كورىكتى، باقىتتى شيزاڭدى قول ۇستاسا بىرگە قۇردى
− پارتيانىڭ 18 - قۇرىلتايىنان بەرگى شيزاڭعا باعىتتامالى كومەكتەسۋ قىزمەتىنىڭ تابىستارىنا جالپى شولۋ
شينحۋا اگەنتتىگىنىڭ تىلشىلەرى
2022.08.18 16:21 كەلۋ قاينارى : حالىق تورابى
شيزاڭعا باعىتتامالى كومەكتەسۋ قىزمەتى − پارتيا ورتالىق كوميتەتىنىڭ پارتيا مەن مەملەكەت قىزمەتىنىڭ جالپى جاعدايىن شىعار ءتۇيىن ەتە وتىرىپ جاساعان ماڭىزدى ستراتەگيالىق شەشىمى.
پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ شىنايى قامقورلىعى مەن پارمەندى باسشىلىعىندا، جاڭا داۋىردەگى پارتيانىڭ شيزاڭدى جونگە سالۋ جالپى جوباسىنىڭ جەتەكشىلىگىندە، مەملەكەت شيزاڭعا كومەكتەسۋ تەبىنىن ارتتىردى، ورتالىقتاعى مينيسترلىكتەر مەن كوميتەتتەر جانە بۇكىل ەلدەگى قاتىستى ولكەلەر شيزاڭعا باعىتتامالى كومەكتەسۋ ابزالدىعىن ساۋلەلەندىرىپ، شيزاڭعا «ۇيىرمە فورماسىندا» كومەكتەسۋدى جاڭالىق اشا ورىستەتىپ، شيزاڭنىڭ ەكونوميكالىق، قوعامدىق دامۋىن بارىنشا جەبەدى. شيزاڭعا كومەككە كەلگەن قالىڭ كادرلار مەن دارىندىلار شيزاڭداعى ءار ۇلت ۇلاندارىمەن بىرگە قارلى ءۇستىرتتىڭ باياندى تىنىشتىعى مەن ساپالى دامۋىنىڭ تىڭ داستانىن قۇلشىنا جازۋدا.
تاپسىرىقتى ارقالاپ، جەلپىنتەرلىك رۋحپەن العا باستى
شيزاڭدى بۇكىل جۇڭگو كوڭىل تورىنە قويدى
پارتيا ورتالىق كوميتەتى شيزاڭ قىزمەتىنە باستان - اياق ايرىقشا ءمان بەرىپ كەلدى، 1994 - جىلى ورتالىقتىڭ شيزاڭ قىزمەتى جونىندەگى 3 - رەتكى اڭگىمە ءماجىلىسى شيزاڭعا باعىتتامالى كومەكتەسۋدىڭ شىمىلدىعىن اشتى. بۇگىنگى تاڭدا شيزاڭنىڭ جەر - جەرىندەگى قالالاردىڭ كوشەلەرىنەن باسقا تۋىسقان ولكەلەردىڭ اتىمەن اتالعان جولدار كوپتەپ كەزدەسەدى: لحاسا قالاسىندا «بەيجيڭ جولى» بار، شاننان قالاسىندا «حۋنان جولى» بار، رىكازى قالاسىندا «شاندۇڭ جولى» بار... جول اتتارى شيزاڭ حالقىنىڭ تۋىسقان ولكەلەرگە دەگەن سۇيىسپەنشىلىگىنىڭ ايعاعى ەسەپتى.
جاڭا داۋىرگە قادام قويعان سوڭ شي جينپيڭ جولداستى ۇيىتقى ەتكەن پارتيا ورتالىق كوميتەتى شيزاڭنىڭ دامۋى مەن شيزاڭعا كومەكتەسۋ قىزمەتىنە جۇرەك قانىن اياماي جۇمسادى.
2013 - جىلى 3 - ايدا باس شۋجي شي جينپيڭ مەملەكەتتىك 12 - كەزەكتى حالىق قۇرىلتايىنىڭ 1 - ماجىلىسىندە شيزاڭ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا «شيزاڭنىڭ قارىشتاپ دامۋى مەن باياندى تىنىشتىعىن جەدەل ىلگەرىلەتۋدى» دارىپتەدى.
