اينالا مەيىرگە تولدى، سىزگە قاپىسىز قىزمەت ەتەمىز
− جەر - جەر كوپ شارانى قاتار قولدانىپ، ەرەكشە قيىنشىلىعى بار قاۋىمنىڭ نەگىزگى تۇرمىسىن قامتاماسىز ەتتى
□ انار بۇلت \ شينجياڭ گازەتىنىڭ تىلشىلەرى
2022.08.17 16:52 كەلۋ قاينارى : شينجياڭ گازەتى
كەزەكتە، رايونىمىزدىڭ ءبىر ءبولىم ايماق، وبلىس، قالالارىندا ۋاقىتتىق تىنىش كۇيدە باسقارۋ شاراسى اتقارىلىپ، ءوز قاجەتىنەن شىعا المايتىندار، مۇگەدەكتەر جانە جالعىز تۇراتىن قارتتار سياقتى ەرەكشە قيىنشىلىعى بار قاۋىمنىڭ كۇندەلىكتى تۇرمىسىن قامتاماسىز ەتۋ جۇرتتىڭ الاڭىن تۋعىزدى. بۇل ءۇشىن، جەر - جەر ەرەكشە قيىنشىلىعى بار قاۋىمدى انىقتاپ شىعۋ، ولارعا كومەكتەسۋ - سۇيەمەلدەۋ قىزمەتىن بەلسەنە ورىستەتىپ، كوپ شارانى قاتار قولدانا وتىرىپ، ولاردىڭ نەگىزگى تۇرمىسىن قامتاماسىز ەتتى.
ۇيلەرگە تەگىن كوكونىس جەتكىزىپ بەردى
ەرەكشە قيىنشىلىعى بار قاۋىمنىڭ حاۋىپ - قاتەرگە قارسىلىق قۋاتى ءبىرشاما ءالسىز، زاتتىق ماتەريال قورى سالىستىرمالى جەتكىلىكسىز كەلەدى، سوڭعى كۇندەرى ءۇرىمجى قالاسى، بۇراتالا قالاسى سياقتى جەرلەر كوكونىس دورباسىن تەگىن تاراتىپ، قيىنشىلىعى بار بۇقارانىڭ نەگىزگى تۇرمىسىن ەڭ الدىمەن قامتاماسىز ەتتى.
8 - ايدىڭ 13 - كۇنى، ءۇيى ءۇرىمجى قالاسى شۇيموگوۋ رايونى نانحۋ وڭتۇستىك جولى ءمالىسى ورمان شارۋاشىلىعى عىلىم اكادەمياسى الەۋمەتتىك اۋماعىنداعى ەڭ تومەنگى تۇرمىسى قامتاماسىز ەتىلەتىن وتباسى تاۋ شيۋمين ءبىر دوربا كوكونىس دورباسىن تەگىن تاپسىرىپ الدى، ىشىندە قىزاناق، بۇرىش، باكلاجان، قاۋدان كاپۋستا، پياز، ءسابىز سەكىلدى كوكونىستەر بار ەكەن. ىندەتتەن ساقتانۋ - تىزگىندەۋ كەزىندە قيىنشىلىعى بار بۇقارانى تۇرمىستىق زاتتىق ماتەريالدارمەن قامداۋدى شىنايى قامتاماسىز ەتۋ ءۇشىن، ءۇرىمجى قالاسى وتباسىن بىرلىك ەتىپ، ءار 3 كۇندە ءبىر رەت قيىنشىلىعى بار بۇقاراعا قۇنى 30 يۋاندىق كوكونىستى دوربالاپ تەگىن تاراتىپ بەردى، قازىر العاشقى توپتاعى كوكونىس سالىنعان دوربالار تۇگەلدەي تاراتىلىپ بولدى.
”سىزدەرگە كوپ راقىمەت، پارتيا مەن ۇكىمەتتىڭ قامقورلىعىندا مەنىڭ كوڭىلىم بارىنشا جىلى شۋاققا بولەندى“، - دەدى بۇراتالا قالاسى چيڭدالا ءمالىسى شۋشياڭ الەۋمەتتىك اۋماعىنىڭ تۇرعىنى ءراشيدام 8 - ايدىڭ 12 - كۇنى ءۇيىنىڭ ەسىگىنە جەتكىزىلگەن تەگىن كوكونىس دورباسىن العانىندا قاتتى تولقىپ تۇرىپ.
