جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقاردى
جۇڭگونىڭ ومىرشەڭدىك كۇشى شەكسىز (ەكپىندەي ىلگەرىلەۋدىڭ جاڭا جورىعىندا جاڭا داۋىرگە ۇلەس قوسۋ، وزگەشە 10 جىل)
«حالىق گازەتىنىڭ» تىلشىلەرى يۇي جيانبين، گۋ يەكاي، ۋ يۋەحۇي
2022.08.12 16:39 كەلۋ قاينارى : حالىق تورابى
جاسامپاز جۇڭگو 10 جىلدىق سەكىرىستى باستان كەشىردى.
جۇڭگو حالقى ءوزىنىڭ كەڭىستىك بەكەتىنە كىرىپ، «كۇرەسكەر» اتتى كەمە 10 مىڭ مەتر تەرەڭدىكتەگى تەڭىز تۇبىنە سۇڭگىدى ... بەلگىسىز وڭىرلەر جونىندە ىزدەنىس جاسالىپ، عارىش پەن تەرەڭ تەڭىزدە بارعان سايىن كوپ «جۇڭگو ءىزى» قالدى؛
وسىمدىكتەردىڭ فوتوسينتەز رولىنا يەك سۇيەمەي، تىكەلەي جاساندى جولمەن كراحمال سينتەزدەلىپ، «جۇڭگونىڭ اسپان كوزى» عارىشتىڭ ءتىلسىم سىرلارىنا ۇزدىكسىز ىشكەرىلەي بويلادى... «0 دەن 1 گە دەيىن» ءتول جاسامپازدىق جاڭالىقتارى عىلىم - تەحنيكادا جاڭالىق اشۋدى ۇزدىكسىز قاينار كوزبەن قامدادى؛
«حۋالۇڭ 1 – ءنومىرلى» ۇلگى ينجەنەرياسى 3 - ۇرپاق دەربەس يادرو ەلەكتر تەحنيكاسىن نۇرلاندىردى، جەتىقاراقشى باعىتتاۋىش جاساندى سەرىگىن عالامدىق جەلى قۇرادى ... قاجىماي - تالماي قامال الىپ، دەربەس جاڭالىق اشۋ ارقىلى عىلىم - تەحنيكانىڭ جان تامىرىن ءوز قولىنا مىقتاپ ۇستادىق؛
قابىلەتتىلەر باستاماشى بولىپ ىستەپ، دارىندىلاردى باعالاۋ جۇيەسى ۇزدىكسىز ساپالىلاندى ... كۇشىنەن قالدىرۋ مەن ورناتۋ قاتار جۇرگىزىلىپ، عىلىم - تەحنيكا ءتۇزىلىسى رەفورماسى جاڭالىق اشۋ كومەسكى كۇشىن ونان ارى اشىپ، جاڭالىق اشۋدىڭ ومىرشەڭدىك كۇشىن تاسقىنداتتى.
باس شۋجي شي جينپيڭ بىلاي دەپ دارىپتەدى: «ءبىز جاڭا دامۋ ۇستانىمىن، ءسوز جوق، تولىق، دالمە - ءدال، جاپپاي دايەكتىلەندىرىپ، دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، عىلىم - تەحنيكانىڭ جان تامىرىن ءوز قولىمىزدا مىقتاپ ۇستاپ، عىلىم - تەحنيكادا ءوز كۇشىنە سۇيەنۋ، ءوزىن الۋەتتەندىرۋ جاعىندا اناعۇرلىم زور ىلگەرىلەۋشىلىككە قول جەتكىزىپ، ەلىمىز دامۋىنىڭ دەربەستىگىن، ءوزىن - ءوزى باسقارۋىن، حاۋىپسىزدىگىن ۇزدىكسىز جوعارىلاتىپ، اناعۇرلىم كوپ جاڭا تەحنيكالاردى، جاڭا كاسىپ سالالارىن تۋىنداتىپ، ەكونوميكالىق دامۋدىڭ جاڭا سالالارىن، جاڭا جارىس جولدارىن اشىپ، حالىقارالىق باسەكەدە جاڭا ابزالدىق قالىپتاستىرۋىمىز كەرەك».
