مىعىم الەۋمەتتىك دەنساۋلىق ساقتاۋ جۇيەسىن ورناتىپ، ساپالى ەمدەۋ بايلىعىمەن قامداۋدى ارتتىردى
جالپى حالىق سالاماتتى تۇرمىس كەشىرىپ، حالىقتىڭ باقىت سەزىمى كۇشەيدى (ورنىقتىلىقتى ماڭداي الدى ورىنعا قويىپ، ورنىقتىلىق بارىسىندا ىلگەرىلەۋ)
«حالىق گازەتىنىڭ» ءتىلشىسى باي جيانفىڭ
2022.08.10 16:39 كەلۋ قاينارى : حالىق تورابى
اۋدان وڭىرىندەگى ەمدەۋ ورتاق تۇلعاسى قۇرىلىسىنىڭ قارقىنى تەزدەپ، ساپالى ەمدەۋ بايلىعى كەڭەيىپ، الەۋمەتتىك دەنساۋلىق ساقتاۋدا قورعانۋ تورى بەكەمدەلىپ، دەنساۋلىق سالاماتتىعى اناعۇرلىم قامتاماسىز ەتىلدى ... بۇل − قالىڭ بۇقارانىڭ ءتول كەشىرمەسى.
باس شۋجي شي جينپيڭ: «وسىزاماندانۋدىڭ ەڭ ماڭىزدى كورسەتكىشى ءالى دە حالىقتىڭ سالاماتتىعى، بۇل − حالىقتىڭ باقىتتى تۇرمىسىنىڭ نەگىزى، وسى ءىستى مىقتى يگەرۋدە حالىقتى بارىنەن جوعارى قويۋ، ءومىردى بارىنەن جوعارى قويۋ بۇكىل پارتيا، بۇكىل قوعام، ءسوز جوق، بەرىك ورناتۋعا ءتيىستى ۇستانىم بولۋعا ءتيىس» دەپ اتاپ كورسەتكەن بولاتىن.
سالاماتتى جۇڭگو قۇرىلىسىنىڭ اياق الىسى ورنىقتى بولدى. ەلىمىز حالىقتىڭ سالاماتتىعىن الدىمەن دامىتىلاتىن ستراتەگيالىق ورىنعا قويۋدا تاباندى بولىپ، ساپالى ەمدەۋ بايلىعىنىڭ بىركەلكى ورنالاسۋىن جەبەپ، مەملەكەتتىك مەديتسينا ورتالىعى، وڭىرلىك ەمدەۋ ورتالىعى جانە ەمدەۋ بىرىككەن تۇلعاسى، ەمدەۋ ورتاق تۇلعاسى قۇرىلىسىن كۇشەيتىپ، نەگىزگى ساتى ەمدەۋ قۇرىلىمدارىنىڭ قىزمەت وتەۋ قۋاتىن ۇزدىكسىز جوعارىلاتىپ، مىعىم الەۋمەتتىك دەنساۋلىق ساقتاۋ جۇيەسىن ورناتىپ، حالىقتىڭ سالاماتتىعىن جان - جاقتى، قاي – قاشان دا قامتاماسىز ەتۋگە قۇلشىنىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتتى.
الەۋمەتتىك دەنساۋلىق ساقتاۋ قورعانۋ تورىن بەرىك توقىدى
«الەۋمەتتىك قاتىناسقا وتىرعاندا نەمەسە الەۋمەتتىك ورىندارعا بارعاندا، ىندەتتەن ساقتانۋدىڭ قاتاڭ شارالارىن اڭعارۋعا بولادى» دەدى بەيجيڭدە قىزمەت ىستەيتىن جوۋ حانىم.
