جاپپاي سوتسياليستىك وسىزاماندانعان مەملەكەت قۇرۋدىڭ تىڭ داستانىن قۇلشىنا جازۋعا سانشي ولكەسىنىڭ ۇلەسىن قوستى (جۇڭگونىڭ وسى 10 جىلى اتىنداعى جەلىلەس تاقىرىپتىق حابارلار)
«حالىق گازەتىنىڭ» تىلشىلەرى حۋ جيان، چياۋ دۇڭ
2022.08.11 16:55 كەلۋ قاينارى : حالىق تورابى
8 - ايدىڭ 10 - كۇنى «جۇڭگونىڭ وسى 10 جىلى» جەلىلەس تاقىرىپتىق اقپار جاريالاۋ ءماجىلىسىنىڭ سانشيدەگى ارناۋلى جينالىسى وتكىزىلدى.
پارتيانىڭ 18 - قۇرىلتايىنان بەرى باس شۋجي شي جينپيڭ مەن پارتيا ورتالىق كوميتەتىنىڭ پارمەندى باسشىلىعىندا، سانشي ساپالى دامۋ نىساناسىن جان - جاقتى ىلگەرىلەتۋ تالابىن ايقىن العا قويىپ، ەنەرگيا توڭكەرىسى جالپىلىق رەفورماسىن تۇيىندە سىناق ەتۋدى تۇتقا ەتىپ، تاۋدى جونگە سالۋدى، سۋدى جونگە سالۋدى، گازدى جونگە سالۋدى، قالانى جونگە سالۋدى ءبىر تۇلعالاندىرىپ ىلگەرىلەتۋدە تاباندى بولىپ، تايجى ءبىر تۇلعالانعان ەكونوميكالىق رايونى مەن سانشيدىڭ تيبىن وزگەرتىپ، كەشەندى وزگەرتۋدەن ۇلگى كورسەتۋ رايونىنىڭ «وڭتۇستىك - سولتۇستىك قوزعالتقىشىن» كۇش سالا قالىپتاستىرىپ، وسى زامانعى جاساۋ كاسىبى مەن قىزمەت وتەۋ كاسىبىنىڭ ساپاسىن جوعارىلاتىپ، ونىمدىلىگىن ارتتىرۋدى جەدەل ىلگەرىلەتتى. 10 جىلدا سانشي ولكەسىنىڭ ءوندىرىس جالپى ءونىم قۇنى ءبىر تريلليون 170 ميلليارد يۋاننان 2 تريلليون 260 ميلليارد يۋانعا جەتتى. قالا - اۋىل تۇرعىندارىنىڭ جان باسىندىق يگەرىلمەلى كىرىسى 20 مىڭ 232 يۋاننان، 7 مىڭ 64 يۋاننان 37 مىڭ 433 يۋانعا، 15 مىڭ 308 يۋانعا جوعارىلادى. 3 ميلليون 290 مىڭ كەدەي بۇقارا كەدەيلىك قالپاعىن الىپ تاستاپ، 3 مىڭ 365 اۋىر كەدەي تابيعي قىستاق تۇتاس قىستاق بويىنشا كوشىرىلدى.
سانشي ولكەلىك پارتكومنىڭ شۋجيى لين ۋ بىلاي دەپ تانىستىردى: وسى 10 جىلدا سانشيدەگى ءتۇرلى ىستەر ۇزدىكسىز ورنىقتى جاقسارىپ، بۇكىل ەلدىڭ جالپى جاعدايىنداعى ستراتەگيالىق ورنى اناعۇرلىم كورنەكتىلەندى. بۇكىل ولكە بويىنشا جوعارىدان تومەنگە دەيىن باس شۋجيدىڭ ىقىلاستى تاپسىرىعىن ءىس تىندىرىپ، يگىلىك جاراتۋدىڭ ءىس جۇزىندىك ارەكەتىنە اينالدىرىپ، جاپپاي سوتسياليستىك وسىزاماندانعان مەملەكەت قۇرۋدىڭ تىڭ داستانىن قۇلشىنا جازۋعا سانشي ولكەسىنىڭ ۇلەسىن قوسۋدامىز.
