ىرىقتىلىقپەن الدا ءجۇرىپ قىزمەت وتەپ، كاسىپورىنداردىڭ قيىنشىلىقتى شەشىپ، ءوندىرىستى ورنىقتىرۋىنا كومەكتەستى
□ انار بۇلت \ شينجياڭ گازەتىنىڭ تىلشىلەرى
2022.08.17 16:49 كەلۋ قاينارى : شينجياڭ گازەتى
ىندەتتەن ساقتانۋ - تىزگىندەۋدىڭ ەرەكشە مەزگىلىندە رايونىمىزدىڭ جەر - جەرى، قاتىستى تاراۋلارى ساقتانۋ - تىزگىندەۋدى عىلمي، دالمە - ءدال، ويداعىداي ىستەۋمەن بىرگە، ىرىقتىلىقپەن الدا ءجۇرىپ قىزمەت وتەپ، شارالاردى ەگجەي - تەگجەيلىلەندىرىپ، كاسىپورىنداردىڭ ءوندىرىس، تيجاراتىنداعى قيىنشىلىقتارىن جەڭىلدەتتى، شەشتى.
ءوندىرىس زاتتىق ماتەريالدارى تاسىمالى ىركىلىسسىز بولدى
كاسىپورىنداردىڭ كاسىپ سالاسى تىزبەگىن، قامداۋ تىزبەگىن ورنىقتىرۋ ەكونوميكالىق دامۋدىڭ ورنىقتىلىق بارىسىندا جاقسارۋىن ساقتاۋدىڭ تەتىگى.
”سەرىكتەستىك قالىپتى ءوندىرىس، تيجارات جۇرگىزە الا ما، جوق پا“؟ ءۇرىمجى قالاسى رىديان ازىق - تۇلىك شەكتى سەرىكتەستىگىنىڭ باس ديرەكتورى ۋاڭ پىڭنىڭ سۇراۋىنا تەز ارادا جاۋاپ بەرىلدى − ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) ونەركاسىپ - ينفورماتسيالاندىرۋ مەكەمەسى قاتىناۋ كۋالىگىن دەر كەزىندە سايكەسە ءبىتىرىپ، جەتكىزۋ، قىزمەتكەرلەردىڭ زاۆودقا ورالۋى، شيكىزاتتاردى زاۆودقا كىرگىزۋ ماسەلەسىن شەشتى.
كاسىپورىنداردىڭ قالىپتى ءوندىرىسى مەن تاسىمال قاجەتىن قامتاماسىز ەتۋ ءۇشىن، ءۇرىمجى ەكونوميكالىق، تەحنيكالىق اشۋ رايونىنىڭ ونەركاسىپ - ينفورماتسيالاندىرۋ مەكەمەسى رايوندا تۇراتىن كاسىپورىندارعا 1600دەن استام جول حات تاراتىپ بەرىپ، كاسىپورىنداردىڭ زاتتىق ماتەريالداردى تاسىمالداۋ جانە ونىمدەردى جەتكىزۋ سياقتى ماسەلەلەرىن ءونىمدى شەشتى.
8 - ايدىڭ 14 - كۇنى شينجياڭ جۇندۇڭ ەكونوميكالىق، تەحنيكالىق اشۋ رايونىنىڭ سايكەستىرۋىمەن، ءبىر كومىر ەلەكتر كاسىپورنى شۇعىل قاجەت ەتىپ وتىرعان ءبىر توپ قاجەتتى بۇيىمدار، قاجەتتى بولشەكتەر حاۋىپسىز تولىق جەتكىزىلىپ، وسى كاسىپورىننىڭ ءوندىرىستى قالىپتى جۇرگىزۋىنە مۇمكىندىك جاسالدى.
