”ءبىز ىندەتكە قارسى اتتانۋعا ءوز ۇلەسىمىزدى قوسساق دەيمىز“
انار بۇلت \ شينجياڭ گازەتىنىڭ ءتىلشىسى ۋي يۇڭگۇي
2022.08.16 15:54 كەلۋ قاينارى : شينجياڭ گازەتى
”الەۋمەتتىك اۋماق كادرىنىڭ شەشەمە كوڭىل ءبولىپ، قارايلاسقاندىعىنا ايرىقشا العىس ايتامىن“. 8 - ايدىڭ 14 - كۇنى تاڭەرتەڭ، قۇمىل قالاسى يجوۋ رايونى شيحى ءمالىسى ىنتىماق الەۋمەتتىك اۋماعى حۇيلييۋان شاعىن اۋماعىنىڭ تۇرعىندار ۋيشين توبىندا جىڭ گۇيفاڭ كاريانىڭ ۇيىندەگىلەر جازعان وسى ينفورماتسيا تۇرعىندارعا ىستىق مەرەي، جىلى شۋاق سيلادى.
بيىل 84 جاستاعى جىڭ گۇيفاڭ اۋرۋ سەبەبىنەن ۇزاق ۋاقىت توسەك تارتىپ جاتىپ قالعان، ۇزاق مەرزىم بويى وتتەگىن سىمىرۋگە سۇيەنەدى. بىرەر كۇننىڭ الدىندا، وتتەگى كۇبىسىنىڭ ءتۇبى كورىنىپ، ۇيىندەگىلەرى تۇس - تۇسقا حابارلاسادى، الايدا كوپتەگەن سەرىكتەستىك وتتەگى كۇبىسى تىم ۇلكەن، جەتكىزىپ بەرۋ قولايسىز دەيدى. قىسىلتاياڭ ساتتە، ولار ىنتىماق الەۋمەتتىك اۋماعى پارتيا باس ياچەيكاسىنىڭ شۋجيى سۇي ۋيجيەگە كومەك سۇراۋ ينفورماتسياسىن جىبەرەدى. سۇي ۋيجيە الەۋمەتتىك اۋماقتاعى وتباسىلارعا جاۋاپتى كادر ميھىرگۇل يبىرايىمدى ەرتىپ، دەرەۋ كاريانىڭ ۇيىنە بارىپ، بوساپ قالعان وتتەگى كۇبىسىن كوتەرىپ عيماراتتان ءتۇسىپ، تىزگىن ۇشىندا 15 كيلومەتر الىستاعى وتتەگى پۋنكتىنە بارادى، كۇبىگە وتتەگىن تولتىرعاننان كەيىن، كاريانىڭ ۇيىنە دەرەۋ قايتا جەتكىزىپ بەرەدى.
ىندەت تۋىلعاننان بەرى، قۇمىل قالاسىنداعى پارتيالى كادرلار بەلسەندى تۇردە بۇقارانىڭ مۇڭ - مۇقتاجىن شەشسە، تۇرعىندار دا ىندەتكە قارسى اتتانۋدىڭ الدىڭعى شەبىندە ابىگەر بولىپ جۇرگەن پارتيالى كادرلارعا مەيىر - سۇيىسپەنشىلىكتەرىن جەتكىزدى. وسىلايشا، ءوزارا كومەكتەسكەن، ءوزارا قارايلاسقان، جۇرەككە نۇر شاشاتىن حيكايالار تۋىلدى.
يجوۋ رايونى دۇڭحى ءمالىسى حۋايۋان الەۋمەتتىك اۋماعىندا، الەۋمەتتىك اۋماق پارتكومىنىڭ شۋجيى مىڭ چيڭيۋان الەۋمەتتىك اۋماق كادرلارىن باستاپ عيماراتتاردى ارالاپ، تۇرعىندار ءۇشىن كوكونىس، ءدارى - دارمەك جەتكىزدى، سۋ، ەلەكتر، گاز كارتچكالارىنا اقشا قۇيىپ، قوقىر - قوقسىقتاردى تازالادى، بۇدان سىرت، اۋماققا ءبولىپ وتباسىلاردى كوتەرمەگە الىپ، جالعىز تۇراتىن قارتتارعا، ناۋقاس قارتتارعا كۇنىنە بىرنەشە مارتە بارىپ حال - جاعدايىن ۇعىستى. الەۋمەتتىك اۋماق كادرلارىنىڭ قاربالاس بەينەلەرى كوپشىلىكتى اسەرلەندىرىپ، كوپتەگەن تۇرعىندار ەرىكتى بولۋدى ءوتىندى. ”ءبىز ىندەتكە قارسى اتتانۋعا ءوز ۇلەسىمىزدى قوسۋمەن بىرگە، الەۋمەتتىك اۋماق كادرلارىنىڭ جۇمىسىن جەڭىلدەتسەك دەيمىز“، - دەيدى اتالعان الەۋمەتتىك اۋماقتاعى ەرىكتى جين يۋەمەي.
