قاشقار:
وڭتۇستىك شينجياڭداعى ماڭىزدى قالاشىقتاردىڭ ومىرشەڭدىگى تاسقىندادى
□ انار بۇلت \ شينجياڭ گازەتىنىڭ ءتىلشىسى حان چين - يان
2022.08.17 16:48 كەلۋ قاينارى : شينجياڭ گازەتى
قاشقاردا جۇرسەڭىز، ءداستۇر مەن زاماناۋيلىقتىڭ ءبىر - بىرىمەن بىتە قايناسىپ، بايىرعى ءداۋىر مەن جاڭا ءداۋىردىڭ توعىسقانىن سەزىنەسىز، جاڭا ءداۋىردىڭ تامىرى كۇشتى دە قۋاتتى بولىپ، ومىرشەڭدىككە تولى جالىندى تىرشىلىك لەبى ەسەدى.
پارتيا 18 - قۇرىلتايىنان بەرى قاشقار ايماعىنىڭ ەكونوميكالىق، قوعامدىق دامۋى كۇن سايىن جاڭالانىپ، اي سايىن تۇلەجىدى، كەدەيلىكتەن ارىلتۋدان قامال الۋ جالپى بەتتىك جەڭىسكە قول جەتكىزدى، ەكولوگيالىق ورتاسى ۇزدىكسىز جاقساردى، ءار ۇلت حالقى اناردىڭ دانىندەي تىعىز ۇيىسىپ، بۇقارانىڭ باقىت كورسەتكىشى ءبىر - بىرلەپ جوعارىلادى.
سىرتقا ەسىك اشۋدى ويداعىداي جۇرگىزدى
ءار كۇنى تۇستەن بۇرىن ساعات 10 مولشەرىندە ماشينا، ەلەكتروندىق جابدىقتار سياقتى زاتتىق ماتەريالدار سالىنعان كونتينەر تيەگەن جۇك اۆتوموبيلدەرى قاشقار كەشەندى باجىسىز اۋماعىندا كەدەننەن وتۋگە تارتىپپەن قاتارعا تۇرادى.
”ءبىر بەلدەۋ، ءبىر جول“ ەكونوميكا - ساۋدا سەلبەستىگىنىڭ ۇزدىكسىز تەرەڭدەۋىنە، ناقتىلانۋىنا ىلەسە، قاشقار كەشەندى باجىسىز اۋماعى ورتا ازيا، باتىس ازيا، وڭتۇستىك ازيا، اۋەلى، ەۆروپا بازارىنا باعىتتالعان ماشينا - ەلەكتر جاساۋ، ەلەكتروندىق جابدىقتار قۇراستىرۋ، اۋىل شارۋاشىلىق قوسىمشا ونىمدەرىن جىنتىكتەي مانەرلەۋ سياقتى ءبىر توپ كاسىپورىنداردى ىرگە تەبۋگە باۋرادى.
”بىزدىڭ قاشقارعا ىرگە تەبۋ شەشىمىمىز دۇرىس بولدى، بيىل سەرىكتەستىگىمىزدىڭ كاسىپ مولشەرى 10 ميلليوننان اساتىندىعىنا كوزىمىز جەتەدى“، - دەدى شەكارا اتتاعان ەلەكتروندى ساۋدامەن شۇعىلدانۋشى جاڭ چي نىق سەنىممەن.
تاياۋداعى جىلداردان بەرى قاشقارعا نازار اۋداراتىن جاڭ چي سەكىلدى كاسىپكەرلەر بارعان سايىن كوبەيىپ كەلەدى. قازىر قاشقار كەشەندى باجىسىز اۋماعىنان جيىنى 225 كاسىپورىن تىركەۋگە الىندى، بيىلعى جىلدىڭ الدىڭعى جارتىسىندا 83 كاسىپورىن تىڭنان قوسىلدى.