عاسىرلىق ىندەت الدىندا ءبىز حالىقتى بارىنەن جوعارى قويۋدا، ءومىردى بارىنەن جوعارى قويۋدا، سىرتتان كىرۋدەن ساقتانۋدا، ىشتە قايتا بەلەڭ بەرۋدەن ساقتانۋدا، اۋقىمدىق نولگە تۇسىرۋدە تاباندى بولىپ، جاعدايعا قاراي ساقتانۋ، تىزگىندەۋ شارالارىن ۇزدىكسىز رەتتەپ، حالىقتىڭ باس اماندىعى مەن دەنساۋلىعىن مۇمكىندىكتىڭ بارىنشا قورعاپ، ەكونوميكانىڭ دامۋى مەن ىندەتتەن ساقتانۋ - تىزگىندەۋدى ءبىر تۇتاس جوسپارلاپ، دۇنيە جۇزىندەگى ەڭ تاماشا ناتيجەگە قول جەتكىزدىك.
الەۋمەتتىك دەنساۋلىق ساقتاۋ قورعانۋ تورىن بەرىك توقىپ، «جاڭا تيپتى ايدارشا ۆيرۋس وكپە قابىنۋىنان ساقتانۋ - تىزگىندەۋ جوباسىن (9 – نۇسقاسى)» جاريالادى. وميكروننىڭ وزگەرگەن شتاممىنىڭ ەرەكشەلىگىنە مەڭزەس، جاعدايعا قاراي ىندەتتى باقىلاۋ - تەكسەرۋ، حاۋىپ - قاتەر بايقالعان ادامداردى اۋاشالاپ باسقارۋ، ورتا، جوعارى حاۋىپ - قاتەر ءوڭىرىن بەلگىلەۋ ولشەمى سياقتىلارعا رەتتەۋ جۇرگىزىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلادى.
ۆاكسينا، جەدەل تەكسەرۋ سىناق ءدارىسى جانە ءدارى - دارمەكتى زەرتتەۋ - اشۋ سياقتى عىلىم - تەحنيكادا قامال الۋدى كۇشەيتىپ، جاڭا تيپتى ايدارشا ۆيرۋس ۆاكسيناسىن شۇعىل تەكسەرىپ بەكىتۋدى داعدىدان تىس ورىستەتىپ، جاڭا تيپتى ايدارشا ۆيرۋسپەن جۇعىمدالۋشىلاردى ەمدەۋ دارىلەرىن زەرتتەپ اشۋدى، بازارعا شىعارۋدى بەلسەنە ىلگەرىلەتتى. ۆاكسينا ەگۋ قىزمەتىن عىلمي ارناعا ءتۇسىرىپ، حاۋىپسىز، ءتارتىپتى ورىستەتىپ، جاڭا تيپتى ايدارشا ۆيرۋس ۆاكسيناسىن رەتى بويىنشا يممۋنيتەتتەندىرۋدى كۇشەيتتى.
320 مىڭ قىستاق (تۇرعىندار) كوميتەتىنىڭ الەۋمەتتىك دەنساۋلىق ساقتاۋ كوميتەتىن قۇرۋدى ىلگەرىلەتىپ، جاڭا تيپتى ايدارشا ۆيرۋس وكپە قابىنۋ ىندەتىنە بايلانىستى الەۋمەتتىك اۋماقتا ساقتانۋ - تىزگىندەۋ نەگىزىن بەكەمدەدى. وتكەن جىلدىڭ سوڭىندا حالىق ىستەرى مينيسترلىگى، مەملەكەتتىك دەنساۋلىق ساقتاۋ، سالاماتتىق كوميتەتى قاتارلى 4 تاراۋ بىرلەسىپ جەتەكشى پىكىر شىعارىپ، جەر - جەردەن 2 جىلداي ۋاقىت جۇمساپ، الەۋمەتتىك دەنساۋلىق ساقتاۋ كوميتەتى مەحانيزمىنىڭ جاپپاي قامتۋىن، قۋاتىنىڭ جاپپاي جوعارىلاۋىن، رولىنىڭ ءونىمدى ساۋلەلەنۋىن جۇزەگە اسىرىپ، ۇنەمىلىك باسقارۋ مەن شۇعىل جاعدايعا توتەپ بەرۋدى باسقارۋ اۋقىمى ۇشتاسقان نەگىزگى ساتى الەۋمەتتىك دەنساۋلىق ساقتاۋ ىستەرىن باسقارۋ مەحانيزمىن العاشقى ادىمدا ورناتۋدى تالاپ ەتتى.