بۇل جاڭالىق اشا دامۋ ۇستانىمى جۇرت جۇرەگىنە تەرەڭ ۇيالاعان 10 جىل بولدى، جاڭالىق اشۋ ارقىلى دامۋعا دەم بەرۋ ستراتەگياسى جۇڭگونىڭ بايتاق دالاسىندا تامىر تارتىپ، سۇبەلى تابىستارعا قول جەتكىزدى؛
بۇل جاڭالىق اشا دامۋ اياق الىسى ۇزدىكسىز تەزدەگەن 10 جىل بولدى، عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدە تاماشا جاۋاپ قايتارىلىپ، عىلىم - تەحنيكانىڭ ستراتەگيالىق تىرەكتىك قۋاتى ۇزدىكسىز جوعارىلادى؛
بۇل جاڭالىق اشا دامۋ جەتىستىكتەرى جارىققا شىققان 10 جىل بولدى، عىلىم - تەحنيكادا جاڭالىق اشۋ جۇڭگو ەكونوميكاسى سىندى الىپ كەمەنىڭ ساپالى دامۋ بەتالىسىنا قاراي تولقىن جارا ىلگەرىلەۋىن جەبەدى.
ەلىمىزدىڭ عىلىم - تەحنيكا ىستەرىندە تاريحي، جالپىلىق، جۇيەلى كەلەلى وزگەرىستەر تۋىلىپ، جاسامپاز ەلدەر قاتارىنا ءساتتى قادام تاستادىق.
بيىل 7 - ايدا ۋىنتيان تاجىريبە بولمەسى ءساتتى ۇشىرىلدى. بۇل ەلىمىزدىڭ جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارىپ، كەلەلى جاڭالىق اشۋ جەتىستىكتەرى ىركەس - تىركەس جارىققا شىعۋىنىڭ ىقشام كورىنىسى سانالادى.
جاڭالىق اشۋ − دامۋعا جەتەكشىلىك ەتەتىن ءبىرىنشى قوزعاۋشى كۇش، جاڭالىق اشۋ ارقىلى دامۋعا دەم بەرۋ ستراتەگياسى جۇڭگونىڭ دامۋىنداعى وزەكتى ستراتەگيالاردىڭ ءبىرى رەتىندە، جاڭا دامۋ جاعدايىن ورناتۋدىڭ، ساپالى دامۋدى ىلگەرىلەتۋدىڭ داۋىرلىك تاقىرىبىنا پارمەندى جاۋاپ بەرۋدە.
وسى 10 جىل ەلىمىزدىڭ عىلىم - تەحنيكا العاباسارلىعى ەڭ زورايعان، عىلىم - تەحنيكا قۋاتى ەڭ تەز جوعارىلاعان مەزگىل بولدى.
عىلىم - تەحنيكانىڭ ۇلكەن اۋقىمىنا كوز جىبەرسەك، قارىشتاپ دامۋ ىسكە استى. ەلىمىزدىڭ عىلىم - تەحنيكا ىستەرىندە تاريحي، تۇلعالىق، جۇيەلى كەلەلى وزگەرىستەر تۋىلىپ، جاسامپاز ەلدەر قاتارىنا ءساتتى ءوتتى، دۇنيە ءجۇزى بويىنشا جاڭالىق جاراتۋ كورسەتكىشى 2012 - جىلعى 34 - ورىننان 2021 - جىلعى 12 - ورىنعا كوتەرىلدى.
عىلىم - تەحنيكا قوسىلىمىنا كوز جىبەرسەك، سەرپىنى كۇشتى بولدى. تۇتاس قوعامنىڭ زەرتتەۋ - اشۋعا قوسقان قارجىسى 2012 - جىلعى ءبىر تريلليون 30 ميلليارد يۋاننان 2021 - جىلعى 2 تريلليون 790 ميلليارد يۋانعا جەتىپ، نەگىزدىك زەرتتەۋ قاراجاتى 10 جىلدىڭ الدىنداعىنىڭ 3.4 ەسەسىنە جەتتى.
