شينجياڭدىق ورمان قورعاۋشى: 30 نەشە جىلدان بەرى تاۋ قويناۋىندا تۇرىپ، جاسىل تاۋ، تۇنىق سۋدى قورعادى
2022.08.22 16:05 كەلۋ قاينارى : حالىق تورابى
رەداكتور ەسكەرتپەسى:
قۇلشىنا تۇرمىس كەشىرگەن ءاربىر جۇڭگولىق ەڭ سۇيىكتى كۇرەسكەر ءارى وسىنداي ميلليونداعان كۇرەسكەر بولعاندىقتان عانا بۇگىنگى جۇڭگو جارىققا شىقتى. ءاربىر كۇرەسكەرگە وسكەلەڭ قۇرمەت بىلدىرەمىز. ءبىز بىرگە جاڭا داۋىردە ەرلىكپەن العا باسامىز، بولاشاقتى بەتكە الامىز.
جۇڭگو اقپارات تورابىنىڭ ءتىلشىسى تاۋ چۋانكى حابارلايدى. تاڭەرتەڭ، ادىكەن مۇقان ۇلى ءبىر ايعا جەتەرلىك كوكونىس، ماي، ۇن، نان سياقتىلاردى دايىنداۋمەن قاربالاستىققا ءتۇستى. ول وسى تۇرمىستىق بۇيىمداردى جىپپەن موتوسيكلىنە مىقتاپ بايلاپ، تاۋعا قايتپاقشى.
«بۇل جولى ۇيگە قايتىپ، كەلەسى ايدا ىستەتەتىن تۇتىنۋ بۇيىمدارىن الىپ كەتۋگە كەلدىم، موتوسيكلگە ماي تولتىرامىن. تاۋ جولى وتە الىس، ويلى - شۇڭقىر بولعاندىقتان، ەرتەرەك جولعا شىعۋ كەرەك، — دەدى ادىكەن مۇقان ۇلى.
بيىل 59 جاستاعى ادىكەن مۇقان ۇلى شينجياڭ موڭعۇلكۇرە اۋداندىق ورمان، جايىلىم مەكەمەسىنىڭ ورمان قورعاۋشىسى، 1989 ـ جىلى موڭعۇلكۇرە اۋدانى قوناقاي قالاشىعى سايقىنتۇبەك ورمان رايونىنا قىزمەتكە ۇسىنىس ەتىلىپ، سودان بەرى 8000 مۋدان استام الەۋمەتتىك يگىلىك ورمانىن باسقارىپ، باپتاپ، تاۋدى ءۇي، ورماندى سەرىك ەتىپ، ورمان قورعاۋشىنىڭ «تۇنىق سۋ، جاسىل تاۋدى» قورعاۋداي ۋادەسىن ورىندادى.
سايقىنتۇبەك ورمان ءوڭىرى تاۋ اڭعارىنا ورنالاسقان. تەڭىز دەڭگەيىنەن بيىكتىگى 2200 مەتر اينالاسىندا، تەكەس وزەنى ورماندى وڭىردەن ەندەي كەسىپ وتەدى. بۇل جەردىڭ وسىمدىك جامىلعىسى قالىڭ، جابايى حايۋاناتتار ءجيى كەزدەسەدى. ءار جىلى 11 ـ ايدا ورمان ءوڭىرىن قالىڭ قار باسىپ قالادى دا ادىكەن قىزمەت ورنىنا قايتىپ، كەلەر جىلى 3 ـ ايدىڭ سوڭىندا قايتادان تاۋعا بارىپ ورماندى جالعاستى قورعايدى.
ءبىر جىلدىڭ 7 ايى تۇگەلدەي تاۋدا، ورماندى وڭىردە وتەتىن ول، ءوزى باسقاراتىن اعاشتاردىڭ ۇرلانىپ كەسىلگەن ـ كەسىلمەگەنىن قاراۋ، زاڭسىز اڭ اۋلانعان -اۋلانباعانىن قاداعالاۋ، ورتتەن ساقتانۋ حاۋىپسىزدىگى، ورمان قورعاۋ بىلىمدەرىن ۇگىتتەۋ سياقتىلاردى دەن قويا ىستەيتىن.
