شاڭحاي سوتسياليستىك وسىزاماندانعان حالىقارالىق ءىرى قالا قۇرۋدى جەدەلدەتتى (جۇڭگونىڭ وسى 10 جىلى اتىنداعى جەلىلەس تاقىرىپتىق حابارلار)
«حالىق گازەتىنىڭ» تىلشىلەرى ليۋ شى – ان، جۇي يۇنپىڭ، تيان حۇڭ
2022.08.09 17:42 كەلۋ قاينارى : حالىق تورابى
«جۇڭگونىڭ وسى 10 جىلى» اتىنداعى جەلىلەس تاقىرىپتىق اقپار جاريالاۋ ءماجىلىسىنىڭ شاڭحايداعى ارناۋلى جينالىسى 8 - ايدىڭ 8 - كۇنى وتكىزىلدى.
پارتيانىڭ 18 - قۇرىلتايىنان بەرى شاڭحاي باس شۋجي شي جينپيڭنىڭ شاڭحايدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى بارلىق قىزمەتتىڭ ايقىن تاقىرىبى جانە باستان - اياق سىڭىرىلگەن كورنەكتى نەگىزگى جەلىسى ەتىپ، رەفورما جاساپ، ەسىك اشۋدىڭ اتويشىسى بەينەسىمەن جانە جاڭالىق اشا دامۋدىڭ اتويشىسى بولۋ جاۋاپكەرلىگىمەن ءتۇرلى ىستەردىڭ قارىشتاپ دامۋىنىڭ جاڭا جاعدايىن اشىپ، «تاپسىرىقتى ەستە بەرىك ساقتاپ، ۇدەرە العا تارتىپ»، جاڭا داۋىردەگى شاڭحايدىڭ دامۋىنىڭ ەڭ كۇشتى ءۇنىن اسقاقتاتتى.
شاڭحاي قالالىق پارتكوم شۋجيىنىڭ ورىنباسارى، قالا باستىعى گۇڭ جىڭ مىنانى ءبىلدىردى: باس شۋجي شي جينپيڭنىڭ شاڭحايدىڭ ورنىن ايقىنداپ بەرۋى بويىنشا، شاڭحاي دۇنيە جۇزىلىك ىقپالعا يە سوتسياليستىك وسىزاماندانعان حالىقارالىق ءىرى قالا قۇرۋدى جەدەلدەتىپ، «دۇنيە جۇزىلىك ىقپال كۇش» قۋاتىن كورنەكتى جوعارىلاتۋعا، «سوتسياليستىك وسىزامانداندىرۋ» ەرەكشەلىگىن تولىق ايگىلەۋگە، «حالىقارالىق ءىرى قالانىڭ» باۋراۋ قۋاتىن اناعۇرلىم نىعايتۋعا قۇلشىنادى.
ەكونوميكانىڭ ساپالى دامۋىن ىلگەرىلەتىپ، «4 ۇلكەن فۋنكتسيانى» كۇشەيتتى
شاڭحاي قالاسى 10 جىلدان بەرى ەكونوميكانىڭ ساپالى دامۋىن بار كۇشپەن ىلگەرىلەتىپ، عالامدىق بايلىقتى جايعاستىرۋ، عىلىم - تەحنيكادا جاڭالىق اشۋدىڭ قاينار كوزى بولۋ، جوعارى دەڭگەيلى كاسىپ سالاسىن جەتەكتەۋ، اشىق ۇستالعان توراپ قاقپاسى سىندى «4 ۇلكەن فۋنكتسيانى» كۇشەيتىپ، دۇنيە جۇزىلىك ىقپالعا يە سوتسياليستىك وسىزاماندانعان حالىقارالىق ءىرى قالانى جەدەل قۇردى.
