شاڭحاي، جياڭسۋ، جىجياڭ، انحۇي 3 ولكە، ءبىر قالا تىعىز سەلبەسىپ، ءوز ارتىقشىلىقتارىن ساۋلەلەندىرىپ، سايكەسە كۇش سالدى
چاڭجياڭ اتىراۋى ءبىر تۇلعالانعان ساپالى دامۋدى تىڭعىلىقتى ىلگەرىلەتتى
2022.08.24 16:30 كەلۋ قاينارى : حالىق تورابى
«حالىق گازەتى»، 8 - ايدىڭ 23 – كۇنى، شاڭحاي (تىلشىلەر ليۋ شى - ان، جۇي يۇنپىڭ). 8 - ايدىڭ ورتا شەنىندە 2022 - جىلعى چاڭجياڭ اتىراۋى G60 عىلىم - تەحنيكا جاسامپازدىعى ءدالىزى عىلىم - تەحنيكا جەتىستىكتەرىن باسەكەلەستىرە ساتۋ جينالىسىنىڭ جاسالعان ساۋدا سوماسى 327 ميلليون يۋان بولىپ، جاڭا كەزەكتى عىلىم - تەحنيكا جەتىستىكتەرىنىڭ جالپى ساۋدا سوماسى 5 ميلليارد يۋاننان اسىپ، وتكەن جىلعى ءبىر ميلليارد 23 ميلليون يۋاننان الدەقايدا جوعارى بولدى. عىلىم - تەحنيكادا جاڭالىق اشۋ فاكتورلارىنىڭ جەدەل شوعىرلانۋى چاڭجياڭ اتىراۋىن ءبىر تۇلعالاندىرىپ ساپالى دامىتۋدىڭ نىق قادامىن ايگىلەدى.
2020 - جىلى 8 - ايدا باس شۋجي شي جينپيڭ چاڭجياڭ اتىراۋىنىڭ ءبىر تۇلعالانىپ دامۋىن تىڭعىلىقتى ىلگەرىلەتۋ جونىندەگى اڭگىمە ماجىلىسىنە بىلاي دەپ دارىپتەدى: چاڭجياڭ اتىراۋى ءوڭىرىنىڭ مەملەكەتتىڭ ەكونوميكالىق، قوعامدىق دامۋىنداعى ورنى مەن رولىن جەتە تانىپ، چاڭجياڭ اتىراۋىن ءبىر تۇلعالاندىرىپ دامىتۋدا ءدوپ كەلگەن جاڭا جاعدايمەن، جاڭا تالاپپەن ۇشتاستىرىپ، نىسانانى، ماسەلەنى نىشان ەتۋدى ءوزارا بىرلىككە كەلتىرۋدە تاباندى بولىپ، ءبىر تۇلعالاندىرۋ مەن ساپالى بولۋ دەگەن ەكى ءتۇيىندى ءسوزدى تىعىز ارقاۋ ەتىپ، ءتۇيىندى قىزمەتتەردى ويداعىداي يگەرىپ، شىنايى يگەرىپ، ناقتى ىستەپ، قاجىرلىلىقپەن ىستەپ، چاڭجياڭ اتىراۋىنىڭ ءبىر تۇلعالانىپ دامۋىن ىلگەرىلەتۋدە ۇزدىكسىز ونىمدىلىككە قول جەتكىزۋ كەرەك.
چاڭجياڭ اتىراۋى وڭىرىندەگى 41 قالادا 138 اكىمشىلىك قىزمەت وتەۋ ءىسىن ولكە، قالا اتتاپ بىتىرۋدەن چاڭجياڭ اتىراۋى مەملەكەتتىك تەحنيكادا جاڭالىق اشۋ ورتالىعىن سەلبەسىپ بىرگە قۇرۋعا، ودان چاڭجياڭ اتىراۋىنىڭ ەكولوگياسىن جاسىل ءبىر تۇلعالاندىرىپ دامىتۋدان ۇلگى كورسەتۋ رايونىنداعى 38 ءتۇرلى تۇزىمدىك جاڭالىق اشۋ جەتىستىگىن چاڭجياڭ اتىراۋىنا جانە بۇكىل ەلدەگى باسقا دا شارت - جاعدايى بار ءتۇيىندى وڭىرلەرگە كوشىرىپ جالپىلاستىرۋعا دەيىن ... شاڭحاي، جياڭسۋ، جىجياڭ، انحۇي 3 ولكە، ءبىر قالا باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ءبىر تۇلعالانۋ مەن ساپالى بولۋ دەگەن ەكى ءتۇيىندى ءسوزدى تىعىز ارقاۋ ەتىپ، قول ۇستاسىپ، ارتىقشىلىقتارىن ايگىلەپ، سايكەستى كۇش سالىپ، دامۋدىڭ قوزعاۋشى كۇشىن ونان ارى ارتتىرىپ، العا باسۋدىڭ ونىمدىلىگىن ونان ارى كورنەكتىلەندىردى.
