ەلىمىزدىڭ كەدەيلىكتەن ارىلتۋدان قامال الۋ شايقاسى جاپپاي جەڭىسكە جەتتى
تاريح بەتىنەن ماڭگى وشپەيتىن كەرەمەتتەر جاراتىلدى (جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋ – وزگەشە 10 جىل)
«حالىق گازەتىنىڭ» تىلشىلەرى گۋ جۇڭياڭ، چاڭ چين
2022.08.22 16:57 كەلۋ قاينارى : حالىق تورابى
حىنان ولكەسى نانياڭ قالاسى ۋانچىڭ رايونى كۇييىڭ قىستاعىنداعى كەدەيلىكتەن ارىلعان ياڭ شىڭحۇڭ ءۇيىنىڭ الدىنداعى زاۆودتا ەلەكتر جۇمىسشىسى بولدى، ول: «كۋالىكپەن جۇمىسقا شىعامىن، تاماقتى وسى ارادا قامدايدى. جاقسى ىستەسەم، تۇرمىسىمىز، ءسوز جوق، بارعان سايىن جاقسارادى» دەدى.
جۇڭگونىڭ بايتاق دالاسىندا كەدەيلىكتەن ارىلعان وتباسىلاردىڭ تاعدىرى وزگەرىپ، كەدەيلىكتەن ارىلعان تاۋلى اۋىلداردا وراسان زور وزگەرىستەر تۋىلىپ، كەدەيلىكتەن ارىلتۋدان قامال الۋدىڭ ايبىندى جاۋابى جازىلدى.
2021 – جىلى 2 - ايدىڭ 25 - كۇنى باس شۋجي شي جينپيڭ مەملەكەتتىك كەدەيلىكتەن ارىلتۋدان قامال الۋدى قورىتىندىلاۋ، ماداقتاۋ - سيلاۋ ماجىلىسىندە بىلاي دەپ جاريالادى: «بۇكىل پارتيانىڭ، بۇكىل ەلدەگى ءار ۇلت حالقىنىڭ بىرگە قۇلشىنۋىندا، جۇڭگو كوممۋنيستىك پارتياسى قۇرىلعانىنىڭ 100 جىلدىعىن قارسى العان ماڭىزدى ساتتە، ەلىمىزدىڭ كەدەيلىكتەن ارىلتۋدان قامال الۋ شايقاسى جاپپاي جەڭىسكە جەتتى، قازىرگى ولشەم بويىنشا اۋىل - قىستاقتاعى 98 ميلليون 990 مىڭ كەدەي حالىق سانى تۇگەلدەي كەدەيلىكتەن ارىلدى، 832 كەدەي اۋدان تۇگەلدەي كەدەيلىك قالپاعىن الىپ تاستادى، 128 مىڭ كەدەي قىستاق تۇگەلدەي كەدەيلىك قاتارىنان شەگىنىپ شىقتى، وڭىرلىك جالپى كەدەيلىك شەشىلدى، مۇلدەم كەدەيلىكتى جويۋ مىندەتى ورىندالدى، سونداي - اق تاريح بەتىنەن ماڭگى وشپەيتىن كەرەمەتتەر جارىققا شىقتى».
پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى كەدەيلىكتەن ارىلتۋدان قامال الۋدى ەل باسقارۋداعى كورنەكتى ورىنعا قويىپ، كەدەيلىكتەن ارىلتۋدان قامال الۋدىڭ ايبىندى حالىقتىق شايقاسىن دابىرالى ورىستەتتى. ءبىز كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزىپ، جاپپاي دوڭگەلەك داۋلەتتى قوعام قۇرىپ شىعىپ، ءبىرىنشى 100 جىلدىق كۇرەس نىساناسىن جۇزەگە اسىردىق.