ەنەرگيا توڭكەرىسىندە تىڭ تابىستارعا قول جەتكىزدى
سانشي «مەملەكەتتىڭ زور ىستەرىنەن» باستاپ ىسكە كىرىسىپ، كومىرمەن حاۋىپسىز قامداۋدى بار كۇشپەن قامتاماسىزداندىردى. بيىل الدىڭعى جارتى جىلدا سانشي ولكەسىنىڭ كومىر ءونىم مولشەرى 641 ميلليون توننا بولىپ، سايكەس مەزگىلدەگىدەن %10.1 ارتتى، تۇتاس جىلدا مەجەمەن ءبىر ميلليارد 300 ميلليون توننادان اسپاق.
2019 – جىلى 5 - ايدا پارتيا ورتالىق كوميتەتى سانشيگە ەنەرگيا توڭكەرىسى جالپىلىق رەفورماسىن تۇيىندە سىناق ەتۋ سىندى كەلەلى بورىشتى ارقالادى. 3 جىلدان بەرى سانشي ولكەسى ەنەرگيا تۇتىنۋ توڭكەرىسىن، قامداۋ توڭكەرىسىن، تەحنيكا توڭكەرىسىن، ءتۇزىلىس توڭكەرىسىن جانە حالىقارالىق سەلبەستىكتى جاپپاي ىلگەرىلەتىپ، بۇكىل ولكەنىڭ ەنەرگيا سارىپ ەتۋ كۇشەمەلىلىگىن ۇزدىكسىز تومەندەتىپ، كومىردىڭ وزىق ءوندىرىس قۋاتىنىڭ سالىستىرماسىن %75 تەن اسىرىپ، سۋتەگى ەنەرگياسى، ناتري باتەرياسى، ەنەرگيا ينتەرنەتى، كومىر تاسىن جان - جاقتى پايدالانۋ سياقتى تەحنيكالاردان جەدەل قامال الدى، ستراتەگيالىق جاڭادان گۇلدەنگەن كاسىپتەردىڭ بازارلانعان ەلەكتر باعاسى مەحانيزمى، تابيعي گازدى داعدىدان تىس بارلاۋ - اشۋ بۇكىل ەل كولەمىندە كەڭ كولەمدى ىقپال جاسادى.
«سانشيدىڭ تيپتە بۇرىلىس جاساۋىنداعى ماڭداي الدى مىندەتى − كاسىپ تيبىن وزگەرتۋ، ەڭ ماڭىزدىسى − جاڭا قوزعاۋشى كۇشتى جەتىلدىرۋ، زورايتۋ». سانشي ولكەسىنىڭ باستىعى لان فۋ - ان تانىستىرىپ بىلاي دەدى: سانشي ساپالى دامۋدى جان - جاقتى ىلگەرىلەتۋدىڭ نىسانالارى مەن تالاپتارىن ايقىنداپ، ءبىر جاعىنان، ءداستۇرلى كاسىپتەردى جاڭالاۋدى، دەڭگەيىن جوعارىلاتۋدى، ەندى ءبىر جاعىنان، جاڭادان گۇلدەنگەن كاسىپتەردى جەتىلدىرۋدى يگەردى. بىلتىردان بەرى 365 جوعارى، جاڭا تەحنيكا كاسىپورنى سانشيدە ىرگە تەۋىپ، مەملەكەتتىك ءتۇيىندى تاجىريبەحانا سياقتى مەملەكەت دارەجەلى عىلىم - تەحنيكادا جاڭالىق اشۋ تۇعىرىنان ۇشەۋى تىڭنان كوبەيىپ، جوعارى دەڭگەيلى جەتەكشى دارىندىلار مەن دوكتورانتتاردان ءبىر مىڭ 400 دەن استام ادام قابىلدانىپ، «قولمەن جىرتۋعا بولاتىن بولات»، «كومىر تالشىعى»، «اسقىن ەسەپتەۋ» سياقتىلار كاسىپ سالاسىنىڭ جاڭا ءورىسىن اشتى. بيىل ماۋسىمنىڭ سوڭىنا دەيىن سانشي ولكەسىنىڭ بازار تۇلعاسى 3 ميلليون 575 مىڭعا جەتىپ، سايكەس مەزگىلدەگىدەن %21.5 ارتتى، مەجەمەن «14 – بەسجىلدىقتىڭ» سوڭىندا 6 ميلليونعا جەتپەك.