نەگىزگى الەۋمەتتىك دەنساۋلىق ساقتاۋعا قىزمەت وتەۋدىڭ بىركەلكىلەنۋ دەڭگەيىن جوعارىلاتتى. بيىل ەلىمىزدىڭ نەگىزگى الەۋمەتتىك دەنساۋلىق ساقتاۋعا قىزمەت وتەۋ قاراجاتىنىڭ ادام باسىنا تۋرا كەلەتىن قازىنالىق قوسىمشا قاراجات ولشەمى 84 يۋانعا جەتىپ، نەگىزگى الەۋمەتتىك دەنساۋلىق ساقتاۋعا قىزمەت وتەۋ جانە نەگىزگى ساتى ەمدەۋ، دەنساۋلىق ساقتاۋ قۇرىلىمدارىنىڭ ىندەتتەن ساقتانۋ - تىزگىندەۋ قىزمەتىنە 5 يۋان تىڭنان قوسىلدى. قالا، اۋىل تۇرعىندارىنا مەملەكەتتىڭ 12 ءتۇرلى نەگىزگى الەۋمەتتىك دەنساۋلىق ساقتاۋعا قىزمەت وتەۋ نىسانى مەن جەرگىلىكتى اۋرۋدان ساقتانۋ جانە ونى ەمدەۋ، كاسىپتىك اۋرۋلاردان ساقتانۋ جانە ونى ەمدەۋ، انالار مەن بالالاردىڭ گيگيەناسى، ەمدەۋ مەن كۇتىمدەۋدى ۇشتاستىرۋ سياقتى 19 ءتۇرلى قىزمەت وتەۋ ۇزدىكسىز اقىسىز قامدالاتىن بولدى.
وتانشىلدىق تازالىق قوزعالىسىن ىشكەرىلەي ورىستەتتى. بيىل جىل باسىنان بەرى، جەر - جەر «سالاماتتى مەكەن قۇرۋ» قيمىلىن كەڭ كولەمدە ورىستەتىپ، قالىڭ تۇرعىنداردى وركەنيەتتى، اقاۋسىز، جاسىل، قورشاعان ورتانى قورعايتىن تۇرمىس ءتاسىلىن قالىپتاستىرۋعا جەتەكتەپ، تازا، رەتتى، وركەنيەتتى، ءتارتىپتى، اقاۋسىز، جاراسىمدى ورتا قالىپتاستىردى. قالا مەن اۋىلدىڭ ورتا ساپاسى كورنەكتى جوعارىلاپ، ءتۇرلى اقاۋسىز ورتا كورسەتكىشتەرى ۇزدىكسىز جاقساردى.
سالاماتتى جۇڭگو ارەكەتىن جەدەل اتقاردى. سالاماتتىققا ىقپال جاسايتىن فاكتورلارعا جان - جاقتى ارالاسۋدى، تۇتاس بارىستىق سالاماتتىقتى قورعاۋدى، سالماقتى اۋرۋلاردان ساقتانۋ - تىزگىندەۋدى كوزدە ۇستاپ، اۋرۋدى ەمدەۋدى وزەك ەتۋدەن حالىقتىڭ سالاماتتىعىن وزەك ەتۋگە بۇرىلىس جاساۋدى ىلگەرىلەتتى. قازىر ەلىمىز تۇرعىندارىنىڭ ورتاشا مەجەلى عۇمىرى 78.2 جاسقا جەتتى.