بۇگىنگى جۇڭگوعا كوز جىبەرسەك، بۇرىنعى كەدەي اۋداندار مەن كەدەي قىستاقتاردا كاسىپ سالاسى گۇلدەنىپ، قورشاعان ورتا جاقسارىپ، ادامداردىڭ رۋحى تاسقىنداپ، كەدەيلىكتەن ارىلتۋدان قامال الۋدىڭ تابىستارى بەكەمدەلىپ، كەڭەيىپ، كەدەيلىكتەن ارىلعان بۇقارانىڭ تۇرمىسى تىڭ ساتىعا كوتەرىلدى. كەدەيلىكتەن ارىلعان وڭىردەگى كادرلار مەن بۇقارانىڭ جىگەرى تاسقىنداپ، ەكىنشى 100 جىلدىق كۇرەس نىساناسىنا قاراي ارشىندى قادام تاستادى.
كەدەيلىكتەن ارىلتۋدان قامال الۋدا كەلەلى تاريحي جەتىستىكتەرگە قول جەتكىزىلدى، كەدەيلىكتەن ارىلعان بۇقارانىڭ تۇرمىسى ءتىپتى دە جاقساردى
باس شۋجي شي جينپيڭ بىلاي دەپ اتاپ كورسەتتى: كەدەيلىكتەن ارىلتۋدان قامال الۋ شايقاسىنىڭ جاپپاي جەڭىسى پارتيامىزدىڭ حالىقتى ىنتىماقتاستىرىپ جانە باستاپ، تاماشا تۇرمىس جاراتىپ، بىرگە اۋقاتتانۋدى جۇزەگە اسىرۋ جولىندا نىق قادام تاستاعانىن ايگىلەدى».
كەدەيلىكتەن ارىلتۋدان قامال الۋدا كەلەلى تاريحي تابىستارعا قول جەتتى، تاريحتا وشپەس كەرەمەتتەر ۇلان - بايتاق جۇڭگونىڭ بايتاق دالاسىندا جازىلدى.
«ەكىدەن تارىقتىرماۋ، ءۇشتى قامتاماسىز ەتۋ» جاپپاي جۇزەگە استى، كەدەيلىكتەن ارىلعان بۇقارانىڭ تۇرمىسى ءتىپتى دە جاقساردى.
«تاۋ قويناۋىنان شىعىپ، جاڭا ۇيگە كوشىپ كىردىك»، گۇيجوۋ ولكەسى گۇيياڭ قالاسى حۋاشي رايونى كەدەيلەردى قونىس اۋدارىپ سۇيەمەلدەۋ ورنالاستىرۋ ءتۇيىنى نانشييۋان الەۋمەتتىك اۋماعىنا بارعانىمىزدا، كەدەيلىكتەن ارىلعان وتباسى جىڭ چۋانچۇننىڭ ءۇيىنىڭ الدىنداعى بوساعالىقتا كەدەيلىكتەن ارىلتۋدان قامال الۋ الا كەلگەن باقىتتى تۇرمىستىڭ وسىلايشا بەينەلەنگەنىن كوردىك.
حاۋىپسىز ۇيگە كىرىپ، ساپالى اۋىز سۋ ءىشىپ، بالا وقىتۋدان، اۋرۋ كورسەتۋدەن ەندىگارى الاڭدامايتىن بولدى، 2021 - جىلى كەدەيلىكتەن ارىلعانداردىڭ جان باسىندىق ورتاشا ناق كىرىسى 12 مىڭ 500 يۋاننان اسىپ، الدىنداعى جىلداعىدان %16.9 ارتتى. كەدەيلىكتەن ارىلتۋدان قامال الۋدىڭ شۇلەن شۇعىلاسى توڭىرەككە شۇعىلا شاشىپ، كەدەيلىكتەن ارىلعان بۇقارانىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى.
− تاۋ - وزەندەردە وراسان زور وزگەرىستەر تۋىلىپ، كورىكتەنىپ، كەدەيلىكتەن ارىلعان وڭىرلەردىڭ ەكونوميكالىق، قوعامدىق دامۋى ارشىندى قاداممەن العا باستى.
يۇننان ولكەسى گۇڭشان دۋلۇڭ - نۋزۋ اۆتونوميالى اۋدانى دۋلۇڭ جياڭشياڭ قىستاعىنىڭ تۇرعىنى باي جۇڭپيڭ تىكە تاراتۋ تۇعىرىنان پايدالانىپ، جابايى جەمىس، دۋلۇڭ كىلەمى سياقتى ەرەكشە ونىمدەردى تاۋ قويناۋىنان بازارعا بەت الدىردى. ول: «بۇرىن تاۋلى القابىمىز قالىڭ قارمەن جارىم جىل قىمتالىپ جاتاتىن، قازىر تۋنەل تۇتاستى، حابارلاسۋ سيگنالى جەتكىزىلدى، شىنىندا عاجايىپ كوركەم تۇرمىسقا قول جەتكىزدىك» دەدى.
