ۋاڭ ي: ا ق ش تايۋان ماسەلەسىندە ءۇش ءتۇرلى قاتەلىك وتكىزدى
2022.08.08 15:04 كەلۋ قاينارى : حالىق تورابى
شينحۋا اگەنتتىگىنىڭ 8 - ايدىڭ 7 - كۇنى داككادان بەرگەن حابارى. جەرگىلىكتى ۋاقىت بويىنشا 2022 – جىلى 8 - ايدىڭ 7 - كۇنى مەملەكەتتىك كەڭەستىڭ مۇشەسى ٵرى سىرتقى ىستەر مينيسترى ۋاڭ ي بەنگلادەشتە ساپاردا بولعان كەزدە، ەڭ جاڭا جاعداي مەن ا ق ش – تىڭ قيسىنسىز اككىلىگىنە قاراتا، ا ق ش پەلوسيدىڭ جۇڭگونىڭ تايۋان رايونىنا تىمسىكىلەي بارۋىندا ءۇش جاقتى قاتەلىك وتكىزگەنىن اتاپ كورسەتتى.
بىرىنشى، جۇڭگونىڭ ىشكى ىسىنە دورەكىلىكپەن كيلىكتى. ا ق ش جۇڭگونىڭ قايتا ـ قايتا ءناسيحاتتاۋىنا، ساقتاندىرۋىنا قاراماستان، ٶز بەتىمەن كەتىپ، ا ق ش ۇكىمەتىنىڭ ءۇشىنشى ورىنداعى ادامىن جۇڭگونىڭ تايۋان رايونىندا اتالمىش «ساپاردا» بولۋعا ورنالاستىردى. مىنانى ءبىلۋ كەرەك: تايۋان ا ق ش ـ تىڭ ءبىر بولەگى ەمەس، قايتا جۇڭگونىڭ تەرريتورياسى، ا ق ش ـ تىڭ ءوزى دە اشىق ۋادە بەرگەن. ا ق ش جاقتىڭ ارەكەتى جۇڭگونىڭ يەلىك ۇقىعىنا اۋىر سۇعاناقتىق جاساعاندىق.
ەكىنشى، «تايۋاندى دەربەستەندىرۋشى» كۇشتەردى ىرقىنا قويا بەردى. ءارقانداي مەملەكەت، ءسوز جوق، مەملەكەتتىڭ تۇتاستىعىن قورعاۋى كەرەك، بولشەكتەۋشى كۇشتەردىڭ ويىنا كەلگەنىن ىستەۋىنە جول بەرىلمەيدى. تايۋان رايونىندا بيلىك جۇرگىزگەن دەموكراتيالىق العاباسارلىق پارتياسى دەربەستىككە ۇمتىلۋدى پارتيا تۇعىرناماسىنا ەنگىزىپ، سوڭعى جىلداردان بەرى ءتۇرلى ءادىس - امالدارمەن بىرتىندەپ «تايۋان دەربەستىگىن» جۇرگىزىپ، «ەكى جۇڭگو» جانە «ءبىر جۇڭگو، ءبىر تايۋان» جاسادى. ا ق ش قاۋىم پالاتاسىنىڭ باستىعى اشىق ارقا سۇيەۋ بولىپ، بولشەكتەۋشى كۇشتەرمەن اۋىز جالاسىپ، جۇڭگو حالقىمەن جاۋلاستى.
ءۇشىنشى، تايۋان بۇعازىنىڭ بەيبىتشىلىگىن قاساقانا ءبۇلدىردى. ا ق ش الدىمەن ءبىر ماسەلە تۋدىرىپ، ونان سوڭ وسى ماسەلەدەن پايدالانىپ ءوزىنىڭ ستراتەگيالىق قاسكۇنەمدىگىن جۇزەگە اسىرۋعا داعدىلانعان. كەيبىر دەرەكتەردەن قاراعاندا ا ق ش پەلوسيدىڭ تايۋانعا تىمىسكىلەي بارۋىن جوسپارلاۋ ماسەلەسىندە تاعى دا كونە سۇرقيالىقتى قايتا پايدالانىپ، ورايدان پايدالانىپ وڭىرلىك اسكەري ورنالاسىمىن ارتتىرۋدا، بۇل ءار جاقتىڭ بارىنشا قىراعى بولۋىنا جانە باتىل تەجەۋىنە تاتيدى.
ۋاڭ ي بىلاي دەدى: جۇڭگونىڭ بەرىك مايدانى مەن قولدانعان شارالارى ورىندى، لايىقتى، زاڭدى، قاجەتتى، جاريا، ۇيلەسىمدى بولىپ، مۇنداعى ماقسات جۇڭگونىڭ قاسيەتتى يەلىك ۇقىعى مەن تەرريتوريا تۇتاستىعىن قورعاۋ، ا ق ش ـ تىڭ «تايۋان ارقىلى جۇڭگونى شاۋجايلاۋ» قاسكۇنەمدىگىنە كەدەرگىلىك جاساۋ، تايۋان بيلەۋشىلەرىنىڭ «ا ق ش ـ قا سۇيەنىپ دەربەستىكتى كوزدەۋ» قيالىن تالقانداۋ، تايۋان بۇعازىنىڭ بەيبىتشىلىگىن، ءوڭىردىڭ ورنىقتىلىعىن شىن مانىندە قورعاۋ.
ۋاڭ ي بىلاي دەپ باسا دارىپتەدى: ىشكى ىستەرگە كيلىكپەۋ پرينسيبى - مەملەكەت پەن مەملەكەت اراسىنداعى بارىس ـ كەلىستىڭ «التىن قاعيداسى»، دامۋ جولىنداعى ەلدەردىڭ ءوزىنىڭ يەلىك ۇقىق حاۋىپسىزدىگىن قورعاۋداعى «بويتۇمارى». ءبىز ٵر ەلدىڭ جۇڭگو جاقتىڭ تۇرعىسىن تۇسىنگەنىنە جانە قولداعانىنا العىس ايتامىز. سىڭار جاقتى زورەكەرلىك ارەكەت ءالسىن ـ ءالى كولدەنەڭ بولىپ وتىرعان بۇگىنگى تاڭدا، حالىقارالىق قوعام وسى جونىندە اناعۇرلىم ايقىن ورتاق تانىم قالىپتاستىرىپ، اناعۇرلىم پارمەندى ءۇن قاتىپ، حالىقارالىق قاتىناستىڭ نەگىزگى ولشەمى مەن حالىقارالىق زاڭدى بىرگە قورعاپ، بارلىق دامۋ جولىنداعى ەلدەردىڭ ورىندى ۇقىق ـ مۇددەسىن بىرگە قورعاۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
