ايەلدەر ءىسى ارشىندى قاداممەن العا باستى
ايەلدەر پارتياعا ىلەسىپ، جاڭا جورىقتا قۇلشىنا العا باسىپ، جاڭا داۋىرگە ۇلەس قوستى (جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋ – وزگەشە 10 جىل)
«حالىق گازەتىنىڭ» ءتىلشىسى ياڭ حاۋ
2022.08.26 16:35 كەلۋ قاينارى : حالىق تورابى
«دامۋ ايەلدەردەن ايرىلا المايدى، دامۋ ايەلدەردى قامتىعان جالپى حالىقتى يگىلىككە كەنەلتەدى». 2015 - جىلى 9 - ايدا مەملەكەت ءتوراعاسى شي جينپيڭ دۇنيە جۇزىلىك ايەلدەر باس قوسۋىندا وسىلاي دەپ اتاپ كورسەتتى.
پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى ايەلدەر ىستەرىنىڭ دامۋىنا ايرىقشا ءمان بەرىپ، ايەلدەردىڭ دەموكراتيالىق ۇقىعىن زاڭ بويىنشا تەڭ تۇرعىدا جۇرگىزۋىن، ەكونوميكالىق، قوعامدىق دامۋعا تەڭ تۇرعىدا ات سالىسۋىن، رەفورما، دامۋ جەتىستىكتەرىنەن تەڭ يگىلىكتەنۋىن ىلگەرىلەتىپ، جۇڭگونىڭ ايەلدەر ىستەرىنىڭ دامۋىن باستان - اياق دۇرىس ساياسي بەتالىسپەن ارشىندى قاداممەن العا باسۋعا جەتەكتەدى.
10 جىلدان بەرى ەلىمىزدىڭ ايەلدەر ىستەرىنىڭ ساپالى دامۋىندا تىڭ قادام تاستالدى، سان ميلليونداعان ايەل پارتيانىڭ سوزىنە قۇلاق اسىپ، پارتياعا ىلەسىپ، باس شۋجي شي جينپيڭنىڭ ۇندەۋىنە بەلسەنە ءۇن قوسىپ، ۇلى ىستەردىڭ قۇرۋشىسى، وركەنيەتتى سالتتىڭ دارىپتەۋشىسى، ارمانعا تالپىنۋدىڭ كۇرەسكەرى بولۋعا قۇلشىندى.
ءتۇزىم ارقىلى قورعالدى
ەكونوميكالىق، قوعامدىق دامۋدىڭ جالپى جاعدايىندا ايەلدەر ءىسى جوسپارلاندى
كەدەي وتباسى مۇشەسىنەن اۋقاتتانۋدىڭ باستاماشىسىنا اينالعان شانشيدەن كەلگەن كەدەيلىكتەن ارىلتۋدان قامال الۋ مەملەكەتتىك سيلىعىنىڭ يەگەرى ۋاڭ شيليڭ «ەڭ ماڭىزدىسى، ءوز كۇشىنە سۇيەنىپ، ءوزىن الۋەتتەندىرۋ كەرەك» دەگەن ءبىر اۋىزءسوزبەن ءوزىنىڭ جۇرەك ءلۇپىلىن اڭعارتتى. ول ءوزىنىڭ ارمان قۋۋ جولىنىڭ جاڭا ءداۋىر جۇكتەگەن كەڭ ساحنادان ايرىلا المايتىنىن ابدەن بىلەدى.
− تۋ ۇستاپ، باعدار بەلگىلەپ، سالالارعا باعىت نۇسقادى. پارتيانىڭ 18 - قۇرىلتايىنان بەرى باس شۋجي شي جينپيڭنىڭ ايەلدەر جانە ايەلدەر قىزمەتى جونىندەگى ماڭىزدى نۇسقاۋى جاڭا داۋىردەگى جۇڭگونىڭ ايەلدەر ىستەرىنىڭ دامۋىنا ايقىن العا باسۋ بەتالىسىن كورسەتتى.