بۇكىل ەلگە كوز جىبەرسەك، شارت - جاعدايى كەلەتىن اۋىل - قالاشىقتار مەن قۇرىلىمدىق قىستاقتارعا تۇگەلدەي اسفالت جول، جولاۋشىلار اۆتوبۋزى، پوچتا جولى تۇتاستى، كەدەيلىكتەن ارىلعان ءاربىر اۋداندا 2 - 3 جەتەكشى كاسىپ سالاسى قالىپتاستى، كەدەيلىكتەن ارىلعان وڭىرلەردىڭ بارلىق جەرىندە وراسان زور وزگەرىس تۋىلىپ، تاۋ - وزەن كوركەم بەينەگە ەندى.
− كەدەيلىكتەن ارىلعان بۇقارانىڭ رۋحاني بەت - بەينەسى شىت جاڭا تۇسكە ەنىپ، پارتيا مەن بۇقارانىڭ، كادرلار مەن بۇقارانىڭ قاتىناسى بارعان سايىن جاقىنداي ءتۇستى.
ەرتەمەن جياڭشي ولكەسى يۇڭشين اۋدانى جۇڭسۇن قىستاقتىڭ ءجۇزىم بازاسىندا شى شياۋليۋ قىستاق تۇرعىندارىن باستاپ جەمىس تەرۋدە. «كەدەيلىكتەن ارىلعاندا پارتياعا العىس ايتۋدى ۇمىتپاۋ كەرەك، مەن ءتىپتى دە كوپ اۋىلداستاردى اۋقاتتانۋعا باستايمىن». شى شياۋليۋ كەزىندە قىستاقتاعى كەدەي وتباسى بولاتىن، كەدەيلىكتەن ارىلتۋدان قامال الۋ كەزىندە كومەككە كەلگەن كادرلار ونى بازاعا بارىپ جۇمىس ىستەۋگە تانىستىرعان، قاجىرلىلىقپەن ۇيرەنىپ، قۇلشىنا ۇيرەنگەن ول كاسىپ سالاسىنىڭ سەركەسىنە اينالعان.
كەدەيلىكتەن ارىلعانداردىڭ كىرىس قاينارىندا جۇمىستانۋ مەن كاسىپ سالاسى باسىم ورىندى يەلەدى. كەدەيلىكتەن ارىلعان قالىڭ بۇقارا باقىتتى تۇرمىستىڭ قوس قولمەن جاراتىلعانىن شىنايى سەزىندى، رۋحاني بەت - بەينەسى شىت جاڭا تۇسكە ەندى. كەدەيلىكتەن ارىلتۋدىڭ ءبىرىنشى شەبىندە قالىڭ پارتيالى كادرلار ناقتى ىستەر ىستەپ، قيىن ماسەلەلەردى شەشىپ، شىن نيەتىمەن بۇقارانى باستاپ، قايراتتانا ىستەپ، پارتيا مەن بۇقارانىڭ، كادرلار مەن بۇقارانىڭ قاتىناسىن ونان ارى قويۋلاتتى.