2015 - جىلى 8 - ايدا، 2020 - جىلى 8 - ايدا باس شۋجي شي جينپيڭ ورتالىقتىڭ شيزاڭ قىزمەتى جونىندەگى اڭگىمە ماجىلىسىنە 2 رەت قاتىناستى ءارى ماڭىزدى ءسوز سويلەدى. ورتالىقتىڭ شيزاڭ قىزمەتى جونىندەگى 6 - رەتكى اڭگىمە ماجىلىسىندە باس شۋجي شي جينپيڭ: شيزاڭعا باعىتتامالى كومەكتەسۋ قىزمەتىن ويداعىداي ىستەپ، شيزاڭعا كومەككە كەلگەن كادرلار مەن دارىندىلاردىڭ قۇرىلىمىن ساپالىلاندىرۋ كەرەك، − دەپ اتاپ كورسەتتى. ورتالىقتىڭ شيزاڭ قىزمەتى جونىندەگى 7 - رەتكى اڭگىمە ماجىلىسىندە باس شۋجي شي جينپيڭ جاڭا داۋىردەگى پارتيانىڭ شيزاڭدى جونگە سالۋ جالپى جوباسىن جۇيەلى پايىمدادى ءارى شيزاڭعا كومەكتەسۋ قىزمەتى جونىندە ايقىن تالاپتار قويدى: ورتالىقتىڭ شيزاڭدى قولداۋى، بۇكىل ەلدىڭ شيزاڭعا كومەكتەسۋى − پارتيا ورتالىق كوميتەتىنىڭ دايەكتى ساياساتى، وندا، ءسوز جوق، ۇزاق ۋاقىت تاباندى بولىپ، تاجىريبەلەردى مۇقيات قورىتىندىلاپ، شيزاڭعا كومەكتەسۋ قىزمەتىندە جاڭا جاعداي اشۋ كەرەك.
2021 - جىلى 7 - ايدا شيزاڭنىڭ بەيبىت جولمەن ازات بولعانىنىڭ 70 جىلدىعىن قۇتتىقتاۋ قارساڭىندا، باس شۋجي شي جينپيڭ شيزاڭعا كەلىپ، شيزاڭنىڭ بەيبىت جولمەن ازات بولعانىنىڭ 70 جىلدىعىن قۇتتىقتاپ، شيزاڭداعى ءار ۇلت كادر - جۇرتشىلىعىمەن امانداسىپ، ولاردان حال سۇراپ، ءار ۇلت كادر - جۇرتشىلىعىنا پارتيا ورتالىق كوميتەتىنىڭ قامقورلىعىن جەتكىزدى. شي جينپيڭ ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى رەتىندە شيزاڭعا بارىپ شيزاڭنىڭ بەيبىت جولمەن ازات بولعانىن قۇتتىقتادى، بۇل پارتيا مەن مەملەكەت تاريحىندا تۇڭعىش رەت بولىپ، پارتيا ورتالىق كوميتەتىنىڭ شيزاڭ قىزمەتىن قولدايتىنىن، شيزاڭداعى ءار ۇلت كادر - جۇرتشىلىعىنا دەگەن قامقورلىعىن تولىق ءبىلدىردى.
مەملەكەت شيزاڭدى قولدايتىن ءبىر توپ ءتۇيىندى قۇرىلىس نىسانىن بەلگىلەپ، شيزاڭداعى ءار ۇلت حالقىنا يگىلىك جەتكىزەتىن ءبىرقىدىرۋ ەرەكشە ءتيىمدى ساياسات شىعاردى. شيزاڭداعى ءار ۇلت كادر - جۇرتشىلىعى ورنىقتىلىق، دامۋ، ەكولوگيا، شەكارانى كۇشەيتۋ سىندى 4 ءىرى ءىستى ويداعىداي يگەرىپ، ءبىر نيەتپەن ىنتىماقتاسىپ، قاجىرلىلىقپەن كۇرەس جۇرگىزدى، ءتۇرلى ىستەر جان - جاقتى العا باسىپ، تاريحي تابىستارعا قول جەتكىزىلدى.
