بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

«جۇڭگو كوممۋنيستىك پارتياسىنىڭ ماڭىزدى قۇجاتتارى جيناعىنان» تۇڭعىش توپتاعى 12 توم باسپادان شىعىپ تاراتىلدى

2022.08.09 17:38     كەلۋ قاينارى : حالىق تورابى

  شينحۋا اگەنتتىگى، 8 - ايدىڭ 8 - كۇنى، بەيجيڭ. ج ك پ ورتالىق كوميتەتىنىڭ پارتيا تاريحى جانە قۇجات زەرتتەۋ ورنى، ورتالىق ارحيۆ سارايى سەلبەسىپ قۇراستىرعان «جۇڭگو كوممۋنيستىك پارتياسىنىڭ ماڭىزدى قۇجاتتارى جيناعى» اتتى تۇڭعىش توپتاعى قۇجاتتار جيناعى تاياۋدا حالىق باسپاسىنان باسىپ تاراتىلدى.

  «جۇڭگو كوممۋنيستىك پارتياسىنىڭ ماڭىزدى قۇجاتتارى جيناعى» − پارتيانىڭ تاريحىن ۇيرەنىپ، زەرتتەۋدەگى بەدەلدى قۇجاتتى ماتەريال جيناعى. وسى رەت باسپادان شىققان العاشقى توپتاعى قۇجاتتار جيناعى نەگىزىنەن 1921 - جىلدان 1927 - جىلعا دەيىنگى ارالىقتاعى پارتيانىڭ ماڭىزدى قۇجاتتارىن قامتيدى، جيىنى 12 توم، 4 ميلليون 300 مىڭ ارىپتەن استام، پارتيا قۇرىلۋدان بۇرىن قالىپتاسقان ءبىر ءبولىم ماڭىزدى قۇجات «قوسىمشا ماتەريال» دەگەن اتپەن 1 – تومعا كىرگىزىلگەن. تۇڭعىش توپتا باسپادان شىققان وسى ماڭىزدى قۇجاتتار ماركسيزمنىڭ جۇڭگوعا كىرگەننەن كەيىن جۇڭگو قوعامىنا جاساعان وراسان زور ىقپالىن جان - جاقتى، جۇيەلى بەينەلەدى؛ وزىق جۇڭگولىقتاردىڭ عىلمي نازاريانى تاڭداۋى، ماركسيزمدىك سەنىمدى ورناتۋى سىندى يدەيالىق تامىرىن بەينەلەدى؛ العاشقى مەزگىلدەگى كوممۋنيستەردىڭ ماركسيزم - لەنينيزمنىڭ جەتەكشىلىگىندە، جۇڭگو توڭكەرىسىنىڭ نەگىزگى ماسەلەلەرى جونىندەگى جاسامپازدىق ىزدەنىسىن، سونداي - اق ۇلتتىڭ گۇلدەنۋىن جۇزەگە اسىرۋ جولىندا جۇرگىزگەن ەرلىك كۇرەسىن بەينەلەدى. وسى ماڭىزدى قۇجاتتار جۇڭگو كوممۋنيستىك پارتياسىنىڭ قۇرۋعا ازىرلىك كورۋ جانە قۇرىلۋ سىندى جاپالى جولىن، ماركسيزمنىڭ جۇڭگوشالانۋ بارىسىندا ءتۇرلى قاتە يدەيالىق اعىمدارمەن قيان - كەسكى ايقاسۋىن، جۇڭگو كوممۋنيستەرىنىڭ اۋەلگى ماقساتتى تۇراقتاندىرىپ، بورىشتى ارقالاۋىنىڭ شۇعىلالى بارىسىن، جۇڭگو كوممۋنيستىك پارتياسىنىڭ ۇلى وزىندىك توڭكەرىس ارقىلى ۇلى قوعامدىق توڭكەرىسكە جەتەكشىلىك ەتۋىنىڭ ايبىندى تاريحىن ايقىن ەستەلىككە الدى، سونىمەن بىرگە جۇڭگو كوممۋنيستىك پارتياسى بىرتىندەپ قالىپتاستىرعان ءارى باتىل امالياتتا ايگىلەگەن پارتيا قۇرۋ ۇلى رۋحىن دا ايگىلەدى.

  «جۇڭگو كوممۋنيستىك پارتياسىنىڭ ماڭىزدى قۇجاتتارى جيناعىن» رەداكسيالاۋ، باسپادان شىعارۋ پارتيا تاريحىن ۇيرەنۋ تاربيەسىن ىشكەرىلەي كەڭەيتۋگە، قالىڭ پارتيا مۇشەلەرىنىڭ، كادرلاردىڭ، بۇقارانىڭ پارتيانىڭ تاريحىنان كۇش - قۋات الىپ، سەنىمدى بەكەمدەپ، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، جاپپاي سوتسياليستىك وسىزاماندانعان مەملەكەت قۇرۋدىڭ شىت جاڭا تاراۋىن قۇلشىنا جازۋىنا پايدالى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

سۋرەتتە: 8 – ايدىڭ 6 – كۇنى، گۋاڭدۇڭ ەمدەۋشىلەر گرۋپپاسىنداعى 161 ادام سانياداعى سامۇرىق حالىقارالىق اۋەجايىنا امان – ەسەن جەتىپ، سانياداعى ىندەتتەن ساقتانۋ – تىزگىندەۋ قىزمەتىنە كومەك بەرۋگە كىرىستى.

سۋرەتتە: 6 – ايدىڭ 7 – كۇنى، شاندۇڭ ولكەسى 1223 ادامنان ۇيىمداسقان نۋكلەين قىشقىلىن تەكسەرۋ، ۇلگى الۋ گرۋپپاسىن حاينانداعى ىندەتتەن ساقتانۋ – تىزگىندەۋ قىزمەتىنە كومەكتەسۋگە تاڭداپ اتتاندىردى.