دەلو ارقىلى زاڭدى ءتۇسىندىرۋ | تىكە تاراتىلىم ارقىلى زات ساتاتىن جۇرگىزۋشىنىڭ جالعان ۇگىت جاساۋىنا ۇشىراعاندا، ۇقىقتى قالاي قورعاۋ كەرەك؟

2022.08.10 15:48 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　مىسال دەلو

　　بەلگىلى تەكشەدە تىكە تاراتىلىم ارقىلى زات ساتاتىن شياۋگاۋ اتتى جۇرگىزۋشى تىكە تاراتىلىم بولمەسىندە ءبىر ءتۇرلى ساياحات كارتۋچكاسىن ساتىپ، بۇل كارتۋچكانى ساتىپ العاندار «ۇشاقتان تۇسكەندە ايگىلى ماركالى اۆتوموبيلگە وتىرادى»، ونىڭ ۇستىنە «ناعىز ساياحاتتاۋ ۇيىرمەسى ەكەنىندە داۋ جوق، زات ساتىپ الۋعا ماجبۇرلەمەيدى» دەگەن. شياۋميڭ ساياحات كارتۋچكاسىن ساتىپ العان، ۇيىرمەگە قاتىناسىپ ساياحاتتاۋ بارىسىندا، شياۋميڭ ساياحاتشىلاردى تاسىمالدايتىن اۆتوموبيلدىڭ «ايگىلى ماركاداعى اۆتوموبيل» بولماستان، جاي اۆتوبۋزشا ەكەنىن بايقاعان، ساياحات بارىسىندا دا كوپ رەت زات ساتىپ الۋعا ماجبۇرلەگەن. جالعان ۇگىتكە ۇشىراعان شياۋميڭنىڭ ۇقىعىن قورعاۋىنا بولا ما؟

　　دەلو ارقىلى زاڭدى ءتۇسىندىرۋ

　　بولادى. ازاماتتىق زاڭنامانىڭ 148 – تارماعىندا بىلاي دەپ بەلگىلەنگەن: ءبىر جاق الداپ – ارباۋ تاسىلىمەن قارسى جاقتىڭ شىن ويىنا قايشى كەلگەن جاعدايدا جۇرگىزىلگەن ازاماتتىق ىستەر زاڭدىق ارەكەتىندە الدانعان جاق حالىق سوت مەكەمەسىنەن نەمەسە تورەلىك ايتۋ قۇرىلىمىنان ونى كۇشىنەن قالدىرۋدى تالاپ ەتۋگە ۇقىقتى. ازاماتتىق زاڭنامانىڭ 157 – تارماعىندا بىلاي دەپ بەلگىلەنگەن: ازاماتتىق ىستەر زاڭدىق ارەكەتى كۇشكە يە بولماعاننان، كۇشىنەن قالدىرىلعاننان نەمەسە كۇشكە يە بولمايتىنى انىق بولعاننان كەيىن، ارەكەت وتكىزۋشى سول ارەكەتكە بايلانىستى يە بولعان مال – مۇلىكتى قايتارىپ بەرۋى كەرەك؛ قايتارىپ بەرۋى مۇمكىن بولماسا نەمەسە قايتارىپ بەرۋى قاجەتسىز بولسا، باعاعا سىندىرىپ تولىقتاما تولەم بەرۋى كەرەك. قاتەلىك جىبەرگەن جاق قارسى جاققا سول قاتەلىكتەن تۋىنداعان زياندى تولەۋى كەرەك؛ تاراپتاردىڭ ءبارى قاتەلىك جىبەرسە، اركىم ءوزى ارقالاۋعا ءتيىستى جاۋاپكەرشىلىكتى ارقالاۋى كەرەك. زاڭدا ايىرىم بەلگىلەمەلەر بولسا، سول بەلگىلەمەلەر بويىنشا اتقارىلادى. ازاماتتىق زاڭنامانىڭ 577 – تارماعىندا بىلاي دەپ بەلگىلەنگەن: تاراپتاردىڭ ءبىر جاعى توقتامداعى بورىشىن وتەمەسە نەمەسە توقتامداعى بورىشىن وتەۋى توقتامداعىعا ساي كەلمەسە، ۇزدىكسىز وتەۋ، وڭاۋ شارالارىن قولدانۋ نەمەسە زياندى تولەۋ سياقتى توقتامعا جىعىندى بولۋ جاۋاپكەرشىلىگىن ارقالاۋى كەرەك. بۇل دەلودا شياۋميڭنىڭ ساياحات سەرىكتەستىگىنەن ساياحات كارتۋچكاسىن ساتىپ الۋ ءۇشىن جۇمساعان قاراجاتتى قايتارىپ بەرۋدى تالاپ ەتۋىنە بولادى؛ شياۋميڭنىڭ ساياحات ۇيىرمەسىنە قاتىناسىپ ساپارلاۋ بارىسىندا ۇشىراعان زيانعا بايلانىستى، وعاشتىق ىستەگەن ساياحات سەرىكتەستىگى قاتارلىلاردان تولەم بەرۋدى تالاپ ەتۋىنە بولادى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved