«تايۋان ماسەلەسى جانە جاڭا داۋىردەگى جۇڭگونى بىرلىككە كەلتىرۋ ءىسى» اتتى اق تىستى كىتاپ جاريالاندى
2022.08.11 16:52 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 10 - كۇنى، بەيجيڭ. مەملەكەتتىك كەڭەستىڭ تايۋان ىستەرى كەڭسەسى، مەملەكەتتىك كەڭەستىڭ اقپارات كەڭسەسى 8 - ايدىڭ 10 - كۇنى «تايۋان ماسەلەسى جانە جاڭا داۋىردەگى جۇڭگونى بىرلىككە كەلتىرۋ ءىسى» اتتى اق تىستى كىتاپتى جاريالاپ، تايۋان − جۇڭگونىڭ ءبىر بولەگى دەيتىن فاكتىنى جانە قازىرگى جاعدايدى ىشكەرىلەي قايتالاي دارىپتەپ، جۇڭگو كوممۋنيستىك پارتياسى مەن جۇڭگو حالقىنىڭ وتاننىڭ تۇتاستىعىنا تالپىنۋداعى بەرىك ەركى مەن بەرىك بەكىمىن ايگىلەپ، جۇڭگو كوممۋنيستىك پارتياسى مەن جۇڭگو ۇكىمەتىنىڭ جاڭا داۋىردە وتاننىڭ تۇتاستىعىن جۇزەگە اسىرۋدى ىلگەرىلەتۋدەگى مايدانى مەن ساياساتىن پايىمدادى.
اق تىستى كىتاپتا بىلاي دەپ اتاپ كورسەتىلدى: تايۋان ەجەلدەن جۇڭگوعا ءتان دەيتىن تاريحي جاعداي ايقىن، زاڭدىق قاعيدا فاكتىسى انىق. بىرلەسكەن مەملەكەتتەر ۇيىمى قۇرىلتايىنىڭ 2758 - ءنومىرلى قاۋلىسى − ءبىر جۇڭگو پرينسيبىن ايگىلەيتىن ساياسي قۇجات، حالىقارالىق اماليات ونىڭ زاڭدىق كۇشىن تولىق دالەلدەدى، بۇرمالاۋعا بولمايدى. ءبىر جۇڭگو پرينسيبى − حالىقارالىق قوعامنىڭ جالپى بەتتىك ورتاق تانىمى، حالىقارالىق قاتىناستىڭ نەگىزگى ولشەمىنە بويسۇنۋدا بولۋعا ءتيىستى مازمۇن. دۇنيە جۇزىندە ءبىر عانا جۇڭگو بار، تايۋان − جۇڭگونىڭ ءبىر بولەگى دەيتىن تاريحي فاكتىدەن جانە زاڭدىق اقيقات فاكتىسىنەن كۇماندانۋعا بولمايدى، تايۋان ەجەلدەن مەملەكەت بولعان ەمەس، قايتا جۇڭگونىڭ ءبىر بولەگى بولۋ ورنى وزگەرمەيدى.
اق تىستى كىتاپتا بىلاي دەلىندى: جۇڭگو كوممۋنيستىك پارتياسى تايۋان ماسەلەسىن شەشۋدى، وتاننىڭ تولىق بىرلىككە كەلۋىن جۇزەگە اسىرۋدى قاي - قاشان دا بۇلجىماس تاريحي مىندەت ەتىپ، ەكى جاعالاۋداعى باۋىرلاستاردى ىنتىماقتاستىرىپ جانە باستاپ، تايۋان جاعدايىنىڭ شيەلەنىسۋدەن باسەڭدەۋگە، جاقسارۋعا، ونان بەيبىت دامۋ جولىنا ءتۇسۋىن ىلگەرىلەتىپ، ەكى جاعالاۋ قاتىناسىندا ۇزدىكسىز تىڭ ىلگەرىلەۋشىلىككە قول جەتكىزدى. جۇڭگو كوممۋنيستىك پارتياسىنىڭ جەتەكشىلىگىندە، 70 نەشە جىلدان بەرى، اسىرەسە، ەكى جاعالاۋدىڭ اۋاشالانۋ كۇيى بۇزىلعاننان بەرى ەكى جاعالاۋ قاتىناسى باياندى دامىدى. ەكى جاعالاۋدىڭ اۋىس - كۇيىسى، سەلبەستىگى كۇن سايىن كەڭەيىپ، ءوزارا بارىس - كەلىسى كۇن سايىن جيىلەپ، ەكى جاعالاۋداعى باۋىرلاستارعا، اسىرەسە، تايۋاندىق باۋىرلاستارعا ناقتى پايدا جەتكىزىپ، ەكى جاعالاۋ بەرەكەلى بولسا، ەكى جاققا دا ءتيىمدى بولاتىنىن، بىرىكسە ەكى جاعى تەڭ پايداعا كەنەلەتىنىن تولىق ءتۇسىندىردى.