ساپالى ەمدەۋ بايلىعىن كەڭەيتۋدى جەدەلدەتتى
بىرنەشە كۇننىڭ الدىندا تۋىلعانىنا 9 اي تۋىلعان بولعان ياڭ ياڭ بەلگىسىز سەبەپتەن قىزىپ، نيڭشيا بالالار شيپاحاناسىنا اپارىلدى. دياگنوز قويۋ ارقىلى ياڭ ياڭعا تەز ارادا وپەراتسيا جاساۋعا تۋرا كەلدى. الايدا، بۇل شيپاحانا قاتىستى سىرتقى اۋرۋلار وپەراتسياسىنا شارت - جاعداي ازىرلەمەگەن ەدى. وسى كەزدە اتالعان شيپاحاناعا باعىتتامالى كومەكتەسىپ جاتقان بەيجيڭ داشۋەسى 1 - شيپاحاناسىنىڭ ماماندارى دەرەۋ «ارتقى تىرەك ورىننان» كومەك سۇرادى. سول كۇنى بەيجيڭ داشۋەسىنىڭ ءبىرىنشى شيپاحاناسى جاسىل ارنا اشىپ، ناۋقاس بالانى تىكەلەي بەيجيڭگە جوتكەپ وپەراتسيا جاساۋدى ۇيعاردى. 14 ساعاتتا ناۋقاس بالا بەيجيڭگە جەتكىزىلەدى. بەيجيڭ داشۋەسى شيپاحاناسىنداعى بالالاردىڭ سالماقتى اۋرۋىن باقىلاۋ كەڭسەسىنىڭ توبى سول كۇنى كەشتە وپەراتسيا جاساۋدان بۇرىنعى باعالاۋ مەن دايىندىقتى ورىنداپ بولىپ، كەلەسى كۇنى جۇلىننىڭ ينفەكسيالانۋ وشاعىنا وپەراتسيا جاسادى. وپەراتسيادان كەيىن ناۋقاس بالا ناۋقاس بولمەسىنە امان - ەسەن قايتىپ، رۋحاني كۇيى دە جاقسى بولدى. ناۋقاس بالانىڭ اتا - اناسى تەبىرەنە: «وپەراتسيانىڭ مۇنشاما تەز جاسالعانىنا سەنە الماي وتىرمىز!» دەدى.
بيىل 5 - ايدا بەيجيڭ داشۋەسى 1 - شيپاحاناسى نيڭشيا ايەلدەر - بالالار شيپاحاناسى 3 - توپتاعى مەملەكەتتىك وڭىرلىك ەمدەۋ ورتالىعىنىڭ قۇرىلىس نىسانى قاتارىنا ەنگىزىلدى. بۇل شيپاحانانى نيڭشيا حۇيزۋ اۆتونوميالى رايوندىق حالىق ۇكىمەتى مەن بەيجيڭ داشۋەسىنىڭ ءبىرىنشى شيپاحاناسى سەلبەسىپ بىرگە قۇرعان، نيڭشيا حۇيزۋ اۆتونوميالى رايوندىق انالار مەن بالالاردىڭ دەنساۋلىعىن قورعاۋ شيپاحاناسىنىڭ (نيڭشيا بالالار شيپاحاناسى) اۋلاسىنا ورنالاسقان.
وسى رەتكى ەكى جەردىڭ قول ۇستاسىپ سالماقتى ناۋقاستى ەمدەۋى مەملەكەتتىك وڭىرلىك ەمدەۋ ورتالىعىنىڭ ابزالدىعىن تولىق ايگىلەدى.
تاياۋ جىلداردان بەرى ەلىمىز جوعارى دەڭگەيدەگى شيپاحانالارعا سۇيەنىپ، مەملەكەتتىك مەديتسينا ورتالىعى مەن مەملەكەتتىك وڭىرلىك ەمدەۋ ورتالىعىن قۇرىپ، جالپى تۇلعالىق جانە وڭىرلىك ەمدەۋ قىزمەت وتەۋ قۋاتىن جوعارىلاتتى. بۇقارانىڭ باسقا جەردە ەمدەلۋىنىڭ بەتالىسى مەن ءتۇيىندى اۋرۋلارىنا قاراتا قازىر 10 كاسىپتىك تۇردەگى مەملەكەتتىك مەديتسينا ورتالىعى، 50 مەملەكەتتىك وڭىرلىك ەمدەۋ ورتالىعى، 15 مىڭ ەمدەۋ بىرىككەن تۇلعاسى قۇرىلدى.