ىندەتتەن ساقتانۋ - تىزگىندەۋ مەن زات اينالىمىنىڭ ىركىلىسسىزدىگىن قامتاماسىز ەتۋ قىزمەتىن ءبىر تۇتاس جوسپارلاپ ويداعىداي ىستەۋ ءۇشىن، جۇندۇڭ اشۋ رايونى زاتتىق ماتەريالدارمەن قامتاماسىز ەتۋ، اۆتوكولىكتەردى جۇرگىزۋ جانە قالىپتى ءوندىرىس، قۇرىلىس جۇرگىزۋ سياقتى گرۋپپالاردى جىلدام قۇردى. مۇنىڭ ىشىندە زاتتىق ماتەريالدارمەن قامتاماسىز ەتۋ گرۋپپاسى كاسىپورىننىڭ تاپشى زاتتىق ماتەريالدارىن بەلسەنە سايكەستىردى، اۆتوكولىكتى جۇرگىزۋ گرۋپپاسى قاراستى اۋماقتارعا كىرىپ ءوندىرىس، تۇرمىستىق زاتتىق ماتەريالدار تاسيتىن اۆتوكولىكتەرگە جابىق اينالىمدى باسقارۋ جۇرگىزىپ، تاسىمال اۆتوكولىكتەرىنىڭ كاسىپورىنعا ءساتتى جەتۋىنە كەپىلدىك ەتىپ، كاسىپورىننىڭ قالىپتى وندىرىسىنە تيگىزەتىن ىقپالدى ەڭ تومەنگى شەككە ءتۇسىردى.
ءۇرىمجى جوعارى، جاڭا تەحنيكا كاسىپ سالاسىن اشۋ رايونىنا (جاڭا قالا رايونى) ورنالاسقان شينچيكاڭ ءدارى - دارمەك كاسىپورنى جالپى بارىستىق جابىق اينالىمدى باسقارۋ، ءوندىرۋ جۇرگىزىپ، ءدارى - دارمەكتىڭ كۇندەلىكتى ءوندىرىس قۋاتىن 200 مىڭ قوراپقا جەتكىزدى. ”باقشا رايونىنىڭ بار كۇشپەن قولداۋىندا كاسىپورىنداردىڭ شۇعىل جاعدايعا توتەپ بەرۋ بويىنشا زاتتىق ماتەريالدارمەن قامداۋ، ءوندىرىس، تيجارات جۇرگىزۋ ارناسى ىركىلىسسىز بولدى“. سەرىكتەستىكتىڭ ورىنباسار باس ديرەكتورى لي كى - اۋ ءدارى - دارمەك ءوندىرىسىن ساپاعا، مولشەرگە كەپىلدىك ەتە وتىرىپ مىقتاپ يگەرەتىندىكتەرىن ءبىلدىردى.
دالمە - ءدال ۇشتاستىرۋعا، قيىنشىلىقتى جەڭىلدەتۋگە كۇش ۇستەدى
”بەتپە - بەت قىزمەت وتەپ، تۇيىندەر بويىنشا كومەكتەسىپ - سۇيەمەلدەپ، ەرەكشە مەزگىلدە كاسىپورىندار ءدوپ كەلگەن تالماۋلى، قيىن، بوگەتتى تۇيىندەردى تەز اشتى“. بۇراتالا شەكارا ەكونوميكالىق سەلبەستىك ءوڭىرىن باسقارۋ كوميتەتىنىڭ ورىنباسار مەڭگەرۋشىسى شۇي جيانشۇن بىلاي دەدى: كاسىپورىنداردىڭ ءوندىرىستى كەڭەيتۋىنە ىشكەرىلەي كومەكتەسۋ ءۇشىن، باقشا رايونى ەمدەۋ زاتتىق ماتەريالدارى، تۇرمىستىق زاتتىق ماتەريالدار، اۆتوكولىك تاسىمالى سياقتى قىزمەت ارناۋلى ءبانىن قۇرىپ، ادامدى، قىزمەت ورنىن، جاۋاپكەرشىلىكتى تۇراقتاندىردى ءارى قىزمەت وتەۋ ىستىق لەنياسى سياقتى كوپ ءتۇرلى تاسىلدەرمەن كاسىپورىنداردىڭ قيىنشىلىعىن، تالاپ - تىلەگىن دەر كەزىندە جيناپ شەشىپ، جىكسىز ۇشتاستىرۋ قىزمەت وتەۋىن جۇرگىزدى.
ءۇرىمجى قالاسىنىڭ ميدۇڭ رايونىنداعى ۋ - يۋە الاڭى نىسانى قاۋىرت قۇرىلىس جۇرگىزۋدە. ميدۇڭ رايوندىق قۇرىلىس مەكەمەسى مەن قاتىستى تاراۋلار نىساننىڭ جۇمىس باستاۋى ءۇشىن اۆتوكولىك جول حاتىن ازىرلەدى ءارى ”ءبىردىڭ - بىرگە بويىنشا“ ۇشتاستىرۋ، كومەكتەسۋ - سۇيەمەلدەۋ گرۋپپاسىن ورنالاستىرىپ، نىساننىڭ قالىپتى اينالىمىن قامتاماسىز ەتتى.
