ۋاڭ ي تايۋان بۇعازى جاعدايىنىڭ جاڭا بەتالىسىنا قاراتا «ءۇش قىراعىلىقتى» ورتاعا قويدى
2022.08.11 16:06 كەلۋ قاينارى : حالىق تورابى
شينحۋا اگەنتتىگىنىڭ 8 ـ ايدىڭ 10 ـ كۇنى چيڭداۋدان بەرگەن حابارى. مەملەكەتتىك كەڭەستىڭ مۇشەسى ءارى سىرتقى ىستەر مينيسترى ۋاڭ ي تاياۋدا موڭعۇليا، كورەيا، نەپالدىڭ سىرتقى ىستەر مينيسترلەرىمەن بارىس ـ كەلىس جاساۋ بارىسىندا تايۋان بۇعازى جاعدايىنىڭ جاڭا بەتالىسىنا باعىتتاي وتىرىپ، جۇڭگونىڭ تۇرعىسىن بايىمدادى.
ۋاڭ ي بىلاي دەپ باسا دارىپتەدى: ا ق ش قاۋىم پالاتاسىنىڭ باستىعى پەلوسيدىڭ جۇڭگونىڭ تايۋان رايونىنا تىمىسكىلەي بارۋىنىڭ بارىپ تۇرعان ساياسي ارانداتۋشىلىق ەكەندىگى راستالدى. بۇل ا ق ش جاقتىڭ بەرگەن ۋادەسىنە اۋىر قايشىلىق جاساپ، جۇڭگونىڭ يەلىك ۇقىعىنا اۋىر دارەجەدە سۇعاناقتىق جاساعاندىعى. جۇڭگو ءوزىنىڭ يەلىك ۇقىعى مەن تەرريتوريا تۇتاستىعىن قورعاۋدى شىعار ءتۇيىن ەتىپ، ىشكى ىسىنە كيلىكپەۋ سىندى وسى ءبىر حالىقارالىق قاتىناستىڭ نەگىزگى ولشەمىن شىعار ءتۇيىن ەتەدى، تايۋان بۇعازىنىڭ بەيبىتشىلىگى مەن ورنىقتىلىعىن شىن مانىندە قورعاۋدى شىعار ءتۇيىن ەتەدى، ارينە، قاجەتتى ءارى باتىل قارسى تۇرۋ شاراسىن جاسايدى.
ۋاڭ ي بىلاي دەپ اتاپ كورسەتتى: بۇل جولعى تىمىسكىلەي بارۋدىڭ تۇبەگەيلى ساياسي ويىن ەكەندىگى دالەلدەندى. پەلوسيدىڭ ويىنى حالىقارالىق قوعامنىڭ ا ق ش ـ تىڭ زورەكەرلىگى مەن زومبىلىعىنىڭ ءمانىن اناعۇرلىم تانۋىنا مۇمكىندىك جاسايدى، ءارقايسى ەلدىڭ ءبىر جۇڭگو پرينسيبىنە تاباندى بولۋ ورتاق تانىمىن اناعۇرلىم بەكەمدەپ، جۇڭگو حالقىنىڭ ءبىر نيەتپەن ىنتىماقتاسىپ، مەملەكەتتى بىرلىككە كەلتىرۋ ۇلى ءىسىن تاباندىلىقپەن ىلگەرىلەتۋىنە مۇمكىندىك جاسايدى.
ۋاڭ ي بىلاي دەدى: تايۋان بۇعازىنىڭ جاعدايى ءالى دە دامۋدا، ءبىز ءۇش قاتەرلى بەتالىستان ەرەكشە قىراعى بولۋىمىز كەرەك:
بىرىنشىدەن، ا ق ش – تىڭ ساتسىزدىككە مويىنسال بولماي، كەيبىر دوستارىن توپتاپ، وت جاعىپ، ماي قۇيىپ، وڭىرلىك اسكەري ورنالاستىرۋدى كۇشەيتىپ، جاعدايدىڭ ونان ارى ۋشىعۋىن ىلگەرىلەتىپ، جاڭا، اناعۇرلىم زور داعدارىس تۋدىرۋعا ۇرىنۋىنان قىراعى بولۋىمىز كەرەك.
ەكىنشى، «تايۋاندى دەربەستەندىرۋشى» كۇشتەردىڭ جاعدايدى قاتە تۇجىرىمداپ، شاما - شارقىنا قاراماي، ءىش پەن سىرتتىڭ بايلانىسىن ۇزدىكسىز جەدەلدەتىپ، مەملەكەت پەن ۇلتتى بولشەكتەۋ جولىندا ءوز بەتىمەن كەتىپ، بارعان سايىن الىستاۋىنان قىراعى بولۋىمىز كەرەك.
ءۇشىنشى، كەيبىر ەلدەردىڭ ساياسي قايراتكەرلەرىنىڭ شىندىقتى ويلاستىرماي، دۇرىس پەن بۇرىستى بۇرمالاپ، دۇرمەككە ىلەسىپ، ءتىپتى ورايدان پايدالانىپ ەلىكتەپ، ساياسي ويىن كورسەتىپ، ساياسي جەكە مۇددەنى كوزدەۋگە ۇرىنۋىنان قىراعى بولۋىمىز كەرەك. بۇل جۇڭگومەن بارىس - كەلىستىڭ ساياسي نەگىزىن اۋىر دارەجەدە ءبۇلدىرىپ، ب م ۇ ەرەجەسى مەن دۇنيە جۇزىلىك ەكىنشى سوعىستان كەيىنگى حالىقارالىق جۇيەگە اۋىر سوققى بەرەدى.
ۋاڭ ي بىلاي دەدى: جۇڭگو ۇكىمەتى «تايۋان ماسەلەسى مەن جاڭا داۋىردەگى جۇڭگونىڭ بىرلىككە كەلۋ ءىسى» اتتى اق تىستى كىتاپتى رەسمي جاريالاپ، تايۋان ماسەلەسىنىڭ تاريحي بويلىعىن جانە ساياساتتىق قۋاتتاماسىن جان ـ جاقتى بايىمدادى، مۇنداعى ماقسات — توركىنىن تۇزەپ، قاينارىن تازالاپ، دۇنيە جۇزىنە ەڭ بەدەلدى ءۇن قاتۋ. ءبىز بەيبىتشىلىكتى قىزۋ سۇيەتىن، ادىلدىكتى جاقتايتىن ءار ەلدەگى دوستارمەن بىرگە، جۇڭگونىڭ ىشكى ىسىنە كيلىگەتىن ءسوز ـ ارەكەتتەرگە باتىل قارسى تۇرىپ، تايۋان بۇعازىنىڭ بەيبىتشىلىگىن بۇلدىرەتىن بارلىق تاۋەكەلشىلدىك نىسايلارعا باتىل قارسى تۇرىپ، ءبىر جۇڭگو پرينسيبىن بىرگە ويداعىداي قورعاپ، ب م ۇ ەرەجەسىنىڭ تۇپكى ماقساتىن، پرينسيبىن بىرگە قورعاپ، ءوڭىردىڭ ورنىقتىلىعى مەن دۇنيە ءجۇزىنىڭ بەيبىتشىلىگىن بىرگە قورعاۋدى قالايمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
