شينجياڭدا ىلەدەن اتتاناتىندارعا باعىتتاي وتىرىپ انتيگەندى تەكسەرۋ قىزمەتىن ورىستەتىپ، ىندەتتىڭ سىرت جەرلەرگە قاراي تارالۋىنان قاتاڭ ساقتاندى
2022.08.10 15:49 كەلۋ قاينارى : حالىق تورابى
ءتىلشىنىڭ 8 – ايدىڭ 9 – كۇنى وتكىزىلگەن شينجياڭ ۇيعۇر اۆتونوميالى رايوندىق ىندەتتەن ساقتانۋ – تىزگىندەۋ قىزمەتى جونىندەگى اقپار جاريالاۋ ماجىلىسىنەن ۇعىسۋىنشا، شينجياڭ ىلە قازاق اۆتونوميالى وبلىسى ىلەدەن اتتاناتىندارعا باعىتتاي وتىرىپ، 48 ساعات ىشىندە 2 رەت نۋكلەين قىشقىلىن تەكسەرۋ ناتيجەسى تەرىس بولعان نەگىزدە، انتيگەندى تەكسەرۋ قىزمەتىن ورىستەتىپ، ىندەتتىڭ سىرت جەرلەرگە تارالۋىنان قاتاڭ ساقتانۋدا، سونىمەن بىرگە، ساياحاتشىلارعا قىزمەت وتەۋ مەن ولاردى قامتاماسىزداندىرۋ قىزمەتىن كۇش سالا ويداعىداي ىستەۋدە.
8 – ايدىڭ 8 – كۇنى ساعات نولدەن ساعات 24 كە دەيىن، ىلە وبلىسىندا تىڭنان ارتقان اۋرۋ بەلگىسى جوق جۇعىمدالۋشىلاردىڭ سانى 123 ادام بولعان، ولاردىڭ بارلىعى اۋاشالاپ مەديتسينالىق باقىلاۋعا الۋ ورنىندا جانە باقىلاۋ – تەجەۋ رايونىندا نۋكلەين قىشقىلىن تەكسەرۋ بارىسىندا بايقالعان. ىلە وبلىستىق حالىق ۇكىمەتىنىڭ ورىنباسار وبلىس باستىعى ليۋ چيڭحۋا اقپار جاريالاۋ ماجىلىسىندە مىنانى ءبىلدىردى: 8 – ايدىڭ 9 – كۇنى ساعات 20 عا دەيىن، ىلە وبلىسىندا جيىنى 9100 ادامدى ءبىر – بىرلەپ تەكسەرۋ ورىندالعان، مۇندا تىكەلەي جاناسقانداردان 3768 ادام، جانامالاي جاناسقانداردىڭ سانى 5332 ادام بار، ولاردىڭ بارلىعىنا اۋاشالاپ مەديتسينالىق باقىلاۋعا الۋ شاراسى اتقارىلعان.
ليۋ چيڭحۋا مىنانى ءبىلدىردى: ساياحاتشىلارعا قىزمەت وتەۋ جانە ولاردى قامتاماسىزداندىرۋ قىزمەتىن ويداعىداي ىستەۋ ءۇشىن، ىلە وبلىسىنداعى ساياحاتشى قابىلداعان اۋدان، قالالاردىڭ بارلىعى ساياحاتشىلارعا قىزمەت وتەۋ ارناۋلى گرۋپپاسىن قۇرىپ، كەڭەس سۇراۋ توتە تەلەفوندارىن ورنالاستىرىپ، ىلەدەگى ساياحاتشىلاردىڭ جالپى سانىن انىقتاۋ، ساياساتتى ۇگىتتەۋ، قىزمەت وتەۋ – قامتاماسىزداندىرۋ جانە قيىنشىلىقتارىن شەشىم ەتۋ قاتارلى قىزمەتتەردى ويداعىداي ىستەپ، ىلەدەگى ساياحاتشىلاردىڭ وتىنىشتەرىنە بەلسەندى جاۋاپ قايتارۋعا جانە ۇيلەسىمدى ءبىرجاقتى ەتۋگە كەپىلدىك ەتتى. قازىر قۇلجا قالاسى، تەكەس اۋدانى، موڭعۇلكۇرە اۋدانى، كۇنەس اۋدانى قاتارلى اۋدان – قالالار سول جەردەگى مەيمانحانا، مەيمانساراي، حالىقتىق قونالقىلارمەن سايكەسىپ، ىلەدەگى ساياحاتشىلاردىڭ تاماقتانۋ جانە جاتىن ورىن قاجەتىنە ەڭ تومەنگى باعا بويىنشا قىزمەت وتەدى. (ءتىلشى لي جىحاۋ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