كەدەيلىكتى ازايتۋدىڭ جۇڭگوشا جولىمەن ءجۇرىپ، دۇنيە ءجۇزىنىڭ كەدەيلىكتى ازايتۋ ىستەرىنە پايدالى ۇلگى ازىرلەدى
8 جىلدا 100 ميلليونعا جۋىق ادام كەدەيلىكتەن ارىلدى، ەرتە زاماننان قازىرگە دەيىن، جۇڭگو مەن شەتەلدە مۇنداي قۇبىلىس بولماعان ەدى. جۇڭگو نە ءۇشىن ادامزاتتىڭ كەدەيلەردى ازايتۋ تاريحىنداعى ۇلى كەرەمەتتەردى جاراتا الادى؟
باس شۋجي شي جينپيڭ بىلاي دەپ اتاپ كورسەتتى: «كەدەيلىكتەن ارىلتۋدان قامال الۋدا دۇنيەنى جالت قاراتقان تابىستارعا قول جەتكىزۋدە پارتيانىڭ پارمەندى باسشىلىعىنا سۇيەندىك، جۇڭحۋا ۇلتىنىڭ ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جۇرگىزۋ سىندى رۋحاني قاسيەتىنە سۇيەندىك، جاڭا جۇڭگو قۇرىلعاننان بەرى، اسىرەسە، رەفورما جاساپ، ەسىك اشقاننان بەرى جيناقتالعان بەرىك زاتتىق نەگىزگە سۇيەندىك، ءبىر بۋىن ءبىر بۋىنعا جالعاپ ىستەگەن تاباندىلىققا سۇيەندىك، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جاساۋىنا سۇيەندىك».
− پارتيا باسشىلىعىندا تاباندى بولىپ، كەدەيلىكتەن ارىلتۋدان قامال الۋدى پارمەندى ساياسي جانە ۇيىمدىق كەپىلمەن قامدادى.
«كەدەيلىكتەن ارىلتۋدان قامال الۋ − مەنىڭ كوكەيىمدەگى ەڭ ۇلكەن ءىس»، «مەنىڭ ەڭ الاڭدايتىنىم ءالى دە قيىنشىلىعى بار بۇقارا» ... باس شۋجي شي جينپيڭ ءوزى قولباسشىلىق ەتىپ، ءوزى جورىققا اتتانىپ، ءوزى باقىلاۋ جۇرگىزدى، ورتالىقتىڭ كەدەيلەردى سۇيەمەلدەۋ قىزمەتى جونىندەگى اڭگىمە ءماجىلىسىن 7 رەت باسقارىپ اشتى، 50 نەشە رەت كەدەيلەردى سۇيەمەلدەۋ قىزمەتىنە تەكسەرۋ - زەرتتەۋ جۇرگىزىپ، شوعىرلى تۇتاسقان 14 ەرەكشە كەدەي رايوندى ارالاپ شىقتى.
جوعارى مەن تومەن ءبىر نيەت، ءبىر تىلەكتە بولىپ، 5 دارەجەلى شۋجيلەر كەدەيلەردى سۇيەمەلدەۋدى مىقتى يگەرىپ، بۇكىل پارتيا اتتانىسقا كەلىپ، قامال الۋدى جەبەدى. بۇكىل ەل بويىنشا 3 ميلليوننان استام ءبىرىنشى شۋجي مەن قىستاقتا تۇراتىن كادرلار تاڭداپ جىبەرىلىپ، 2 ميلليونعا جۋىق اۋىل - قالاشىق كادرلارىمەن جانە نەشە ميلليون قىستاق كادرلارىمەن بىرگە كەدەيلىكتەن ارىلتۋدىڭ ءبىرىنشى شەبىندە شايقاس جاسادى. جۇڭگو كوممۋنيستىك پارتياسىنىڭ تەڭدەسسىز پارمەندى باسشىلىق قۋاتى، ۇيىمداستىرۋ قۋاتى، اتقارۋ قۋاتى كەدەيلىكتەن ارىلتۋدىڭ ءبىرىنشى شەبىندەگى ەرەكشە كۇشتى جاۋىنگەرلىك كۇشكە اينالدى.
− سوتسياليزم تۇسىنداعى كۇشتى شوعىرلاندىرا وتىرىپ ءىرى ىستەردى ىستۋ كەدەيلىكتەن ارىلتۋدان قامال الۋعا ىنتىماقتاسا كۇرەس جۇرگىزۋدىڭ ايبىندى كۇشىن ۇيىستىردى.
