لي كىچياڭ ەكونوميكاداعى ءىرى ولكەلەردىڭ ۇكىمەتتەرىنىڭ نەگىزگى جاۋاپتىلارىنىڭ ەكونوميكالىق جاعداي جونىندەگى اڭگىمە ءماجىلىسىن باسقارىپ اشقاندا مىنانى دارىپتەدى
ەكونوميكانى ورنىقتىرۋ، قالپىنا كەلتىرۋ بارىسىندا ەكونوميكاداعى ءىرى ولكەنىڭ ءتيىستى جاۋاپكەرلىگىن ارقالاپ، بازار تۇلعالارىن ساقتاپ، جۇمىستاندىرۋدى، زات باعاسىن ورنىقتىرىپ، نەگىزگى حالىق تۇرمىسىن قامتاماسىزداندىرۋ كەرەك
2022.08.17 16:24 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 16 – كۇنى، شىنجىن. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 8 - ايدىڭ 16 - كۇنى شىنجىندە ەكونوميكاداعى ءىرى ولكەلەردىڭ ۇكىمەتتەرىنىڭ نەگىزگى جاۋاپتىلارىنىڭ اڭگىمە ءماجىلىسىن باسقارىپ اشىپ، ەكونوميكالىق جاعدايعا تالداۋ جاساپ، كەلەسى قادامداعى ەكونوميكالىق قىزمەتتى ويداعىداي ىستەۋ جونىندە تالاپ قويدى.
ماجىلىستە ج ك پ ورتالىق كوميتەتى ساياسي بيۋروسىنىڭ مۇشەسى، گۋاڭدۇڭ ولكەلىك پارتكومنىڭ شۋجيى لي شي مەن گۋاڭدۇڭ ولكەسىنىڭ باستىعى ۋاڭ ۋەيجۇڭ ءسوز سويلەدى، جياڭسۋ ولكەسىنىڭ باستىعى شۇي كۇنلين، جىجياڭ ولكەسىنىڭ باستىعى ۋاڭ حاۋ، شاندۇڭ ولكەسىنىڭ باستىعى جوۋ نايشياڭ، حىنان ولكەسىنىڭ باستىعى ۋاڭ كاي، سىچۋان ولكەسىنىڭ باستىعى حۋاڭ چياڭ بەينە ەكران ارقىلى ءسوز سويلەدى.
لي كىچياڭ بىلاي دەدى: شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جەر - جەر، تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن تياناقتاندىرىپ، 2 - توقسانداعى ەكونوميكا ءدوپ كەلگەن مەجەدەگىدەن ارتىق سوققىعا پارمەندى توتەپ بەرىپ، 6 - ايدا الدىڭعى 2 ايداعى نەگىزگى ەكونوميكالىق كورسەتكىشتەردىڭ كەرى كەتۋ جاعدايىن وزگەرتىپ، ەكونوميكالىق اينالىم ورنىقتى جوعارىلادى. 7 - ايدا ەكونوميكا ءۇرتىس قالپىنا كەلدى، الايدا ءالى دە شاعىن تولقۋ بار. قازىر ەكونوميكانىڭ قالپىنا كەلۋى ەڭ قيىن كەزەڭدە تۇر، ءسوز جوق، ۋاقىت كۇتىپ تۇرمايدى دەيتىن كوكەي تەستىلىك سەزىممەن ەكونوميكانىڭ قالپىنا كەلۋ، دامۋ نەگىزىن بەكەمدەۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا دامۋ ۇستانىمىن جاپپاي دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، ىندەتتەن ساقتانۋ، ەكونوميكانى ورنىقتىرۋ، دامۋدا حاۋىپسىزدىكتى ساقتاۋ تالابىن تياناقتاندىرۋ كەرەك. ورتالىق پەن جەرگىلىكتى ورىنداردىڭ بەلسەندىلىگىن ساۋلەلەندىرىپ، دامۋ − ەلىمىزدىڭ بارلىق ماسەلەسىن شەشۋدىڭ نەگىزى جانە تەتىگى دەگەندە تاباندى بولىپ، ەكونوميكانى ورنىقتىرۋدىڭ ءبىرقىدىرۋ ساياساتىن ىشكەرىلەي اتقارىپ، جاڭا جاعدايعا باعىتتاي وتىرىپ ماكرولىق ساياساتتىڭ تەبىنىن ۇيلەسىمدى ارتتىرىپ، رەفورما جاساپ، ەسىك اشۋدى ىلگەرىلەتىپ، جۇمىسقا ورنالاستىرۋدى ورنىقتىرۋعا، زات باعاسىن ورنىقتىرۋعا كۇش سالىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاپ، نەگىزگى حالىق تۇرمىسىن تىڭعىلىقتى قامتاماسىزداندىرۋ كەرەك.