بىلتىر 7 - ايدا شيزاڭدا قىزمەت تەكسەرگەن كەزدە باس شۋجي شي جينپيڭ شيزاڭعا كومەككە كەلگەن كادرلاردىڭ ۋاكىلدەرىمەن ىقىلاسپەن كەزدەستى. باس شۋجي شي جينپيڭ بىلاي دەدى: «شيزاڭعا كومەكتەسۋ رۋحى − جۇڭگو كوممۋنيستىك پارتياسىنىڭ وسكەلەڭ رۋحى، جۇڭگوشا سوتسياليزمنىڭ كورنەكتى ابزالدىعى. وتتەگى تاپشى بولسا دا، رۋحتارىڭىز تاسقىنداپ تۇر، بۇل رۋح توڭكەرىستىك مۇرات بارىنەن دە جوعارى دەيتىن يدەيادان تۋىندايدى. وسى ءىستى ۇرپاقتان - ۇرپاققا جالعاستىرا بەرۋ كەرەك».
شار تاراپتان توپ - توبىمەن كەلگەن شيزاڭعا كومەكتەسۋشى كادرلار مەن دارىندىلار قارلى ۇستىرتتە ۇزدىكسىز كۇرەس جاساپ، كورىكتى، باقىتتى شيزاڭ قۇرىپ، جان تەبىرەنتەرلىك كۇرەس داستانىن جازدى.
شيزاڭعا كومەككە كەلگەن كادرلار 10 جىلدان بەرى قوعامنىڭ جاراسىمدىلىعىن، ورنىقتىلىعىن قورعاۋ جاعىندا باتىلدىقپەن جاۋاپكەرلىك ارقالاپ، ءۇستىرت ەكونوميكاسىنىڭ ساپالى دامۋىن ىلگەرىلەتۋ جاعىندا بەلسەنە ءىس تىندىرىپ، حالىق تۇرمىسىن جاقسارتۋ، جۇرت تىلەگىن ۇيىستىرۋ جاعىندا قاجىرلىلىقپەن ناقتى ىستەپ، ارالاسۋ، ىشتەسۋ، توعىسۋدى جەبەۋ جاعىندا دەن قويىپ، سۇيىسپەنشىلىكپەن ىستەپ، شيزاڭنىڭ تاريحي سيپاتتى مۇلدەم كەدەيلىككە قوش ايتىپ، بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا قادام تاستاپ، ەكىنشى 100 جىلدىق كۇرەس نىساناسىنا ارشىندى قادام تاستاۋىنا دەم بەردى.
جاڭا داۋىردەگى شيزاڭدا تۇتاس رايوننىڭ قوعامدىق جالپى جاعدايى جاراسىمدى، ورنىقتى بولدى، ەكونوميكاسى ءۇرتىس، تەز دامىدى، حالىقتىڭ تۇرمىس دەڭگەيى جاپپاي جوعارىلادى، ەكولوگيالىق حاۋىپسىزدىك قالتقىسى شىن مانىندە بەكەمدەلدى، ۇلتتار ىنتىماعى كۇن سايىن بەكەمدەلدى، ءدىن مەن سوتسياليستىك قوعام كۇن سايىن ۇيلەستى، شەكارا ءوڭىر بەكەمدەلىپ، شەكارا حاۋىپسىزدىگى جاقسى ىستەلىپ، جاندى دا جالىندى گۇلدەنىپ – كوركەيۋ جاعدايى جارىققا شىقتى.
ءبىر نيەت، ءبىر تىلەكتە بولىپ، ىنتىماقتاسا العا باستى
يۇيماي ءبىر مەزەت ءبىر ۇيدەگى ءۇش جاننان قۇرالعان «ءۇش كىسىلىك اۋىل» ەدى، ساڭجيە چۇيبا قاريا مەن قىزدارى جوگا، ياڭزۇڭ وسى ارادا تاپجىلماي، نەشە ون جىلدى ءبىر كۇندەي وتكىزىپ، شەكارانى قورعادى.
قازىر شيزاڭنىڭ لۇڭزى اۋدانى يۇيماي اۋىلى 67 وتباسىنداعى 240 ادامنان قۇرالعان كورىكتى مەكەنگە اينالدى.
«ءبىزدىڭ بۇل اراداعى كوپتەگەن نەگىزدىك قۇرىلعىىمىزدى حۋنان ولكەسى كومەكتەسىپ سالعان». يۇيماي اۋىلى باستىعىنىڭ ورىنباسارى باساڭ سىرىن تانىستىرىپ بىلاي دەدى: 3 جىلدان بەرى حۋنان ولكەسى 12 ميلليون يۋان قارجى قوسىپ، يۇيماي اۋىلى تاريح سارايى، مادەنيەت الاڭى، ءورت ءسوندىرۋ، ورتتەن ساقتانۋ اۆتوكولىك قويماسى، يۇيماي باستاۋىش مەكتەبى كىتاپحاناسى سياقتى قۇرىلعىلاردى جاڭادان سالدى، سونداي - اق ساڭجيە چۇيبا قارتتىڭ بايىرعى تۇراعىن جوندەپ، 3 كيلومەتر جولدى قايتا جوندەدى.