عىلىم - تەحنيكا ونىمىنە كوز جىبەرسەك، مولشەرى مەن ساپاسى بىردەي جوعارىلادى. عىلىم – تەحنيكا العاباسارلىعىنىڭ ۇلەس شاماسى %60 تەن استى، سيتاتقا الىنعان ورەلى ماقالالاردىڭ سانى دۇنيە ءجۇزى بويىنشا الدىڭعى قاتاردا تۇردى، PCT حالىقارالىق پاتەنت ءوتىنىش ەتۋ مولشەرى دۇنيە ءجۇزى بويىنشا الدىڭعى ورىندا تۇردى، «جاساندى كۇن»، شاڭحاي جارىق كوزى سياقتى ءبىر توپ ءىرى ەلدىك ماڭىزدى قۇرال دۇنيە جۇزىلىك زەرتتەۋدى ورىستەتۋگە بەرىك نەگىز قالادى.
عىلىم - تەحنيكانىڭ كومەسكى كۇشىنە كوز جىبەرسەك، بولاشاعى نۇرلى. جۇڭگوشا مەملەكەتتىك تاجىريبەحانا جۇيەسى جەدەل قۇرىلىپ، جوعارى دەڭگەيلى زەرتتەۋ تيبىندەگى داشۋەلەردىڭ، مەملەكەتتىك عىلمي زەرتتەۋ ورىندارىنىڭ عىلمي زەرتتەۋ قابىلەتى ۇزدىكسىز جوعارىلاپ، حالىقارالىق باسەكەلىك قۋاتقا يە ءبىر توپ عىلىم - تەحنيكالىق كاسىپورىن جەتىلىپ، كەمەلدەنىپ، جۇيە قالىپتاستىراتىن، بورىش ارقالايتىن ستراتەگيالىق عىلىم - تەحنيكالىق كۇش قالىپتاستىرىپ، مەملەكەتتىڭ جاڭالىق اشۋ جۇيەسى اناعۇرلىم ءونىمدى، ىركىلىسسىز بولدى.
دارىندىلار، عىلىم – تەحنيكا قۇدىرەتتى بولۋدان كاسىپ سالاسى، ەكونوميكا، مەملەكەت قۇدىرەتتى بولۋعا دەيىنگى دەربەس جاڭالىق اشۋ سىندى دامۋ جولىن اشتى؛ «ءتورتتى بەتكە الۋدا» تاباندى بولاتىن، دامۋدى جان - جاقتى قولدايتىن جانە حاۋىپسىزدىكتى قامتاماسىز ەتەتىن عىلىم - تەحنيكادا جاڭالىق اشۋدىڭ جالپى تۇلعالىق ورنالاستىرۋىن قالىپتاستىردى؛ نەگىزدىك زەرتتەۋدى كۇشەيتۋ، تەحنيكالىق جاڭالىق اشۋ، جەتىستىكتەردى كادەگە جاراتۋ جانە كاسىپ سالالاندىرۋ سياقتى جاڭالىق اشۋ قيمىلدارىنىڭ عىلىم - تەحنيكادا جاڭالىق اشۋداعى تۇتاس تىزبەگىن قالىپتاستىردى ... وسى 10 جىلدا جاڭالىق اشۋ ارقىلى دامۋدى جەبەۋ ستراتەگياسىنىڭ ىشكەرىلەي اتقارىلۋىنا كۋا بولدىق.
جاڭالىق اشۋ ارقىلى دامۋعا دەم بەرۋ شايقاسى ساپالى دامۋعا جاڭا قوزعاۋشى كۇش ۇستەدى، دامۋدىڭ جاڭا قوزعاۋشى كۇشى ۇزدىكسىز ارتتى
بىرنەشە كۇننىڭ الدىندا ەلىمىز ءوزى زەرتتەپ جاساعان، دەربەس ءبىلىم مەنشىك ۇقىعىنا يە C919 ءىرى تۇرپاتتى 6 سىناق ۇشاعى سىناق رەتىندە ۇشۋ مىندەتىن تابىسپەن ورىندادى. C919 دىڭ ۇشۋى تەك ءبىر ۇشاقتىڭ ۇشۋى عانا ەمەس، ونان دا ماڭىزدىسى، ءبىر ۇلتتىق ءىرى ۇشاق ارمانىنىڭ رەدالدىققا اينالۋى سانالادى.