وسى زامانعى ەكونوميكالىق جۇيەنى كۇش سالا قۇرىپ، جالپىلىق قۋاتتى تىڭ ساتىعا كوتەردى. شاڭحاي قالاسىنىڭ ءوندىرىس جالپى ءونىم قۇنى ءۇرتىس 3 تريلليون يۋان، 4 تريلليون يۋان سىندى ەكى ۇلكەن ساتىدان ءوتىپ، 2012 - جىلعى 2 تريلليون 130 ميلليارد يۋاننان 2021 - جىلى 4 تريلليون 320 ميلليارد يۋانعا جەتىپ، دۇنيە جۇزىندەگى قالالار بويىنشا 4 - ورىنعا شىقتى؛ جان باسىندىق ءوندىرىس جالپى ءونىم قۇنى 14 مىڭ 200 دوللاردان 26 مىڭ 900 دوللارعا جەتتى. وسى زامانعى قىزمەت وتەۋ كاسىبىن نەگىزگى تۇلعا، ستراتەگيالىق جاڭادان گۇلدەنگەن كاسىپتەردى جەتەكشى، وزىق جاساۋ كاسىبىن تىرەك ەتكەن وسى زامانعى كاسىپ جۇيەسى العاشقى ادىمدا قالىپتاسىپ، 3 - كاسىپتىڭ ارتقان قۇنىنىڭ بۇكىل قالانىڭ ءوندىرىس جالپى قۇنىنداعى سالىستىرماسى %60 تەن %73 كە جوعارىلادى.
قالانىڭ قۋات دارەجەسى مەن وزەكتى باسەكەلىك قۋاتىن كۇش سالا جوعارىلاتىپ، قالا فۋنكتسياسىندا تىڭ شارىقتاۋدى جۇزەگە اسىردى. شاڭحاي حالىقارالىق ەكونوميكا، فينانس، ساۋدا، تەڭىز تاسىمالى ورتالىعى نەگىزىنەن قۇرىلىپ، فينانس بازارى ساۋداسىنىڭ جالپى سوماسى 528 تريلليون يۋاننان 2 كۆادريلليون 511 تريلليون يۋانعا ارتتى، شاڭحاي پورتىنىڭ جۇك قورابىنىڭ قابىلداۋ - جونەلتۋ مولشەرى ءۇرتىس 12 جىل دۇنيە ءجۇزى بويىنشا 1 - ورىندى يەلەدى.
«شاڭحاي دۇنيە جۇزىندەگى شەتەل ساۋداگەرلەرىنىڭ قارجى قوسۋ بويىنشا باۋراۋ قۋاتى ەڭ كۇشتى قۇتتى مەكەننىڭ بىرىنە، ەل ارالىق سەرىكتەستىكتەردىڭ كاسىپ تىزبەگىنىڭ، قامداۋ تىزبەگىنىڭ، جاڭالىق اشۋ تىزبەگىنىڭ دۇنيە جۇزىلىك ورنالاستىرۋىنداعى ەڭ الدىمەن تاڭدالعان جەرلەردىڭ بىرىنە اينالدى». شاڭحاي قالالىق پارتكومنىڭ تۇراقتى مۇشەسى، قالا باستىعىنىڭ ۇنەمىلىك ىستەرگە جاۋاپتى ورىنباسارى ۋ چيڭ بىلاي دەدى: بيىل الدىڭعى جارتى جىلدا ەل ءىشى - سىرتىنداعى قاتاڭ دا كۇردەلى جاعدايدىڭ، اسىرەسە، ىندەتتىڭ سوققىسى الدىندا شاڭحايدىڭ شەتەل قارجىسىنان پايدالانۋى ءالى دە وڭ ارتۋدى ساقتاپ، ناقتى پايدالانىلعان شەتەل قارجىسى 12 ميلليارد دوللاردان استى. قازىر 60 مىڭنان استام شەتەل قارجىلاندىرعان كاسىپورىن شاڭحايدا قارجى قوسىپ، شارۋاشىلىقتى گۇلدەندىرۋدە، ەل ارالىق سەرىكتەستىكتەردىڭ وڭىرلىك باس شتابى مەن شەتەل قارجىسىن زەرتتەۋ - اشۋ ورتالىعى جەكە - جەكە 857 گە جانە 516 عا جەتتى.