«ەر - ايەل تەڭدىگى سىندى نەگىزگى مەملەكەت ساياساتىندا تاباندى بولىپ، ايەلدەر مەن بالالاردىڭ زاڭدى ۇقىق - مۇددەسىن قامتاماسىز ەتۋ» پارتيانىڭ 18 - قۇرىلتايىنىڭ، 19 - قۇرىلتايىنىڭ بايانداماسىنا ەنگىزىلدى؛ پارتيا 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسى: «ەر - ايەل تەڭدىگىن، ايەلدەردىڭ جان - جاقتى دامۋىن جەبەيتىن ءتۇزىم - مەحانيزمدە تاباندى بولۋ جانە ونى كەمەلدەندىرۋ» دەگەندى ايقىن العا قويدى؛ «وتباسى تاربيەسى، وتباسى ستيلى قۇرىلىسىنا ءمان بەرىپ، ايەلدەر مەن بالالاردىڭ ۇقىق - مۇددەسىن قامتاماسىز ەتۋ» پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ قاۋلىسىنا ەنگىزىلدى.
− ۇزاق بولاشاقتىق جوسپار ناقتى دا ءونىمدى بولدى. «13 - بەسجىلدىق»، «14 - بەسجىلدىق» جوبا باعدارلامالارىندا ايەلدەر مەن بالالار جانە وتباسى ىستەرىنىڭ دامۋىن جەبەۋ جونىندە ورنالاستىرۋ جاسالىپ، ەكونوميكالىق، قوعامدىق دامۋمەن بىرگە جوبالاۋ، بىرگە اتقارۋ، بىرگە تياناقتاندىرۋ نەگىزى ۇزدىكسىز بەكەمدەلدى.
مەملەكەتتىك كەڭەس جاڭا كەزەكتى جۇڭگو ايەلدەرىنىڭ دامۋ باعدارلاماسىن جاساپ جانە اتقارىپ، دەنساۋلىق، وقۋ - اعارتۋ، ەكونوميكا سياقتى سالالاردا ايەلدەردىڭ دامۋ نىساناسى مەن تاكتيكالىق شارالارىن بەلگىلەدى، مەملەكەت پەن جەرگىلىكتى ءار دارەجەلى ايەلدەر مەن بالالار قىزمەت كوميتەتتەرى باعدارلامانىڭ اتقارىلۋىن ىلگەرىلەتۋگە بەلسەنە ۇيىمداستىردى، پارتكوم باسشىلىق ەتەتىن، ۇكىمەت جاۋاپتى بولاتىن، ايەلدەر مەن بالالار قىزمەت كوميتەتى سايكەسەتىن، كوپ تاراۋ سەلبەسەتىن، تۇتاس قوعام ات سالىساتىن ايەلدەر قىزمەتى مەحانيزمى ونان ارى بەكەمدەلدى.
− زاڭمەن جونگە سالۋ ارقىلى قامتاماسىز ەتۋ اناعۇرلىم بەكەمدەلدى. ەلىمىز 100 دەن استام زاڭ - ەرەجەنى قامتىعان ايەلدەردىڭ ۇقىق - مۇددەسىن جاپپاي قامتاماسىزداندىراتىن زاڭ جۇيەسىن قۇردى. جاڭا جۇڭگو تاريحىنداعى تۇڭعىش زاڭناما − ازاماتتىق زاڭنامادا ايەلدەردىڭ ۇيلەنۋ، وتباسى ۇقىق - مۇددەسىن قامتاماسىزداندىرۋ دارىپتەلدى؛ تۇڭعىش رەتكى وتباسى زورلىق - زومبىلىعىنا قارسى تۇرۋ زاڭىندا ايەلدەردىڭ وتباسىداعى باس اماندىق ۇقىعىن ءونىمدى قورعاۋعا مۇمكىندىك جاسالدى؛ وتباسى تاربيەسىن جەبەۋ زاڭى جاريالانىپ، مەملەكەت پەن قوعامنىڭ وتباسى تاربيەسىنە جەتەكشىلىك ەتۋى، قولداۋ كورسەتۋى جانە قىزمەت وتەۋى ايقىندالدى؛ اۋىل - قىستاق جەرىن كوتەرمەگە الۋ زاڭىنا وزگەرىس ەنگىزىلىپ، اۋىل - قىستاق ايەلدەرىنىڭ جەر ۇقىق - مۇددەسىن زاڭدىق قامتاماسىزداندىرۋ نەگىزى كەمەلدەندىرىلدى؛ مەملەكەت دەڭگەيىندە جانە 31 ولكە، اۆتونوميالى رايون، توتە قاراستى قالادا زاڭ - ەرەجە، ساياسات تۇرعىسىنان ەرلەر مەن ايەلدەردى تەڭ دارەجەدە باعالاۋ مەحانيزمى ورناتىلىپ، ايەلدەردىڭ ۇقىق - مۇددە جاعىنداعى زاڭمەن باسقارۋ قالتقىسى اناعۇرلىم بەكەمدەلدى.
