ءىشىنارا وڭىرلەردە جاۋعان نوسەر جاعدايىنا باعىتتاي وتىرىپ، مەملەكەتتىك تاسقىننان ساقتانىپ، قۋاڭشىلىققا قارسى اتتانۋ باس قولباسشىلىق ءبولىمىنىڭ كەڭسەسى مەن مەملەكەتتىك شۇعىل جاعدايلارعا توتەپ بەرۋدى باسقارۋ مينيسترلىگى مىنانى تالاپ ەتتى
قاتاڭ شارالاردى قولدانىپ، ادام ءولىم – ءجىتىمى تۋىلۋىنان ساقتانۋ كەرەك
2022.08.15 15:32 كەلۋ قاينارى : حالىق تورابى
حالىق گازەتىنىڭ ءتىلشىسى چيۋ چاۋ – ي 8 – ايدىڭ 14 – كۇنى بەيجيڭنەن حابارلايدى. جۋىردا ءىشىنارا جەرلەردە نوسەر جاۋعاندىقتان، تاسقىن اپاتى تۋىلىپ، اپاتتىڭ تۋىلۋى تەز، زيانى زور بولدى، سىچۋان، گانسۋ قاتارلى جەرلەردە تاسقىن اپاتى سالدارىنان اۋىر دارەجەدە ادام ءولىم – ءجىتىمى تۋىلدى؛ لياۋحى وزەنىنىڭ تارماق اعارى بولعان راۋياڭ وزەنىنىڭ تومەنگى اعارىندا سۋ دەڭگەيى ساقتىق سىزىعىنان ءۇرتىس استى، شينجياڭنىڭ تارىم وزەنى جوعارى تەمپەراتۋرادا قاردىڭ ەرۋىنىڭ ىقپالىنا ۇشىراعاندىقتان، حاۋىپسىزدىككە كەپىلدىك ەتۋ سىزىعىنان اسقان تاسقىن جانە تاريحتاعى دەڭگەيدەن اسقان تاسقىن تۋىلدى، چاڭجياڭ وزەنى اڭعارىنداعى شىلىڭگىر ىستىق پەن قۋاڭشىلىق ءالى دە اسقىنا تۇسۋدە، ەلىمىز بويىنشا تاسقىننان ساقتانىپ، قۋاڭشىلىققا قارسى اتتانۋ اۋقىمى ءالى دە كۇردەلى دە قيىن بولۋدا. مەملەكەتتىك تاسقىننان ساقتانىپ، قۋاڭشىلىققا قارسى اتتانۋ باس قولباسشىلىق ءبولىمىنىڭ كەڭسەسى مەن شۇعىل جاعدايلارعا توتەپ بەرۋدى باسقارۋ مينيسترلىگى 8 – ايدىڭ 13 – كۇنى، 14 – كۇنى تاسقىننان ساقتانىپ، قۋاڭشىلىققا قارسى اتتانۋ ارناۋلى تاقىرىبىنداعى بەينە ەكراندى ءماجىلىس اشىپ، كەڭەس وتكىزدى ءارى ورنالاستىرۋ جاسادى، تومەنگى شەكتىك وي جەلىسىن تىكتەپ، تاسقىننان ساقتانۋ قىزمەتىندەگى ولقىلىقتاردى ىشكەرىلەي تەكسەرىپ تاۋىپ، تولىقتاپ، قاتاڭ شارالاردى قولدانىپ، تاعى دا ادام ءولىم – ءجىتىمىنىڭ تۋىلۋىنان شىنايى ساقتانۋدى باسا دارىپتەدى.