مەملەكەت ستراتەگياسىن تياناقتاندىرىپ، رەفورما جاساپ، ەسىك اشۋدى بار كۇشپەن ىلگەرىلەتتى
رەفورما جاساپ، ەسىك اشۋدىڭ سەركەسى، جاڭالىق اشا دامۋدىڭ اتويشىسى بولعان شاڭحاي مەملەكەت ستراتەگياسىنا بويسۇنۋدى، قىزمەت وتەۋدى ماڭداي الدى ءىرى ءىس، بۇكىل ەلگە قىزمەت ەتۋدى ماڭىزدى بورىش ەتتى. پارتيانىڭ 18 - قۇرىلتايىنان بەرى شاڭحاي العاشقى جاسامپازدىق رەفورمانى، جەتەكشىلىك سيپاتتى ەسىك اشۋدى، ءورىس اشۋ سيپاتتى جاڭالىق اشۋدى كۇش سالا ىلگەرىلەتىپ، ۇزدىكسىز تىڭ تابىستارعا قول جەتكىزدى.
پۋدۇڭ جاڭا رايونىنىڭ جوعارى دەڭگەيدەگى رەفورما جاساپ، ەسىك اشۋىن ىلگەرىلەتىپ، سوتسياليستىك وسىزامانداندىرۋ قۇرىلىسىنىڭ جەتەكشى رايونىن قۇردى. شاڭحاي دەربەس جاڭالىق اشۋدى، رەفورما جۇيەسىن شوعىرلاندىرۋدى جانە تۇزىمدىك ەسىك اشۋدى كۇش سالا نىعايتىپ، «ءبىر كاسىپ، ءبىر كۋالىك» سياقتى ءبىر توپ كەلەلى ساياساتتىق شارالاردى تياناقتاندىرىپ، ساندى مالىمەت ساۋدا ورنى سياقتى ءبىر توپ ماڭىزدى فۋنكتسيالىق تۇعىرلاردى قۇرىپ، ىسكە قوستى. 2021 – جىلى پۋدۇڭ رايونىنىڭ ءوندىرىس جالپى ءونىم قۇنى ءبىر تريلليون 500 ميلليارد يۋاننان اسىپ، سايكەس مەزگىلدەگىدەن %10 ارتتى.
چاڭجياڭ اتىراۋىنىڭ اناعۇرلىم ساپالى، ءبىر تۇلعالانىپ دامۋىن ىلگەرىلەتتى. شاڭحاي ەكى كەزەكتى چاڭجياڭ اتىراۋىن ءبىر تۇلعالاندىرىپ دامىتۋدىڭ 3 جىلدىق ارەكەت جوسپارىن باستاماشىلدىقپەن جاساپ، جياڭسۋ، جىجياڭ، انحۇي ولكەلەرىمەن بىرگە 15 ارناۋلى سەلبەستىك گرۋپپاسىن قۇرىپ، چاڭجياڭ اتىراۋى ءوڭىرىنىڭ 14 ءتۇرلى جەرگىلىكتى ولشەمىن بىرلەسىپ بەلگىلەپ، وڭىرلىك بازاردىڭ ءبىر تۇلعالانۋ دەڭگەيىن جەدەل جوعارىلاتتى.
جۇڭگو حالىقارالىق يمپورت كورمەسىن بارعان سايىن جاقسى وتكىزدى. يمپورت كورمەسى حالىقارالىق ساتىپ الۋ، قارجى قوسۋدى جەبەۋ، گۋمانيتارلىق اۋىس - كۇيىس، اشىق سەلبەستىك سىندى 4 ۇلكەن تۇعىرعا جانە دۇنيە ءجۇزى ورتاق يگىلىكتەنەتىن حالىقارالىق الەۋمەتتىك ونىمگە اينالدى. يمپورت كورمەسى ارقىلى ءبىر مىڭ 500 دەن استام جاڭا ءونىم، جاڭا تەحنيكا، جاڭا قىزمەت وتەۋ جەدەل قولدانىلىپ، قاتىستى كاسىپتەردىڭ تيبىن وزگەرتىپ، دارەجەسىن جوعارىلاتۋ پارمەندى جەبەلدى.