جان - جاقتى دامۋ
ايەلدەر ءىسى تاعى دا تىڭ ساتىعا كوتەرىلدى
10 جىلدان بەرى ايەلدەردىڭ نەگىزگى ەمدەۋدەن جانە قوعامدىق قامتاماسىزداندىرۋدان يگىلىكتەنۋىن ىلگەرىلەتۋدەن ايەلدەردىڭ ەكونوميكالىق، قوعامدىق دامۋعا كەڭ كولەمدە ات سالىسۋىنا قولداۋ كورسەتۋگە دەيىن، جۇڭگونىڭ ايەلدەر ىستەرى كەڭ دامۋ كەڭىستىگىنە يە بولىپ، شۇعىلالى دامۋ بولاشاعىن ايگىلەدى.
− سالاماتتىق باقىتى قالىڭ ايەلدەرگە يگىلىك جەتكىزدى. قازىر ايەلدەردىڭ ورتاشا عۇمىرى 80.88 جاسقا جەتتى؛ 2021 - جىلى جۇكتى ايەلدەردىڭ كوز جۇمۋ شاماسى 100 مىڭدا 16.1 گە تومەندەدى؛ مەملەكەت اۋىل - قىستاق ايەلدەرىندەگى «ەكى راكتى» تەكسەرۋ نىسانىن اتقاردى، 2020 - جىلعا دەيىن جاتىر مويىن راگى 130 ميلليون ادام – رەت، ومىراۋ راگى 64 ميلليون ادام - رەتتەن استام اقىسىز تەكسەرىلدى.
− ەكونوميكالىق، قوعامدىق دامۋداعى جارتى الەمنىڭ رولى ايگىلەندى. مەملەكەتتىك 8 - ناۋرىز قىزىلتۋشىسى، گۇيجوۋدىڭ كەستەشى بويجەتكەنى شى ليپيڭ 8 جىل ۋاقىت جۇمساپ، تاۋ اراسىنا بارىپ، كەستە ۇلگىسىن جيناپ، كەستەشىلىك ۇيىرمەسىن قۇرىپ، جەرگىلىكتى ورىنداعى اپەكە - سىڭلىلەردىڭ يگىلىك جاراتىپ، جۇمىسقا ورنالاسۋىنا جەتەكشىلىك ەتتى.
10 جىلدان بەرى بۇكىل ەلدەگى ايەل جۇمىستانۋشىلاردىڭ تۇتاس قوعامدا جۇمىستانعانداردىڭ اراسىنداعى سالىستىرماسى %40 تەن استى. ايەلدەر كوپ بولىپ يگىلىك جاراتۋدىڭ، جالپى جۇمىلىپ جاڭالىق اشۋدىڭ ماڭىزدى كۇشىنە اينالدى، ينتەرنەت سالاسىنداعى كاسىپ اشۋشىلاردىڭ ىشىندە ايەلدەر %55 تى ۇستادى. 2021 - جىلى بۇكىل ەلدەگى عىلىم - تەحنيكا قىزمەتكەرلەرىنىڭ ىشىندە ايەلدەر شامامەن %45.8 تى ۇستاعان.
− وقۋ - اعارتۋدىڭ دامۋى ايەلدەردىڭ ارمانعا تالپىنۋىنا دەم بەرەدى. شيزاڭنىڭ داڭشيۇڭ اۋدانىنان كەلگەن يۇيجوما جۇڭگو بالالار - ورەندەر قور قوعامى اتقارعان «قاۋاشاق جوسپارىنىڭ» كومەگىندە باستاۋىش مەكتەپتەن داشۋەگە دەيىنگى وقۋىن ءساتتى وقىپ، اسكەرگە قاتىناسقاننان كەيىن، جاۋىنگەر سەرىگىمەن بىرگە مەيىر باعىشتاۋ قيمىلىن دا ورىستەتتى.