2019 - جىلى 7 - ايدان بەرگى 3 جىلدا شيزاڭعا كومەككە كەلگەن 9 - توپتاعى كادرلار مەن دارىندىلار تاماشا قىزمەت ناتيجەسىن تاپسىردى:
شيزاڭعا كومەكتەسۋ قارجىسىنان جيىنى 20 ميلليارد 631 ميلليون يۋاندى تياناقتاندىرىپ، 2 مىڭ 712 شيزاڭعا كومەكتەسۋ نىسانىن اتقارىپ، بۇكىل ەلدىڭ جەر - جەرىنەن ءبىر مىڭ 141 كاسىپورىندى ەنگىزىپ، 627 اۋىل - قىستاقتى گۇلدەندىرۋ نىسانىن اتقاردى ...
9 - توپتا تاڭداپ جىبەرۋ جاعدايىمەن سالىستىرعاندا، شيزاڭعا كومەككە كەلگەن 10 - توپتاعى كادر - دارىندىلاردىڭ قۇرىلىمدىق فۋنكتسياسى ۇزدىكسىز ساپالىلانىپ، شيزاڭعا بارىپ كۇش جالعاپ قىزمەت ىستەدى. مۇنىڭ ىشىندە «ۇيىرمە فورماسىنداعى» ەمدەۋ دارىندىلارىنان 292 ادام دالمە - ءدال تاڭداپ جىبەرىلدى، «ۇيىرمە فورماسىنداعى» وقۋ - اعارتۋ دارىندىلارىنان 400 ادام تاڭداپ جىبەرىلدى.
شيزاڭعا «ۇيىرمە فورماسىندا» كومەكتەسۋ − پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى شيزاڭعا قاجەتتى ەمدەۋ، وقۋ - اعارتۋ سياقتى جاقتارداعى كاسىپتىك - تەحنيكالىق دارىندىلاردىڭ ءىس جۇزىندىك جاعدايىنا نەگىزدەلىپ، شيزاڭعا كومەكتەسۋ جونىنەن شىعارعان جاسامپازدىق شاراسى بولدى.
2015 - جىلى ەمدەۋ دارىندىلارىنىڭ شيزاڭعا كومەكتەسۋى باستالدى. شيزاڭعا باعىتتامالى كومەكتەسەتىن ولكە، قالالارداعى كوپتەگەن شيپاحانالار مەن مەملەكەتتىك دەنساۋلىق ساقتاۋ، سالاماتتىق كوميتەتىنە توتە قاراستى شيپاحانالار تىرەكتى شيپاگەرلەردى شيزاڭعا كومەكتەسۋگە تاڭداپ جىبەرىپ، بۇرىنعى ەمدەۋ جاعىنان شيزاڭعا كومەكتەسۋدىڭ قىسقا مەرزىمدى، بىتىراندى بولۋ جاعدايىن وزگەرتتى.
بيىل جىل باسىندا شيزاڭ شاننان قالالىق انالار مەن بالالاردىڭ دەنساۋلىعىن قورعاۋ شيپاحاناسى 29 اپتاسىندا عانا تولعاتىپ قالعان چۇي جىندى قابىلدادى. سول كەزدە چۇي جىننىڭ جاعدايى توتەنشە قاتەرلى ەدى. شيزاڭعا كومەككە كەلگەن ايەلدەر ءبولىمىنىڭ ماماندارى مەن جەرگىلىكتى ەمدەۋ قىزمەتكەرلەرىنىڭ ورتاق قۇلشىنۋىندا، چۇي جىن ۇل نارەستەنى امان - ەسەن دۇنيەگە اكەلدى. 47 تاۋلىك بويى كاسىپتىك ەمدەۋ جانە دەن قويا كۇتىمدەۋ ارقىلى جاڭا تۋعان نارەستە قاتەرلى مەزگىلدەن بىرتىندەپ ءوتتى. «ءبىر ءتاۋىرى، شيزاڭعا كومەككە كەلگەن شيپاگەرلەر ەس قاتتى، قازىر بالانىڭ دەنساۋلىعى كوپ جاقساردى» دەدى چۇي جىن تەبىرەنە.
