لي كىچياڭ گۋاڭدۇڭدا قىزمەت تەكسەرگەندە مىنانى دارىپتەدى
رەفورما جاساپ، ەسىك اشۋ جاعىندا باتىلدىقپەن ىزدەنىس جاساپ، ەكونوميكانى ورنىقتىرۋعا، دامۋدى جەبەۋگە تىڭ قوزعاۋشى كۇش قوسۋ كەرەك
2022.08.18 16:23 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 17 – كۇنى، شىنجىن. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 8 - ايدىڭ 16 - كۇنىنەن 17 - كۇنىنە دەيىن ج ك پ ورتالىق كوميتەتى ساياسي بيۋروسىنىڭ مۇشەسى، گۋاڭدۇڭ ولكەلىك پارتكومنىڭ شۋجيى لي شي مەن ولكە باستىعى ۋاڭ ۋەيجۇڭنىڭ سەرىك بولۋىندا شىنجىندە قىزمەت تەكسەردى. ول مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن تياناقتاندىرىپ، جاڭا دامۋ ۇستانىمىن جاپپاي دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، ىندەتتەن ساقتانۋ، ەكونوميكانى ورنىقتىرۋ، دامۋ حاۋىپسىز بولۋ تالابىن تياناقتاندىرىپ، ەكونوميكانىڭ قالپىنا كەلۋ، دامۋ نەگىزىن ونان ارى بەكەمدەپ، ارتۋدى ورنىقتىرۋدى اناعۇرلىم كورنەكتى ورىنعا قويىپ، جۇمىسقا ورنالاستىرۋدى ورنىقتىرىپ، حالىق تۇرمىسىنا كەپىلدىك ەتىپ، رەفورما جاساپ، ەسىك اشۋ ارقىلى قوزعاۋشى كۇشتى ارتتىرىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋ كەرەك.
لي كىچياڭ شىنجىن قالاسىنىڭ الەۋمەتتىڭ يگىلىك، جاڭالىق جاراتۋ جاعدايى جونىندەگى مالىمەتىن تىڭدادى. ول دۇنيە جۇزىلىك يگىلىك جاراتۋ باقشاسىنا كەلىپ تەكسەرۋ جۇرگىزدى، جاڭالىق جاراتۋشىلار العاشقى جاسامپازدىق قارجىسىمەن قولداۋدى ەڭ قاجەت ەتىپ وتىرعاندارىن اڭىس ەتتى. لي كىچياڭ بىلاي دەدى: جەل كۇشىنە قارجى قوسۋ سياقتى جاڭالىق اشۋ، قارجى قوسۋ قورىنىڭ اناعۇرلىم جاقسى دامۋىن قولداپ، العاش قۇرىلعان كاسىپورىنداردىڭ دامۋىنىڭ شەشۋشى كەزەڭىندە پارمەندى سۇيەمەلدەۋ كەرەك. يگىلىك، جاڭالىق جاراتۋدا دۇنيە ءجۇزىنىڭ الدىڭعى لەگىندە جۇرۋگە، دۇنيە ءجۇزىنىڭ الدىڭعى لەگىندە بولۋعا باتىلدىق ەتۋمەن بىرگە، سىرتتا دا كەڭىستىك بار ەكەنىن دە ەستە ساقتاپ، باتىلدىقپەن قامال الىپ، باتىلدىقپەن سىناق جۇرگىزىپ، داندايسىماي، ۇشقالاقتىققا سالىنباي، نىق قاداممەن العا باسۋ كەرەك. كوپ بولىپ شارۋاشىلىق قۇرۋ، جالپى جۇمىلىپ جاڭالىق اشۋ تۇعىرىن قۇرىپ، ءتىپتى كوپ ادامنىڭ شارۋاشىلىق قۇرۋ، جاڭالىق اشۋ ارمانىن جۇزەگە اسىرۋىنا دەم بەرۋ كەرەك.
يانتيان پورتىن تەكسەرگەن كەزدە لي كىچياڭ بىلاي دەدى: يانتيان پورتى − وڭتۇستىك جۇڭگو رايونىنداعى ماڭىزدى پورت، دامىعان ەلدەرگە باعىتتالعان يمپورت - ەكسپورتتىڭ سالىستىرماسى جوعارى، پورتتىڭ شوعىرلى تاسىمالىنىڭ ىركىلىسسىزدىگىن، جوعارى ءونىمدى اينالىمىن ۇزدىكسىز ساقتاپ، كاسىپ تىزبەگى مەن قامداۋ تىزبەگىن ورنىقتىرۋ كەرەك. بۇل جەر بۇرىن تۇز الابى بولاتىن، قازىر «كۇمىس اتىزعا» اينالدى، اناعۇرلىم جوعارى دەڭگەيدەگى حالىقارالىق تيەۋىش قوراپ نەگىزگى جەلى پورتىن قۇرىپ، «التىن الاڭى» بولۋعا قۇلشىنۋ كەرەك. ول بىلاي دەدى: سىرتقا ەسىك اشۋ − ەلىمىزدىڭ نەگىزگى مەملەكەت ساياساتى، حالىقارالىق جاعداي قالاي وزگەرسە دە، ءبىز ەسىك اشۋدى تاباندىلىقپەن كەڭەيتىپ، ەل ءىشى، حالىقارا سىندى ەكى بازاردان، ەكى بايلىقتان اناعۇرلىم ويداعىداي پايدالانىپ، ەكونوميكالىق باسەكەلىك قۋاتتى جوعارىلاتىپ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرامىز.