ميدۇڭ رايوندىق قۇرىلىس مەكەمەسى قۇرىلىس باسقارۋ ورتالىعىنىڭ جاۋاپتىسى ديڭ شين - ياڭ الداعى جەردە قاتىستى تاراۋلارمەن، ورىندارمەن بىرگە نىساندارعا قىزمەت وتەۋ قىزمەتىن تۇيىندەر بويىنشا جاقسى ىستەپ، ءتۇرلى نىسانداردىڭ ءدال ۋاقىتىندا، سول تۇيىندە، ساپاعا، مولشەرگە كەپىلدىك ەتە وتىرىپ ءساتتى ورىندالۋىنا شىنايى كەپىلدىك ەتەتىندىكتەرىن ءبىلدىردى.
”جاتاق شارت - جاعدايى بار كاسىپورىندارعا مەڭزەس، ءبىز كاسىپورىنداعى جۇمىسشى - قىزمەتكەرلەردىڭ قىزمەت ورنىنا ورالۋ، زاۆودقا ورالۋ جاعدايىن قاداعالادىق ءارى كاسىپورىنداردىڭ شيكىزات، ءونىم اينالىمىندا جولىققان ماسەلەلەرىنە قاراتا ءبىر - بىرلەپ تۇجىرىم جاساپ، ءوندىرىستىڭ ءتارتىپتى ءجۇرىلۋىن قامتاماسىز ەتتىك“. ءۇرىمجى ەكونوميكالىق، تەحنيكالىق اشۋ رايونى ونەركاسىپ - ينفورماتسيالاندىرۋ مەكەمەسى كاسىپورىندارعا قىزمەت وتەۋ ۇجىمىنىڭ جاۋاپتىسى جين يۇڭجيە بىلاي دەدى: ”جاتاق شارت - جاعدايى جەتەرسىز كاسىپورىندارعا مەڭزەس، كاسىپورىندارداعى جۇمىسشى - قىزمەتكەرلەردىڭ قاتىستى ينفورماتسيالارىن ەگجەي - تەگجەيلى ۇعىسىپ، سالالاپ، كاسىپورىننىڭ قاجەتىنە ساي، تۇيىننەن - تۇيىنگە دەيىن قابىلداۋ - جەتكىزۋدى اتقارىپ، جۇمىسشى - قىزمەتكەرلەردىڭ شاعىن اۋماقتان شىعا اۆتوكولىككە شىعۋىنا، اۆتوكولىكتەن تۇسە سالا زاۆود قاقپاسىنان كىرۋىنە شىنايى كەپىلدىك ەتتىك“.
كوپ نەگىزدى قامتاماسىز ەتىپ، قىزمەت وتەۋدى كۇشەيتتى
ىندەتتەن ساقتانۋ - تىزگىندەۋ قىزمەتىنىڭ قاجەتى سەبەپتى، جۇندۇڭ ەكونوميكالىق، تەحنيكالىق اشۋ رايونىنداعى ءبىر ءبولىم كاسىپورىنداردا جابىق باسقارۋ كەزىندە كاسىپتىك تەحنيكا دارىندىلارىنىڭ ۋاقىتشا تاپشى بولۋى جارىققا شىقتى.
وسى ماسەلەگە مەڭزەس، جۇندۇڭ ەكونوميكالىق، تەحنيكالىق اشۋ رايونى ىندەتتەن ساقتانۋ قىزمەتىمەن جانە ءىس جۇزىندىك جاعدايمەن ۇشتاستىرىپ، ماڭىزدى تەحنيكالىق قىزمەت ورىندارىنىڭ ادام كۇشى بايلىعىنان بىرگە يگلىكتەنۋ مەحانيزمىن ورناتىپ، كومىر ەلەكتر، كومىر حيميا ونەركاسىبى، حاۋىپسىزدىك سياقتى 6 كاسىپتەن 50گە جۋىق كاسىپتىك تەحنيكا تىرەكتىلەرىن سارالاپ شىعىپ، ولاردى اشۋ رايونىن باسقارۋ كوميتەتى ءبىر تۇتاس سايكەستىرىپ، ورنالاستىرىپ، قاراستى وڭىردەگى كاسىپورىندارعا كاسىپتىك تەحنيكالىق قىزمەت وتەۋىن باعىتتامالى تۇردە جاقسى ىستەدى.