«ءار ايدا ءبىر رەت ۇيگە قايتقاندا، ءبىر ايلىق تۇرمىستىق بۇيىمداردى الا كەتۋ ءۇشىن 200 كيلومەتر جول باسامىن. كوپ ۋاقىت جولعا كەتەدى، سوندىقتان ءار جولى اسىعىس - ۇسىگىس ءجۇرىپ، وتباسىما دا قارايلاسا المايمىن»، — دەيدى ادىكەن مۇقان ۇلى.
وتكەن كۇندەردى ەسكە العاندا، ادىكەن مۇقان ۇلى بىلاي دەدى: 1989-جىلى سايقىنتۇبەك ورمان وڭىرىنە كەلدىم، سول كەزدە بۇتا ـ بۇرگەندەر سيرەك بولاتىن،قىرعاۋىل، قايىڭ، شىرعاناق سياقتىلار وسەتىن، ءار جىلى جازدا مالشىلار ورمان وڭىرىنە كەلىپ مال باعادى، كەيبىر اعاش قالامشالارىن سيىر، جىلقى كەمىرەدى. ورمان قورعاۋشى بولعاننان كەيىن، مەن ۇنەمى مالشىلارعا ۇگىت جۇرگىزەمىن، كەيىن كەلە مالشىلاردىڭ مالى بۇل اراعا وتە از كەلەتىن بولدى، اعاشتار دا جىلدان ـ جىلعا كوبەيىپ كەلەدى، كەيبىر ءالسىز اعاشتار دا بۇل كۇندە جەتىلىپ، ماۋەلى اعاشتارعا اينالدى.
ورمان قورعاعانىنا 33 جىل بولعان ادىكەن مۇقان ۇلى ءوزىنىڭ باسقارۋ كولەمىنىڭ جاعدايىن بەس ساۋساعىنداي بىلەدى:«مەن ءار ايدا كەمىندە 22 رەت ورماندى شارلايمىن، ءار كۇنى 20 نەشە كيلومەتر جول جۇرەمىن. ورمان اراسىنداعى باسىم كوپ ساندى جولدى ءالى دە جاياۋ شارلاۋعا تۋرا كەلەدى، مەنشە، جاياۋ ارالاعانىم دا جاقسى، ول دا ءبىر ءتۇرلى شىنىعۋ»، —دەيدى ادىكەن مۇقان ۇلى.
مىناۋ قالىڭ ورمان ماڭىنداعى تۇرمىسقا ادىكەن الدەقاشان داعدىلانعان: «بۇل جەردە قول تەلەفوننان سيگنالى جوق، كەيدە وتباسىمداعىلارمەن تەلەفوندا سويلەسكىم كەلسە، بيىك جەرگە شىعىپ، سيگنال شىعاتىن جەر تاۋىپ، وتباسىمداعىلارعا تىلدەسەمىن»، — دەيدى ول.
موڭعۇلكۇرە اۋداندىق ورمان جايلىم مەكەمەسى جايىلىم ورتىنەن ساقتانۋ كەڭسەسىنىڭ ورىنباسار مەڭگەرۋشىسى مازاتاي ءتالىم ۇلى: بىزدە جيىنى 27 ورمان قورعاۋشى بار، ادىكەن اعاي جاسى ەڭ ۇلكەن ورمان قورعاۋشى، سونداي ـ اق ورمان قورعاۋ قىزمەتىن ىستەگەن ۋاقىتى ەڭ ۇزاق قىزمەتكەر، ول جونىنەن العاندا، ورمان بەينە ونىڭ اۋلاسى سياقتى، ءبىر تال ءشوپ، ءبىر ءتۇپ اعاشتى دا دەن قويا قورعاپ كەلەدى، — دەدى.
33 جىلدان بەرى، ادىكەن قاراپايىم ورمان قورعاۋ سىندى قىزمەت ورنىندا تاباندىلىقپەن ىستەپ، قاراستى وڭىردەگى ءاربىر تاۋدى، ءاربىر سايدى، ءاربىر وزەندى تەگىس ارالاپ، ايالاپ، 8000 مۋلىق الەۋمەتتىك يگىلىك ورمانىنا قورعاۋشى بولىپ، ورمان وڭىرىندە 33 جىلدان بەرى ەشقانداي ۋاقيعا تۋىلماۋدى ىسكە اسىردى.
توراپتان اۋدارىپ دايىنداعان: ارزىگۇل ابدەش قىزى (موڭعۇلكۇرە اۋداندىق پارتكوم ۇگىت بولىمىنەن)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