وسى شالا تۋىلعان بالانى ەمدەۋ ءىسى شاننان قالالىق انالار مەن بالالاردىڭ دەنساۋلىعىن قورعاۋ شيپاحاناسىنىڭ دەنە سالماعى تومەن بالالاردى ءساتتى ەمدەۋ رەكوردىن جاڭالادى.
ەمدەۋ دارىندىلارىنىڭ شيزاڭعا «ۇيىرمە فورماسىندا» كومەكتەسۋى جانە شيزاڭ ەمدەۋ قىزمەتكەرلەرىنىڭ ۇزدىكسىز قۇلشىنۋى ارقىلى شيزاڭنىڭ ەمدەۋ قىزمەت وتەۋ قۋاتى زور دارەجەدە جوعارىلادى: 2021 - جىلدىڭ سوڭىنا دەيىن شيزاڭ 400 دەن استام «سالماقتى ناۋقاستى» اۆتونوميالى رايوننىڭ ىشىندە، 2 مىڭ 400 دەن استام «ورتاشا ناۋقاستى» ايماق، قالادا ەمدەدى، اۆتونوميالى رايون بويىنشا ادامداردىڭ ورتاشا مەجەلى عۇمىرى 2015 - جىلعى 68.2 جاستان 72.19 جاسقا جوعارىلادى.
عاسىرلىق ۇلى ءىس وقۋ - اعارتۋدى نەگىز ەتەدى. 2016 - جىلى وقۋ - اعارتۋ دارىندىلارىنىڭ «ۇيىرمە فورماسىنداعى» شيزاڭعا كومەكتەسۋى باستالدى.
تيانجين قالاسىنان شيزاڭعا «ۇيىرمە فورماسىندا»كومەككە كەلگەن وقىتۋشىلار چاڭدۋ قالالىق تاجىريبە باستاۋىش مەكتەبىنىڭ ۇشقىشسىز ۇشاقتاردى قۇراستىرۋ، قۇلتەمىردى جۇرگىزۋ سياقتى عىلمي جاسامپازدىق ساباقتارىن اشۋىنا كومەكتەستى؛ شانشي ولكەسى قاتارلى جەرلەردىڭ شيزاڭعا كومەككە كەلگەن وقىتۋشىلارى كومەك قابىلداۋشى مەكتەپتەر مەن كومەك بەرەتىن مەكتەپتەردىڭ بۇلت ساباقحاناسى سياقتى قيمىلداردى ورىستەتۋىن ىلگەرىلەتتى ... وقۋ - اعارتۋ دارىندىلارىنىڭ شيزاڭعا كومەكتەسۋى ورىستەتىلگەننەن بەرى شيزاڭداعى باستاۋىش، ورتا مەكتەپتەردىڭ وقۋ - اعارتۋ تانىمىندا، ساباقحانا وقىتۋىندا، باسقارۋ تاسىلىندە تەرەڭ وزگەرىستەر تۋىلىپ، وقۋشىلاردىڭ جالپىلىق ساپاسى كورنەكتى جوعارىلادى.
ەمدەۋ، وقۋ - اعارتۋ عانا ەمەس، پارتيانىڭ 18 - قۇرىلتايىنان بەرى شيزاڭنىڭ ساپالى دامۋدا تىڭ تابىستارعا قول جەتكىزۋىنە بايلانىستى، ۇلتتار ىنتىماعى قىزمەتى تىڭعىلىقتى ورىستەتىلدى.