«ءبىر ءتاۋىرى، جياڭسۋ مەن شانشيدىڭ سەلبەسۋىنىڭ ارقاسىندا، ەسىك الدىندا كاسىپ باقشاسى قۇرىلىپ، جاڭا كىرىس كوزىنە يە بولدىق!» شانشي ولكەسى شيانياڭ قالاسى چۇنحۋا اۋدانى فۋجي الەۋمەتتىك اۋماعىنىڭ كاسىپ باقشاسىنا بارعانىمىزدا، كەدەيلىكتەن ارىلعان وتباسىنىڭ مۇشەسى ۋەي سايني قوس سپورالى ساڭىراۋقۇلاقتى تەرۋمەن قاربالاس بولىپ جاتىپتى ول: «ءار ايدا 3 - 4 مىڭ يۋان كىرىس كىرگىزەمىن، تاربيەلەۋ ارقىلى 100 دەن استام ادام باقشاعا كەلىپ جۇمىس ىستەپ، كىرىستەرىن ارتتىردى» دەدى.
كەدەيلىكتەن ارىلتۋدان قامال الۋدا بۇكىل ەل ءبىر تۇتاس جۇيە بولدى. شىعىس، باتىس بولىكتەردىڭ كەدەيلەردى سۇيەمەلدەۋ بويىنشا سەلبەسۋى، تۇيىندە تۇرىپ كەدەيلەردى سۇيەمەلدەۋ، «10 مىڭ كاسىپورىن 10 مىڭ قىستاققا كومەكتەسۋ» ارەكەتى قارىشتاپ ورىستەتىلىپ، كەدەيلەردى ارناۋلى سۇيەمەلدەۋ، كاسىپ سالاسى ارقىلى سۇيەمەلدەۋ، قوعام ارقىلى سۇيەمەلدەۋ ءبىرىن - ءبىرى تولىقتىرىپ، كەدەيلەردى سۇيەمەلدەۋدىڭ بىرىككەن كۇشىن، بىرلەسىپ قامال الۋ جالپى جاعدايىن قالىپتاستىردى.
− كەدەيلەردى دالمە - ءدال سۇيەمەلدەۋ جالپى جوباسى كەدەيلىكتەن ارىلتۋدان قامال الۋدىڭ جاپپاي جەڭىسىنە عىلمي جەتەكشىلىك ەتتى.
حۋنان ولكەسى حۋايۋان اۋدانى شىبادۇڭ قىستاعى − كەدەيلەردى دالمە - ءدال سۇيەمەلدەۋ الدىمەن دارىپتەلگەن جەر. قىستاق جەرگىلىكتى جاعدايعا قاراي ىستەپ، تۇرلەر بويىنشا شارا قولدانىپ، كەستەشىلىك، مينەرال سۋ، ساياحات سياقتى كاسىپتەردى كۇش سالا دامىتىپ، قىستاق تۇرعىندارىنىڭ كىرىسىن ورنىقتى ارتتىردى. «جاقسى تۇرمىس كەدەيلەردى دالمە - ءدال سۇيەمەلدەۋدەن كەلدى، قىستاقتا ءار كۇنى جاڭا وزگەرىستەر بولادى» دەدى قىستاق پارتيا ياچەيكاسىنىڭ شۋجيى شى جينتۇڭ.
شىبادۇڭ قىستاعىنىڭ تاماشا تۇرمىسى كەدەيلەردى دالمە - ءدال سۇيەمەلدەۋ جالپى جوباسىنىڭ عىلميلىعىن تولىق دالەلدەدى. «التى دالمە - ءدال بولۋدى» ىسكە اسىرىپ، «بەس ءبىر توپتى» اتقارىپ، «كەدەيلىكتىڭ تامىرىن» كوزدەپ، «ءدارى رەتسەبىن» دۇرىس جازىپ، كەدەيلەردى دالمە - ءدال سۇيەمەلدەۋ جالپى جوباسى كەدەيلىكتەن ارىلتۋدان قامال الۋ شايقاسىندا ۇزدىكسىز قامال الۋعا جەتەكشىلىك ەتىپ، جاپپاي جەڭىسكە قول جەتكىزدى.
پارتيانىڭ 18 - قۇرىلتايىنان بەرى ەلىمىز مەملەكەت جاعدايىن تياناق ەتىپ، كەدەيلەردى ازايتۋ زاڭدىلىعىن يگەرىپ، ءبىرقىدىرۋ ەرەكشە ساياسات - شارا شىعارىپ، ءونىمدى ساياسات جۇيەسىن، قىزمەت جۇيەسىن، ءتۇزىم جۇيەسىن ورناتىپ، كەدەيلىكتى ازايتۋدىڭ جۇڭگوشا جولىمەن ءجۇردى. بىرلەسكەن مەملەكەتتەر ۇيىمىنىڭ باس حاتشىسى گۋتتەرەس مىنانى ءبىلدىردى: جۇڭگونىڭ تاجىريبەسى باسقا وركەندەپ كەلە جاتقان ەلدەردى پايدالى ۇلگىمەن قامدادى.
