جاڭا تيپتى ايدارشا ۆيرۋس وكپە قابىنۋ اۋرۋىن ەمدەۋدە ىشەتىن وتاندىق ءدارى ەمدەۋ جوباسىنا ەنگىزىلدى
2022.08.10 15:44 كەلۋ قاينارى : حالىق تورابى
مەملەكەتتىك دەنساۋلىق ساقتاۋ – سالاماتتىق كوميتەتىنىڭ كەڭسە مەڭگەرمەسى مەن مەملەكەتتىك جۇڭگوشا شيپاگەرلىك جانە ءدارى – دارمەك مەكەمەسىنىڭ كەڭسەسى 8 – ايدىڭ 9 – كۇنى حابارلاندىرۋ شىعاردى، حابارلاندىرۋعا قاراعاندا، مەملەكەتتىك ءدارى – دارمەكتەردى باقىلاۋ – باسقارۋ مەكەمەسىنىڭ ازۆدين تابلەتكاسىن جاڭا تيپتى ايدارشا ۆيرۋس وكپە قابىنۋ اۋرۋىن ەمدەۋگە ۇيلەسەتىن دارىلەر قاتارىنا تىركەۋگە بەرگەن ءوتىنىشىن بەلگىلى شارت بويىنشا بەكىتۋ پىكىرىنە ساي، جاڭا تيپتى ايدارشا ۆيرۋس وكپە قابىنۋ اۋرۋىن ەمدەۋدە ۆيرۋسقا قارسى ەمدەۋ جوباسىن اناعۇرلىم كەمەلدەندىرۋ ءۇشىن، زەرتتەۋ جۇرگىزۋ ارقىلى، اتالعان ءدارى «جاڭا تيپتى ايدارشا ۆيرۋس وكپە قابىنۋ اۋرۋىن ەمدەۋ جوباسىنا (توعىزىنشى نۇسقا)» ەنگىزىلگەن. ناقتى جاعدايى مىناداي:
ءبىرىنشى، ءدارىنىڭ اتى
ازۆدين تابلەتكاسى
ەكىنشى، شيپا بولاتىن اۋرۋلار
جاي تيپتەگى جاڭا تيپتى ايدارشا ۆيرۋس وكپە قابىنۋ اۋرۋىنا (COVID-19) شالدىققان ەرەسەك ناۋقاستاردىڭ پايدالانۋىنا بولادى.
ءۇشىنشى، پايدالانۋ ءادىسى، پايدالانۋ مولشەرى
اش قارىندا تۇتاس تابلەتكانى جۇتۋ كەرەك، ءار رەتتە 5 ميلليگرام، ءبىر كۇندە ءبىر رەت، ءبىر رەتكى ەمدەۋ كەزەڭى 14 كۇننەن اسىپ كەتپەۋى كەرەك.
ءتورتىنىشى، نازار اۋدارۋعا ءتيىستى ىستەر
جۇكتىلىك كەزىندە جانە ەمشەكتە بالا بار كەزدە ىشپەگەن ءجون، باۋىر، بۇيرەك قىزمەتى ورتاشا، اۋىر دارەجەدە زياندالعان ناۋقاستار بۇل ءدارىنى پايدالانۋدا ابايلاعانى ءجون.
اتالعان ءدارىنى پايدالانۋدان بۇرىن، مەملەكەتتىك ءدارى – دارمەكتەردى باقىلاۋ – باسقارۋ مەكەمەسى تەكسەرىپ بەكىتكەن «ازۆدين تابلەتكاسىنىڭ تۇسىندىرمەسىن» ەگجەي – تەگجەيلى وقىپ شىعىپ، تۇسىندىرمەدەگى بەلگىلەمەلەردە جازىلعان شيپا بولاتىن اۋرۋ، پايدالانۋ ءادىسى، پايدالانۋ مولشەرى بويىنشا ءدارىنى دۇرىس پايدالانعان ءجون. ناۋقاستار ءدارىنى شيپاگەردىڭ جەتەكشىلىگىندە پايدالانۋى كەرەك. شيپاگەر بۇل ءدارىنى بەرۋدەن بۇرىن بۇل ءدارى جاقپايتىن اۋرۋلاردى، ءدارىنىڭ كەرى اسەرى، ءدارىنىڭ ءبىر – بىرىنە جاسايتىن ىقپالى قاتارلى جاعدايلاردى قانىق ءبىلۋى ءارى ناۋقاستان رەاكسيا بەرگەن دارىلەر تاريحى قاتارلى جاعدايلاردى ەگجەي – تەگجەيلى سۇراۋى، ءدارى جاقپايتىن اۋرۋى بار ناۋقاستاردىڭ پايدالانۋىنان ساقتانۋى كەرەك. جەر – جەر «ءدارى – دارمەكتەردىڭ كەرى اسەرى جونىندەگى مالىمەتتەر مەن باقىلاۋ جاعدايىن باسقارۋ ادىسىندەگى» تالاپتاردى قاتاڭ اتقارىپ، كەرى اسەرىن باقىلاۋ جانە مالىمەت بەرۋ قىزمەتىن ويداعىداي ىستەۋى، دارىدەن پايدالانۋدىڭ حاۋىپسىزدىگىنە كەپىلدىك ەتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved