شي جينپيڭ مالتا ورتا مەكتەبىنىڭ «جۇڭگو ءمۇيىسى كلاسىنداعى» وقىتۋشى - وقۋشىلارعا جاۋاپ حات جازدى
2022.08.10 16:41 كەلۋ قاينارى : حالىق تورابى
شينحۋا اگەنتتىگى، 8- ايدىڭ 9 – كۇنى، بەيجيڭ. تاياۋدا مەملەكەت ءتوراعاسى شي جينپيڭ مالتا سان - مارگەريت ورتا مەكتەبىنىڭ «جۇڭگو ءمۇيىسى كلاسىنداعى» وقىتۋشى - وقۋشىلارعا جاۋاپ حات جازىپ، مالتا جاستارى مەن ورەندەرىن جۇڭگو مەن مالتانىڭ گۋمانيتارلىق اۋىس - كۇيىسىنە بەلسەنە ات سالىسۋعا شابىتتاندىردى.
شي جينپيڭ بىلاي دەپ اتاپ كورسەتتى: جۇڭگو مەن مالتانىڭ بىرگە قۇلشىنۋىندا، سان - مارگەريت ورتا مەكتەبىنىڭ «جۇڭگو ءمۇيىسى كلاسى» مالتا جاستارى مەن ورەندەرىنىڭ جۇڭگونى ءتۇسىنۋىن كۇشەيتىپ، جۇڭگو - مالتا دوستىعىن جەبەۋدە بەلسەندى رول اتقاردى. «جۇڭگو ءمۇيىسى كلاسى» قىزمەتىنىڭ بارعان سايىن جاقسى جۇرگىزىلۋىن ءۇمىت ەتەمىن، وقىتۋشى - وقۋشىلاردىڭ جۇڭگوعا كەلىپ اۋىس - كۇيىس جاساۋىن، ۇيرەنۋىن قارسى الامىن.
شي جينپيڭ بىلاي دەپ اتاپ كورسەتتى: الەمنىڭ ۇلى بىرلىگى، ءار ەلدىڭ سايكەسىمدى، تاتۋ ءوتۋى − جۇڭحۋا ۇلتىنىڭ ەجەلدەن بەرگى ادامزات قوعامى جونىندەگى تاماشا ارمانى، سونداي - اق ادامزاتتىڭ تاعدىرلاس ورتاق تۇلعاسىن قۇرۋ ۇستانىمىندا قامتىلعان مادەنيەت قاينارى. ءبىز ءومىر ءسۇرىپ وتىرعان دۇنيە ءجۇزىنىڭ تاريحى مەن رەالدىعى توعىسقان، وندا ءۇمىت پەن سايىس قاتار ءومىر سۇرەدى، ادامزاتتىڭ تاعدىرى تىنىستاس، تەك ءبىر - بىرىنە قارايلاسىپ، سەلبەسىپ تەڭ يگىلىككە كەنەلگەندە عانا ادامزاتتى دامۋ جەتىستىكتەرىنەن بىرگە يگىلىكتەندىرۋگە بولادى. دۇنيە جۇزىلىك دامۋداعى قيىن ماسەلەلەردى شەشىپ، حالىقارالىق حاۋىپسىزدىك سىن - سايىسىنا توتەپ بەرۋ ءۇشىن، جۇڭگو ىلگەرىندى - كەيىندى «ءبىر بەلدەۋ، ءبىر جول» باستاماسىن، دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن العا قويىپ، ورتاق تانىمدى كەڭ كولەمدە ۇيىستىرىپ، كۇش - قۋاتتى شوعىرلاندىرىپ، ءىس جۇزىندىك ارەكەت ارقىلى ادامزاتتىڭ تاعدىرلاس ورتاق تۇلعاسى ۇستانىمىن امالياتتا ايگىلەدى.
شي جينپيڭ بىلاي دەپ دارىپتەدى: بيىل − جۇڭگو مەن مالتانىڭ ديپلوماتيالىق قاتىناس ورناتقانىنىڭ 50 جىلدىعى، ەكى ەل قاتىناسى تاريحى تۇرلىشە، مادەنيەتى تۇرلىشە ەلدەردىڭ تاتۋ - ءتاتتى ءوتۋىنىڭ ۇلگىسىنە اينالدى. مالتانىڭ وقىتۋشى - وقۋشىلارى مەن جاستارىنىڭ، ورەندەرىنىڭ جۇڭگو مەن مالتانىڭ گۋمانيتارلىق اۋىس - كۇيىسىنە بەلسەنە ات سالىسىپ، وركەنيەتتە ءوزارا ۇلگى الۋدىڭ جەبەۋشىسى جانە حالىقتار دوستىعىنىڭ مۇراگەرى بولۋىن ءۇمىت ەتەمىن.
سان - مارگەريت ورتا مەكتەبى − مالتاداعى جالپىلىق ۇكىمەت باسقارۋىنداعى مەكتەپ، 2010 - جىلى جۇڭگونىڭ قولداۋىندا «جۇڭگو ءمۇيىسى كلاسىن» اشقان. بىرنەشە كۇننىڭ الدىندا وسى مەكتەپتىڭ «جۇڭگو ءمۇيىسى كلاسىنداعى» وقىتۋشى - وقۋشىلار ءتوراعا شي جينپيڭگە حات جولداپ، جۇڭگو مادەنيەتىنە قىزىعاتىندارىن ءبىلدىرىپ، «جوسىنناماداعى» «اۋليەلەر الەمدى بىرلىككە كەلتىرەدى» دەگەن ءسوزدى سيتاتقا كەلتىرىپ، ادامزاتتىڭ تاعدىرلاس ورتاق تۇلعاسى ۇستانىمى مەن «ءبىر بەلدەۋ، ءبىر جول» باستاماسىن بەلسەندى باعالاپ، مالتا مەن جۇڭگونىڭ ديپلوماتيالىق قاتىناس ورناتقانىنىڭ 50 جىلدىعىن قۇتتىقتادى، مالتا مەن جۇڭگونىڭ مادەنيەت اۋىس - كۇيىسىنە كوبىرەك ۇلەس قوسۋدى قالايتىندارىن ءبىلدىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