ەلىمىز وندىرگەن ءىرى جولاۋشىلار ۇشاعى دۇنيە ءجۇزى اۆياتسيا بازارىنا نىق قاداممەن قادام تاستادى؛ وزىق يادرو ەنەرگياسى تەحنيكاسى سالاسىندا ىلەسۋدەن دۇنيە جۇزىنە بەت الۋعا دەيىنگى سەكىرىس ورىندالدى ... جاڭالىق اشۋ ارقىلى دامۋعا دەم بەرۋ ستراتەگياسى ساپالى دامۋعا جاڭا قوزعاۋشى كۇش ۇستەپ، جاڭا قوزعاۋشى كۇشتى ۇزدىكسىز قوسىپ وتىردى.
دامۋ ساپاسى ءتىپتى دە جوعارىلادى.
داشيڭ اۋەجايى «سامۇرىقتاي» سامعادى، شياڭگاڭ - جۋحاي - اۋمىن ۇلكەن كوپىرى 3 جەردى تۇتاستىرىپ، گۇلدەن ءنومىرلى جوعارى قارقىندىق تەمىر جولدا پويەز جۇيتكىپ، ەرەكشە جوعارى كەرنەۋلى ەلەكتر جەتكىزۋ ينجەنەرياسى كوپتەگەن تاۋ - وزەننەن اسىپ ءوتتى ... زەردەلى قۇلتەمىر، ماتەريال مولايتىپ جاساۋ سياقتى تەحنيكالاردا جەدەل جاڭالىق اشىپ، جاساۋ كاسىبىنىڭ دارەجەسىن جوعارىلاتىپ، دامۋىن پارمەندى ىلگەرىلەتتى؛ سيفرلى ەكونوميكا، جاڭا ەنەرگيالى اۆتوموبيل، كۇن ەنەرگياسىندىق فوتوۆولت، جاڭاشا كورسەتۋ، وزىق ەنەرگيا ساقتاۋ جۇيەسى سياقتى كاسىپ كولەمى دۇنيە ءجۇزىنىڭ الدىڭعى لەگىنە ءوتتى. 10 جىلدان بەرى ەلىمىز شەشۋشى تەحنيكالاردان قامال الۋ ارقىلى كاسىپ سالاسىنىڭ ورتا، جوعارى دەڭگەيگە كوتەرىلۋىن ىلگەرىلەتىپ، كاسىپ تىزبەگى مەن جاڭالىق اشۋ تىزبەگىنىڭ توعىسۋى اناعۇرلىم تەرەڭدەپ، اناعۇرلىم ءونىمدى بولدى.
دامۋ جولى ءتىپتى دە كوبەيە ءتۇستى.
جاساندى زەردە، ءىرى ساندى مالىمەت، وڭىرلىك تىزبەك، كۆانتتىق حابارلاسۋ سياقتى جاڭادان گۇلدەنگەن تەحنيكالاردى جەدەل قولدانىپ، زەردەلى تەرمينال، جەلىدە ءبىلىم بەرۋ، الىس ارالىقتان ەمدەۋ سياقتى جاڭا ونىمدەر مەن جاڭا كاسىپ فورماتسيالارىن جەتىلدىردى؛ جىلجىمالى تولەۋ، جەلىدە زات ساتىپ الۋ سياقتى جاڭا تەحنيكالار، جاڭا ۇلگىلەر ادامدارعا «عىلىم - تەحنيكا تۇرمىستى اناعۇرلىم كورىكتەندىرەدى» دەگەن باقىت سەزىمىن شىنايى سەزىندىردى ... 10 جىلدان بەرى ەكونوميكالىق دامۋدىڭ جاڭا سالاسى، جاڭا جارىس جولى ۇزدىكسىز اشىلىپ، اناعۇرلىم كوپ جاڭا قوزعاۋشى كۇشتەر ۇزدىكسىز اشىلدى.