شۋشياڭ الەۋمەتتىك اۋماعى پارتيا باس ياچەيكاسىنىڭ شۋجيى چىن ليپيڭنىڭ تانىستىرۋىنشا، الەۋمەتتىك اۋماق قىزمەتكەرلەرى مەن ەرىكتىلەر 568 تەگىن كوكونىس دورباسىن قاراستى اۋماقتاعى قيىنشىلىعى بار بۇقارانىڭ ۇيىنە جەتكىزىپ بەرگەن. 8 - ايدىڭ 9 - كۇنىنەن بەرى، بۇراتالا قالاسىنداعى ءمالى باسقارمالارى، اۋىل - قالاشىقتار، كاسىپورىندار ىندەت كەزىندە ەرەكشە قيىنشىلىعى بار قاۋىمعا كوڭىل ءبولۋ، قامقورلىق جاساۋ جانە كومەكتەسۋ - سۇيەمەلدەۋ سەرپىنىن ارتتىرىپ، قۇنى 620 مىڭ يۋان كەلەتىن 14 مىڭنان استام مەيىرىمدىلىك تارتۋىن تاراتتى.
بۋى بۇرقىراعان اس - سۋ دايىندادى
ىندەتتەن ساقتانۋ - تىزگىندەۋ كەزىندە، جالعىز تۇراتىن قارتتاردىڭ تاماق ماسەلەسىن قالاي شەشۋ كەرەك؟
ءتىلشىنىڭ ۇعىسۋىنشا، جەر - جەر، الەۋمەتتىك اۋماقتار الدىن الا ورنالاستىرۋ جاساپ، قارتتاردىڭ ءار كۇنى ىستىق اس - سۋ ىشە الۋىنا مۇمكىندىك جاساعان.
”اپاي، بۇگىن تۇسكى اس قىزارتىپ قۋىرىلعان سيىر ەتى، قۋىرىلعان اسقاباق جانە كۇرىش. ىستىقتاي جەپ الىڭىز، باسقا نە قاجەت بولسا، ماعان دەر كەزىندە ايتىڭىز“. 8 - ايدىڭ 14 - كۇنى، الەۋمەتتىك اۋماق اسحاناسىنان جاڭا دايىندالعان تۇسكى استى الا سالىپ، ءۇرىمجى قالاسى شۇيموگوۋ رايونى شۇيتاشان ءمالىسى چيڭچۋان الەۋمەتتىك اۋماعىنىڭ كادرى كان چيڭشان چۇي زىمين كاريانىڭ ۇيىنە كەلدى ءارى ونىڭ تاماقتانۋىنا قارايلاستى. بيىل 90 جاستاعى چۇي زىميننىڭ بالا - شاعاسى قاسىندا جوق، شالى قايتىس بولعاننان بەرى، جالعىز تۇرىپ كەلەدى. ءۇرىمجى قالاسىنىڭ ءتۇيىندى اۋماقتارىندا ۋاقىتتىق تىنىش كۇيدە باسقارۋ شاراسى اتقارىلعاننان كەيىن، الەۋمەتتىك اۋماق كاريانىڭ ۇيدە جالعىز تۇراتىندىعىن، تاماق جاساۋى قولايسىز ەكەندىگىن ەسكەرىپ، الەۋمەتتىك اۋماق اسحاناسىندا ۇلكەن كىسىنىڭ تۇسكى اسىن قوسىپ دايىنداتتى. تاماق جاساعان كەزدە، اسپاز، اۋەلى، ۇلكەن كىسىنىڭ تۇسكى اسىن ارنايى تۇردە جۇمساعىراق ءپىسىردى.