مەملەكەتتىك دەنساۋلىق ساقتاۋ، سالاماتتىق كوميتەتى ءتۇزىلىس رەفورماسى تارماق مەكەمەسىنىڭ باستىعى شۇي شۋچياڭ مىنانى ءبىلدىردى: ەلىمىز ساپالى ەمدەۋ بايلىعىنىڭ سيىمدىلىعىن كەڭەيتۋدى جانە بىركەلكى ورنالاستىرۋدى ۇزدىكسىز ىلگەرىلەتەدى. مەملەكەت تۇرعىسىنان، مەملەكەتتىك مەديتسينا ورتالىعىن، مەملەكەتتىك وڭىرلىك ەمدەۋ ورتالىعىن ورنالاستىرۋ جانە قۇرۋ قىزمەتىن ىلگەرىلەتىپ، ءوڭىر اتتاپ ەمدەلۋدى ازايتادى. مەملەكەتتىك وڭىرلىك ەمدەۋ ورتالىعى قۇرىلىسىندا بيىل جىل سوڭىندا بۇكىل ەلدەگى بارلىق ولكەنى (اۆتونوميالى رايون، توتە قاراستى قالا) قامتۋعا كۇش سالىنادى. ولكە دارەجەلى دەڭگەيدە 120 ولكە دارەجەلى وڭىرلىك ەمدەۋ ورتالىعى قۇرىلىپ، ولكە كولەمىندە ەمدەۋ قۋاتى جوعارىلاتىلادى.
نەگىزگى ساتىنىڭ ەمدەۋ، دەنساۋلىق ساقتاۋ تورىن بەكەمدەي ءتۇستى
تاياۋدا فۋجيان ولكەسى سانميڭ قالاسى داتيان اۋدانى ميشان قالاشىعىنداعى ءبىر قىستاق تۇرعىنى تۇتقيىل جۇرەك بۇلشىق ەتى ولەتتەنۋ اۋرۋىنا شالدىعادى، داتيان اۋداندىق باس شيپاحاناسى ميشان بولىمشەسىنىڭ ەمدەۋ قىزمەتكەرلەرى ناۋقاستىڭ ءۇي ىشىندەگىلەردىڭ بايانداۋ ەستەلىگى مەن ەلەكتروكارديوگراممانى باس شيپاحانانىڭ كوكىرەك اۋرۋ ورتالىعىنا جەتكىزەدى. باس شيپاحانانىڭ شۇعىل قۇتقارۋ توبى جەرگىلىكتى شيپاگەرلەردىڭ ناۋقاستاعى ۇيىقتى ەرىتۋىنە جەتەكشىلىك ەتىپ، الىس ارالىقتى ەمدەۋدى ءساتتى جۇرگىزەدى.
داتيان اۋداندىق باس شيپاحاناسىنىڭ الىس ارالىقتى جۇرەك كارديوگرامماسىنا دياگنوز قويۋ جۇيەسى بارلىق نەگىزگى ساتى بولىمشەسىن شارپىدى، اۋدان دارەجەلى شيپاحانالار نەگىزگى ساتى بولىمشە شيپاحانالارىنا جۇرەك كارديوگرامماسى دياگنوز مالىمەتىن بەرىپ، نەگىزگى ساتى ەمدەۋ، دەنساۋلىق ساقتاۋ قۇرىلىمدارىنىڭ دياگنوز قوياتىن ماماندار جەتەرسىز بولۋ ماسەلەسىن ءبىرشاما جاقسى شەشتى. داتيان اۋدانى اۋدان، اۋىل، قىستاق سىندى ءۇش دارەجەلى ەمدەۋ، دەنساۋلىق ساقتاۋ قۇرىلىمدارىنىڭ اكىمشىلىك قامالىن بۇزىپ، اۋدان كولەمىندەگى ەمدەۋ، دەنساۋلىق ساقتاۋ بايلىعىن بىرىكتىرىپ، تۇتاس اۋدانداعى تۇرعىنداردىڭ نەگىزگى ەمدەلۋىن جانە الەۋمەتتىك دەنساۋلىق ساقتاۋ قىزمەت وتەۋىن ۇستىنە الىپ، نەگىزگى ساتىنىڭ ەمدەۋ، دەنساۋلىق ساقتاۋعا قىزمەت وتەۋ تورابىن بەكەمدەدى.