”اشۋ رايونى قۇرعان ادام كۇشى بايلىعىنان بىرگە يگىلىكتەنۋ مەحانيزمى تەحنيكا قىزمەتكەرلەرىنىڭ ۋاقىتتىق ولقى تۇستارىن تولىقتاپ، ءوندىرىس بارىسىندا جولىققان ءتۇرلى ماسەلەلەردى ىشكەرىلەي شەشىپ، سەرىكتەستىكتەردىڭ قالىپتى اينالىمىنا شىنايى كەپىلدىك ەتتى“. جۇڭمەي ەنەرگيا توبى شينجياڭ كومىر - ەلەكتر - حيميا ونەركاسىبى شەكتى سەرىكتەستىگى ادام كۇشى بايلىعى ءبولىمىنىڭ مەڭگەرۋشىسى نيڭ جياڭتاۋ: ”ءبىز الداعى جەردە ءوندىرىس تەبىنىن ارتتىرىپ، ەنەرگيامەن قامداۋدى قامتاماسىز ەتەمىز“، - دەدى.
قازىرگى كەزەڭدەگى ءتۇرلى سالىق ءبىتىرۋ، اقى تاپسىرۋ قىزمەت وتەۋى قاجەتىنە دەر كەزىندە سايكەسۋ ءۇشىن، اۆتونوميالى رايوندىق سالىق ىستەرى مەكەمەسى ىندەت كەزىندە سالىق ءبىتىرۋ، اقى تاپسىرۋ جونىندەگى ىقىلاستى ەسكەرتپەنى دەر كەزىندە شىعارىپ، سىرتقا باعىتتالعان 232 كەڭەس سۇراۋ تەلەفونىن جاريالادى ءارى الدىڭعى شەپتە ىستەيتىن سالىق ىستەرى قىزمەتكەرىنەن 269 ادامدى سالىق ءبىتىرۋ قىزمەت وتەۋى زالىندا كەزەكتە تۇرۋعا ورنالاستىرىپ، ”جاناسپاۋ ۇلگىسىندە“ جۇمىس بىتىرۋگە كۇنى - ءتۇنى قامتاماسىزدىق ازىرلەدى.
”مۇنان سىرت، اۆتونوميالى رايوندىق سالىق ىستەرى مەكەمەسى تاعى جەر - جەردىڭ ’ينتەرنەت جەلىسىن نەگىز ەتكەن، ارناۋلى قىزمەتكەرلەر جاي - جاپساردى يەلەيتىن‘ قىزمەت وتەۋ ۇلگىسىنە كوشىپ، ’كاسىپورىن ۇساق سالىعى‘ سالىق ىستەرى مەكەمەسى مەن كاسىپورىنداردىڭ ىقپالداستىق تۇعىرىنان پايدالانۋىنا دەر كەزىندە جەتەكشىلىك ەتىپ، توركوزدەنگەن قىزمەت وتەۋ توبىن قۇردى ءارى تەلەفون، ۋيشين، بەينە ەكران سياقتى تاسىلدەر ارقىلى ’بىرگە - ءبىر‘ بويىنشا قاشىقتان كاسىپتىك كومەكتەسۋ قىزمەت وتەۋىمەن قامداپ، سالىققا قاتىستى قيىن ماسەلەلەردى جوعارى ونىمدىلىكپەن، دالمە - ءدال شەشتى“. اۆتونوميالى رايوندىق سالىق ىستەرى مەكەمەسى باقىلاۋ، ىشكى تەكسەرۋ باسقارماسىنىڭ باستىعى ۋاڭ جۇنچىڭ كەزەكتە سالىق قايتارۋ، سالىق ازايتۋ، سالىق تاپسىرۋ قىزمەت وتەۋى سياقتى ءتۇرلى قىزمەتتەردىڭ ءتارتىپتى ىلگەرىلەتىلىپ جاتقاندىعىن ءبىلدىردى.
(ءتىلشى ليۋ شياڭ، قاتىناسقان تىلشىلەر گۋان مىڭيىڭ، گاۋ فىڭ، ما ينيڭ، ميھىرگۇل ناسىر، سۇڭ يا - ۋىن، ەرىكتى ءتىلشى ۋاڭ چيانشي)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