قازىر سانشي ولكەسى «ءتورتتى ءبىر تۇلعالاندىرۋدى» جەدەل ىلگەرىلەتۋدە: كومىر مەن كومىر ەلەكترىن ءبىر تۇلعالاندىرۋدا قازىر جۇمىس ىستەپ تۇرعان كومىر ەلەكتر اگراگاتتارىنىڭ ەنەرگيا ۇنەمدەۋ، كومىرتەگىن تومەندەتۋ، يكەمدىلىكپەن وزگەرتۋ، جىلۋمەن قامداۋ، قايتا قۇرۋ سىندى «ءۇش ءتۇرلى رەفورمانىڭ ىقپالداستىعى» ىلگەرىلەتىلدى؛ كومىر ەلەكترى مەن جاڭا ەنەرگيانى ءبىر تۇلعالاندىرۋدا كومىر، كومىر ەلەكتر كاسىپورىندارىنىڭ ءىرى تۇرپاتتى جەل ەلەكتر، فوتوۆولت بازاسىن قۇرۋىنا دەم بەرىلدى جانە قولداۋ كورسەتىلدى، سۋتەگى ەنەرگياسى، جەر جىلۋى ەنەرگياسى، داعدىدان تىس اشىلاتىن تابيعي گاز بەلسەنە دامىتىلدى؛ كومىر مەن كومىر حيميا ونەركاسىبىن ءبىر تۇلعالاندىرۋدا كومىردەن مۇناي، ولەفين، مەتانول الۋ قاتارلى وسىزامانعى كومىر حيميا ونەركاسىپ كاسىبىنىڭ كادەگە جاراتىلۋ مولشەرى جوعارىلاتىلدى؛ كومىر كاسىبى مەن سيفرلى ەكونوميكانىڭ ءبىر تۇلعالانۋىندا كومىر ونەركاسىبى قاتارلى ەنەرگيا ونەركاسىبىنىڭ سيفرلانۋى ىلگەرىلەتىلدى، بيىل سانشي ولكەسى تاعى دا زەردەلىلەنگەن 20 كومىر كەنىن، 500 ورىندا زەردەلىلەنگەن قازۋ قىزمەت اۋماعىن قۇرماق.
حالىق تۇرمىسىنىڭ قۇت - ىرىسى تىڭ بەلەسكە كوتەرىلدى
10 جىلدان بەرى سانشي ولكەسى جۇمىسقا ورنالاستىرۋ جانە وقۋ - اعارتۋ سالاسىنا 651 ميلليارد 200 ميلليون يۋان، دەنساۋلىق ساقتاۋ سالاسىنا 314 ميلليارد 400 ميلليون يۋان، قوعامدىق قامتاماسىزداندىرۋعا 602 ميلليارد 600 ميلليون يۋان قوستى. الەۋمەتتىك اۋماقتا قارتتاردى كۇتىمدەۋدىڭ «باقىت ينجەنەرياسىن» اتقارىپ، ىرگەدە ساپالى ەمدەۋ قىزمەت وتەۋ جۇيەسىن ورناتىپ، شارۋا جۇمىسكەرلەردى اقىسىز شەبەرلىككە تاربيەلەدى، سونداي - اق قالالاردا «ۇساق - تۇيەك جۇمىس بازارىن» قۇردى. بىلتىر تاسقىن اپاتىنان كەيىنگى قايتا قۇرۋ بارىسىندا قازىنا 4 ميلليارد 207 ميلليون يۋان قارجى بوساتىپ، اپاتقا ۇشىراعان بۇقارانىڭ ىشەر اس، كيەر كيىمنەن تارىقپاۋىنا، كوكتەم مەرەكەسىنەن بۇرىن تۇگەلدەي جاڭا ۇيگە كوشىپ كىرۋىنە مۇمكىندىك جاسادى.