بيىل جىل باسىنان بەرى ەلىمىز ەمدەلۋ مەن ەمدەۋدىڭ ءتارتىپتى جاڭا جاعدايىن جەدەل قالىپتاستىردى. نەگىزگى ساتىنىڭ ەمدەۋ، دەنساۋلىق ساقتاۋعا قىزمەت وتەۋ قۋاتى ۇزدىكسىز كۇشەيىپ، نەگىزگى ساتىنىڭ ەمدەۋ، دەنساۋلىق ساقتاۋعا قىزمەت وتەۋ مولشەرىنىڭ سالىستىرماسى %50 تەن جوعارى بولدى. بۇقارانىڭ ماڭايىندا 15 مينۋتتىق ەمدەۋ، دەنساۋلىق ساقتاۋعا قىزمەت وتەۋ شەڭبەرى بار، ىرگەسىندە ءتىپتى دە كوپ مامان ەمدەۋمەن شۇعىلدانادى، اۋرۋ كورسەتۋ، ەمدەلۋ ءتىپتى دە قولايلى، ءتىپتى دە ءتيىمدى، ءتىپتى دە ءونىمدى، ءتىپتى دە ىركىلىسسىز بولدى. سالماقتى ناۋقاس ءوز ولكەسىندە ەمدەلۋ، ادەتتەگى اۋرۋلار قالا، اۋدانداردا ەمدەلۋ، باسى اۋىرىپ، دەنەسى قىزسا، اۋىل - قىستاقتا ەمدەلۋ بىرتىندەپ رەالدىققا اينالدى.
اۋدان وڭىرىندەگى تىعىز ەمدەۋ ورتاق تۇلعاسى قۇرىلىسى جاپپاي ورىستەتىلدى. بۇكىل ەلدەگى 800 دەن استام اۋداندا (قالا، رايون) سىناق ءتۇيىنى ورىستەتىلىپ، ەمدەۋ قامسىزداندىرۋىندا جيناقتاپ اقى تولەۋ جولعا قويىلىپ، بايلىقتىڭ تومەنگە ءتۇسۋى ىلگەرىلەتىلىپ، ەمدەۋ مەن قورعانۋدىڭ توعىسۋى جەبەلدى. ەمدەۋ ورتاق تۇلعالارى ەمدەۋ قۋاتىن جوعارىلاتۋعا جەتەكتەلۋمەن بىرگە، ءتىپتى دە كوپ قىزمەت اۋرۋدان ساقتانۋعا بەيىمدەلىپ، اۋدان كولەمىندە بالنيتساعا جاتىپ ەمدەلگەندەردىڭ سالىستىرماسى مەن تۇرعىنداردىڭ ەمدەۋ قامسىزداندىرۋىن ەسەپتەن كوتەرۋ سالىستىرماسى ورنىقتى جوعارىلادى. الىس ارالىقتى ەمدەۋ جانە ينفورماتسيالاندىرۋ قۇرىلىسى كۇشەيتىلىپ، نەگىزگى ساتىدا تەكسەرۋ، جوعارى دارەجەلى ورىن دياگنوز قويۋ، قىزمەت وتەۋ ساپاسىن قارايلاس ورەگە جەتكىزۋ بىرتىندەپ جۇزەگە اسىرىلدى. سىناق ءتۇيىنى ەتىلگەن اۋدانداردىڭ ەمدەۋ قىزمەت وتەۋ ونىمدىلىگى جوعارىلاپ، اۋدان كولەمىندە ەمدەلۋ مولشەرى %90 تەن اسىپ، «اۋداندى كۇشەيتۋ، نەگىزگى ساتىنى كۇشەيتۋ» رولى كورنەكتىلەنە باستادى.
