شينجياڭ 2022 - جىلعى كۇزگى وقۋ ماۋسىمىندا مەكتەپكە قايتاتىن (وقۋعا تۇسەتىن) شينجياڭ كلاسى وقۋشىلارىن تاسىمالداۋ قىزمەتىن باستادى
2022.08.29 14:40 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جاڭ دۇڭمەي 8 - ايدىڭ 27 - كۇنى ۇرىمجىدەن حابارلايدى. ”ءبىز جولعا شىقتىق! جاڭا مەكتەپكە بارعان سوڭ، ءسوز جوق، قۇلشىنا ۇيرەنەمىن!“، - دەدى جىجياڭ ولكەسى نيڭبو ورتا مەكتەبىنىڭ تولىق ورتا 1 - جىلدىعىنا قابىلدانعان الميرا الىمجان تەبىرەنىپ. 8 - ايدىڭ 27 - كۇنى قاتىستى ولكە، قالالارداعى شينجياڭ تولىق ورتا كلاستارىنىڭ، شينجياڭ ورتا دارەجەلى كاسىپتىك كلاستارىنىڭ (تومەندە قىسقارتىلىپ ”شينجياڭ كلاسى“ دەلىنەدى) 3529 وقۋشىسى وتىرعان 3 كەزەك ارناۋلى پويەز حوتاننان جولعا شىعىپ، شاڭحايعا، جينانعا، شىن - ياڭعا بەت الىپ، وسى رەتكى ىندەت تۋىلعاننان بەرگى مەكتەپكە قايتاتىن (وقۋعا تۇسەتىن) شينجياڭ كلاسى وقۋشىلارىن تاسىمالداۋ قىزمەتىنىڭ شىمىلدىعىن اشتى.
اۆتونوميالى رايوندىق پارتكوم مەن حالىق ۇكىمەتى مەكتەپكە قايتاتىن (وقۋعا تۇسەتىن) شينجياڭ كلاسى وقۋشىلارىن تاسىمالداۋ قىزمەتىنە باسا نازار اۋدارىپ، جوعارى دەڭگەيدە ىلگەرىلەتىپ، تالاي رەت ارناۋلى تاقىرىپتىق ءماجىلىس اشىپ اقىلداسىپ، ورنالاستىرۋ جاساپ، ءار جاقتاعى كۇشتەردى سايكەستىرىپ، شينجياڭ كلاسىنداعى وقۋشىلاردىڭ مەكتەپكە قايتۋ (وقۋعا ءتۇسۋ) جاعىنداعى بوگەتتىك، قيىن ءتۇيىندى ماسەلەلەردى ىشكەرىلەي، تىڭعىلىقتى شەشتى. ماسەلەنى باعدار ەتۋگە تاباندى بولىپ، ويلاۋ ءتاسىلىن جاڭالاپ، اتا - انالاردىڭ قاجەتىنە بەيىمدەلىپ، مەملەكەتتىڭ قولداۋىنا قول جەتكىزۋگە قۇلشىنىپ، وقۋشىلاردىڭ شينجياڭنان اتتانۋ ءتاسىلىن ۇزدىكسىز جاقسارتىپ، پويەزداردىڭ اينالىم جەلىسىن قايتادان ورنالاستىرىپ، اتتانۋ بەكەتىن وقۋشىلاردىڭ اۋىلىنا دەيىن ۇزارتىپ، وقۋشىلاردىڭ پويەز اۋىستىرۋ رەت - سانىن ازايتتى.
اۆتونوميالى رايون مەكتەپكە قايتاتىن (وقۋعا تۇسەتىن) شينجياڭ كلاسى وقۋشىلارىن تاسىمالداۋدىڭ اتقارۋ جوباسىن اقىلداسىپ بەلگىلەدى، جەر - جەر، تاراۋلار ”ءبىر ايماققا ءبىر شارا“، ”ءبىر اۋدانعا ءبىر شارا“، ”ءبىر توپقا ءبىر شارا“ پرينسيبى بويىنشا، قىزمەت جوباسى مەن شۇعىل جاعدايعا توتەپ بەرۋ جوباسىن دايىندادى. اۆتونوميالى رايون مەن ءارقايسى ايماق، وبلىس، قالالار، اۋدان، قالا، رايوندار مەكتەپكە قايتاتىن (وقۋعا تۇسەتىن) وقۋشىلاردىڭ سانى مەن نەگىزگى ساندى مالىمەت ينفورماتسيالارىن دالمە - ءدال يگەرىپ، ”ءبىر قالادا ءبىر ءتىزىم بولۋدى“، ”ءبىر بەكەتتە ءبىر ءتىزىم بولۋدى“ ورىندادى. ىندەتتەن ساقتانۋ جانە ازىق - تۇلىك، ءدارى - دارمەك سياقتى زاتتاردى جەتكىلىكتى دايىنداپ، جاۋاپكەرشىلىگى كۇشتى وقىتۋشىلاردى وقۋشىلاردى جەتكىزىپ سالۋعا تاڭداپ جىبەرىپ، قاتىستى كلاس اشقان ولكە، قالالارمەن، كلاس اشقان مەكتەپتەرمەن، وكىلەتتى تۇردە وقۋ - اعارتۋدى سايكەستىرۋ قىزمەت گرۋپپاسىمەن بايلانىس جاساپ، تىلدەسىپ، كلاس اشقان مەكتەپتەردىڭ وقۋشىلاردى بەكەتتەن الىپ قايتۋ قىزمەتىن سايكەستىردى.