قازىر ەلىمىزدىڭ مىندەتتى وقۋ - اعارتۋ ساتىسىنداعى جىنىستىق پارىق نەگىزىنەن جويىلدى، جوعارى دارەجەلى وقۋ - اعارتۋدىڭ تولىق كۋرس، ارناۋلى كۋرس وقۋشىلارىنىڭ ىشىندە قىز وقۋشىلاردىڭ سالىستىرماسى جوعارىلاپ، %50 تەن استى، ايەلدەردىڭ وزىنە دەگەن سەنىمى بارعان سايىن كۇشەيدى.
− ايەلدەردىڭ شەشىم جاساۋعا، باسقارۋعا قاتىناسۋىنىڭ بولاشاعى زور. ايەلدەر شەشىم جاساۋعا، كاسىپورىنداردى دەموكراتيالىق جولمەن باسقارۋعا جانە نەگىزگى ساتىلاردى دەموكراتيالىق جولمەن باسقارۋعا اناعۇرلىم كەڭ كولەمدە قاتىناسۋدا. ساندى مالىمەتتە كورسەتىلۋىنشە، مەملەكەتتىك 13 - كەزەكتى حالىق قۇرىلتايىنىڭ ايەل ۋاكىلدەرى جالپى ۋاكىلدەر سانىنىڭ %24.9 ىن، ساياسي كەڭەس مەملەكەتتىك 13 - كەزەكتى كوميتەتىنىڭ ايەل مۇشەلەرى جالپى مۇشەلەر سانىنىڭ %20.4 ىن ۇستاعان؛ 2022 - جىلى مەملەكەت بويىنشا قىستاق «ەكى كوميتەتتەرى» كەزەك اۋىستىرعاننان كەيىن، ءاربىر قىستاق باسشىلىق القاسىندا كەمىندە ءبىر ايەل مۇشە بولعان. تۇرعىندار كوميتەتى مۇشەلەرىنىڭ ىشىندە ايەلدەردىڭ سالىستىرماسى تەڭ جارىمى اينالاسىندا بولعان.
− ايەلدەردىڭ قوعامدىق قامتاماسىزداندىرۋ ورەسى ۇزدىكسىز جوعارىلادى. 2020 - جىلدىڭ سوڭىندا تۋىت قامسىزداندىرۋىنا قاتىناسقان ايەلدەردىڭ سانى 103 ميلليون بولىپ، 2010 - جىلداعىدان 49 ميلليون 310 مىڭ ادام كوبەيگەن، بۇكىل ەل بويىنشا ايەلدەردىڭ نەگىزدىك ەمدەۋ قامسىزداندىرۋىنا قاتىناسۋ مولشەرى 650 ميلليون ادام بولعان.
...
توپ – توپ ساندى مالىمەتتەردىڭ استارىندا «ايەلدەردىڭ ساياسي، ەكونوميكالىق قيمىلدارعا قاتىناسۋ قابىلەتىن كۇشەيتىپ، ايەلدەردىڭ شەشىم جاساۋعا، باسقارۋعا قاتىناسۋ ورەسىن جوعارىلاتىپ، ايەلدەردى ساياسي، ساۋدا، عىلىم سالاسىنداعى سەركەلەرگە اينالدىرۋ كەرەك» دەگەن كەلەلى ورنالاستىرۋ جاتىر، بۇل قازىر ىشكەرىلەي تياناقتانۋدا.
ارادا 10 جىل وتكەندە ەلىمىزدەگى تۇڭعىش ايەل عارىشكەر ليۋ ياڭ تاعى دا جورىققا اتتانىپ، شىنجوۋ 14 – ءنومىرلى الەم كەمەسىنىڭ ادام الىپ ۇشۋ مىندەتىن اتقارىپ، وتاننىڭ داڭقىن الەم كەڭىستىگىنە جازدى؛ «1 - شىلدە وردەنىنىڭ» يەگەرى جاڭ گۇيمەي يۇنناننىڭ باتىس تاۋلى رايونىندا مەملەكەت بويىنشا تۇڭعىش ۇكىمەت باسقارۋىنداعى اقىسىز قىزدار ورتا مەكتەبىن قۇرىپ، 2 مىڭعا جۋىق قىز بالانىڭ تاۋ قويناۋىنان شىعىپ، داشۋە وقۋ ارمانىن ىسكە اسىرۋىنا كومەكتەستى... اۋىل - قىستاقتى گۇلدەندىرۋ، عىلىم - تەحنيكادا جاڭالىق اشۋ، ىندەتتەن ساقتانۋ - تىزگىندەۋ، نەگىزگى ساتىنى جونگە سالۋ سياقتى سالالاردا جاڭا داۋىردەگى جۇڭگو ايەلدەرى تاپسىرىقتى ەستە بەرىك ساقتاپ، ەرلىكپەن العا ۇمتىلىپ، مويىماس تاباندىلىقپەن العا باسىپ، جاڭا داۋىردەگى ايەلدەردىڭ شۇعىلالى داستانىن جازدى.
