ىلە وبلىسىنداعى كورىنىس رايوندارىنىڭ «ساياحاتشى سانىن شەكتەۋ، الدىن الا تاپسىرىس بەرۋ، ساياحاتتاۋ ۋاقىتىن رەتتەپ ورنالاستىرۋ» سىندى ساياحات ءتارتىبىن كۇشەيتۋ جونىندەگى ۇقتىرۋى
2022.08.08 16:19 كەلۋ قاينارى : حالىق تورابى
مادەنيەت جانە ساياحات مينيسترلىگىنىڭ «ساياحات كورىنىس رايوندارىن قايتالاي اشىق ۇستاۋ بارىسىندا ىندەتتەن ساقتانۋ – تىزگىندەۋ شارالارىن اتقارۋ جونىندەگى باعدارناماسىنداعى (2021 – جىلى 10 – ايدا وزگەرىس ەنگىزىلگەن نۇسقاسى)»، «ىندەتتەن ساقتانۋ – تىزگىندەۋ بارىسىندا شەكارا اتتاپ ساياحاتتاۋعا ساياتىن ‹ءۇزىلىس› مەحانيزمىن عىلىمي، دالمە – ءدال اتقارۋدى كۇشەيتۋ جونىندەگى ۇقتىرۋىنداعى» تالاپتارعا ساي، «ساياحاتشى سانىن شەكتەۋ، الدىن الا تاپسىرىس بەرۋ، ساياحاتتاۋ ۋاقىتىن رەتتەپ ورنالاستىرۋ» سىندى ساياحاتقا قاتىستى بەلگىلەمەلەردى قاتاڭ تياناقتاندىرىپ، كورىنىس رايونىندا ساياحاتتاۋ ءتارتىبىن باسقارۋدى كۇشەيتىپ، ساياحات سەبەبىنەن ىندەتتىڭ تارالۋى مەن جايىلۋىنان ساقتانۋ ءۇشىن، وبلىس بويىنشا كورىنىس رايوندارى «الدىن الا تاپسىرىس بەرمەگەندەردى ساياحاتتاتپاۋ» بەلگىلەمەسىن قاتاڭ اتقارادى، بارشا ساياحاتشىلار اۆتونوميالى رايوندىق مادەنيەت جانە ساياحات مەڭگەرمەسىنىڭ «شينجياڭدا ساياحاتتاۋ» APP قولدانباسى، كورىنىس رايوندارىنىڭ رەسمي تورابىنداعى تاپسىرىس بەرۋ تەكشەسى ارقىلى نەمەسە كورىنىس رايونىنداعى تاپسىرىس بەرۋ تەلەفونى ارقىلى الدىن الا تاپسىرىس بەرگەن سوڭ عانا كورىنىس رايوندارىنا بارىپ ساياحاتتاي الادى. ناقتى تالاپتار مىناداي:
بىرىنشىدەن، ىلە وبلىسىنداعى كورىنىس رايوندارىندا «ساياحاتشى سانىن شەكتەۋ، الدىن الا تاپسىرىس بەرۋ، ساياحاتتاۋ ۋاقىتىن رەتتەپ ورنالاستىرۋ» سىندى قابىلداۋ ءتارتىبى اتقارىلادى، الدىن الا تاپسىرىس بەرگەن ساياحاتشىلار دەنساۋلىق كودى، حابارلاسۋ ىرىدەرەگىندەگى ساپار كودى جانە نۋكلەين قىشقىلىن تەكسەرتۋ ناتيجەسىنىڭ تەرىس بولعانى جونىندەگى ىسپاتى قابىلداۋ شارتىنا ۇيلەسەتىنىنە كەپىلدىك ەتۋى كەرەك، الدىن الا تاپسىرىس بەرمەگەن ساياحاتشىلاردى قابىلداۋعا بولمايدى.
ەكىنشىدەن، كورىنىس رايونى مەملەكەتتىك كەڭەستىڭ «جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ – تىزگىندەۋ جوباسىنداعى (توعىزىنشى نۇسقا)» بەلگىلەمەلەرگە ساي شەكتى مولشەردە ساياحاتشى قابىلداۋى كەرەك، كورىنىس رايونىنا كىرگەن كەزدە، ماسكىنى دۇرىس تاعۋىڭىز، دەنساۋلىق كودىن جايمالاۋ، حابارلاسۋ ىرىدەرەگىندەگى ساپار كودى مەن نۋكلەين قىشقىلىن تەكسەرۋ ناتيجەسىنىڭ تەرىس بولعانى جونىندەگى ىسپاتتى كورسەتۋ، دەنە تەمپەراتۋراسىن تەكسەرۋ سىندى قىزمەتتەرگە ىرىقتىلىقپەن سايكەسۋىڭىز كەرەك.
ۇشىنشىدەن، بەلەت ساتىپ الۋ، ساياحاتتاۋ جانە اۆتوموبيلگە وتىرۋ بارىسىندا وشىرەتكە تۇرعان كەزدە، باسقالارمەن ءبىر مەترلىك حاۋىپسىز ارالىقتى ساقتاۋ، ۇيمەلەمەۋ، توپتاسپاۋ كەرەك، ساياحاتتاۋ بارىسىندا باسقالارمەن جاناسپاۋ دارىپتەلەدى.
ساياحاتقا قاتىستى كەڭەس سۇراۋ تەلەفونى: 0999 – 8129856
ىلە وبلىستىق مادەنيەت جانە ساياحات مەكەمەسى 2022 – جىلى 8 – ايدىڭ 7 – كۇنى
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