دامۋدىڭ ومىرشەڭدىك كۇشى ءتىپتى دە ارتا ءتۇستى.
جوعارى، جاڭا تەحنيكالىق كاسىپورىنداردىڭ سانى 49 مىڭنان 330 مىڭعا كوبەيدى، 2021 - جىلى 683 كاسىپورىن دۇنيە جۇزىلىك كاسىپورىنداردىڭ زەرتتەۋ – اشۋعا قارجى قوسۋىنداعى 2 مىڭ 500 مىقتىنىڭ قاتارىنا كىردى؛ بەيجيڭ، شاڭحاي، گۋاڭدۇڭ - شياڭگاڭ - اۋمىن ۇلكەن شىعاناق رايونى سىندى 3 ءىرى حالىقارالىق عىلىم - تەحنيكادا جاڭالىق اشۋ ورتالىعى دۇنيە جۇزىلىك عىلىم - تەحنيكادا جاڭالىق اشۋ شوعىرىنىڭ الدىڭعى وندىعىنا قادام تاستادى، 173 جوعارى، جاڭا تەحنيكا رايونىنا بۇكىل ەلدەگى ۇشتەن ءبىر ۇلەستەن استام جوعارى، جاڭا تەحنيكا كاسىپورنى جينالدى ... 10 جىلدان بەرى كاسىپورىنداردىڭ جاڭالىق اشۋ تۇلعالىق ورنى اناعۇرلىم كۇشەيىپ، جوعارى تەحنيكالى كاسىپتەردىڭ كولەمى اناعۇرلىم زورايىپ، ساپاسى اناعۇرلىم ساپالىلانىپ، نەگىزى اناعۇرلىم بەكەمدەلدى.
دامۋ مەن حاۋىپسىزدىكتى ءبىر تۇتاس جوسپارلاۋعا اناعۇرلىم ءمان بەردى.
بۇكىل ەلدەگى كۇشتەردى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ عىلمي زەرتتەۋىندە قامال الۋعا ۇيىمداستىرىپ، اۋرۋدان ساقتانۋ جانە ونى ەمدەۋدى، الەۋمەتتىك دەنساۋلىق ساقتاۋدى عىلىم - تەحنيكالىق جاقتان قامتاماسىز ەتتى؛ تەرەڭ تەڭىزدەگى مۇناي، تابيعي گاز، سلانەتس گازى سياقتىلاردى بارلاۋ تەحنيكاسىندا، كومىردى تازا، جوعارى ءونىمدى پايدالانۋدا ۇزدىكسىز تىڭ ىلگەرىلەۋشىلىككە قول جەتكىزدى؛ نەگىزگى ەگىس داقىلدارىن دەربەس سۇرىپتاپ جەتىلدىرۋدەگى سورتتار %95 تەن استى، استىقتىڭ بىرلىك ءونىمى مۋىنا 357 كيلوگرامنان 2021 - جىلعى 387 كيلوگرامعا جەتتى ... 10 جىلدان بەرى عىلىم - تەحنيكا حالىقتىڭ ءومىرى مەن دەنساۋلىعىنا، ەنەرگيا حاۋىپسىزدىگىنە، استىق حاۋىپسىزدىگىنە تىرەك بولدى، دامۋ مەن حاۋىپسىزدىك ءبىر تۇتاس جوسپارلانىپ، ەكونوميكا دامۋىنىڭ ىرىقتىلىق ۇقىعى يگەرىلىپ، عىلىم - تەحنيكادا جاڭالىق اشۋ ماڭىزدى تۇتقاعا اينالدى.
بەينە، تولقىن جوڭكىلگەندەي، بەينە، سەبەزگىلەگەن جاڭبىرداي، جاڭالىق اشۋ فاكتورلارى تىرشىلىك تىنىسى جالىنداعان جۇڭگونىڭ بايتاق دالاسىندا ءوز قۇنىن ايگىلەۋدە.