اق تىستى كىتاپتا بىلاي دەپ اتاپ كورسەتىلدى: وتاننىڭ تولىق بىرلىككە كەلۋىن جۇزەگە اسىرۋدى جۇڭحۋا ۇلتىنىڭ تاريحى مەن مادەنيەتى بەلگىلەگەن، سونداي - اق جۇڭحۋا ۇلتىنىڭ ۇلى گۇلدەنۋىنىڭ كەزەڭى مەن جاعدايى بەلگىلەگەن. ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا تاريحتاعى ءارقانداي كەزدەگىدەن دە جاقىنداي تۇستىك، ءتىپتى دە سەنىمدى جانە قابىلەتتى بولدىق، سونداي - اق وتاندى بۇكىلدەي بىرلىككە كەلتىرۋ نىساناسىنا ءتىپتى دە جاقىنداي تۇستىك، ءتىپتى دە سەنىمدى جانە قابىلەتتى بولامىز. مەملەكەتتىڭ دامۋى، العا باسۋى، اسىرەسە، 40 نەشە جىلدان بەرگى رەفورما جاساپ، ەسىك اشۋ جانە وسىزامانداندىرۋ قۇرىلىسىندا قول جەتكەن ۇلى تابىستار تايۋان ماسەلەسىن شەشۋدىڭ، وتاننىڭ بۇكىلدەي بىرلىككە كەلۋىن جۇزەگە اسىرۋدىڭ تاريحي بارىسىنا تەرەڭ ىقپال جاساۋدا.
اق تىستى كىتاپتا مىنالار دارىپتەلدى: جۇڭگو دەموكراتيالىق العاباسارلىق پارتياسى بيلەۋشىلەرىنىڭ «دەربەستىكتى» كوزدەۋ ارەكەتى ەكى جاعالاۋ قاتىناسىنىڭ شيەلەنىسۋىنە اپارىپ سوعىپ، تايۋان بۇعازىنىڭ بەيبىتشىلىگى مەن ورنىقتىلىعىنا زيان جەتكىزىپ، بەيبىت جولمەن بىرلىككە كەلۋ بولاشاعىن ءبۇلدىرىپ، بەيبىت جولمەن بىرلىككە كەلۋ كەڭىستىگىن تارايتتى، بۇل − بەيبىت جولمەن بىرلىككە كەلۋ بارىسىندا، ءسوز جوق، الاستاۋعا ءتيىستى كەدەرگى. سىرتقى كۇشتەر «تايۋان دەربەستىگى» بولشەكتەۋشى كۇشتەرىن سويقان شىعارۋعا، ارانداتۋعا جەلىكتىرىپ، ەكى جاعالاۋدىڭ قارسىلاسۋىن جانە تايۋان بۇعازى جاعدايىنىڭ شيەلەنىسۋىن كۇشەيتىپ، ازيا - تىنىق مۇحيت ءوڭىرىنىڭ بەيبىتشىلىگى مەن ورنىقتىلىعىن ءبۇلدىردى، ءارى بەيبىتشىلىكتى، دامۋدى، تەڭ يگىلىككە كەنەلۋدى كوزدەيتىن ءداۋىر اعىمىنا قايشىلىق جاسادى، ءارى حالىقارالىق قوعامنىڭ تىلەگى مەن دۇنيە ءجۇزى حالىقتارىنىڭ تىلەگىنە قايشى كەلدى. «مۇحيتتى قىسپاققا الىپ، دەربەستىكتى كوزدەۋدىڭ» شىعار جولى جوق، «تايۋان ارقىلى جۇڭگونى شاۋجايلاۋ»، ءسوز جوق، جەڭىلىسكە ۇشىرايدى. وتاندى بىرلىككە كەلتىرۋ تاريحي تەگەرشىگى مىعىم تەبىنمەن العا قاراي جىلجي بەرەدى، ءارقانداي ادام، ءارقانداي كۇش توسا المايدى.