اراتۇرىك اۋدانى تۋحۋلۋ اۋىلى يحىيۋان الەۋمەتتىك اۋماعىندا، پارتيالى كادرلار ىندەتتەن ساقتانۋ - تىزگىندەۋ تالابىن باتىل تياناقتاندىرىپ، الدىڭعى شەپتەن تاپجىلماي، حىسۋان تەكسەرۋ، الاڭ - ورىن كودىن تەكسەرۋ، قورشاعان ورتانى زارارسىزداندىرۋ سياقتى قىزمەتتەرگە جاردەمدەستى، سونداي - اق ۇگىت تاربيەنى ويداعىداي يگەرىپ، ۇيلەرگە بارىپ قىزمەت ەتىپ، بۇقارانىڭ مۇڭ - مۇقتاجىن شەشتى. بۇقارا پارتيالى كادرلاردىڭ جاپالى قىزمەتىن كوزبەن كورىپ، كوڭىلگە ءتۇيىپ، جابىلا ارەكەتكە كەلىپ، تۇرلىشە تاسىلدەرمەن ىندەتتەن ساقتانۋ - تىزگىندەۋ قىزمەتىنە قولداۋ كورسەتتى جانە ات سالىستى، كەيبىرەۋلەرى ءوز ەرىكتەرىمەن كەزەكشى بولۋعا ات سالىسسا، كەيبىرەۋلەرى وزدىكتەرىنەن قىزمەتكەرلەردىڭ زاتتىق ماتەريال تاسۋىنا كومەكتەستى، ال كەيبىرەۋلەرى ءوز ەرىكتەرىمەن ەرىكتى بولۋعا ءوتىنىش ەتتى.
8 - ايدىڭ 14 - كۇنى تاڭ ءسارى، يحىيۋان الەۋمەتتىك اۋماعىنىڭ 70 جاستاعى تۇرعىنى پاتەمحان تايىر بىلاي دەدى: ”پارتيانىڭ ابزال ساياساتىنىڭ ارقاسىندا، مەن باقىتتى ءومىر كەشىپ جاتىرمىن. وسى رەت ىندەت تۋىلعاننان بەرى، الەۋمەتتىك اۋماقتاعى پارتيالى كادرلاردىڭ بارلىعى قاتتى جاپا شەكتى، ءبىزدى تۇرمىستىق زاتتىق ماتەريالدارمەن توتەنشە مولىنان قامدادى، ولارعا شىن جۇرەكتەن العىس ايتامىن“.
حاڭجوۋلىق ساياحاتشى چىن جيانشىڭنىڭ دا كوكىرەگىن العىس سەزىمى كەرنەدى. 8 - ايدىڭ 3 - كۇنى، چىن جيانشىڭ مەن دوستارى ۇيشە اۆتوموبيل ايداپ حاڭجوۋدان شينجياڭعا ساياحاتقا كەلىپ، العاشقى ايالدامادا قۇمىلعا توتە تارتادى. 8 - ايدىڭ 7 - كۇنى، ولار اراتۇرىك اۋدانىنا جەتكەندە، توسىن تۋىلعان ىندەت ولاردىڭ ساياحات جوسپارىن ويلاماعان جەردەن ءۇزىپ تاستادى. چىن جيانشىڭ مەن ساپارلاستارى ۇيشە اۆتوموبيلدى اراتۇرىك اۋدان قالاشىعىنىڭ ماڭىنا توقتاتىپ تىنىعادى. قاراجاتتى ۇنەمدەۋ ءۇشىن، ولار كولىكتە جاتىپ، تاماقتانادى.
ۇيشە اۆتوموبيلدىڭ وزىندەگى ەلەكتر كوپ ۇزاماي ءبىتىپ قالىپ، چىن جيانشىڭداردىڭ تۇرمىسىنا قولايسىزدىق اكەلەدى. 8 - ايدىڭ 11 - كۇنى، اراتۇرىك اۋداندىق قوعام حاۋىپسىزدىگى مەكەمەسى قالاشىق ساقشى بولىمشەسىنىڭ حالىق ساقشىسى يان جۇنجيە شارلاۋ كەزىندە، ولاردىڭ مۇشكىل جاعدايىنان حابار تابادى. يان جۇنجيە جەرگىلىكتى ەلەكترمەن قامداۋ سەرىكتەستىگىمەن بايلانىس جاساپ، ۇيشە اۆتوموبيلدى زاريادتايتىن ەلەكتر كوزىن تابۋعا كومەكتەسەدى.
”حالىق ساقشىسىنا راقىمەت، بىزگە كومەكتەسىپ ۇلكەن ماسەلەمىزدى شەشىپ بەردى“، - دەيدى چىن جيانشىڭ اسەرلەنە.
8 - ايدىڭ 12 - كۇنى، باركول قازاق اۆتونوميالى اۋدانىندا، ۇرىمجىلىك ساياحاتشى لي دىجيڭ ىندەتتەن ساقتانۋ - تىزگىندەۋ تۇيىنىنەن اۆتوموبيلىمەن ءوتىپ بارا جاتقاندا، مەيىر جەتكىزۋ سيىنا يە بولدى، وندا بولكا، تۇزدالعان كوكونىس، شۇجىق، تۇزدالعان ۇيرەك جۇمىرتقاسى سياقتى ازىق - تۇلىكتەر جانە مينەرال سۋ سالىنعان ەكەن.
بۇل مەيىر جەتكىزۋ سيىن باركول قازاق اۆتونوميالى اۋدانى قامداۋ - ساتۋ كووپەراتيۆى ءبىر تۇتاس تاپسىرىسپەن ساتىپ الىپ، ىندەتتەن ساقتانۋ - تىزگىندەۋ تۇيىندەرىنەن ءوتىپ بارا جاتقان ساياحاتشىلارعا جانە شوفەر، جولاۋشىلارعا تەگىن تاراتىپ بەرىپ، ولاردىڭ جولدا جەتكىلىكتى ازىق - تۇلىگىنىڭ جانە سۋىنىڭ بولۋىنا شىنايى كەپىلدىك ەتتى. ”مەيىر جەتكىزىپ، ءوزارا كومەكتەسىپ، ىندەتكە بىرگە قارسى اتتانايىق، مۇندا باركول ءبارىن ەگجەي - تەگجەيلى ويلاستىرعان ەكەن“، - دەيدى لي دىجيڭ.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