چيڭچۋان الەۋمەتتىك اۋماعى پارتكومىنىڭ شۋجيى چىن ي - ۋىن بىلاي دەپ تانىستىردى: چيڭچۋان الەۋمەتتىك اۋماعىندا قازىر جالعىز تۇراتىن 55 قارت بار، جاستارى ەگدەلەپ قالسا دا، ولار وزدەرىنىڭ تاڭعى، كەشكى استارىن ادەتتەگىدەي دايىنداپ ىشە الادى، وسىعان قاراتا، الەۋمەتتىك اۋماق تۇسكى اس كەزىندە ولاردىڭ ءنارلى، مايەكتى ازىقتانۋىنا ءمان بەردى. ءار كۇنى قارتتارعا تۇسكى اس جەتكىزىپ بەرۋدەن سىرت، الەۋمەتتىك اۋماق كادرلارى قارتتارعا بۋ نان جانە كوكونىس جەتكىزىپ تۇرادى.
بىرنەشە كۇننەن بەرى، ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) ورتا ازيا سولتۇستىك جولى اۋماعى چياۋدۇڭ الەۋمەتتىك اۋماعىنداعى كادرلاردىڭ دەن قويا كومەكتەسۋى مەن سۇيەمەلدەۋىندە، جالعىز تۇراتىن قارت چىن شيانجىننىڭ كوڭىلى بارىنشا ورنىقتى. كاريانىڭ قول تەلەفونمەن كوكونىس ساتىپ الا المايتىنىن ويلاعان الەۋمەتتىك اۋماقتىڭ ورىنباسار مەڭگەرۋشىسى ليۋ يانچين ءار كۇنى وعان تەلەفون جالعاپ سول كۇنى نە قاجەت ەتەتىنىن سۇراپ، تۇسكى استان بۇرىن ۇيىنە كوكونىس جەتكىزىپ بەرىپ تۇردى، كەيدە ءتىپتى، ۇلكەن كىسىگە كومەكتەسىپ، كوكونىس تازالاپ، تاماق دايىنداپ، داستارقانعا ىستىق اس - سۋ شىعارعان سوڭ عانا كەتىپ ءجۇردى.
قيىنشىلىقتى، تالاپ - تىلەكتى شەشۋگە جاۋاپتى ادام بولدى
”اپا، توك كەلدى، قاراڭىز، ءۇيىڭىزدىڭ شامى جاندى“. تەكەس اۋداندىق ءتارتىپ تەكسەرۋ كوميتەتىنىڭ، باقىلاۋ - تەكسەرۋ كوميتەتىنىڭ كوكتەرەك قىرعىز اۋىلى مويىنتاي قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى ماقپال مەيرام 72 جاستاعى قىستاق تۇرعىنى تۇراقان جاكەيدىڭ ۇيىنە كەلدى. ”ساعان راقىمەت، قىزىم، ماعان كومەكتەسىپ توكتىڭ اقىسىن دا تاپسىرىپ قويىپسىڭ، ساعان قالاي راقىمەت ايتسام بولار ەكەن“، - دەدى ۇلكەن كىسى تەبىرەنە. ىندەتتەن ساقتانۋ - تىزگىندەۋ كەزىندە، ماقپال ۇلكەن كىسىگە ۇنەمى كەلىپ قارايلاسىپ تۇردى. 8 - ايدىڭ 8 - كۇنى، ماقپال وتباسىلاردى ارالاپ جاعداي ۇعىسقان كەزىندە، تۇراقان قاريانىڭ ءۇيىنىڭ توگى تاۋسىلىپ قالعانىن بايقاپ، قول تەلەفونىن الىپ، ينتەرنەتتە توكتىڭ اقىسىن تاپسىرىپ تاستادى.
ىندەت تۋىلعان سوڭ، ىلە قازاق اۆتونوميالى وبلىسى قيىنشىلىعى بار بۇقاراعا قۇتقارۋ جاردەمىن، كومەكتەسۋ - سۇيەمەلدەۋ قىزمەتىن بار كۇشپەن ويداعىداي ىستەپ، قيىنشىلىعى بار بۇقاراعا جاۋاپتى ادام، كومەكتەسەتىن ادام بولۋعا شىنايى كەپىلدىك ەتتى. قۇلجا قالاسى حالىق ىستەرى مەكەمەسى ۋاقىتتىق قۇتقارۋ جاردەمىنىڭ ”شۇعىل، قيىن جاعدايداعى قۇتقارۋ“ رولىن تولىق ساۋلەلەندىرىپ، شۇعىل تۇردە ۋاقىتتىق قۇتقارۋ قارجىسىنان 800 مىڭ يۋان شىعارىپ، ”زاتتىق ماتەريال +“ سىندى قۇتقارۋ، كومەكتەسۋ ءتاسىلى ارقىلى، بۇكىل قالادا انىقتالىپ شىققان، جالعىز تۇراتىن قارتتار، سالماقتى ناۋقاسقا شالدىققاندار مەن مۇگەدەكتەر، ۇيدە قالعان بالالار سياقتىلارعا جاپپاي قۇتقارۋ جاردەمىن اتقاردى.
