 - ايدىڭ 10 - كۇنى قۇلجا قالاسى سايبويى ءمالى باسقارماسى ليچۇن الەۋمەتتىك اۋماعى ليدا شينفۋيۋان شاعىن اۋماعىندا ”باقىت قولباسشىلىق شتابى“ رەسمي ماڭدايشالىق استى. بۇل قولباسشىلىق شتابىندا قۇلجا قالالىق حالىق سوتى مەكەمەسىنىڭ سۋديالارى يۇي شياڭ، چىن جياجيا، زو لەي، ۋاڭ حۇيفي، باقىتنۇر قاتارلىلار بار بولىپ، وسى شاعىن اۋماقتاعى 600دەن استام تۇرعىننىڭ تۇرمىسىن قامتاماسىز ەتۋ، حىسۋان تەكسەرۋ، زات جەتكىزىپ بەرۋ، ءدارى - دارمەك ساتىپ الۋ - جەتكىزۋ سياقتى قىزمەتتەرگە جاۋاپتى بولدى. ليدا شينفۋيۋان كونە شاعىن اۋماق بولىپ، وندا قونىستانعانداردىڭ كوبى قارتتار مەن بالالار ەدى.
”لي اجەي، قان قىسىمدى تومەندەتەتىن ءدارىڭىزدى ءىشتىڭىز بە، مەن ءسىز ءۇشىن ءجۇزىم تاپسىرىپ قويدىم، ازدان كەيىن سىزگە جەتكىزىپ بەرەدى“. 74 جاستاعى تۇرعىن لي اجەيدىڭ جوعارى قان قىسىم اۋرۋى بار ەكەندىگىن، ۇل - قىزدارىنىڭ تۇگەلدەي ىندەتتەن ساقتانۋ - تىزگىندەۋدىڭ الدىڭعى شەبىندە ەكەندىگىنەن حابار تاپقان يۇي شياڭ ءار كۇنى دەرلىك تەلەفون سوعىپ، كاريانىڭ دەنساۋلىق جاعدايى مەن تۇرمىستىق قاجەتىن ۇعىسىپ، كارياعا قاجەتتى تۇرمىستىق بۇيىمداردى جانە ءدارى - دارمەكتەردى ساتىپ اكەلىپ بەرىپ، كاريانىڭ ۇيىنە جەتكىزدى.
”ءبىز 4 قىز تاماقتى از جەيمىز، جۇمىس تاماعىن تاۋىسا المايمىز، بۇدان كەيىن قالعان 2 كىسىلىك تاماقتى جاڭ اتايعا بەرىڭىزدەر“، - دەدى زو لەي كوپشىلىككە. جاقىندا، زو لەي مەن چىن جياجيا وتباسىلاردى ارالاپ حىسۋان تەكسەرگەن كەزدە، 2 - عيماراتتاعى 68 جاستاعى جاڭ اتايدىڭ جالعىز ءوزى جيەنىمەن بىرگە تۇراتىندىعىن بايقاپ، قايتىپ كەلگەننەن كەيىن كوپشىلىكپەن وسى ءىستى اقىلداسقان بولاتىن.
”تۇرعىندار ءبىزدى ’ءار كۇنى قايراتتارىڭ تاسىپ جۇرەدى‘ دەيدى، مۇنىڭ ءبارى قىزمەتتەستەر ارا ءوزارا قارايلاسۋدىڭ جانە وتباسىمىزداعىلاردىڭ قولداۋىنان كەلگەن، ەڭ باستىسى، ليدا شينفۋيۋانداعى 600دەن استام وتباسى تۇرعىندارىنىڭ قولداۋىنىڭ ارقاسى“! - دەدى يۇي شياڭ.
”ۆيرۋس توتەنشە اككى، ءبىزدىڭ بەتالدى شايقاس جاساۋىمىزعا بولمايدى“. 8 - ايدىڭ 20 - كۇنى قۇلجا قالاسى ايرانمۇباع ءمالى باسقارماسىنىڭ ورىنباسار مەڭگەرۋشىسى ۋاڭ جى يىڭى ايات شاعىن اۋماعىنا كەلگەننەن كەيىن، ءبىرىنشى ىستەگەن ءىسى كادرلارمەن بىرگە ۇيلەردى ارالاپ، ءمان - جايدى تولىق ۇعىسۋ بولدى. ىندەت جاعدايىنىڭ وزگەرىسىنە ىلەسە، ول قۇلجا قالاسىنىڭ تۇڭعىش توپتاعى حاۋىپ - قاتەرى جوعارى شاعىن اۋماقتاردىڭ ءبىرى بولعان يىڭى ايات شاعىن اۋماعىنا بارىپ قىزمەت ىستەۋدى ىرىقتىلىقپەن ءوتىنىش ەتتى.
”19 عيمارات، 570 وتباسى، 1523 ادام بار، راك اۋرۋىنا شالدىققان 2 ادام، سوزىلمالى ناۋقاسى بار 24 ادام، ۇيدەن شىعا المايتىن 18 كاريا بار“... ۋاڭ جى ەڭ الدىمەن شاعىن اۋماقتىڭ جاعدايىن يگەرگەننەن كەيىن، وتباسى سايىن ويداعىداي قىزمەت وتەۋمەن قامتاماسىز ەتتى.
تۇرعىنداردىڭ ايقاسپالى جۇعىمدالۋ حاۋىپ - قاتەرىن تومەندەتۋ ءۇشىن، 19 كادر جانە 4 ەمدەۋ - كۇتىمدەۋ قىزمەتكەرى يىڭى ايات شاعىن اۋماعىنىڭ زات جەتكىزىپ بەرۋ، قوقىر - قوقسىقتى تازالاۋ، جونەلتۋ، ورتانى زارارسىزداندىرۋ سياقتى قىزمەتتەرگە جاۋاپتى بولدى.