كەدەيلىكتەن ارىلتۋدىڭ نەگىزىن بەكەمدەپ، اۋىل - قىستاقتى گۇلدەندىرۋدى ىلگەرىلەتىپ، ۇزدىكسىز كۇرەس جاساپ، جاڭا تۇرمىسقا قول جەتكىزدى
باس شۋجي شي جينپيڭ: «كەدەيلىكتەن ارىلىپ، كەدەيلىك قالپاعىن الىپ تاستاۋ كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى» دەپ اتاپ كورسەتتى.
كەدەيلىكتەن ارىلتۋدان قامال الۋ شايقاسى جەڭىسكە جەتكەننەن كەيىن، كەدەيلىكتەن ارىلعان وڭىردەگى قالىڭ كادرلار مەن بۇقارا جاعدايعا قاراي العا ۇمتىلىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدىڭ، كەڭەيتۋدىڭ اۋىل - قىستاقتى گۇلدەندىرۋ ستراتەگياسىمەن ءونىمدى ۇشتاسۋىن ۇزدىكسىز ىلگەرىلەتتى.
− كوپ ءتۇرلى شارانى قاتار قولدانىپ، كەدەيلىكتەن ارىلتۋدان قامال الۋ شايقاسىنىڭ ۇلى تابىستارىن شىنايى بەكەمدەدى جانە كەڭەيتتى.
مەحانيزمدى كەمەلدەندىرىپ، «كەدەيلىكتەن ساقتانۋ توسپاسىن» بەكەمدەدى. جەر - جەر قايتا كەدەيلەسۋدىڭ اۋقىمدىق باقىلاۋ - تەكسەرۋ جانە سۇيەمەلدەۋ مەحانيزمىن ورناتتى، قازىر %70 كە جۋىق باقىلاۋ - تەكسەرۋ وبيەكتىسىندە قايتا كەدەيلەسۋ، كەدەيلەسۋ حاۋىپ - قاتەرى جويىلدى.
كاسىپ سالاسىن جەبەپ، جۇمىسقا ورنالاستىرۋدى ورنىقتىرىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەدى، كەڭەيتتى. بۇكىل ەل بويىنشا الدىڭعى جارتى جىلدا كەدەيلەرگە تىڭنان 41 ميلليارد 550 ميلليون يۋان شاعىن سومالى قارىز تاراتىلىپ، 945 مىڭ كەدەي وتباسىنىڭ كەدەيلىكتەن ارىلۋىنا جانە قايتا كەدەيلەسۋدەن ساقتانۋ باقىلاۋ - تەكسەرۋ وبيەكتىسىنىڭ ءوندىرىستى دامىتۋىنا قولداۋ كورسەتىلدى. بيىل ورتالىق قازىنانىڭ اۋىل - قىستاقتى گۇلدەندىرۋ كومەك قاراجاتىنىڭ كاسىپ سالاسىن دامىتۋعا جۇمسالعان سالىستىرماسى %55 تەن اسىپ، اۋىل شارۋاشىلىعىمەن ۇشتاسقان، اۋىل شارۋاشىلىعىن جەتەكتەيتىن، شارۋالاردى اۋقاتتاندىراتىن كاسىپتەرگە ءتۇيىندى تۇردە قولداۋ كورسەتىلەدى. جەر - جەر كەدەيلىكتەن ارىلعان ەڭبەككۇشتەردىڭ ورنىقتى جۇمىسقا ورنالاسۋىن ءتۇرلى ءادىس - امالدارمەن جەبەدى، 6 - ايدىڭ سوڭىنا دەيىن بۇكىل ەل بويىنشا كەدەيلىكتەن ارىلعان ەڭبەككۇشتەردىڭ جۇمىس ىستەۋ كولەمى 32 ميلليون 230 مىڭ ادامعا جەتىپ، تۇتاس جىلدىق نىسانالىق مىندەت %106.7 ەتىپ ورىندالدى.