”وتباسىلاردى ارالاپ جاعداي ۇعىسۋ ءتاسىلى ارقىلى، تۇرعىنداردىڭ قيىنشىلىعى مەن تالاپ - تىلەگىن دەر كەزىندە ءبىلىپ، تۇرگە ءبولىپ، قۇتقارۋ جاردەمىن ورىستەتتىك“، - دەيدى ءۇرىمجى قالاسى ەكونوميكالىق، تەحنيكالىق اشۋ رايونى (توۋتۇنحى رايونى) باينياۋحۋ الەۋمەتتىك اۋماعى شياڭيۇن الەۋمەتتىك اۋماعى پارتيا ياچەيكاسىنىڭ شۋجيى لي ليڭ تانىستىرۋىندا بىلاي دەدى: ءار كۇنى الەۋمەتتىك اۋماق كادرلارى ءجۇرىس - تۇرىسى قولايسىز 50 نەشە قارتتىڭ ۇيىنە بارىپ حىسۋان تەكسەرىپ، كوكونىس، ءدارى - دارمەك ساتىپ اپارىپ بەرىپ تۇردى، ەمدەلۋ قاجەتى بار تۇرعىندارعا قولايلى بولۋ ءۇشىن، الەۋمەتتىك اۋماق تاعى ارنايى كولىك ورنالاستىرىپ، ولاردى اپارىپ - اكەلدى.
ىندەت تۋىلعان سوڭ، ءۇرىمجى قالاسىنداعى حالىق ىستەرى تاراۋلارى ءىس جۇزىندىكپەن بىرلەستىرە وتىرىپ، ەرەكشە قيىنشىلىعى بار قاۋىمعا قايتالاي انىقتاپ تەكسەرۋ، قايتالاي تىركەۋ جۇرگىزىپ، تۇرگە ءبولىپ، ينفورماتسيا اشىق ەسەبىن ورناتتى جانە قامقورلىق جاساۋ، كومەكتەسۋ - سۇيەمەلدەۋ قىزمەتىن جەدەل ورىستەتتى. بۇكىل قالانىڭ ءارقايسى رايون، اۋداندارىنداعى حالىق ىستەرى تاراۋلارى بيىل 8 - ايداعى ەڭ تومەنگى تۇرمىستى قامتاماسىز ەتۋ قاراجاتىن، ەرەكشە قيىنشىلىعى بارلاردى باعىپ - قاعۋ قاراجاتىن مەرزىمىنەن بۇرىن تاراتىپ، ءار ادامعا ارتىق 300 يۋان قوسىپ تاراتۋ ولشەمى بويىنشا، ءبىر رەتكى جاردەماقىدان جالپى ءبىر ميلليون 697 مىڭ 700 يۋان كوبەيتىپ تاراتىپ، ەڭ تومەنگى تۇرمىسى قامتاماسىز ەتىلەتىندەر مەن ەرەكشە قيىنشىلىعى بارلاردان 5659 ادامعا تيىمدىلىك جاسادى، سونىمەن بىرگە ۋاقىتتىق قۇتقارۋ جاردەمىنىڭ سەرپىنىن ارتتىرىپ، قۇتقارۋ جاردەمى ارناسىن ىركىلىسسىزدەندىرىپ، تەكسەرىپ بەكىتۋ ءتارتىبىن ساپالىلاندىرىپ، ۋاقىتتىق قۇتقارۋ جاردەماقىسىنان 17 مىڭ 900 يۋان تاراتتى.
(ءتىلشى لي لين، قاتىناسقان تىلشىلەر يۇي مىڭفان، ۋي حۇڭپيڭ، جاۋ شييا، ەرىكتى تىلشىلەر كاڭ چياڭ، دۋ يانشيا)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