سانشي ولكەسى جۇمىستاندىرۋدى الدىمەن ويلاستىرۋدا تاباندى بولدى. جۇمىسقا ورنالاستىرۋدى ورنىقتىرۋ، جۇمىسقا ورنالاستىرۋدى كەڭەيتۋ ساياساتىنىڭ كەشەندى شارالارىن ويداعىداي اتقارىپ، الەۋمەتتىك جۇمىستانۋعا جان - جاقتى قىزمەت وتەدى؛ تۇرعىندار كىرىسىنىڭ ارتۋى مەن ەكونوميكانىڭ ارتۋى نەگىزىنەن بىردەي بولۋدا تاباندى بولىپ، ءۇش رەتكى ءبولىس ءتۇزىمىن يكەمدى قولدانىپ، تومەن كىرىستى قاۋىمنىڭ كىرىسىن كۇش سالا جوعارىلاتتى؛ مىندەتتى وقۋ - اعارتۋدىڭ تەپە - تەڭدىگى مەن قالا مەن اۋىلدىڭ ءبىر تۇلعالانىپ دامۋىن ىلگەرىلەتىپ، جالپىعا ءتيىمدى وقۋ - اعارتۋدى قامتاماسىزداندىرۋ مەحانيزمىن كەمەلدەندىردى؛ الەۋمەتتىك دەنساۋلىق ساقتاۋدا قورعانۋ تورىن بەرىك توقىپ، دارەجەگە ءبولىپ ەمدەۋ ءتۇزىمىن كەمەلدەندىرىپ، اۋدان كولەمىندەگى ەمدەۋ، دەنساۋلىق ساقتاۋدى ءبىر تۇلعالاندىرۋ رەفورماسىن تەرەڭدەتىپ، جۇڭگوشا شيپاگەرلىك پەن ءدارى – دارمەك ىستەرىن كۇشەيتۋ قۇرىلىسىن ىلگەرىلەتتى؛ قايتا كەدەيلەنۋدى اۋقىمدىق باقىلاۋ - ولشەۋ جانە سۇيەمەلدەۋ مەحانيزمىن اقاۋسىزداندىرىپ، ءتۇرلى قامتاماسىزداندىرۋ سيپاتتى ەڭ تومەنگى شەكتەن تۇسىرمەۋ ساياساتىن ويداعىداي تياناقتاندىرىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى جۇزەگە اسىردى.
10 جىلدان بەرى سانشي ولكەسى تاۋ، سۋ، ورمان، اتىز، كول، جايىلىم، ءشول جۇيەسىن جونگە سالۋدى ءبىر تۇتاس جوسپارلاپ، كوز الداعى ەسەپكە دا، ۇزاق بولاشاقتىق ەسەپكە دە ءمان بەردى. كوك اسپان، اقشا بۇلت قالىپتى جاعدايعا اينالىپ، جازدا وزوننىڭ، كۇز، قىس ماۋسىمدارىندا اتموسفەرانىڭ لاستانۋىنان ساقتانۋ - جونگە سالۋ سياقتى قيمىلدار ارقىلى اۋانىڭ ولشەمگە جەتكەن كۇن سانى بارعان سايىن كوبەيىپ، PM2.5 تىڭ قويۋلىعى ءار تەكشە مەترىنە 39 ميكروگرام تومەندەدى. سانشي ولكەسىنىڭ جەر بەتى سۋىنىڭ مەملەكەتتىك قيما بەت ولشەمىندە تاڭداۋلى بولۋ سالىستىرماسى %72.3 كە جەتىپ، فىنحى وزەنى الابىنداعى مەملەكەتتىك قيما بەت سۋ ساپاسى تۇگەلدەي 4 - تۇرگە جانە ودان جوعارى تۇرگە جەتتى. ءار جىلى 4 ميلليون مۋدان استام جەرگە ورمان وتىرعىزىلىپ، ورمانمەن كومكەرىلۋ شاماسى تاياۋ جىلداردان بەرى بۇكىل ەلدىڭ ورتاشا دەڭگەيىنەن ءۇرتىس اسىپ، 2010 - جىلعى %18.03 تەن 2020 - جىلعى %23.57 كە كوتەرىلدى.
سانشيدىڭ بايتاق دالاسىندا ومىرشەڭدىك كۇش جالىندادى
ساپالى دامۋدى جان - جاقتى ىلگەرىلەتۋدە ۇزاق تاريح پەن شۇعىلالى مادەنيەتكە سۇيەنىپ كۇش سالۋ كەرەك. تاريحتان، مادەنيەتتەن، ەكولوگيادان يمەندى، سانشي جۇڭحۋانىڭ تاڭداۋلى ءداستۇرلى مادەنيەتىنىڭ جاسامپازدىقپەن تۇرلەنۋىن، جاسامپازدىقپەن دامۋىن ىلگەرىلەتىپ، تاريحي مادەنيەت مۇرالارىن ويداعىداي قورعاۋمەن بىرگە، مادەنيەتتەگى ءىرى ولكەدەن مادەنيەتتەگى قۋاتتى ولكەگە قاراي قادام تاستاۋدى جەدەلدەتۋدە. بەتالىستى مىقتاپ ورناتىپ، سوتسياليستىك وزەكتى قۇن كوزقاراسىن بارىنشا ساۋلەلەندىرىپ، ەرىكتى سانشي، سەنىمدى سانشي سياقتى قيمىلداردى ىشكەرىلەي ورىستەتىپ، الدىعا، ىزگىلىككە ۇمتىلاتىن قوعامدىق جاڭا سالت قالىپتاستىردى. سارا تۋىندىلاردى جاراتۋعا كۇش سالىپ، «لۇيلياڭ قاھارماندارىنىڭ ءومىر بايانى»، «تايحاڭداعى اتا - انالار»، «يوۋ - يۇي» سياقتى تەاترلار جۇرت جۇرەگىنە تەرەڭ ۇيالادى، سانشي ولكەسىنىڭ بارابان، ءان - ءبي، كوركەمونەر، حالىق اراسىنداعى ونەرى سياقتىلار مەملەكەت قاقپاسىنان شىعىپ، مادەنيەت كورمەسى، پيڭياۋ حالىقارالىق كينو مەرەكەسى سياقتىلاردا ماڭىزدى مادەنيەت اۋىس - كۇيىس ماركاسىنا اينالدى.