لي كىچياڭ گۋاڭدۇڭ ولكەسى مەن شىنجىن قالاسىنىڭ كاسىپتەنۋدى ورنىقتىرۋ جاعدايى جونىندەگى مالىمەتتى تىڭدادى. بييادي سەرىكتەستىگىندە ول عىلمي رۋح پەن شەبەرلەر رۋحىن ۇشتاستىرىپ، كاسىپورىندى ونان ارى زورايتۋعا، كۇشەيتۋگە شابىتتاندىردى. ول بىلاي دەدى: جاڭا ەنەرگيالى اۆتوموبيلدەر تىڭنان بوي كوتەردى، جاڭا ەنەرگيالى اۆتوموبيلدەرگە قاتىستى سالىق ساياساتىن ءۇرتىس اتقارۋدى مىقتى يگەرىپ، كوپ مولشەردەگى تۇتىنۋدى كەڭەيتۋ كەرەك. سەرىكتەستىكتىڭ جاۋاپتىسى تانىستىرىپ بىلاي دەدى: حالىق باسقارۋىنداعى كاسىپورىن رەتىندە قازىرگە دەيىن 500 مىڭ ادامدى كاسىپتەندىردىك، بيىل اي سايىن تىڭنان 20 مىڭنان استام ادام كاسىپتەنىپ وتىردى، مۇنى ەستىگەندە لي كىچياڭ توتەنشە قۋاندى. ول بىلاي دەدى: كاسىپورىننىڭ دامۋى جۇمىس ورنىن جاراتتى، قىزمەتكەرلەردىڭ بەرگەن بوداۋى دا كاسىپورىننىڭ زورايۋىنا قول جەتكىزدى. ءبىز ورتا، شاعىن، ۇساق كاسىپورىندار مەن جەكەشە ونەركاسىپشىلەردىڭ، ساۋداگەرلەردىڭ قيىنشىلىعىن شەشۋىنە قولداۋ كورسەتۋمەن بىرگە، حالىقتىق ءىرى كاسىپورىنداردىڭ كۇشەيۋىن، ساپالىلانۋىن قولداۋىمىز كەرەك. مەملەكەت ەكىدەن اۋىتقىماۋدا تاباندى بولىپ، مەملەكەت مەنشىگىندەگى كاسىپورىندار، حالىقتىق كاسىپورىندار، شەتەل كاسىپورىندارى جانە بىرلەسىپ قارجى قوسقان كاسىپورىندار سياقتى ءتۇرلى كاسىپورىندارعا ساياساتتىق قولداۋ كورسەتۋ جاعىندا بىردەي مامىلە جاسايدى.
لي كىچياڭ بىلاي دەدى: گۋاڭدۇڭ جانە شىنجىن − رەفورما جاساپ، ەسىك اشۋدىڭ الدىڭعى شەبى، رەفورما جاساپ، ەسىك اشۋدا وراسان زور وزگەرىستەر تۋىلدى، گۋاڭدۇڭ − ەكونوميكاداعى ءبىرىنشى ءىرى ولكە، شىنجىن دامىپ حالىقارالانعان ءىرى قالاعا اينالدى، رەفورما جاساپ، ەسىك اشۋدىڭ جەتەكشىلىك رولى مەن ەكونوميكانىڭ تىرەۋلىك رولىن ۇزدىكسىز ساۋلەلەندىرىپ، بۇكىل ەلدىڭ دامۋىنا اناعۇرلىم زور ۇلەس قوسۋ كەرەك. گۋاڭدۇڭنان اۋىر مىندەت ارقالاۋدى تالاپ ەتكەن ەكەنبىز، مەملەكەتتىڭ ساياساتى دا كۇش سالۋى كەرەك. ساياساتتىق اشۋ سيپاتىنداعى فينانس قۇرالدارى گۋاڭدۇڭنىڭ پىسىپ - جەتىلگەن نىساندارىنا بەيىمدەلىپ قولداۋ كورسەتىپ، ناقتى قىزمەت مولشەرىن جەدەل قالىپتاستىرۋ كەرەك. بۇل نىساندار ءونىمدى، قارىمجىسىن قايتارادى، سالىنىپ بولعاننان كەيىن گۋاڭدۇڭنىڭ ۇزاق بولاشاقتىق دامۋىنا ءتيىمدى بولادى. گۋاڭدۇڭ ولكەسى قىرۋار كاسىپتەنۋشىلەردى قابىلدادى، بيىل گۋاڭدۇڭ بازار تۇلعالارىنىڭ قوعامدىق قامسىزداندىرۋ قاراجاتى اۋىرتپالىعىن ارتتىرمايدى، بازار تۇلعالارىن ورنىقتىرىپ، سىرتتان كەلگەن شارۋا جۇمىسكەرلەردى قامتىعان ادامداردىڭ كاسىپتەنۋىن ورنىقتىرادى. گۋاڭدۇڭ ولكەسى سايلاۋىت ساردارلاردى شوعىرلاندىرىپ، مەملەكەتتىڭ قولداۋ ساياساتىن ويداعىداي اتقارۋى كەرەك. لي كىچياڭ قىزمەت تەكسەرۋ كەزىندە ليانحۋاشان باقشاسىنا ارنايى بارىپ، دىڭ شياۋپيڭنىڭ مىس ءمۇسىنىن قۇرمەتپەن كوردى ءارى گۇل شارباق قويدى.
لي كىچياڭ گۋاڭدۇڭ ولكەسىنىڭ ەكونوميكالىق، قوعامدىق دامۋدا قول جەتكىزگەن تابىستارىن تولىق تۇراقتاندىردى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قايراتتانا العا ۇمتىلىپ، رەفورما جاساپ، جاڭالىق اشىپ، دامۋدى ۇزدىكسىز تىڭ ساتىعا كوتەرۋدى ءۇمىت ەتتى.
شياۋ جيە قىزمەت تەكسەرۋدە سەرىك بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