رەفورما جاساپ، جاڭالىق اشتى
ايەلدەر قىزمەتى تاسقىنداعان ومىرشەڭدىك كۇشكە يە بولدى
مەملەكەتتىك ايەلدەر بىرلەستىگىنىڭ قاتىستى جاۋاپتىسى بىلاي دەپ تانىستىردى: شاڭحاي مەن چۇڭچيڭدە تۇيىندە سىناق ەتۋدەن باستاپ، ايەلدەر بىرلەستىگى رەفورماسىن تەرەڭدەتۋ اياق الىسى تەز، ورنىقتى بولدى، ءار دارەجەلى ايەلدەر بىرلەستىگى ايەلدەرگە قىزمەت وتەۋ، بايلانىس جاساۋ قىزمەت مەحانيزمىن ۇزدىكسىز كەمەلدەندىرىپ، ساياسي سيپاتتى، العاباسارلىق سيپاتتى، بۇقارالىق سيپاتتى ۇزدىكسىز كۇشەيتتى.
− نازاردى يدەيالىق جەتەكشىلىككە شوعىرلاندىردى، ايەلدەر بىرلەستىگى ايەلدەردىڭ يدەياسىنا جەتەكشىلىك ەتۋ قىزمەتىندە رەفورما نەگىزىندە جاڭالىق جاراتتى، جەلى ءىشى - سىرتىن سايكەستىرىپ، «جەلەكتىلەردىڭ جۇرەگى پارتيا دەپ سوعادى» جەلىلەس بۇقارالىق تاقىرىپتىق ۇگىت - تاربيە قيمىلىن ۇزدىكسىز ورىستەتىپ، «ءجۇز ميلليونداعان جەلەكتىلەر ۇگىت – لەكسياسىن» ورىستەتىپ، ايەلدەردىڭ اراسىنداعى ءتۇرلى وزات تيپتەردى كۇش سالا تاڭداپ، ۇگىتتەپ، «جەلەكتىلەردىڭ قاۋىرت ۇيرەنۋى» سياقتى ارناۋلى ايدارلاردى جاسامپازدىقپەن شىعارىپ، قالىڭ ايەلدەردى پارتيانىڭ سوزىنە قۇلاق اسۋعا، پارتياعا ىلەسۋگە ىنتىماقتاستىردى جانە جەتەكتەدى.
− نازاردى دامۋدىڭ جالپى جاعدايىنا قىزمەت وتەۋگە شوعىرلاندىردى. ايەلدەر بىرلەستىگى ۇيىمدارى جەلەكتىلەردىڭ كەدەيلىكتەن ارىلۋ ارەكەتى، يگىلىك جاراتۋ، جاڭالىق اشۋ جەلەكتىلەر ارەكەتى، اۋىل - قىستاقتى گۇلدەندىرۋ جەلەكتىلەر ارەكەتى، عىلىم - تەحنيكادا جاڭالىق اشۋ جەلەكتىلەر ارەكەتى سياقتى جەلەكتىلەردىڭ ەڭبەك كورسەتۋ جەلىلەس قيمىلدارىن كەڭ كولەمدە ورىستەتىپ، ءار دارەجەلى، ءار تۇردەگى اۋىل - قىستاق قولدانىلمالى تەحنيكا تاربيەسىن 200 مىڭنان استام كەزەك وتكىزدى، 20 ميلليون ادام – رەتكە جۋىق ايەل تاربيەلەندى، 5 ميلليوننان استام ايەلدىڭ كىرىستى ارتتىرىپ، اۋقاتتانۋىنا دەم بەرىلدى؛ «بارشا وتباسى باقىتتى، الاڭسىز بولۋ ينجەنەرياسى»، «سالاماتتى جۇڭگو انالار ارەكەتى» سياقتىلاردى اتقارىپ، «ەڭ تاڭداۋلى وتباسىنى» ىزدەۋ قيمىلىن ۇدايىلاندىرىپ ورىستەتىپ، وتباسى تاربيەسىنە جەتەكشىلىك ەتۋ، قىزمەت وتەۋ تورابىن بەلسەنە قۇرىپ، ءار دارەجەلى، ءار تۇردەگى «ەڭ تاڭداۋلى وتباسىلاردان» 13 ميلليون 170 مىڭ وتباسى جارىققا شىقتى، 5 ميلليون 530 مىڭ ءار دارەجەلى «بەستە جاقسى وتباسى» باعالانىپ، ماداقتالدى، الەۋمەتتىك اۋماق اتا - انالار مەكتەبىنەن 410 مىڭنان استامى قۇرىلدى، 280 ميلليون اتا - انا مەن بالا اتا – انا مەن بالا كىتاپتى بىرگە وقۋ قيمىلىنا قاتىناسۋعا باۋرالدى؛ جۇڭگوشا ءىرى ەلدىك ديپلوماتياعا قىزمەت وتەلىپ، 145 مەملەكەتپەن، 420 دان استام ۇيىممەن جانە قۇرىلىممەن دوستىق بارىس - كەلىس جالعاستىرىلدى.