وزگەرىسكە ۇيلەسىپ، جاڭا وراي جاراتىپ، جاڭا جاعداي اشۋ كەرەك، عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋ، ءسوز جوق، اناعۇرلىم تاماشا جاۋاپ بەرەدى
دۇنيە جۇزىندە ءجۇز جىلدان بەرى بولماعان زور وزگەرىس جاعدايى جەدەل قۇبىلۋدا، وزگەرىسكە ۇيلەسىپ، جاڭا وراي جاراتىپ، جاڭا جاعداي اشۋ عىلىم - تەحنيكادا جاڭالىق جاراتۋدىڭ تىرەكتىك، جەتەكشىلىك رولىن تولىق ساۋلەلەندىرۋدى قاجەت ەتەدى؛ ساپالى دامۋدى جۇزەگە اسىرۋ عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدى بارعان سايىن كۇشەيتەتىن ستراتەگيالىق تىرەكتىك قابىلەتپەن قامداۋدى قاجەت ەتەدى.
جالىندى ومىرشەڭدىك كۇشكە تولى، قوزعاۋشى كۇشكە باي، كومەسكى كۇشى مىعىم، جاسامپاز جۇڭگو وزىنە سەنىپ، ءوزىن الۋەتتەندىرۋ ارقىلى دۇنيە جۇزىنە بەت الدى.
جاڭاشىلدىق سەنىمى ءتىپتى دە نىعايا ءتۇستى
«مەملەكەتتىڭ جاڭالىق اشۋ ارقىلى دامۋعا دەم بەرۋ ستراتەگيالىق باعدارلاماسىن» جاريالاپ، 2021 - جىلدان 2035 - جىلعا دەيىنگى مەملەكەتتىڭ ورتا، ۇزاق مەرزىمدىك عىلىم - تەحنيكانى دامىتۋ جوباسىن جاساپ، «14 – بەسجىلدىق» عىلىم - تەحنيكادا جاڭالىق اشۋ جوباسىن جاسادى ... جەتەكشى يدەيا، ستراتەگيالىق ورنالاستىرۋ، كەلەلى ارەكەتتىڭ كەمەلدى جۇيەسى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋگە پارمەندى جەتەكشىلىك ەتتى.
«چاڭ - ى − 5» جەر شارىنىڭ سىرتىنداعى اسپان دەنەلەرىنەن ۇلگى الىپ قايتا ورالۋدى جۇزەگە اسىرىپ، «تيانۋىن − 1» مارىس ساپارىن باستادى، بەيجيڭ قىسقى وليمپيادا سپورت جارىسى وليمپيادا تاريحىندا بارلىق الاڭ - سارايلاردى %100 جاسىل ەلەكتر ەنەرگياسىمەن قامداۋدى تۇڭعىش رەت جۇزەگە اسىردى ... 10 جىلدان بەرى دەربەس جاسامپازدىق قوزعالتقىشى گۇرىلدەپ، جۇرتتى جەلپىندىرەتىن تابىستار جارىققا شىعىپ، جۇڭگونىڭ دەربەس جاڭالىق اشۋ قابىلەتىنىڭ ۇشقان قۇستاي جوعارىلاعانىن ايگىلەدى.
جاڭالىق جاراتۋ نەگىزى ءتىپتى دە نىعايدى
رەفورما ستراتەگيالىق جوباسىن جوعارى دەڭگەيدە جوبالاۋدان تارتىپ، عىلمي زەرتتەۋ قىزمەتكەرلەرىنىڭ مۇڭ - مۇقتاجىن ەگجەي - تەگجەيلى شەشۋگە دەيىن ... عىلىم - تەحنيكا ءتۇزىلىسى رەفورماسىن تەرەڭدەتۋدەگى ءبىرقىدىرۋ ماڭىزدى ستراتەگيالىق ورنالاستىرۋ، كەلەلى شارا ىركەس - تىركەس شىعارىلىپ، اتقارىلىپ، ءتۇرلى دارىندىلاردىڭ جاڭالىق اشۋ اقىل - پاراساتى جارىسا تاسقىندادى.