شاڭحاي ەركىن ساۋدا رايونى لينگاڭ جاڭا اۋماعىن جان - جاقتى، جوعارى دەڭگەيدە اشۋدى ىلگەرىلەتتى. شەتەل قارجى قوسقان جارناسى مەڭگەرىلەتىن تۇڭعىش بىرلەسىپ قارجى قوسىپ قازىنا باسقارۋ سەرىكتەستىگى، كەدەن اتتاعان تۇڭعىش حالىقارالىق ارالىق وتكەرمەلى توبى... لينگاڭ جاڭا اۋماعى ۇزدىكسىز قامال الىپ، مەملەكەتتىك ەركىن ساۋدا سىناق رايونىنىڭ دامۋىنا جول اشتى.
حالىق قالاسى تانىمىن امالياتتا ايگىلەپ، بۇقارانىڭ ىرىس - قۇتىن ارتتىردى
شاڭحاي قالاسى 10 جىلدان بەرى «حالىق قالاسىن حالىق قۇرۋدا، حالىق قالاسىن حالىق ءۇشىن قۇرۋدا» تاباندى بولىپ، قالانىڭ زاتتىق نەگىزىن كۇش سالا بەكەمدەپ، حالىق بۇقاراسىنىڭ ىرىس - قۇتىن ارتتىرىپ، قالانىڭ رۋحاني قاسيەتىن ايگىلەپ، قالا حاۋىپسىزدىگىنىڭ توزىمدىلىگىن جوعارىلاتىپ، ءبىر توپ ماڭىزدى تابىسقا قول جەتكىزدى.
قالا تۇرعىندارىنىڭ تۇرمىسى ءتىپتى دە ساپالى بولدى. شاڭحاي قالاسى قالا تۇرعىندارىنىڭ ماڭايىنداعى شۇعىل، قيىن، كوكەي تەستى ماسەلەلەردى شەشۋگە نازار اۋدارىپ، 16 ءتۇرلى حالىق تىلەگى ينجەنەرياسىن جانە ءار جىلى 10 جاقتان حالىق ءۇشىن ناقتى ىستەر ىستەۋ نىسانىن اتقاردى. «كونە، شاعىن، ەسكى، الىس» سياقتى حالىق تۇرمىسىنداعى قيىن ماسەلەلەردى جەدەل شەشىپ، ءبىر توپ ناقتى نىساندى ورىندادى. كونە رايونداردى قايتا قۇرۋ قارقىنى تەزدەدى، وتكەن 5 جىلدا جيىنى 3 ميلليون 180 مىڭ شارشى مەتر جەر وزگەرتىلىپ، 160 مىڭنان استام بۇقارا يگىلىككە كەنەلدى، بۇرىنعى جوسپارداعى «14 - بەسجىلدىق» مەزگىلىندە كونە رايونعا وزگەرىس جاساۋ نىساناسى كۇنى بۇرىن ورىندالدى.
قالانى جونگە سالۋ ءتىپتى دە ءونىمدى بولدى. شاڭحاي قالاسى «ەكى توراپ» قۇرىلىسىنا نازار اۋدارىپ، جوقتان باردى جاراتىپ، ايگىلى ماركا قالىپتاستىرىپ، قالانى جونگە سالۋدىڭ وسىزاماندانۋ دەڭگەيىن ۇزدىكسىز جوعارىلاتتى. «ءبىر جەلىدە ءبىر تۇتاس بىتىرۋگە» 3 مىڭ 514 ءتۇرلى قىزمەت وتەۋ ىستەرى ەنگىزىلىپ، «ءبىر جەلىدە ءبىر تۇتاس باسقارۋ» جۇلگەسى قالىپتاسىپ، الەۋمەتتىك دەنساۋلىق ساقتاۋ، قاتىناس باسقارۋ سياقتى جاقتاردا ماڭىزدى رول اتقاردى.