ساپالى دامۋدى جان - جاقتى ىلگەرىلەتۋدە «جاقسى ەكولوگيا» مەن «جاقسى كادر» ارقىلى قامتاماسىز ەتتى. سانشي ولكەسى پارتيانى جاپپاي قاتاڭ جونگە سالۋدىڭ تۇلعالىق جاۋاپكەرلىگىن ۇزدىكسىز ارقالاپ، قاتاڭ نەگىزگى اۋەنمەن ستيلدى دۇرىستاپ، ءتارتىپتى قاتايتىپ، جەمقورلىققا قارسى تۇرىپ، پارتيانى جاپپاي قاتاڭ جونگە سالۋدى سانشيدە تاباندىلىقپەن تەرەڭدەتىپ، باياندى، ستيلى پاك، سالتى دۇرىس ساياسي ەكولوگيا قالىپتاستىردى. ادام تاڭداۋدىڭ، ادام ىستەتۋدىڭ دۇرىس بەتالىسىن ورناتىپ، بەلەتكە، نومىرگە، GDP كورسەتكىشىنە، جاسقا اسىلىپ الماۋدى شىن مانىندە جۇزەگە اسىرىپ، پارتيالى كادرلاردى جاۋاپكەرلىك ارقالاپ، ىسكەرلىك كورسەتۋگە، ەرلىكپەن ۇلەس قوسۋعا شابىتتاندىردى.
پارتيانى باسقارۋدىڭ، پارتيانى جونگە سالۋدىڭ ونىمدىلىگى ەڭ سوڭىندا پارتيالى كادرلاردىڭ جاۋاپكەرلىك ارقالاپ، ىسكەرلىك كورسەتۋىنەن، پارتيا ستيلى مەن ۇكىمەت ستيلىنىڭ، حالىق تىلەگىنىڭ ۇندەستىك جاساۋىنان ايگىلەنەدى. ىندەتتەن ساقتانۋ - تىزگىندەۋ مەن تاسقىننان ساقتانۋ، اپاتتان قۇتقارۋ سىندى توسىن ەكى رەتكى ۇلكەن ەمتيحان الدىندا سان مىڭداعان پارتيالى كادر بۇيرىقتى ەستي سالا ىسكە كىرىسىپ، حاۋىپ – قاتەردەن تايسالماي، قالىڭ بۇقارانى ىنتىماقتاستىرىپ جانە باستاپ، ءبىرىنشى شەپتە تۇرىپ، حاۋىپ – قاتەردەن اراشالاپ، تىرشىلىك اقاۋسىزدىعى مەن مال - مۇلىك حاۋىپسىزدىگىن قورعاۋدىڭ قۇرىش قورعانىن سوقتى.
لين ۋ مىنانى ءبىلدىردى: سانشي باس شۋجيدىڭ تاپسىرىعىن ەستە بەرىك ساقتاپ، يدەيانى ازات ەتىپ، شىندىقتى ءىس جۇزىنەن ىزدەپ، شىنايى يگەرىپ، ناقتى ىستەپ، ۇزاق ۋاقىت ۇلەس قوسىپ، ساپالى دامۋدا ۇزدىكسىز تىڭ تابىستارعا قول جەتكىزىپ، سانشيدىڭ جاڭا داۋىردەگى جۇڭگوشا سوتسياليزمنىڭ جاڭا داستانىن ۇزدىكسىز جازىپ، پارتيانىڭ 20 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