شاندۇڭ ولكەسىنەن شيزاڭعا 9 - توپتا كومەككە كەلگەن كادرلار «جەمىس - جيدەك، كوكونىس كاسىبىنىڭ دارەجەسىن جوعارىلاتۋ ارەكەتىن» اتقارىپ، اۋىل شارۋاشىلىق عىلىم - تەحنيكاسىندا جاڭالىق اشۋدان ۇلگى كورسەتۋ بازاسىن قۇردى؛
فۋجيان ولكەسىنەن شيزاڭعا كومەككە كەلگەن قىزمەت اترەتى فۋجياننىڭ سىرلى سۋرەتى مەن چاڭدۋ تاڭكا سۋرەتىنىڭ ءوزارا توعىسۋىن ىلگەرىلەتىپ، تاڭكا سىرلى سۋرەت مادەنيەت كاسىبىن دامىتۋ جونىندە ىزدەنىس جاسادى؛
گۋاڭدۇڭ ولكەسىنىڭ شىنجىن قالاسى قارجى قوسىپ، باسقا جەرگە كوشىرۋ نىسانىن ورىنداپ، «سۋ، ەلەكتر، جول، حابارلاسۋ تورابى، عىلىم - تەحنيكا، وقۋ - اعارتۋ، مادەنيەت، دەنساۋلىق ساقتاۋ، قورعاۋ» سياقتى نەگىزدىك قۇرىلعىلاردى سايكەستى تۇلعالاندىردى؛
...
تولاسسىز قولداۋ كورىكتى، باقىتتى شيزاڭ قۇرۋدىڭ، ۇلى گۇلدەنۋ ارمانىن بىرگە جۇزەگە اسىرۋدىڭ بىرىككەن كۇشىنە اينالۋدا.
ۇلتتار ىنتىماعى − ءار ۇلت حالقىنىڭ جان تامىرى.
شيزاڭعا باعىتتامالى كومەكتەسۋ شيزاڭنىڭ دامۋىنا قۇدىرەتتى ومىرشەڭدىك كۇش قوسىپ قانا قويماي، ۇلتتار ىنتىماعىنىڭ اسقاق ءۇنىن دە اسقاقتاتتى.
3 جىلدىڭ الدىندا شيزاڭنىڭ ناچۇي قالاسى اندو اۋدانى پانا قالاشىعىنان كەلگەن لوساڭ ەمتيحان ارقىلى لياۋنيڭ ولكەسى پانجين قالالىق دەنساۋلىق ساقتاۋ، سالاماتتىق كوميتەتىنىڭ اۋرۋدى تىزگىندەۋ، شۇعىل جاعدايعا توتەپ بەرۋ بولىمىنە بارىپ قىزمەت ىستەيدى. «وسى ارادا مەن كوپتەگەن ەمدەۋ، دەنساۋلىق ساقتاۋ ولشەمدەرىن ۇيرەنىپ، بۇكىل ەلدىڭ جەر - جەرىنەن كەلگەن دوستارمەن تانىسىپ، جۇڭحۋا ۇلتى ۇلى شاڭىراعىنىڭ مەيىرىن سەزىندىم» دەدى لوساڭ.
جۇمىستاندىرۋ جاعىنان شيزاڭعا كومەكتەسۋ قىزمەتى ارقىلى شيزاڭداعى كوپتەگەن ستۋدەنت اۆتونوميالى رايوننىڭ سىرتىندا جۇمىسقا ورنالاسۋدى تاڭداپ، ءار ۇلت پەرزەنتتەرىنىڭ اناردىڭ دانىندەي تىعىز ۇيىسۋىن جەبەدى.
قازىر شيزاڭعا كومەكتەسۋ قىزمەتى ۇلتتاردىڭ ارالاسۋىن، ىشتەسۋىن، توعىسۋىن جەبەيتىن ماڭىزدى دانەكەرگە اينالىپ، جۇڭحۋا ۇلتى ورتاق تۇلعا تانىمىن اناعۇرلىم بەكەمدەدى.
رۋحتى جالعاستىرىپ، تىڭ داستان جازدى
جۇڭگو باۋ - ۋ توبىنان كەلگەن شۇي پو 2019 - جىلى شاڭحايدىڭ ساپالى تۇرمىس شارت – جاعدايىن قايىرىپ تاستاپ، شيزاڭعا كومەكتەسۋدى ءوتىنىش ەتىپ، قاقاعان ايازدا شالعايداعى رىكازى قالاسى جۇڭبا اۋدانىنا كەلىپ، اۋداندىق پارتكوم شۋجيىنىڭ ۇنەمىلىك ىستەرگە جاۋاپتى ورىنباسارى بولدى.
شۇي پو ىشكەرىلەي تەكسەرۋ - زەرتتەۋ جۇرگىزۋ ارقىلى جۇڭبا اۋدانىنىڭ وقۋ - اعارتۋ نەگىزىن گۇلدەندىرۋ نىسانىن باستاپ، كەلەسى جىلى سول جەردەگى 6 اۋىل - قالاشىق باستاۋىش مەكتەبىنە ولشەمدى سپورت الاڭىن سالىپ، 3 باستاۋىش مەكتەپتىڭ اۋىز سۋدى تىكەلەي تۇتىنۋىنان ۇلگى كورسەتۋ ينجەنەرياسىن ورىندادى.