− نازار ايەلدەرگە قىزمەت وتەۋگە اۋدارىلدى، ايەلدەر بىرلەستىگى ازاماتتىق زاڭناما، ايەلدەردىڭ ۇقىق - مۇددەسىن قامتاماسىزداندىرۋ زاڭى سياقتى زاڭ - ساياساتتاردى جاساۋعا، وعان وزگەرىس ەنگىزۋگە بەلسەنە ات سالىسىپ، وتباسى زورلىق - زومبىلىعىنا قارسى تۇرۋ زاڭىنىڭ، وتباسى تاربيەسىن جەبەۋ زاڭىنىڭ دايەكتى اتقارىلۋىن ىلگەرىلەتىپ، قايشىلىقتاردى اداقتاۋ، داۋ - شاردى جاراستىرۋ، زاڭدىق كومەكتەسۋ، قامقورلىق جاساۋ، قىزمەت وتەۋ ءبىر تۇلعالانعان جالپىلىق ۇقىق قورعاۋ قىزمەت وتەۋ ۇلگىسىن ورناتىپ جانە كەمەلدەندىرىپ، ايەلدەردىڭ حالىق تۇرمىسى نىساندارىن بارعان سايىن ناقتىلاندىردى.
− نازاردى نەگىزگى ساتى ايەلدەر بىرلەستىگى رەفورماسىنا نازار اۋداردى، قىستاق (الەۋمەتتىك اۋماق) ايەلدەر قۇرىلتايى ايەلدەر بىرلەستىگى، اۋىل - قالاشىق (ءمالى) ايەلدەر بىرلەستىگى ۇيىمدارىن وڭىرلەندىرۋ قۇرىلىسى، اۋدان دارەجەلى ايەلدەر بىرلەستىگى رەفورماسىندا «قيىندىقتى جەڭۋ»، جاڭا سالادا ايەلدەر بىرلەستىگى ۇيىمىن قۇرۋ سياقتىلار ارقىلى 2021 - جىلدىڭ سوڭىنا دەيىن، مەملەكەتتىك نەگىزگى ساتى ايەلدەر بىرلەستىگىنىڭ اتقارۋ كوميتەتى 7 ميلليون 700 مىڭنان، ءار دارەجەلى «ايەلدەر ءۇيى» 700 مىڭنان اسىپ، نەگىزگى ساتى قىزمەتىنىڭ كۇشى ونان ارى زورايدى.
الدا ۇزاق جورىق تۇر، تەك كۇرەس جاساۋعا تۋرا كەلەدى. جۇڭگو حيكاياسىنىڭ ايەل باس كەيىپكەرلەرى اسقاق جىگەرمەن العا باسىپ، جۇدىرىقتاي جۇمىلىپ، ىنتىماقتاسا كۇرەس جاسايتىن ءداۋىر ۇندەۋىندە جاڭا داۋىرلىك شۇعىلالى تابىستار جاراتىپ، جاڭا تاريحي ۇلى ىستەردى سومداپ، جەلەكتىلەردىڭ قۇدىرەتتى كۇشىن ۇيىستىرۋدا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