8 - ايدىڭ 24 - كۇنى ۋاڭ جى گاز كۇبىسىن كوتەرىپ 6 - قاباتقا كوتەرىلدى، 4 - قاباتقا شىققان كەزدە ۋاڭ جىنىڭ قورعانۋ كيىمىنىڭ ىشىنەن كيگەن كيىمدەرى شىلقا سۋ بولىپ كەتتى. گاز كۇبىسىن جەتكىزىپ بەرگەننەن كەيىن، ۋاڭ جى بۇكىل كورپۋستىڭ قوقىر - قوقسىعىن تۇگەلدەي جەرگە الىپ تۇسەدى، بەتىنەن بۇرشاقتاعان تەر سورعالاعان ول ءوستىپ 7 − 8 رەت بارىپ - كەلەدى، ۋاڭ جى اياقتارىندا جان قالماعانداي سەزىنىپ، دەمالىس ۇيىنە بارىپ ەندى دەمالا بەرگەنىندە، تاعى دا تۇرعىنداردىڭ كومەك سۇراعان تەلەفونىن قابىلدادى.
ەرىكتىلەر: تۇرعىندارعا شىن پەيىلىمەن كومەكتەستى
”مەن رەكورد جاڭالاپ، حىسۋان تەكسەرىپ بولعانشا 100 قاباتقا شىعىپ - ءتۇستىم“، - دەدى 8 - ايدىڭ 25 - كۇنى قۇلجا قالاسىنداعى ەرىكتى ءبۇزوھرام مۇساجان تەلەفوندا ماقتانىشپەن، ول ەمدەۋ - كۇتىمدەۋ قىزمەتكەرلەرىنە كومەكتەسىپ حىسۋان تەكسەرىپ، ورتا ەسەپپەن كۇنىنە 16 كورپۋستاعى تۇرعىنداردىڭ حىسۋانىن تەكسەرەدى، ءبىر اينالىپ قايتىپ كەلگەندە قورعانۋ كيىمىنىڭ ىشىندەگى كيىمدەرى شىلقا سۋ بولىپ، اياق - قولدارى سىرقىراپ اۋىرىپ، اتتاپ باسا الماي قالادى.
بيىل 7 - ايدا، 22 جاستاعى ءبۇزوھرام شينجياڭ مەديتسينا داشۋەسى جوعارى دارەجەلى كاسىپتىك تەحنيكالىق شۋەيۋانىنىڭ كۇتىمدەۋ كاسىبىن تامامداپ، قۇلجا قالاسىنا قايتىپ كەلگەن بولاتىن. ىندەت تۋىلعاننان كەيىن، ول ىرىقتىلىقپەن الەۋمەتتىك اۋماققا ەرىكتى بولۋعا تىزىمدەلىپ، زاتتاردى ازىرلەپ جەتكىزەدى، ورتانى زارارسىزداندىرادى، حىسۋان تەكسەرەدى.
”شارشاپ - شالدىققان كەزدە، وزىمە ’نە ءۇشىن ەرىكتى بولۋعا تىزىمدەلدىڭ‘ دەگەن سۇراق قويامىن، مەن ەمدەۋ - كۇتىمدەۋ قىزمەتكەرلەرىنىڭ شارشاپ - شالدىقتىم دەمەستەن، بۇلجىماستان، ءار كۇنى تاباندىلىق كورسەتىپ كەلە جاتقاندىعىن كوردىم“. ءبۇزوھرام ءار جولى قورعانىس بەت قالقاسىنىڭ ارعى جاعىنان تۇرعىنداردىڭ ”راقىمەت، جاپا شەكتىڭ“ دەگەن سوزدەرىن ەستىگەن كەزدە، ەمدەۋ قىزمەتكەرىنىڭ اۋەلگى ماقساتى مەن بورىشىن سەزىنە ءتۇسىپ، ۇزدىكسىز بۇلجىماي تاباندى بولۋ سەنىمىنىڭ ءتىپتى دە بەكەمدەلە تۇسەتىندىگىن ايتتى.
8 - ايدىڭ 22 - كۇنى، قۇلجا قالاسى شىجي جيايۋان 1 - مەرزىمدىك تۇرعىندار عيماراتىنىڭ تۇرعىنى سۇڭ ليڭليڭ جازعان العىس حاتىندا: ”قالا تىنىش كۇيگە ءوتتى، سىرت جاق قۇلازىپ تۇرعانىمەن، الايدا ۆيرۋس ادامدار اراسىنداعى ۇلى سۇيىسپەنشىلىكتى وقشاۋلاي المادى، نەگىزگى ساتى كادرلارىنىڭ، ەمدەۋ - كۇتىمدەۋ قىزمەتكەرلەرىنىڭ، ەرىكتىلەردىڭ كۇندىز - ءتۇنى قورعانىش بولعانىنا العىس ايتامىن! بولىمسىز ساۋلە الاۋعا اينالادى، شەكسىز سۇيىسپەنشىلىك اينالانى مەيىرگە بولەيدى، دارقان كوڭىلىمدى كەلتە حاتتا جازىپ سيدىرا المادىم، تەك كوپشىلىك بىرگە قۇلشىنساق، ىندەتتى، ءسوز جوق، جەڭەتىنىمىزگە سەنەمىن! مەن جانە وتباسىمداعىلارىمنىڭ نەگىزگى ساتى كادرلارىنا، ەمدەۋ - كۇتىمدەۋ قىزمەتكەرلەرىنە جانە ەرىكتىلەرگە دەگەن شەكسىز العىسىمىز ءبىر پارشا حاتقا سيار ەمەس“! - دەپ جازدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