قونىس ورتاسى اناعۇرلىم كورىكتەندى. شاڭحاي قالاسى «ءبىر داريا، ءبىر وزەن، ءبىر وڭىرگە» نازار اۋدارىپ، قونىستانۋعا، كاسىپكە، ساياحاتقا قولايلى قالا ورتاسىن كۇش سالا قالىپتاستىردى. حۋاڭپۋ وزەنىنەن 45 كيلومەتر جاعالاۋ، سۋجوۋ وزەنىنەن 42 كيلومەتر جاعالاۋ لەنياسى تۇتاستىرىلدى، اشىق ۇستالدى، قالانى قورشاعان ەكولوگيالىق باقشا بەلدەۋى قۇرىلىسى جەدەلدەتىلىپ، باقشانىڭ ادام باسىنا تۋرا كەلەتىن جاسىلداندىرىلعان اۋماعى 8.7 شارشى مەترگە كوتەرىلدى.
پارتيا قۇرۋ ۇلى رۋحىن ساۋلەلەندىرىپ، اناعۇرلىم زور ىستەردى تىندىردى
شاڭحاي قالاسى پارتيا قۇرۋ ۇلى رۋحىن ساۋلەلەندىرىپ، جاڭالىق اشۋ نازارياسىمەن قارۋلانۋدى كۇشەيتىپ، قىزىل شەپتى دەن قويا قورعاپ، قىزىل رۋحتى قۇلشىنا جالعاستىرىپ، قىزىل حيكايانى سۇيىسپەنشىلىكپەن باياندادى.
شاڭحاي قالاسى «پارتيانىڭ دۇنيەگە كەلگەن جەرىن» اشۋ، ۇگىتتەۋ ينجەنەرياسىن، توڭكەرىستىك مادەني مۇرالاردى قورعاۋ، پايدالانۋ ينجەنەرياسىن، قىزىل مادەنيەتتى جالعاستىرۋ، ساۋلەلەندىرۋ ينجەنەرياسىن ىلگەرىندى - كەيىندى اتقارىپ، «قىزىل بايلىقتى جالعاستىرۋ، ساۋلەلەندىرۋ جانە قورعاۋ، پايدالانۋ ەرەجەسىن» جاساپ جانە اتقارىپ، قىزىل كونە جۇرتتاردىڭ پارتيا تاريحىنىڭ «ساباقحاناسىنا»، مادەني مۇرا تاريحي ماتەريالدارىنىڭ پارتيا تاريحىنىڭ «وقۋلىعىنا»، قاھارمان قۇرباندار ۇلگىلەرىنىڭ پارتيا تاريحىنىڭ «وقىتۋشىسىنا» اينالۋىن ۇزدىكسىز ىلگەرىلەتىپ، ءبىر توپ قىزىل تاقىرىپتىق ادەبيەت - كوركەمونەر سارا تۋىندىلارىن جاراتتى.
«شاڭحاي قالالىق پارتكوم باس شۋجيدىڭ تاپسىرىعىن قاي - قاشان دا ەستە بەرىك ساقتاپ، 1 - قۇرىلتاي جۇرتىن قامتىعان باعالى قىزىل بايلىقتى قورعاۋدى، جالعاستىرۋدى، ويداعىداي پايدالانۋدى شەكسىز داڭقتى بورىش ەتىپ، بۇكىل قالاداعى جوعارى مەن تومەندى، اسىرەسە، جاس ۇرپاقتاردى قىزىل رۋحاني قان تامىردان كۇش - قۋات الىپ، ۇلى جاڭا ساپارعا ەرلىكپەن ات سالىسۋعا ىنتالاندىردى جانە جەتەكتەدى» دەدى شاڭحاي قالالىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى جاۋ جياميڭ.
گۇڭ جىڭ مىنانى ءبىلدىردى: شاڭحاي جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرۋعا قىزمەت ەتىپ، ساپالى دامۋدى ىلگەرىلەتۋدى، ساپالى تۇرمىس جاراتۋدى، جوعارى ءونىمدى جونگە سالۋدى جۇزەگە اسىرۋدى ەڭ شوعىرلى قىزمەت بەتالىسى جانە ەڭ ايقىن كۇرەس باعىتى ەتىپ، قيىندىقتاردان تايسالماي العا ۇمتىلىپ، ۇزدىكسىز كۇرەس جۇرگىزىپ، ۇزدىكسىز جاڭا كەرەمەتتەر جاراتىپ، جاڭا بەينە كورسەتىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