ءارقايسى جاقتىڭ بىرگە قۇلشىنۋىندا، مەكتەپكە قايتاتىن (وقۋعا تۇسەتىن) وقۋشىلاردى تاسىمالداۋدا وڭتۇستىك شينجياڭ اينالىم جەلىسى، سولتۇستىك شينجياڭ اينالىم جەلىسى جانە شەت جاعا اينالىم جەلىسى بويىنشا ۇيىمداستىرىپ اتقاردى. ورتا، جوعارى قاتەرلى وڭىرلەردەگى مەكتەبىنە قازىرشە قايتا المايتىن (وقۋعا تۇسە المايتىن) وقۋشىلارعا، ىندەت جاعدايى جاقسارعاننان كەيىن، اۆتونوميالى رايوندىق وقۋ - اعارتۋ مەڭگەرمەسى، جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى اقىلداسىپ، تاسىمالداۋ جوباسىن جاسايدى. وقۋشىلار شينجياڭداعى مەزگىلدە، كلاس اشقان مەكتەپتەر ءىس جۇزىندىككە ۇشتاستىرا وتىرىپ، ينتەرنەت جەلىسىندە وقىتۋ ارقىلى تەڭ قادامدا وقۋعا ورنالاستىرىپ، ساباقتان قالىپ قويماۋىنا شىنايى كەپىلدىك ەتەدى.
ابدۇليميت ياسىننىڭ ۇلى داليان قالالىق جوعارى دارەجەلى 20 - ورتا مەكتەپكە ەمتيحان بەرىپ ءوتىپتى، ول بىلاي دەدى: ”ىندەت جاعدايى سەبەبىنەن، ءبىز بالامىزدى مەكتەپكە قالاي اپارامىز دەپ باسىمىز قاتىپ وتىرعاندا، مەملەكەتىمىزدىڭ وسىنشاما جان - جاقتىلى ويلاپ، ورنالاستىرۋ جاسايتىندىعىن ويلاماعان ەكەنبىز، ءبىز بالامىزدى پويەز ۆوكزالىنا جەتكىزىپ قويساق بولعانى، ارناۋلى ادامدار مەكتەبىنە حاۋىپسىز جەتكىزىپ قويۋعا كومەكتەسەدى ەكەن، ءبىز مۇلدە الاڭسىز بولدىق“، - دەدى.
”اتا - انالار الاڭسىز بولىڭىزدار، مەن بالالارعا جاقسى قارايمىن، ولاردىڭ مۇڭ - مۇقتاجىن، قيىنشىلىعىن شەشۋگە كومەكتەسەمىن، ولاردى مەكتەبىنە حاۋىپسىز جەتكىزىپ سالامىن“، - دەدى وقۋشىلاردى باستاپ جۇرگەن وقىتۋشى، لوپ اۋداندىق 3 - ورتا مەكتەپتىڭ ءمورال تاربيەسى مەڭگەرۋشىسى كاڭ شۋاي.
ۇعىسۋعا قاراعاندا، بيىلعى تاسىمال قىزمەتى 9 - ايدىڭ 5 - كۇنى نەگىزىنەن اياقتايدى ەكەن، 36 مىڭ وقۋشىنى جەتكىزىپ سالۋ جوسپارلانۋدا، وسى بارىستا 1500گە جۋىق كادر - وقىتۋشى پويەزعا سالىپ قويۋ، جولسەرىك بولىپ جەتكىزىپ سالۋ جۇمىستارىنا ات سالىسادى ەكەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
