ءتىنتۋ بۇيرىعىن اشىق جاريالادى! ترامپتا ءۇش ءتۇرلى قىلمىستىق ارەكەت بولۋى مۇمكىن
2022.08.15 16:07 كەلۋ قاينارى : حالىق تورابى
ا ق ش – تىڭ ءتىنتۋ بۇيرىعى ترامپتا ورىن الۋى مۇمكىن بولعان قىلمىستىق ىستەر قىلمىسىن ءبىر – بىرلەپ كورسەتتى
ا ق ش - تىڭ ءبىر فەدەراتسيالىق رايوندىق سوت مەكەمەسىنىڭ سۋدياسىنىڭ بەكىتۋىمەن فەدەراتسيا تەكسەرۋشىلەرى تاياۋدا ا ق ش – تىڭ بۇرىنعى زۇڭتۇڭى ترامپتىڭ مار - ا - لاگو شارۋا قوجالىعىنا تۇتقيىل ءتىنتۋ جۇرگىزگەندەگى اتقارعان ءتىنتۋ بۇيرىعى 8 – ايدىڭ 12 – كۇنى اشىق جاريالاندى. بۇل ءتىنتۋ بۇيرىعىندا ترامپتا ورىن الۋى مۇمكىن بولعان 3 ءتۇرلى قىلمىستىق ىستەر قىلمىسى ءبىر – بىرلەپ كورسەتىلدى.
ءتىنتۋ بۇيرىعىندا كورسەتىلگەن قىلمىستىق ىستەر قىلمىسى فەدەراتسيالىق ۇكىمەتتىڭ قۇجاتتارىن ءبىر جاقتى ەتۋدىڭ ۇيلەسىمسىز بولۋى، ءادىلياعا كەدەرگىلىك جاساۋ جانە مەملەكەت قورعانىسى اقپاراتىن جەتكىزۋدى قامتيدى. قاتىستى قىلمىس شىنىمەن قالىپتاساتىن بولسا اقشالاي ايىپ سالىنادى نەمەسە اباقتىعا جابىلادى.
ءتىنتۋ بۇيرىعىندا كورسەتىلۋىنشە، تەكسەرۋشىلەرگە قۇپيا بەلگى باسىلعان ءارقانداي قۇجاتتى تەكسەرىپ انىقتاۋعا ۇقىق بەرىلگەن، مۇندا مەملەكەت قورعانىسى اقپارات ماتەريالدارىن نەمەسە قۇپيا قۇجاتتاردى الۋعا، ساقتاۋعا نەمەسە جەتكىزۋگە ساياتىن ينفورماتسيالارعا، ترامپ مىندەت وتەگەن كەزىندەگى ءارقانداي ۇكىمەت ەستەلىكتەرىنە، سونداي - اق ۇكىمەت جاقتىڭ ەستەلىگىن نەمەسە قۇپيا قۇجاتتاردى قاساقانا وزگەرتكەن، جويعان نەمەسە جاسىرعان دالەل – سىپاتتارعا سايادى.
بۇدان سىرت، قولعا تۇسكەن زاتتاردىڭ تىزىمدىگىنە نەگىزدەلگەندە، تەكسەرۋشىلەر مار - ا – لاگو شارۋا قوجالىعىنان 33 ءتۇرلى زاتتى الىپ كەتكەن، بۇل كەيبىر «ەڭ جوعارى قۇپيالىق» دەپ جازىلعان قۇجاتتاردى قامتيدى.
ترامپ 8 – ايدىڭ 12 – كۇنى مالىمدەمە جاريالاپ، بۇل قۇجاتتاردىڭ قۇپيا ءنومىرىنىڭ اشىلعاندىعىن ءبىلدىردى، ا ق ش – تىڭ ءادىليا مينيسترلىگىنە «ساياسي ويىنمەن اينالىستى» دەگەن سىن ايتتى. رەسپۋبليكاشىلدار پارتياسىنان شىققان بۇل زۇڭتۇڭ بۇدان بۇرىن دەموكراتتار پارتياسىن ا ق ش - تىڭ ءادىليا ءتۇزىلىسىن «قارۋ» ەتىپ، وزىنە جالعاستى «ساياسي شابۋىل» جاسادى دەپ جازعىرعان بولاتىن، مۇنداعى ماقسات ونىڭ تاعى دا زۇڭتۇڭ سايلاۋىنا قاتىناسۋىنا كەدەرگىلىك جاساۋ دەدى. ا ق ش ءادىليا مينيسترلىگىنىڭ باستىعى مەراك كارلاند 8 – ايدىڭ 11 – كۇنى وتكىزىلگەن تىلشىلەر جينالىسىندا ءوزىنىڭ سوت مەكەمەسىنەن ءتىنتۋ بۇيرىعىن ءوتىنىش ەتۋدى سونداي – اق مار ـ ا ـ لاگو شارۋا قوجالىعىن ءتىنتۋدى ءوزى قولىمەن بىتىرگەندىگىن ايتتى.
ۇستەگى ايدىڭ 8 – كۇنى، ا ق ش فەدەراتسيالىق تەكسەرۋ مەكەمەسىنىڭ قىزمەتكەرلەرى ترامپتىڭ فلوريدا شتاتى پالما قايراڭىنداعى مار ـ ا ـ لاگو شارۋا قوجالىعىن شۇعىل تىنتكەن بولاتىن، بۇل ا ق ش تاريحىنداعى تۇڭعىش رەت بۇرىنعى زۇڭتۇڭنىڭ تۇراعىن قىلمىستىق ىستەر تەكسەرۋى بويىنشا شۇعىل ءتىنتۋ بولدى.
ا ق ش زاڭىندا ا ق ش زۇڭتۇڭى مىندەت وتەگەن كەزدەگى بارلىق قۇجاتتاردى ساقتاپ قالۋى ءارى مىندەتىنەن بوساعاندا مەملەكەتتىك ارحيۆ جانە ەستەلىك باسقارۋ مەكەمەسىنىڭ باسقارۋىنا تاپسىرۋى كەرەك دەپ بەلگىلەنگەن. ا ق ش مەملەكەتتىك ارحيۆ جانە ەستەلىك باسقارۋ مەكەمەسى بيىل 1 – ايدىڭ سوڭىندا جانە 2 – ايدىڭ باسىندا مار - ا - لاگو شارۋا قوجالىعىنان 15 قۇجات تيەلگەن ساندىقتى تاسىپ اكەتكەندىگىن، ترامپ مىندەت وتەگەن كەزدە كەيبىر قاعاز قۇجاتتاردىڭ «جىرتىلعاندىعىن» ايتقان بولاتىن. ترامپ سول كەزدە مار ـ ا ـ لاگو شارۋا قوجالىعىنان مەملەكەتتىك ارحيۆ جانە ەستەلىك باسقارۋ مەكەمەسىنە تاپسىرۋعا ءتيىستى قۇجاتتاردى ۇزدىكسىز ىزدەيتىندىگىن ايتقان بولاتىن.
ا ق ش اقپارات قۇرالدارىنىڭ 4 – ايداعى حابارىنا قاراعاندا، ءادىليا مينيسترلىگى ترامپتىڭ قۇپيا قۇجاتتاردى ءبىر جاقتى ەتۋدە ورىنسىز ارەكەتى بار - جوقتىعىنا قىلمىستىق ىستەر بويىنشا تەكسەرۋ جۇرگىزگەن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