− ۇزدىكسىز كۇرەس جۇرگىزىپ، اۋىل - قىستاقتى كوركەيتۋدىڭ ايبىندى كارتيناسىن قۇلشىنا سالدى.
«كەدەيلىكتەن ارىلتۋدان قامال الۋ ۇتىلامالى تاياقشاسىن تاپسىرىپ الىپ، اۋىل - قىستاقتى گۇلدەندىرۋگە كىرىسىپ، اعاش ساڭىراۋقۇلاعى كاسىبىن ۇزدىكسىز زورايتامىز». بىلتىر قىستاقتا تۇرۋ قىزمەتىندە كەزەك اۋىسىپ، شانشي ولكەسى جاشۇي اۋداندىق پارتكوم ۇيىمداستىرۋ ءبولىمى باستىعىنىڭ ورىنباسارى حان جياۋىن ىرىقتىلىقپەن ۇسىنىس ەتىپ، جينمي قىستاعىنا كەلىپ، قىستاقتا تۇراتىن ءبىرىنشى شۋجي بولدى. ول قىستاق تۇرعىندارىن باستاپ ماشينالى قۇدىق قازىپ، سۋارۋعا پايدالانىلاتىن سۋدى قامتاماسىز ەتىپ، قوراپتاۋ ءوندىرىس جەلىسىن قۇردى، قىستاق بويىنشا بيىل ءبىر ميلليوننان استام اعاش ساڭىراۋقۇلاعى ەگىلدى.
2021 - جىلدىڭ سوڭىنا دەيىن بۇكىل ەل بويىنشا قىستاقتا تۇراتىن 186 مىڭ ءبىرىنشى شۋجي، 563 مىڭ قىزمەت اترەتىنىڭ مۇشەسى تۇگەلدەي تاڭداپ جىبەرىلدى، مەملەكەت بويىنشا اۋىل - قىستاقتى گۇلدەندىرۋدەگى ءتۇيىندى سۇيەمەلدەنەتىن 160 اۋدان تۇراقتاندىرىلدى، ورتالىق بەلگىلەگەن نەگىزگى ۇشتاستىرۋ ساياساتى تۇگەلدەي شىعارىلدى، كەدەيلىكتەن ارىلتۋدان قامال الۋ اۋىل - قىستاقتى گۇلدەندىرۋگە ورنىقتى ءوتتى. كەدەيلىكتەن ارىلعان كەڭ – بايتاق وڭىردەگى كادرلار مەن بۇقارا كەدەيلىكتەن ارىلتۋدان قامال الۋدىڭ «التىن كىلتىمەن» اۋىل - قىستاقتى كوركەيتۋدىڭ «اۋقاتتانۋ ەسىگىن» اشتى. «تورتتە جاقسى اۋىل - قىستاق جولى» ۇزدىكسىز كەڭەيىپ، قونىس ورتاسى جونگە سالىنىپ، جاقسارىپ، دامۋداعى ولقىلىقتار تولىقتانىپ، كەدەيلىكتەن ارىلعان وڭىرلەردەگى ادامداردىڭ جىگەرى ونان ارى تاسقىنداپ، دامۋ ونان ارى جاندانا ءتۇستى. اۋىل - قىستاقتى جاپپاي گۇلدەندىرۋدىڭ ايبىندى كارتيناسى كەدەيلىكتەن ارىلتۋدىڭ كەڭ - بايتاق وڭىرىندە ايشىقتالا جازىلدى.
شۇعىلالى تابىستار تاريح بەتىنەن ماڭگى وشپەيدى، بورىش بولاشاقتى ايگىلەدى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا ادامزاتتىڭ كەدەيلىكتى ازايتۋ تاريحىندا ۇلى كەرەمەتتەر جاراتقان ميلليارد جۇڭگو حالقى ىنتىماقتاسا كۇرەس جاساپ، قاجىرلىلىقپەن ناقتى ىستەپ، ءسوز جوق، جاڭا جورىقتا اناعۇرلىم ۇلى جەڭىس پەن داڭققا قول جەتكىزەدى!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