مەملەكەتتىك تاسقىننان ساقتانىپ، قۋاڭشىلىققا قارسى اتتانۋ باس قولباسشىلىق ءبولىمىنىڭ كەڭسەسى مەن شۇعىل جاعدايلارعا توتەپ بەرۋدى باسقارۋ مينيسترلىگى مىنانى تالاپ ەتتى: قازىر تاسقىننان ساقتانىپ، قۋاڭشىلىققا قارسى اتتانۋ قىزمەتى بارىسىندا ادامداردى جوتكەپ، حاۋىپتەن اراشالاۋدى كورنەكتى ورىنعا قويىپ، تاسقىن اپاتىنان، ورتاشا جانە كىشى - گىرىم وزەن اعارلارىندا تاسقىن تۋىلۋى سالدارىنان توپتى ادامنىڭ قازا بولۋىنان جانە جارالانۋىنان قاتاڭ ساقتانۋ كەرەك. باتىس سولتۇستىكتە ەرىگەن قار سۋىنان تۋىلاتىن تاسقىن اپاتىنا توتەپ بەرۋدى ۇزدىكسىز ويداعىداي ىستەپ، شينجياڭ، چيڭحاي قاتارلى جەرلەردە ەرىگەن قار سۋىنان قالىپتاساتىن تاسقىننىڭ كۇرت كوبەيىپ، كۇرت ازاياتىن ەرەكشەلىگىن كوزدە ۇستاي وتىرىپ، جەرگىلىكتى بۇقاراعا، سىرت جەردەن بارعان ساياحاتشىلارعا، ينجەنەريالىق قۇرىلىس جۇمىسشىلارىنا دەر كەزىندە حاۋىپتەن ساقتانۋدى ەسكەرتۋ كەرەك.
وتە – موتە، تارىم وزەنىندە سۋ دەڭگەيىنىڭ جوعارىلاپ، وسىنداي جاعدايدىڭ جالعاسقان ۋاقىتىنىڭ ۇزاق بولۋى سىندى جاعدايعا نازار اۋدارىپ، جەتكىلىكتى مولشەردەگى كۇش پەن زاتتى الدىن الا ورنالاستىرىپ، توساتتان تۋىلاتىن حاۋىپتى جاعدايدى دەر كەزىندە ءبىرجاقتى ەتۋ كەرەك. راۋياڭ وزەنىنىڭ سۋ دەڭگەيى ساقتىق سىزىعىنان اسقان بولىگىندە شارلاپ تەكسەرۋ، ساقتانۋ جانە ىركىلگەن سۋدى ىعىستىرۋ قىزمەتىن ۇزدىكسىز ويداعىداي ىستەپ، ديزەنفەكسيالاۋدى، ىندەتتەن ساقتانۋدى جانە سۋ باسۋى مۇمكىن جەردەگى ۇيلەردىڭ حاۋىپسىزدىگىن ساراپتاۋ قىزمەتىن ءبىرتۇتاس جوسپارلاپ، ويداعىداي ىستەپ، بۇقارانىڭ ءومىرىنىڭ حاۋىپسىزدىگى مەن دەنساۋلىعىنىڭ اقاۋسىزدىعىنا كەپىلدىك ەتۋ كەرەك. سونىمەن بىرگە، قۋاڭشىلىققا قارسى اتتانۋ قىزمەتىن دە ۇزدىكسىز ويداعىداي ىستەپ، شۇعىل جاعدايدا سۋ جەتكىزۋ مەن سۋدى رەتكە سالۋ قاتارلى شارالاردى قولدانىپ، بۇقارانىڭ اۋىز سۋ حاۋىپسىزدىگىنە كەپىلدىك ەتۋ كەرەك.
8 – ايدىڭ 14 – كۇنى، مەملەكەتتىك تاسقىننان ساقتانىپ، قۋاڭشىلىققا قارسى اتتانۋ باس قولباسشىلىق ءبولىمىنىڭ كەڭسەسى ماماندار گرۋپپاسىن جىبەرىپ، شينجياڭنىڭ تارىم وزەنىندەگى تاسقىننان ساقتانىپ، اپاتتان قۇتقارۋ قىزمەتىنە سايكەستى جانە كومەكتەستى ءارى جەتەكشىلىك ەتتى. مەملەكەتتىك تاسقىننان ساقتانىپ، قۋاڭشىلىققا قارسى اتتانۋ باس قولباسشىلىق ءبولىمىنىڭ كەڭسەسى اتتاندىرعان 2 قىزمەت گرۋپپاسى سانشي مەن سىچۋاندا تاسقىن اپاتىنان ساقتانىپ، حاۋىپتەن اراشالاۋ، قۇتقارۋ قىزمەتىنە سايكەستى جانە كومەكتەستى، ءبىر قىزمەت گرۋپپاسى جياڭشيدا قۋاڭشىلىققا قارسى اتتانىپ، اپاتتىڭ زيانىن ازايتۋ قىزمەتىنە ۇزدىكسىز جەتەكشىلىك ەتتى جانە سايكەستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