عىلىم - تەحنيكادا جوعارى دەڭگەيدەگى ءوزىن - ءوزى الۋەتتەندىرۋدى ىلگەرىلەتتى. 3 ولكە، ءبىر قالا جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، ستراتەگيالىق عىلىم - تەحنيكا كۇشتەرىن بىرگە نىعايتىپ، كەلەلى عىلىم - تەحنيكا نەگىزدىك قۇرىلعىلارىنىڭ ورنالاسۋىن ساپالىلاندىرىپ، عىلىم - تەحنيكادا جاڭالىق اشۋ سەلبەستىك تۇعىرىن ورناتىپ، عىلىم - تەحنيكا بايلىعىن اشىق ۇستاۋدى، بىرگە يگىلىكتەنۋدى جەدەلدەتتى. شاڭحاي جاڭجياڭ جوعارى عىلىم - تەحنيكا باقشا رايونىنا ورنالاسقان چاڭجياڭ اتىراۋى مەملەكەتتىك تەحنيكالىق جاڭالىق اشۋ ورتالىعىن شاڭحاي، جياڭسۋ، جىجياڭ، انحۇي سەلبەسىپ بىرگە قۇرعان، مۇنداعى ماقسات چاڭجياڭ اتىراۋىنىڭ «ءوندىرۋ، وقىتۋ، زەرتتەۋ، قولدانۋ» ىشكەرىلەي توعىسقان جاڭالىق اشۋ تورابى مەن مەملەكەتتىڭ تەحنيكالىق جاڭالىق اشۋ جۇيەسىنىڭ ستراتەگيالىق ءتۇيىنىن قالىپتاستىرىپ، جوعارى دەڭگەيلى تەحنيكالىق قامداۋ ارقىلى وڭىرلىك ساپالى دامۋعا تىرەك بولۋ. 2021 - جىلى چاڭجياڭ اتىراۋى ءوڭىرى 137 مەملەكەتتىك عىلىم - تەحنيكا سيلىعىن الىپ، بۇكىل ەل بويىنشا سالىستىرماسى %50 تەن استى؛ 182 مىڭ تاپقىرلىق پاتەنتىنە يە بولىپ، بۇكىل ەل بويىنشا شامامەن %26 ىن ۇستادى؛ مەملەكەتتىڭ ءتۇيىندى تاجىريبەحانالارىنىڭ سانى 104 كە جەتىپ، بۇكىل ەل بويىنشا %20 تى ۇستادى. «چاڭجياڭ اتىراۋى ءوڭىرى ءبىر تۇلعالانعان وي جەلىسى مەن شارالار ارقىلى جاڭالىق اشۋ فاكتورلارىنىڭ اناعۇرلىم كەڭ كولەمدە ىركىلىسسىز اعىلۋىن پارمەندى ىلگەرىلەتتى» دەدى چاڭجياڭ اتىراۋى مەملەكەتتىك تەحنيكادا جاڭالىق اشۋ ورتالىعىنىڭ مەڭگەرۋشىسى ليۋ چيڭ.
دۇنيە جۇزىلىك كاسىپ شوعىرىن قالىپتاستىردى. ينتەگرالدى تىزبەك، بيولوگيالىق ءدارى - دارمەك، جاساندى زەردە سياقتى ستراتەگيالىق جاڭادان گۇلدەنگەن كاسىپتەر مەن وزىق جاساۋ كاسىبىن ارقاۋ ەتىپ، چاڭجياڭ اتىراۋى ءوڭىرى ابزال كاسىپ شوعىرىن كۇش سالا قالىپتاستىرىپ، دۇنيە جۇزىلىك قۇن تىزبەگىندەگى ورنىن ۇزدىكسىز جوعارىلاتتى. قازىر چاڭجياڭ اتىراۋى وڭىرىندەگى ينتەگرالدى تىزبەك كاسىبىنىڭ كولەمى بۇكىل ەلدىكىنىڭ %58.3 ىن، بيولوگيالىق دارىلەر مەن جاساندى زەردە كاسىبىنىڭ كولەمى بۇكىل ەلدىكىنىڭ شامامەن ۇشتەن ءبىرىن ۇستايدى. بىلتىر چاڭجياڭ اتىراۋى وڭىرىندەگى ينتەگرالدى تىزبەك، بيولوگيالىق ءدارى - دارمەك، جاڭا ەنەرگيالى اۆتوموبيل، جاساندى زەردە سىندى 4 ءىرى كاسىپ تىزبەگى وداعى ماڭدايشالىقتارىن اشتى. شاڭحاي، جياڭسۋ، جىجياڭ، انحۇي كاسىپ تىزبەگى مەن قامداۋ تىزبەگىن ءوڭىر اتتاپ سايكەستىرۋ مەحانيزمىن كەمەلدەندىرىپ، كاسىپ تىزبەگىندە تىزبەكتى تولىقتاۋ، بەكەمدەۋ، نىعايتۋ قيمىلىن جەدەل ىلگەرىلەتىپ، قۇلتەمىر، جاڭاشا ەلەكتر جابدىقتارى، ەنەرگيا ۇنەمدەۋ جانە جاڭا ەنەرگيالى اۆتوموبيل سياقتى كاسىپ تىزبەگىن زەرتتەۋدى بىرلەسىپ ورىستەتتى.