لي كىچياڭ بىلاي دەدى: ەكونوميكاداعى ءىرى 6 ولكەنىڭ ەكونوميكالىق جالپى مولشەرى بۇكىل ەلدىكىنڭ %45 ىن ۇستايدى، مەملەكەت ەكونوميكاسى دامۋىنىڭ تىرەگى. ەكونوميكاداعى ءىرى ولكەلەر ۇلكەن باتىلدىقپەن تىرەك بولىپ، ەكونوميكانى ورنىقتىرۋدىڭ شەشۋشى تىرەكتىك رولىن ساۋلەلەندىرۋى كەرەك. ەكونوميكانى ورنىقتىرۋداعى ءبىرقىدىرۋ ساياساتتى ويداعىداي تياناقتاندىرىپ، ءوز ساياساتتارىنىڭ كومەسكى كۇشىن اشىپ، بازار تۇلعالارىنىڭ ومىرشەڭدىك كۇشتى قاۋلاتۋىنا دەم بەرىپ، زات اينالىمىنىڭ نەگىزگى ارناسىنىڭ، ميكرو اينالىمىنىڭ ىركىلىسسىزدىگىنە كەپىلدىك ەتىپ، كاسىپ تىزبەگىنىڭ، قامداۋ تىزبەگىن ورنىقتىرۋ كەرەك. ەكونوميكانى ورنىقتىرۋ دا قازىنا قاينارىن ورنىقتىرۋ بولىپ تابىلادى. 6 ولكەنىڭ ىشىندەگى تەڭىز جاعالاۋىنداعى 4 ولكەنىڭ جەرگىلىكتى ورىنداردىڭ ورتالىق قازىناسىنا ناق تاپسىرۋداعى قوسقان ۇلەسى %60 تەن استى، قازىنانى جوعارىعا تاپسىرۋ مىندەتىن ورىنداۋ كەرەك. ورتالىق قازىنانىڭ جەرگىلىكتى ورىندارعا اۋدارىپ تولەۋى نەگىزىنەن ءتۇسىرىلدى، ولكەلەر ۇكىمەتتىڭ تارتا تۇرمىس كەشىرۋىندە تاباندى بولىپ، قازىنالىق ىركىندى قارجىنى جانداندىرىپ، قازىنالىق كىرىس - شىعىستىڭ تەپە - تەڭدىگىن ساقتاپ، قازىنا قۋاتىنىڭ تومەنگە ءتۇسۋىن ارتتىرىپ، نەگىزگى ساتىنىڭ «ءۇشتى قامتاماسىزداندىرۋىن»، اسىرەسە، نەگىزگى حالىق تۇرمىسى شىعىسىن، نەگىزگى ساتىنىڭ ەڭبەكاقىسىن تاراتۋدى قامتاماسىزداندىرۋ كەرەك.
