جىبەك جولىنداعى المۇرت قالاسىندا كەزدەسىپ، اسكەري ىستەر سالتاناتتى جينالىسىنا بىرگە كۇش سالدى
”حالىقارالىق اسكەري ىستەر جارىسى − 2022“ جۇڭگو كورلا جارىس رايونىنىڭ جارىسى باستالدى
2022.08.15 16:39 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ياڭ شۋحان 8 - ايدىڭ 13 - كۇنى كورلادان حابارلايدى. 8 - ايدىڭ 13 - كۇنى جۇڭگو قۇرلىق ارمياسى وتكىزۋدى ۇستىنە العان ”حالىقارالىق اسكەري ىستەر جارىسى − 2022“ كورلا جارىس رايونى جارىسىنىڭ باستالۋ سالتى سالتاناتپەن وتكىزىلدى، 5 مەملەكەتتەن جارىسقا قاتىناسۋعا كەلگەن وفيتسەر - اسكەرلەر ءبىر اراعا باس قوسىپ، اۋىس - كۇيىستى، سەلبەستىكتى تەرەڭدەتىپ، اسكەري ىستەر سالتاناتتى جينالىسىنا بىرگە كۇش سالدى.
كورىكتى جەر كورلا بايىرعى جىبەك جولىنىڭ ماڭىزدى ءتۇيىنى. 2017 - جىلدان بەرى، جۇڭگو قۇرلىق ارمياسى ىلگەرىندى - كەيىندى وسى وڭىردە 5 رەتكى حالىقارالىق اسكەري ىستەر جارىسىن ۇستىنە الىپ وتكىزىپ، جيىنى 14 ءتۇر بويىنشا جارىس ورىندادى، جارىس وتكىزۋ، جارىسقا قاتىناسۋ ارقىلى ءار ەلدەن جارىسقا قاتىناسۋعا كەلگەن وفيتسەر - اسكەرلەر ونەرلەرىن ورتاقتاسىپ، بىرگە العا باسىپ، ءبىر الاڭدا باسەكەلەسۋدەن تاماشا ەستەلىك قالدىرىپ، اسكەري ىستەردە اۋىس - كۇيىس، سەلبەستىك جاساۋدا سۇبەلى جەتىستىكتەرگە قول جەتكىزدى.
تۇستەن بۇرىن ساعات 11دە، الاڭعا كىرۋ سالتى رەسمي باستالدى. «وتانىمدى جىرلايمىن» ءان اۋەنىنە ىلەسىپ، 12 قۇرمەت قاراۋىلى بەس جۇلدىزدى قىزىل تۋ مەن ”حالىقارالىق اسكەري ىستەر جارىسىنىڭ“ تۋىن بيىك ۇستاپ، الاڭعا كىردى، تورەشىلەر شارشى توبى ەڭ الدىمەن مىنبە الدىنان ءوتتى. بەلورۋسسيا، يران، رەسەي، ۆەنەسۋەلا قاتارلى ەلدەردەن كەلگەن جارىسقا قاتىناساتىن كوماندالار رەتىمەن الاڭعا كىرگەندە، مىنبەدەن الاقايلاعان ۇندەر كوتەرىلىپ، الىستان جارىسقا قاتىناسۋعا كەلگەن كوماندالاردى قىزۋ قارسى الدى. «جاڭاشا قۇرلىق ارمياسى العا باس» ءانىنىڭ اسقاق اۋەنىمەن قۇرلىق ارمياسىنىڭ 23 وفيتسەر - اسكەرىنەن قۇرالعان جۇڭگونىڭ جارىسقا قاتىناسقان كومانداسى رەتتى قاداممەن ەڭ سوڭىندا الاڭعا كىردى، اسكەري ايبىن قاتاڭ دا رەتتى، رۋح كوتەرىڭكى بولدى، الاڭداعى كورەرمەندەر ورىندارىنان تۇرىپ الاقايلاپ، شاتىرلاتا شاپالاق سوقتى.
بارلىق ادام ورنىنان تۇرعاننان كەيىن، جۇڭحۋا حالىق رەسپۋبليكاسىنىڭ مەملەكەت تۋى مەن حالىقارالىق اسكەري ىستەر جارىس تۋى بۇكىل الاڭداعى كورەرمەندەردىڭ سالتاناتپەن قۇرمەت بىلدىرۋىندە رەتىمەن كوتەرىلدى. سوڭىنان، جۇڭگونىڭ جارىسقا قاتىناساتىن كومانداسىنىڭ مۇشەسى، قۇرلىق ارمياسىنىڭ جۇڭۋيى فۋ چىڭ، جۇڭگو جاقتىڭ تورەشىسى، قۇرلىق ارمياسىنىڭ جۇڭشياۋى زىڭ كى جەكە - جەكە جارىسقا قاتىناساتىن بارلىق كوماندا مۇشەلەرى جانە بارلىق تورەشىلەر اتىنان سالتاناتپەن سەرت بەردى. قۇرلىق ارمياسىنىڭ جارىس وتكىزۋ باسشىلىق گرۋپپاسىنىڭ ورىنباسار باستىعى، وڭتۇستىك بولىك سوعىس رايونى قۇرلىق ارمياسىنىڭ شاۋجياڭ دارەجەلى ورىنباسار سىليڭيۋانى گۇڭ ماۋدۇڭ ارناۋلى ءسوز سويلەپ، حالىقارالىق ويلاۋ جۇيەسىن ۇستانىپ، جارىستى كاسىبي وتكىزىپ، ىجداعاتتىلىقپەن قامتاماسىز ەتىپ، قىزۋ ىنتامەن قىزمەت وتەپ، حاۋىپسىز، ءساتتى، تابىستى، تارتىمدى اسكەري ىستەر سالتاناتتى جارىسىن بار كۇشپەن ۇسىناتىندىقتارىن ءبىلدىردى.
ساعات 11دەن 30 مينۋت وتكەن مولشەرىندە، قۇرلىق ارمياسى جارىس وتكىزۋ باسشىلىق گرۋپپاسىنىڭ باستىعى، قۇرلىق ارمياسىنىڭ جۇڭجياڭ دارەجەلى ورىنباسار سىليڭيۋانى بي ي جارىستىڭ باستالعاندىعىن جاريالادى. الۋان رەڭدى تورسىلداق كوككە كوتەرىلىپ، وزگەشە كۇيمەن جايقالا شاشىرادى، بۇكىل الاڭداعىلار الاقايلاپ، الاڭنىڭ رايىن قىزۋ ورلەۋگە كوتەردى.
ۇعىسۋعا قاراعاندا، 8 - ايدىڭ 13 - كۇنىنەن 26 - كۇنىنە دەيىن 5 ەلدىڭ 200 نەشە وفيتسەر - اسكەرى ”سۋۆوروۆتىڭ تۇتقيىل شابۋىل جاساۋى“ جانە ”حاۋىپسىزدىك جولى“ سىندى ەكى ءتۇر بويىنشا قيان - كەسكى سايىس جۇرگىزەدى ەكەن. جارىس كەزىندە جابدىق كورمەسى جانە مادەنيەت اۋىس - كۇيىسى سياقتى قيمىلدارى كىرىكتىرە ۇيىمداستىرىلادى، جارىسقا قاتىناساتىن ەلدەردىڭ وفيتسەر - اسكەرلەرى اۋىس - كۇيىس جاساپ، ءوزارا ونەگە الۋ بارىسىندا اسكەري ىستەر سالاسىنداعى سەلبەستىكتى تەرەڭدەتىپ، ءوزارا سەنىمدى، دوستىقتى نىعايتادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