جۇڭگونىڭ عارىش قىزمەتكەرلەرى اراسىندا 35 جاستان تومەنگى عىلمي زەرتتەۋ قىزمەتكەرلەرى %80 تى يەلەپ، اتى زاتىنا ساي «جاستار اترەتى» بولدى؛ اقىل - پاراساتپەن قامداۋدى كۇشەيتىپ، جۇڭگو عىلىم اكادەمياسىنىڭ عىلمي زەرتتەۋ ۇيىرمەلەرى قوعامدى جالپى 110 مىڭ عىلىم - تەحنيكا جەتىستىگىمەن قامدادى ... 10 جىلدان بەرى عىلىم - تەحنيكادا جاڭالىق اشۋ دارىندىلارىنىڭ قۇرىلىمى مەن ساپاسى ۇزدىكسىز ساپالىلانىپ، جەتەكشى دارىندىلار مەن جاڭالىق اشۋ توپتارى جەدەل جارىققا شىعىپ، زەرتتەۋ - اشۋ قىزمەتكەرلەرىنىڭ جالپى مولشەرى ءۇرتىس كوپ جىل دۇنيە ءجۇزى بويىنشا الدىڭعى ورىندى يەلەدى.
جاڭالىق اشۋ سالاسى ءتىپتى دە كەڭەيدى
بيىل 3 - ايدا جۇڭگو استىق توبىنا قاراستى جۇڭگو استىق ونەركاسىپ ءبولىمى ۋحان تارماق ءبولىمى ب م ۇ دۇنيە جۇزىلىك استىق - جوسپار مەكەمەسىنىڭ جۇڭگو كەڭسەسىنەن كەلگەن العىس حاتتى تاپسىرىپ الدى. حاتتا جۇڭگو استىق ونەركاسىبى عىلىم - تەحنيكا مامانى شيە جياننىڭ «وڭتۇستىك - وڭتۇستىك سەلبەستىگى» قىزمەتىن زور كۇشپەن قولداپ، جۇڭگو - افريكا كۇرىش قۇن تىزبەگى سەلبەستىگىن بەكەمدەۋگە قوسقان كورنەكتى ۇلەسىنە العىس ايتىلعان.
160 نەشە مەملەكەتپەن جانە رايونمەن عىلىم - تەحنيكالىق سەلبەستىك قارىم - قاتىناسىن ورناتتى؛ حالىقارالىق ىستىق يادرولىق بىرىگۋ تاجىريبە قازانى، شارشى كيلومەترلىك تىزبەكتى راديولىق ءدۇربى سياقتى ءىرى عىلمي جوسپارلارعا بەلسەنە ات سالىستى ... 10 جىلدان بەرى ەسىك اشۋدا، جاڭالىق اشۋدا تاباندى بولىپ، دۇنيە جۇزىلىك جاڭالىق اشۋ كارتاسىندا ءارى حالىقارالىق الدىڭعى لەكتەگى جاڭالىق اشۋعا ات سالىسۋشى، ءارى دۇنيە جۇزىلىك ماسەلەلەردى بىرگە شەشۋگە ماڭىزدى ۇلەس قوسۋشى بولدى.
جاڭالىق اشۋدى يگەرۋ − دامۋدى يگەرۋ، جاڭالىق اشۋدى كوزدەۋ − بولاشاقتى كوزدەۋ. جاڭا تاريحي باستامادا ارشىندى قاداممەن العا باسىپ، جاڭالىق اشۋ ارقىلى دامۋعا دەم بەرۋ ستراتەگياسىن ۇزدىكسىز ىشكەرىلەي اتقارىپ، جۇڭگوشا دەربەس جاڭالىق اشۋ جولىمەن بۇلجىماي ءجۇرىپ، جاسامپاز ەل مەن عىلىم - تەحنيكادا قۇدىرەتتى ەل قۇرۋعا كۇش سالساق، ەلىمىزدىڭ جوعارى دەڭگەيدەگى عىلىم - تەحنيكاسىندا ءوز كۇشىنە سۇيەنىپ، ءوزىن الۋەتتەندىرۋدە، ءسوز جوق، اناعۇرلىم تاماشا جاۋاپ بەرەتىن بولامىز!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