”ەلىمىز ورتا ازيا، باتىس ازيا، وڭتۇستىك ازيا ەلدەرىمەن ەكونوميكا - ساۋدا جاعىندا وتە كۇشتى ءبىرىن - ءبىرى تولىقتاۋ سيپاتىنا يە، ءوندىرىس قۋاتى جاعىنداعى سەلبەستىك جاساسۋىنىڭ بولاشاعى زور“. قاشقار كەشەندى باجىسىز اۋماعى باقشا رايونى قىزمەت وتەۋ ورتالىعىنىڭ مەڭگەرۋشىسى جاۋ چۇنلين بىلاي دەدى: قاشقار ايماعى سىرتقا ەسىك اشۋدى جان - جاقتى كەڭەيتىپ، سىرتقى ساۋدا ”دوستار شەڭبەرىن“ ۇزدىكسىز كەڭەيتۋدە. 2021 - جىلى قاشقار كەشەندى باجىسىز اۋماعىنىڭ يمپورت - ەكسپورت ساۋدا سوماسى 3 ميلليارد 710 ميلليون يۋانعا جەتىپ، الدىڭعى جىلداعىدان ％436.9 ارتىپ، 2019 - جىلداعىدان 10 ەسەگە جۋىق ارتقان.
بيىل 2 - ايدا مەملەكەتتىك كەڭەس قاشقار ايماعىن وڭتۇستىك شينجياڭداعى تۇڭعىش شەكارا اتتاعان ەلەكتروندى ساۋدا ىستەرى جالپىلىق سىناق رايونى ەتىپ بەكىتتى، سونىمەن قاشقاردىڭ سىرتقا باعىتتالعان ەكونوميكالىق دامۋى جاڭا ورايدى قارسى الدى.
بۇگىنگى تاڭدا قاشقاردان پاكيستاننىڭ ءىسلامابادىنا، ۆەنگريانىڭ بۋداپەشتىنە، بەلگيانىڭ لەيرىنە، پاكيستاننىڭ لاحورىنا دەيىنگى 4 حالىقارالىق جۇك تاسىمال اۋە لەنياسىنىڭ اشىلۋىنا بايلانىستى، قاشقار ايماعى ”تاس جول، تەمىر جول، اۆياتسيا“ ۇشەۋى ءبىر تۇلعالانعان حالىقارالىق زات تاسىمال ۇلكەن ارناسىن العاشقى قادامدا قۇرىپ، باتىسقا ەسىك اشۋ جۇلگەسى جاپپاي قالىپتاسۋدا.
باسىمدىققا يە كاسىپ سالاسىنا كۇش سالدى
قىزعىلت سارى بارقىت ءشوپ گۇل تەڭىزىنە اينالىپ، شاھارءمالى قىستاعىنا كورىك قوستى.
بارقىت ءشوپتى جەرگىلىكتى بۇقارا ”اۋقاتتانۋ گۇلى“ دەپ اتايدى. ”ءبىز بادام ورمانىنىڭ ىشىنە بارقىت ءشوپ كىرىستىرىپ ەگەمىز، تەك بارقىت ءشوپتىڭ وزىنەن مۋ باسىنا 3500 يۋان كىرىس كىرگىزەمىز“، - دەدى ياركەن اۋدانى شاراك قالاشىعى شاھارءمالى قىستاعىنىڭ تۇرعىنى الارگۇل ابدۇل.
”بارقىت ءشوپتىڭ مۋ باسىندىق تازا كىرىسى 3000 يۋان اينالاسىندا“. چىنگۋاڭ بيو عىلىم - تەحنيكا توبى ياركەن شەكتى سەرىكتەستىگىنىڭ ورىنباسار باس ديرەكتورى تۇڭ يۇيحاي بىلاي دەپ تانىستىردى: ”سەرىكتەستىك + بازا + سەلبەستىك كووپەراتيۆى + شارۋا وتباسى“ سىندى وسى زامانعى اۋىل شارۋاشىلىعى ۇلگىسى ارقىلى ياركەن اۋدانىندا بارقىت ءشوپ ەگىلگەن جەر اۋدانى 2012 - جىلعى 30 مىڭ مۋدان قازىر 100 مىڭ مۋعا جەتىپ، 78 مىڭ شارۋانى كىرىستەرىن ارتتىرۋعا جەبەدى.
كاسىپ سالاسىنىڭ گۇلدەنۋى اۋىل - قىستاقتى گۇلدەندىرۋدىڭ تەتىگى، سونداي - اق شارۋالاردىڭ كىرىسىن ارتتىرۋدىڭ، اۋىل شارۋاشىلىعىنىڭ دامۋىن جانە اۋىل - قىستاقتى گۇلدەندىرۋدىڭ نەگىزدىك تىرەگى. پارتيا 18 - قۇرىلتايىنان بەرى قاشقاردىڭ جەر - جەرى جەرگىلىكتى جاعدايعا قاراي ىستەپ، قىستاققا قاراي شارا قولدانىپ، ونىمدىلىكتى وزەك، عىلىم - تەحنيكانى سۇيەنىش ەتىپ، كاسىپ سالاسى قۇرىلىمىن رەتتەۋدى ىلگەرىلەتىپ، شارۋالاردى ەرەكشە ەكونوميكالىق داقىلدار ەگۋگە بەلسەنە جەتەكتەپ، اۋىل شارۋاشىلىعىنىڭ ونىمدىلىگىن جوعارىلاتىپ، شارۋالاردىڭ كىرىسىن ارتتىرۋدى جەبەدى.