رەفورما جاساپ، ەسىك اشۋدىڭ تىڭ بيىگىن قالىپتاستىردى. چاڭجياڭ اتىراۋى ءوڭىرى ەسىك اشۋ سەلبەستىگىن ۇزدىكسىز تەرەڭدەتىپ، وڭىرلىك ساۋدا ورتاسىن ساپالىلاندىرىپ، حالىقارالىق باسەكە سەلبەستىگىنىڭ جاڭا ابزالدىعىن ۇزدىكسىز كۇشەيتتى. بىلتىر 5 - ايدا چاڭجياڭ اتىراۋى ەركىن ساۋدا سىناق رايونى وداعى قۇرىلىپ، 3 ولكە، ءبىر قالانىڭ ەركىن ساۋدا سىناق رايونىنىڭ ىشكەرىلەي سەلبەستىگى بەلسەنە ىلگەرىلەتىلدى. 2021 - جىلى شاڭحاي، جياڭسۋ، جىجياڭ، انحۇي ەركىن ساۋدا سىناق رايونىنىڭ زات يمپورت - ەكسپورت جالپى سوماسى 3 تريلليون 100 ميلليارد يۋانعا جەتىپ، مەملەكەتتىك ەركىن ساۋدا سىناق رايونىنىڭ %46.2 ىن ۇستادى؛ ناقتى پايدالانىلعان شەتەل قارجىسى 104 ميلليارد 260 ميلليون يۋان بولىپ، بۇكىل ەلدەگى ەركىن ساۋدا سىناق رايونىنىڭ %48.9 ىن ۇستادى. حۇڭچياۋ حالىقارالىق ەسىك اشۋ تورابى چاڭجياڭ اتىراۋىنىڭ رەفورمانى تەرەڭدەتۋىن، سەلبەسىپ ەسىك اشۋىن جەبەپ، چاڭجياڭ اتىراۋىنىڭ %2 كە جەتپەيتىن وڭىرلىك كولەمىن يەلەگەن جاعدايدا ەكونوميكانىڭ جالپى مولشەرىنە %10 كە جۋىق ۇلەس قوستى.
ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاۋعا كۇش سالىپ، چاڭجياڭ اتىراۋىنداعى 3 ولكە، ءبىر قالا بۇكىل ەلدىڭ ەكونوميكاسىن ورنىقتىرۋعا بەلسەندى ۇلەس قوستى. ساناق ساندى مالىمەتىندە كورسەتىلۋىنشە، 2021 – جىلى چاڭجياڭ اتىراۋى رايونىنىڭ ءوندىرىس جالپى ءونىم قۇنىنىڭ بۇكىل ەلدەگى سالىستىرماسى %24.1 كە جەتكەن، زەرتتەۋ – اشۋ قاراجاتى ۇسىنىلىمى %29.8 تى ۇستاعان، يمپورت – ەكسپورت جالپى سوماسى %36.1 تى ۇستاعان، تۇراقتى مۇلىككە قوسىلعان قارجىنىڭ سايكەس مەزگىلدەگى ارتۋ قارقىنى بۇكىل ەلدىكىنىڭ ورتاشا ارتۋ قارقىنىنان 3.2 پايىز جوعارى بولعان.
«اناعۇرلىم ساپالى ءبىر تۇلعالانۋ ارقىلى وسىزامانداندىرۋ قۇرىلىسىنىڭ جاڭا امالياتىنا دەم بەرىپ، ءبىر تۇلعالانعان دامۋ ارقىلى سىرتقى ورتانىڭ تۇراقسىزدىعىنا توتەپ بەرىپ، چاڭجياڭ اتىراۋىن ءبىر تۇلعالاندىرىپ دامىتۋدىڭ تىڭ داستانىن قۇلشىنا جازۋدى»، بىرنەشە كۇننىڭ الدىندا شاڭحايدا وتكىزىلگەن 2022 - جىلعى چاڭجياڭ اتىراۋى وڭىرىندەگى نەگىزگى باسشىلاردىڭ اڭگىمە ماجىلىسىندە بىلاي دەپ اتاپ كورسەتىلدى: اناعۇرلىم پارمەندى شارالار قولدانىپ، اناعۇرلىم ناقتى ارەكەت ورىستەتىپ، چاڭجياڭ اتىراۋىن ءبىر تۇلعالاندىرىپ دامىتۋدى تاباندىلىقپەن تەرەڭدەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