بىلتىر 7 - ايدا باس شۋجي شي جينپيڭ شيزاڭدا قىزمەت تەكسەرگەندە، شيزاڭعا كومەككە كەلگەن كادرلاردىڭ ۋاكىلى رەتىندە شۇي پو باس شۋجي شي جينپيڭنىڭ ماڭىزدى ءسوزىن ناق مايداننان تىڭدادى. «شەكسىز مەيىر سەزىندىم، قارلى القاپقا تامىر تارتىپ، ۇستىرتكە ۇلەس قوسۋ بەكىمىمدى ونان ارى بەكەمدەپ، قىزمەتىمدە ۇزدىكسىز ۇدەرە العا تارتۋعا جىگەرلەندىردىم» دەدى شۇي پو.
بيىل شيزاڭعا كومەكتەسۋ مىندەتىن ءساتتى ورىنداعان شۇي پو شيزاڭعا جوتكەلىپ بارىپ قىزمەت ىستەۋدى ىرىقتىلىقپەن تاڭدادى. شۇي پو: شيزاڭنىڭ دامۋى ءۇشىن تاعى ءبىراز كۇش – قايراتىمدى شىعارماقشىمىن، − دەدى.
ءبىر كەزەكتەن ءبىر كەزەككە، ءبىر ۇرپاقتان ءبىر ۇرپاققا جالعاسىپ وتىردى. 20 جىلدان استام ۋاقىتتان بەرى شيزاڭعا كومەككە كەلگەن كادرلار مەن دارىندىلار «بايىرعى شيزاڭ رۋحىن» ساۋلەلەندىرىپ، ءار شالعايدان كەلسە دە، ورتاق ءۇندى اسقاقتاتىپ، ءۇستىرتتىڭ قاجىرلىلىق رۋحىن بويلارىنا دارىتىپ، شيزاڭداعى ءار ۇلت ۇلاندارىمەن بىرگە كۇرەس جاساپ، بىرگە ءجۇرىپ، پارتيانىڭ شيزاڭداعى بيلىك جۇرگىزۋ نەگىزىن بەكەمدەدى.
شيزاڭعا كومەكتەسۋدىڭ 3 جىلىندا انحۇيدان كەلگەن كادر پەي حانلۇڭنىڭ ءار كۇنى ءۇي ىشىندەگىلەرمەن تەلەفوندا سويلەسۋ ادەتى وزگەرىپ كورگەن جوق.
«ءۇي ىشىمە دەگەن ساعىنىشتى قول تەلەفونمەن باسامىن، مەن مىنا جەردەمىن، ولار انا جەردە». پەي حانلۇڭ بىلاي دەدى: سىرتتا قىزمەت ىستەگەندە تۋىس - تۋعانىڭنان تەلەفونىن قابىلداعىڭ كەلەدى، ەڭ الاڭدايتىنىم دا تۋىس – تۋعاننان كەلەتىن تەلەفون. 2020 - جىلى 12 - ايدا ناعاشى اپاسىنىڭ قايتىس بولعانى جونىندەگى حاباردى ەستىگەن پەي حانلۇڭ قاتتى قايعىرادى، سولاي بولسا دا، ول شيزاڭنىڭ شاننان قالاسى سونا اۋدانىنداعى قىزمەت ورنىندا تاپجىلماي ىستەدى.
شيزاڭعا كومەكتەسۋ مەزگىلىندە پەي حانلۇڭ سونا اۋداننىڭ اۋىل شارۋاشىلىعى، اۋىل - قىستاق قىزمەتىن مىقتى يگەرىپ، اتىز باسىندا تەكسەرۋ - زەرتتەۋ جۇرگىزىپ، جان - جاققا شاپقىلاپ، بايلىق قاينارىمەن بايلانىس جاساپ، جالىقپاستان بۇقارالىق يدەيالىق قىزمەت ىستەدى، بۇل كوپشىلىكتىڭ نازارىنداعى «جان قيارلىق» ەدى.