اق تىستى كىتاپتا بىلاي دەلىندى: «بەيبىت جولمەن بىرلىككە كەلۋ، ءبىر ەل، ەكى ءتۇزىم» − ءبىزدىڭ تايۋان ماسەلەسىن شەشۋدەگى نەگىزگى باعىتىمىز، سونداي - اق مەملەكەتتىڭ تۇتاستىعىن جۇزەگە اسىرۋداعى ەڭ تاماشا ءتاسىل، ول پەيىلى دارقان، قۇشاعى كەڭ جۇڭحۋا اقىل - پاراساتىن ايگىلەدى، مۇندا تايۋاننىڭ رەال جاعدايى تولىق ويلاستىرىلعان، سونىمەن بىرگە، بىرلىككە كەلگەننەن كەيىنگى تايۋاننىڭ باياندى تىنىشتىعىنا دا ءتيىمدى. ەكى جاعالاۋدىڭ بەيبىت جولمەن بىرلىككە كەلۋىن جۇزەگە اسىرۋدا ۇلى قۇرلىق پەن تايۋاننىڭ قوعامدىق ءتۇزىمى مەن يدەولوگياسىنىڭ ۇقساماۋى سىندى نەگىزگى ماسەلەگە ءدوپ كەلەمىز. «ءبىر ەل، ەكى ءتۇزىم» − ءدال وسى ماسەلەنى شەشۋ ءۇشىن العا قويىلعان ەڭ قامتىمدى جوبا. بۇل − بەيبىتشىلىك جوباسى، دەموكراتيا جوباسى، ىزگى نيەتتى جوبا، تەڭ يگىلىككە كەنەلۋ جوباسى. ەكى جاعالاۋ ءتۇزىمىنىڭ ۇقساماۋى بىرلىككە كەلۋدىڭ كەدەرگى ەمەس، بولشەكتەنۋدىڭ سىلتاۋى ءتىپتى دە ەمەس.
اق تىستى كىتاپتا بىلاي دەپ دارىپتەلدى: ءبىز بەيبىت جولمەن بىرلىككە كەلۋ ءۇشىن كەڭ ءورىس اشۋدى قالايمىز، ءبىراق ءتۇرلى فورماداعى «تايۋان دەربەستىگى» بولشەكتەۋشىلىك ارەكەتىنە استە كەڭىستىك قالدىرمايمىز. ءبىز ەڭ زور ادالدىق، ەڭ زور قۇلشىنىس ارقىلى بەيبىت بىرلىككە كەلۋگە ۇزدىكسىز قول جەتكىزۋدى قالايمىز. ءبىز قارۋلى كۇش ىستەتۋدەن باس تارتۋعا ۋادە بەرمەيمىز، بارلىق قاجەتتى شارالاردى قولدانۋ ءتۇرىن تاڭداۋدى ساقتاپ قالامىز، بۇل سىرتقى كۇشتەردىڭ كيلىگۋى مەن وتە از ساندى «تايۋان دەربەستىگى» بولشەكتەۋشىلەرىنە جانە ولاردىڭ بولشەكتەۋ ارەكەتتەرىنە قاراتىلعان، استە تايۋاندىق باۋىرلاستارعا قاراتىلعان ەمەس، بەيبىتشىلىككە جات ءتاسىل لاجىسىزدان جاسالاتىن ەڭ سوڭعى تالعام بولماق. تايۋاننىڭ بولاشاعى مەملەكەتتىڭ تۇتاستىعىندا، تايۋاندىق باۋىرلاستاردىڭ ىرىس - قۇتى ۇلتتىڭ گۇلدەنۋىنە بايلانىستى. ءبىز قالىڭ تايۋاندىق باۋىرلاستارمەن ىنتىماقتاسىپ، وتاننىڭ تۇتاستىعى مەن ۇلتتىڭ گۇلدەنۋى سىندى داڭقتى ۇلى ءىستى بىرگە جاراتامىز.
اق تىستى كىتاپتا بىلاي دەپ اتاپ كورسەتىلدى: «ءبىر ەل، ەكى ءتۇزىم» بويىنشا ەكى جاعالاۋدىڭ بەيبىت بىرلىككە كەلۋىن جۇزەگە اسىرۋ جۇڭگونىڭ دامۋىنا، العا باسۋىنا جانە جۇڭحۋا ۇلتىنىڭ ۇلى گۇلدەنۋىنە جاڭا نەگىز قالاپ، تايۋاننىڭ ەكونوميكالىق، قوعامدىق دامۋىنا وراسان زور وراي جاراتىپ، قالىڭ تايۋاندىق باۋىرلاستارعا ناقتى پايدا جەتكىزەدى. ەكى جاعالاۋدىڭ بەيبىت جولمەن بىرلىككە كەلۋىن جۇزەگە اسىرۋ جۇڭحۋا ۇلتى مەن جۇڭگو حالقىنىڭ باقىتى عانا ەمەس، حالىقارالىق قوعام مەن دۇنيە ءجۇزى حالىقتارىنىڭ دا باقىتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