يىڭسار اۋدانى ۇشار قالاشىعى بوزعۇن قىستاعىنا بارا قالساڭىز، شەتسىز - شەكسىز ەگىلگەن ورىك اعاشىن كورەسىز.
” بىرنەشە جىلدان بەرى ورىكتىڭ باعاسى جوعارىلادى، بىلتىر وتباسىمىز ورىك ساتىپ 25 مىڭ يۋان تاپتى“، - دەدى بوزعۇن قىستاعىنىڭ تۇرعىنى ارزۇگۇل توحتى.
قازىرگى تاڭدا قاشقار ايماعىنىڭ ەرەكشە جەمىس ورمانى ەگىلگەن جەر اۋدانى 5 ميلليون 820 مىڭ مۋعا جەتىپ، بۇكىل شينجياڭنىڭ ۇشتەن ءبىرىن يەلەيدى، شارۋالاردىڭ جىلدىق جان باسىندىق تازا كىرىسىندە جەمىس ورمانى كىرىسى ％30تەن استامىن ۇستايدى.
ياركەننىڭ بادامى، ءپايزاۋاتتىڭ شينمەيى، يىڭساردىڭ سامەت ورىگى، قاعىلىقتىڭ جاڭعاعى سياقتى ”قاشقار سارا ماركالارى“ سانسىزداعان شارۋا بۇقاراسىنىڭ بايۋ تىلەگىن ارقالاپ، بۇكىل ەلدىڭ اناعۇرلىم ۇلكەن بازارىنا بەت الدى؛ مارالباسى اۋدانىنىڭ ”حوش ءيىستى قاۋىنى“، ماكىت اۋدانىنىڭ ەرتە پىساتىن ”قارا مەرۋەرتى“، كونەءشار اۋدانىنىڭ بەيبەي قاۋىنى سياقتى جوعارى ساپالى اۋىل شارۋاشىلىعى ونىمدەرى شينجياڭ سىرتىنداعى بازارلاردا ءوتىمدى بولدى؛ يوپۇرعا اۋدانىنىڭ بادەن كاسىبى سالاسى، ياركەن اۋدانىنىڭ بارقىت ءشوپ كاسىپ سالاسى، ءپايزاۋات اۋدانىنىڭ قانت قىزىلشاسى كاسىپ سالاسى، جاڭاءشار اۋدانىنىڭ قىزىل بۇرىش مانەرلەۋ كاسىپ سالاسى سياقتىلار جەرگىلىكتى بۇقارانىڭ كىرىسىن ۇزدىكسىز ورنىقتى ارتتىرۋداعى جاڭا تىرەككە اينالدى.
”اۋىل - قىستاقتى گۇلدەندىرۋ ستراتەگياسىن جاپپاي اتقارۋدىڭ تەرەڭدىگى، كەڭدىگى، قيىندىعى كەدەيلىكتەن ارىلتۋدان قامال الۋدان كەم تۇسپەيدى، ءبىز تاباندىلىقپەن، ۇزاق ۋاقىت كۇش سالامىز“، - دەدى قاشقار ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى ءانۋار تۇرسۇن.
قازىر قاشقار جەمىس ورمانى، ءسۇت ونىمدەرى، ۇلتتىق شيپاگەرلىك - دارىگەرلىك سياقتى ەرەكشە، باسىمدىققا يە كاسىپ سالالارىن دامىتۋدى بەلسەنە ىلگەرىلەتىپ، جەرگىلىكتى ەرەكشەلىككە يە، ءار ۇلت بۇقاراسىنا تيىمدىلىك جەتكىزەتىن، جوعارى ساپالى دامۋعا تىرەك بولاتىن وسى زامانعى كاسىپ سالاسى جۇيەسىن جەدەل قالىپتاستىرۋدا.