تاۋعا شىعاتىن تىرەۋ تاياق، جاڭبىردى توساتىن ءشي قالپاق، سۋىقتان قورعاناتىن ماقتا پالتو، اجالعا اراشاشى، جارالىعا مەدەت بولۋداعى سيلىق جالاۋشاسى، ولەڭ - جىرلار، ءۇي ەستەلىك كىتاپتارى ... شيزاڭنىڭ لينجى قالاسى لۋلاڭ شاعىن قالاشىعىنداعى مەملەكەتتىك شيزاڭعا كومەكتەسۋ كورمە سارايىندا ناقتى زاتتار شيزاڭعا كومەككە كەلگەن كادرلار مەن دارىندىلاردىڭ جاپا - ماشاقاتقا شىداپ، شايقاس جاساپ، ءتوزىپ، ىنتىماقتاسىپ، ۇلەس قوسقان شۇعىلالى جىلدارىنا كۋا بولۋدا.
شيزاڭعا كومەكتەسۋ بارىسىندا قالىڭ كادرلار مەن دارىندىلار دا شىڭدالدى جانە ەسەيىپ - ەرجەتتى.
ياڭ حاۋ كەزىندە تيانجين قالاسىنىڭ شيزاڭعا كومەكتەسۋ قىزمەت اترەتىنىڭ جەتەكشىسى بولعان. شيزاڭداعى كەزىندە ول شيزاڭعا كومەكتەسۋ قىزمەتىن ەكونوميكا، حالىق تۇرمىسى، مادەنيەت سياقتى كوپ ءتۇرلى تاسىلمەن ىلگەرىلەتۋدى دارىپتەپ، جەرگىلىكتى ورىنداعى كادر - جۇرتشىلىقتىڭ قۇپتاۋىنا يە بولدى.
ياڭ حاۋ بىلاي دەدى: قارلى ۇستىرتتە قىزمەت ىستەۋ، تۇرمىس كەشىرۋ بارىسىندا، «بايىرعى شيزاڭ رۋحىنىڭ» ءنارى مەنىڭ قيىنشىلىققا ءدوپ كەلگەن كەزدەگى جىگەرىمدى ونان ارى بەكەمدەپ، كۇردەلى ماسەلەلەرگە ءدوپ كەلگەندە وي - سانامدى ونان ارى ايقىنداي ءتۇستى. بۇل − پارتيالىلىق پەن قابىلەتتىڭ تاپتىرماس شىڭدالۋى، ۇستىرتتەگى وزگەشە رۋحاني تارتۋ».
ارقىراپ اققان وزەندەر قارلى ۇستىرتتەگى وراسان زور وزگەرىستەرگە كۋا بولۋدا؛ الىپ تاۋلار شيزاڭعا كومەككە كەلگەن كادرلار مەن دارىندىلاردىڭ وكىنىشسىز سەرتىن جازۋدا.
شيزاڭعا كومەككە كەلگەن كادرلار مەن دارىندىلار الدىڭعىلارىنىڭ ءىزىن كەيىنگىلەرى باسىپ، قارلى ۇستىرتكە تامىر تارتىپ، شاعىن وتباسىن قايىرىپ قويىپ، كوپتىڭ قامىن ويلاپ، جۇڭحۋا ۇلتى ءبىر ءۇيلى جانداي بولۋدىڭ، جۇڭگو ارمانىن ءبىر نيەتپەن بىرگە سومداۋدىڭ جاڭا داۋىردەگى تىڭ داستانىن جازۋدا.
شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شيزاڭعا كومەككە كەلگەن قالىڭ كادرلار مەن دارىندىلار قاجىرلىلىقپەن كۇرەس جۇرگىزىپ، اۋەلگى ماقساتتى، بورىشتى باتىلدىقپەن ارقالاعاندا، ءسوز جوق، شيزاڭداعى ءار ۇلت ۇلاندارىمەن بىرگە قارلى ءۇستىرتتىڭ باياندى تىنىشتىعى مەن ساپالى دامۋىنىڭ تىڭ داستانىن جازا بەرەتىنىنە كامىل سەنەمىز.
(شينحۋا اگەنتتىگى، 8 - ايدىڭ 17 – كۇنى، لحاسا، تىلشىلەر: شىن حۇڭبيڭ، لوبۋسىرىن، ۋاڭ چي، جاي يۇڭگۋان، فان سىشياڭ، باي شاۋبو)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