لي كىچياڭ بىلاي دەدى: بازار تۇلعاسى ورنىقتى بولعاندا عانا ەكونوميكا مەن كاسىپتەنۋ ورنىقتى بولادى. 6 ولكەدەگى بازار تۇلعالارىنىڭ سانى بۇكىل ەلدىكىنىڭ %40 تەن استامىن ۇستاپ، %40 تەن استام كاسىپتەنۋگە ۇلەس قوستى. ءىس جۇزىندىك جاعدايمەن ۇشتاستىرىپ، كاسىپورىنداردىڭ قيىنشىلىعىن شەشۋ سەرپىنىن ارتتىرىپ، ولاردىڭ ومىرشەڭدىك كۇشىن قالپىنا كەلتىرۋىنە كومەكتەسىپ، جۇمىسقا قابىلداۋ جاعىندا ۇزدىكسىز «باس كەيىپكەر» بولىپ، جەرگىلىكتى ورىنداعى جانە سىرتتان كەلگەن جۇمىسكەرلەردىڭ جۇمىسقا ورنالاسۋىن قۇلشىنا ورنىقتىرۋ كەرەك. سۇرانىستىڭ سەرپىلمەۋى − ەكونوميكالىق اينالىمداعى كورنەكتى قايشىلىق. ەكونوميكاداعى ءىرى ولكەلەردىڭ حالىق سانى كوپ، كوپ ءادىس - امال قاراستىرىپ، تۇتىنۋدى جەبەپ، اۆتوموبيل سياقتى كوپ قولدى تۇتىنۋدى كەڭەيتىپ، تۇرعىن ءۇيدىڭ بۇلجىماس جانە جاقسارۋ سيپاتىنداعى قاجەتىن قولداۋ كەرەك. قازىر جەرگىلىكتى ورىنداردىڭ ارناۋلى قارىز قالدىعى قارىز شەگىنە جەتە قويعان جوق، قارىز شەگى كەڭىستىگىن زاڭ بويىنشا جانداندىرۋ، سونداي - اق تاراتىلعان جەرگىلىكتى ارناۋلى قارىز بەن ساياساتتىق اشۋ سيپاتىنداعى فينانس قۇرالدارىنان ويداعىداي پايدالانۋ، شارت - جاعدايعا ۇيلەسەتىن وبيەكتىلەر قانشالىق كوپ بولسا، جەرگىلىكتى ورىندار الاتىن قارجى سونشالىق كوپ بولۋ كەرەك. جەر - جەر پىسىپ - جەتىلگەن نىسان قۇرىلىسىن جەدەلدەتىپ، 3 - توقساندا اناعۇرلىم كوپ ناقتى قىزمەت مولشەرىن قالىپتاستىرىپ، ۇتىمدى قارجى قوسۋ مەن سايكەستى تۇتىنۋدى جەبەۋ كەرەك.
لي كىچياڭ بىلاي دەدى: ەكونوميكاداعى ءىرى ولكەلەردىڭ بۇگىنگىدەي دامۋ تابىسىنا قول جەتكىزۋىنىڭ ءتۇبىرلى قوزعاۋشى كۇشى رەفورما جاساپ، ەسىك اشۋدا. رەفورما جاعىندا ۇزدىكسىز باتىلدىقپەن ىزدەنىس جاساپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتىپ، بازاردىڭ ومىرشەڭدىگى مەن قوعامنىڭ جاسامپازدىق قۋاتىن بارىنشا قاۋلاتۋ كەرەك. ەسىك اشۋ − ەكى بازاردان، ەكى بايلىقتان تولىق پايدالانىپ، حالىقارالىق باسەكەلىك قۋاتتى جوعارىلاتۋدا، ءسوزسىز، باسىپ وتەتىن جول. 6 ولكەنىڭ يمپورت - ەكسپورتى مەن شەتەل قارجىسىنان پايدالانۋى بۇكىل ەلدىكىنىڭ %60 ىنە تايايدى، اناعۇرلىم جوعارى دەڭگەيدەگى سىرتقا ەسىك اشۋدى ىلگەرىلەتىپ، سىرتقى ساۋدانى ورنىقتىرىپ، شەتەل قارجىسىن ورنىقتىرىپ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋ كەرەك.
شياۋ جيە ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