مادەنيەت پەن ساياحاتتى توعىستىرۋدىڭ سيمفونياسىن شىعانداتتى
تاشقورعان تاجىك اۆتونوميالى اۋدانى تاشقورعان اۋىلى توعلۇنشۇر قىستاعى بەينە جەر ۇيىق ىسپەتتى، بۇرىنعى ەكولوگيانىڭ تابيعاتى مەن تاريحي بەت - بەينەسى شار تاراپتان كەلگەن ساياحاتشىلاردى تاماشالاۋعا باۋرادى.
”اپتا سوڭىندا ساياحاتشىلار ەڭ كوپ بولعاندا، ءبىر كۇندە 50گە جۋىق ادام قابىلداپ، ايىنا 10 مىڭ يۋاننان استام كىرىس كىرگىزەمىن“، - دەدى توعلۇنشۇر قىستاعىنداعى ”جينليۋ تاجىك ساياحات مالشىلار شاتتىعى ساياجايىنىڭ“ قوجايىنى ازنا قۇربان.
تاماشا ەكولوگيا ساياحاتشىلارعا تاماشا كورىنىس سيلادى ءارى ەگىنشى - مالشى قاۋىمىنىڭ دامۋدىڭ ”نۇرلى بولاشاعىن“ كورۋىنە مۇمكىندىك جاسادى. شارۋالار شاتتىعى ساياجايى، مالشىلار شاتتىعى ساياجايى، سەيىل - سەرۋەن ساياجايى سياقتى اۋىل - قىستاق دەمالىس ورىندارى ارقىلى قاشقار ايماعى 151 مىڭنان استام ادامدى تىكەلەي جانە جانامالاي جۇمىستاندىردى.
ادەمى بەزەنىپ، ۇزىن اتلاس كويلەك كيىپ، جەر - جەردەن كەلگەن ساياحاتشىلار فوتو اپپاراتتىڭ ”شارت“ ەتكەن داۋىسىنا ىلەسە، قويۋ ۇلتتىق سالت - ساناعا يە قاشقار بايىرعى قالاسى كورىنىس وڭىرىندە سۋرەتكە ءتۇسىپ، تاماشا ساتتەردەن ەستەلىك قالدىردى.
”مادەنيەت − ساياحاتتىڭ جانى، تەك ۇلتتىق ەرەكشەلىككە يە مادەنيەتتى ويداعىداي كادەگە جاراتىپ، ودان ويداعىداي پايدالانعاندا عانا، وزگەشە باۋراۋ قۋاتىن ايگىلەپ، دامۋ باسىمدىعىن زورايتىپ، مادەنيەت - ساياحات كاسىبىن اناعۇرلىم تىرشىلىك تىنىسىنا جانە ومىرشەڭدىككە يە ەتۋگە بولادى“، - دەدى قاشقار قالالىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى ۋاڭ لين.
قاشقار بايىرعى قالاسى كورىنىس ءوڭىرى، پوسكام التىن توراڭعى كورىنىس ءوڭىرى، تاشقورعان پامير ساياحات كورىنىس ءوڭىرى سياقتى تانىمالى كورىنىس تۇيىندەرى وڭىرىنەن سىرت، جىبەك جولى سالت - سانا سارا ونىمدەرى جەلىسى، پاميرگە ساياحات سارا جەلىسى، شۋانزاڭنىڭ شىعىسقا ورالۋ سارا جەلىسى، توراڭعى ۋادەسى ەكولوگيالىق سارا ونىمدەر جەلىسى سياقتى ماركا جەلىلەرى دە قاشقار ايماعىنىڭ مادەنيەت، ساياحات جاڭا سارا ماركالارىنا اينالۋدا.
بيىل الدىڭعى جارتى جىلدا قاشقار ايماعى 8 ميلليون 881 مىڭ 700 ساياحاتشى (رەت) قابىلدادى، بۇل سايكەس مەزگىلدەگىدەن ％2.81 ارتىپ، 5 ميلليارد 915 ميلليون يۋان ساياحات كىرىسىن كىرگىزدى.
بۇگىنگى كۇندە قاشقاردىڭ بارلىق جەرىندە تىرشىلىك تىنىسى مەن ومىرشەڭدىك كۇش جالىندادى. ءار ۇلت بۇقاراسى قايراتتانا العا ۇمتىلىپ، قاجىرلىلىق كورسەتىپ، ءبىر نيەتپەن جاڭا داۋىردەگى جوعارى ساپالى دامۋدىڭ جاڭا كارتيناسىن سالدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