وتباسى شيپاگەرلەرىنىڭ كەلىسىمدى قىزمەت وتەۋى جاڭالىق اشۋ نەگىزىندە دامىتىلدى. بۇكىل ەل بويىنشا بارلىق ايماق، قالا جانە اۋدان (قالا، رايون) وتباسى شيپاگەرلەرىنىڭ كەلىسىمدى قىزمەت وتەۋىن نەگىزىنەن جۇزەگە اسىرىپ، وتباسى شيپاگەرلەرى توبىنان 420 مىڭنان استامى قۇرىلىپ، كەلىسىمگە قول قويعان تۇرعىندارعا، اسىرەسە، سوزىلمالى اۋرۋعا شالدىققاندار، قارتتار سياقتى ءتۇيىندى قاۋىمعا ۇزاق ۋاقىتتىق رەتسەپ جازۋ، ۇيىنە بارىپ قىزمەت وتەۋ سياقتىلاردى قامتىعان ەمدەۋ، دەنساۋلىق ساقتاۋ جاعىنان قىزمەت وتەدى. وتباسى شيپاگەرلەرىنىڭ كەلىسىمدى قىزمەت وتەۋىنىڭ ساپالى دامۋىن ىلگەرىلەتىپ، ءتۇيىندى قاۋىمنىڭ وتباسى شيپاگەرلەرىمەن كەلىسىم جاساسۋىنىڭ قامتۋ شاماسى %70 تەن استى.
الەۋمەتتىك اۋماق شيپاحانالارىنىڭ قۇرىلىسى دابىرالى جۇرگىزىلدى. 2021 – جىلدىڭ سوڭىنا دەيىن ەلىمىزدە الەۋمەتتىك اۋماق شيپاحانالارى 2 مىڭ 600 دەن استى. مەملەكەتتىك دەنساۋلىق ساقتاۋ، سالاماتتىق كوميتەتى مىنالاردى العا قويدى: بيىل الەۋمەتتىك اۋماق شيپاحانالارىن ۇزدىكسىز دامىتىپ، جاڭادان 500 اينالاسىنداعى الەۋمەتتىك اۋماق شيپاحاناسىن قۇرۋدى ىلگەرىلەتەمىز، سونداي - اق ءبىر توپ ورتالىق شيپاحانانى تاڭداپ قۋات قۇرىلىسىن كۇشەيتىپ، «14 – بەسجىلدىق» جوبا كەزىندە نەگىزگى ساتى ەمدەۋ، دەنساۋلىق ساقتاۋ قۇرىلىمدارىنىڭ قىزمەت وتەۋ قۋاتىن نەگىزگى ولشەمگە جاپپاي جەتكىزۋىنە كۇش سالىپ، قالا مەن اۋىلدىڭ دامۋىنداعى پارىقتى قۇلشىنا ازايتىپ، بۇقارانىڭ جاقىن ماڭدا قولايلى، جوعارى ءونىمدى، ساپالى قىزمەت وتەۋدەن يگىلىكتەنۋىنە قولايلىلىق جاسايمىز.
حالىقتىڭ سالاماتتىعى − قوعامدىق وركەنيەتتىڭ العا باسۋىنىڭ نەگىزى، ۇلتتىڭ گۇلدەنىپ - كوركەيۋى مەن مەملەكەتتىڭ قۇدىرەتتەنۋىنىڭ ماڭىزدى بەلگىسى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا ءبىر ميلليارد 400 ميلليوننان استام جۇڭگو حالقى سالاماتتى، تاماشا تۇرمىسقا دەگەن تالپىنىسىن تاسقىنداتىپ، اناعۇرلىم اسقاق بەينەمەن سالاماتتى جۇڭگو قۇرىلىسىنىڭ جاڭا جورىعىنا قادام تاستادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
