ءبىر قۇمىراسى 270 يۋان! جاڭا تيپتى ايدارشا ۆيرۋس وكپە قابىنۋ اۋرۋىن ەمدەۋدە ىشەتىن تۇڭعىش وتاندىق ءدارى حاينان قاتارلى جەرلەرگە جەتكىزىلدى
بەيجيڭ گازەتى كليەنتىنىڭ ءتىلشىسى يۋان لۋ
2022.08.12 15:27 كەلۋ قاينارى : حالىق تورابى
جۋىردا ەل ىشىندە حاينان، حىنان، شينجياڭ قاتارلى كوپ جەرلەردە ىندەت بىتىراندى تارالدى، ىندەتتەن ساقتانۋ – تىزگىندەۋ اۋقىمى ءالى دە قيىن ءارى كۇردەلى. 8 – ايدىڭ 11 – كۇنى كەشتە، ءتىلشىنىڭ فۋشيڭ ءدارى – دارمەك سەرىكتەستىگىنەن ۇعىسۋىنشا، فۋشيڭ ءدارى – دارمەك سەرىكتەستىگى مەن حىنان جىنشى بيولوگيالىق عىلىم – تەحنيكا شەكتى سەرىكتەستىگىمەن بىرگە جەر – جەردەگى ۇكىمەتتىڭ قاجەتىنە بەلسەندى ءۇن قاتىپ، جاڭا تيپتى ايدارشا ۆيرۋس وكپە قابىنۋ ىندەتىنەن ساۋىقتىرۋدا ىشەتىن ۇساق مولەكۋلالى ءدارى ازۆديندى ەلىمىزدىڭ جەر – جەرىنە شۇعىل جوتكەي باستاعان، جۋىردا حىنان، حاينان، شينجياڭ قاتارلى جەرلەرگە جەتكىزىلگەن.
ازۆديننىڭ باعاسى دا تۇڭعىش رەت جاريالاندى. فۋشيڭ ءدارى – دارمەك سەرىكتەستىگىنىڭ ايتۋىنشا، جەر – جەردەگى مەديتسينالىق قامسىزداندىرۋ تاراۋلارىنىڭ ينتەرنەتتە جاريالاعان باعاسىنا قاراعاندا، ازۆدين تابلەتكاسىنىڭ ءبىر قۇمىراسىنىڭ باعاسى 270 يۋان، ءبىر قۇمىراسىندا 35 تال ءدارى بولادى، ءار تال ءدارى ءبىر ميلليگرام، قازىر بازارعا شىعارىلعان جاڭا تيپتى ايدارشا ۆيرۋس وكپە قابىنۋ ىندەتىن ەمدەۋ دارىلەرىمەن سالىستىرعاندا، ازۆديننىڭ باعاسىندا ءبىرشاما زور باسىمدىلىق بار.
8 – ايدىڭ 9 – كۇنى، مەملەكەتتىك دەنساۋلىق ساقتاۋ – سالاماتتىق كوميتەتىنىڭ كەڭسە مەڭگەرمەسى مەن مەملەكەتتىك جۇڭگوشا شيپاگەرلىك جانە ءدارى – دارمەك مەكەمەسىنىڭ كەڭسەسى ۇقتىرۋ شىعارىپ، اتالعان ءدارىنى «جاڭا تيپتى ايدارشا ۆيرۋس وكپە قابىنۋ اۋرۋىن ەمدەۋ جوباسىنا (توعىزىنشى نۇسقا)» ەنگىزگەن. «ەمدەۋ جوباسىنا» نەگىزدەلگەندە، ازۆدين تابلەتكاسى جاي تيپتەگى جاڭا تيپتى ايدارشا ۆيرۋس وكپە قابىنۋ اۋرۋىنا شالدىققان ەرەسەك ناۋقاستاردىڭ پايدالانۋىنا بەرىلەدى. پايدالانۋ ءتاسىلى مەن مولشەرى: اش قارىندا تۇتاس ءدارىنى جۇتۋ كەرەك، ءار رەتتە 5 ميلليگرام، كۇنىنە ءبىر رەت، ءبىر رەتكى ەمدەۋ كەزەڭى 14 كۇننەن اسىپ كەتپەۋى كەرەك.
جوعارىدا ايتىلعان پايدالانۋ ءتاسىلى مەن پايدالانۋ مولشەرى جانە ءاربىر تابلەتكانىڭ دوزاسى بويىنشا، ءتىلشى ەسەپتەۋ جۇرگىزۋ ارقىلى مىنانى بايقاعان: ناۋقاس كۇنىنە 5 تال ءدارى ءىشۋى كەرەك، 14 كۇندىك ەمدەۋ مەزگىلىندە 70 تال ءدارى، اتاپ ايتقاندا، ەكى قوراپ ءدارى ىشەدى، بۇعان جۇمسالاتىن قاراجات 540 يۋان بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
