جەر - جەر ساقتانۋ - تىزگىندەۋدى قاتايتىپ، قامداۋدى قامتاماسىز ەتىپ، ءوندىرىستى مىقتى يگەردى
□ انار بۇلت \ شينجياڭ گازەتىنىڭ تىلشىلەرى
2022.08.15 16:38 كەلۋ قاينارى : شينجياڭ گازەتى
قازىرگى تاڭدا رايونىمىزداعى ىندەتتىڭ قاتاڭ، كۇردەلى جاعدايى الدىندا، بىرنەشە كۇننەن بەرى جەر - جەر ىندەتتەن ساقتانۋ - تىزگىندەۋ قىزمەتىنە ايرىقشا ءمان بەرىپ، زاڭ بويىنشا، عىلمي، دالمە - ءدال، جوعارى ءونىمدى بولۋعا تاباندى بولىپ، ساقتانۋ - تىزگىندەۋ شارالارىن ناقتى، ەگجەي - تەگجەيلى تياناقتاندىرىپ، اۋىل شارۋاشىلىعى ءوندىرىسىن كىدىرتپەي، كاسىپورىندار ءوندىرىسىن توقتاتپاي، ىندەتتەن ساقتانۋ - تىزگىندەۋ مەزگىلىندەگى زاتتىق ماتەريالداردىڭ جەتكىلىكتى، تۇرمىستىڭ ءتارتىپتى بولۋىنا شىنايى كەپىلدىك ەتتى.
ساقتانۋ - تىزگىندەۋ شارالارىن ناقتى، ەگجەي - تەگجەيلى تياناقتاندىردى
ىلە قازاق اۆتونوميالى وبلىسى اۋرۋ بەلگىسى جوق جۇعىمدالۋشىلاردى شوعىرلى اۋاشالاپ، مەديتسينالىق باقىلاۋعا الۋدى بار كۇشپەن ويداعىداي ىستەپ، 2 ورىندى فاڭساڭ شيپاحاناسى ەتىپ وزگەرتىپ، 1216 توسەك - ورىندى دايىنداپ، پايدالانۋعا بەردى. ورگاندارداعى 1573 كادردى، مەديتسينالىق قىزمەتكەرلەردى اۋاشالاۋ ورىندارىنا اپارىپ تولىقتىرىپ، سالاماتتىقتى قاداعالاۋ، جاعدايدى تۇجىرىمداۋ جانە تالداۋ، اۋاشالاۋعا اپارۋ، جابىق كۇيدە باسقارۋ - تىزگىندەۋ، كوڭىل ءبولۋ، قامقورلىق جاساۋ سياقتى ءتۇيىندى قىزمەتتەردى ويداعىداي ىستەپ، شوعىرلى اۋاشالاۋ ورىندارىنىڭ حاۋىپسىز، ءتارتىپتى اينالىمىنا شىنايى كەپىلدىك ەتتى.
سانجى حۇيزۋ اۆتونوميالى وبلىستىق جۇقپالى اۋرۋلار شيپاحاناسى 9 - نۇسقاداعى دياگنوز قويۋ، ەمدەۋ جوباسىنا قاتاڭ بويسۇنا وتىرىپ، قۇتقاۋ - ەمدەۋ جۇمىستارىن جۇرگىزىپ، وتكەلدى الدىعا جىلجىتۋعا، جۇڭگوشا، باتىسشا شيپاگەرلىككە بىردەي ءمان بەرۋگە تاباندى بولدى، سونىمەن قاتار جۇعىمدالۋشىلارعا باعىتتالعان الدىن الا ساقتاندىرۋ كورسەتكىشتەرىن قاداعالاۋدى كۇشەيتتى. مامانداردىڭ دەن قويا جەتەكشىلىك ەتۋى مەن مەديتسينا قىزمەتكەرلەرىنىڭ كوڭىل قويا قارايلاسۋىندا، قازىر جۇعىمدالۋشىلاردىڭ ناۋقاستىق بەلگىلەرى جالپى جاقتان ورنىقتى، اۋرۋ جاعدايى تۇراقتى بولدى.
كورلا قالاسى سايباق ءمالىسى بينحى الەۋمەتتىك اۋماعى ءار كۇنى ساعات 7دە قاراستى اۋماقتاعى 10 مىڭنان استام بۇقاراعا جاپپاي حىسۋان تەكسەرۋىن جۇرگىزىپ، يكەمدى تۇردە اداقتاپ تەكسەردى. الەۋمەتتىك اۋماق كادرلارى، تومەنگە تۇسكەن كادرلار، پارتيالى ەرىكتىلەر قاتارلىلاردى ۇيىمداستىرىپ، قاراستى اۋماقتاعى ۇيلەرىندە جاتىپ دەنساۋلىعى باقىلاناتىن ادامدارعا كۇنىنە كەمىندە 2 رەت بارىپ جاعداي ۇعىسىپ، تۇرعىنداردىڭ قيىنشىلىقتارى مەن تالاپ - تىلەكتەرىن، تۇرمىستىق قاجەتتەرىن يكەمدى تۇردە يگەرىپ، جينالعان تالاپ - تىلەككە ارناۋلى ادام جاۋاپتى بولىپ، ارنايى ءبىتىرىپ، بىرگە - ءبىر بويىنشا قىزمەت وتەدى.
قاشقار ايماعى ”ىندەتتەن ساقتانۋ - تىزگىندەۋدە بارلىق ادامنىڭ جاۋاپكەرشىلىگى بار، عىلمي ساقتانۋ - تىزگىندەۋدى وزىمنەن باستايمىن“ دەيتىن تاماشا اۋقىمدى بەلسەنە قالىپتاستىرىپ، ىندەتتەن ساقتانۋ - تىزگىندەۋ ۇگىتىنىڭ جۇرت جۇرەگىنە تەرەڭ ۇيالاۋىنا مۇمكىندىك جاسادى. ”نەگىزگى ساتى كادرى رەتىندە، مەن ءتۇرلى جولدار ارقىلى ىندەتتەن ساقتانۋ - تىزگىندەۋ بىلىمدەرىن ويداعىداي ۇگىتتەپ، تۇرعىندارعا سىرتقا شىققاندا جەكە قورعانۋدى جاقسى ىستەۋدى، الەۋمەتتىك اۋماقتىڭ ىندەتتەن ساقتانۋ - تىزگىندەۋ قىزمەتىنە جاقسى سايكەسىپ، ىندەتكە بىرگە قارسى اتتانۋدى ەسكەرتەمىن“، - دەدى ياركەن اۋدانى چىڭشي ءمالىسى ءىس باسقارماسىنىڭ ۇگىت كادرى باي يان.
بار كۇشپەن قامداۋدى قامتاماسىز ەتتى
8 - ايدىڭ 10 - كۇنى ءۇرىمجىنىڭ ءتۇيىندى قالا اۋماقتارىنا ۋاقىتشا تىنىش كۇيدە باسقارۋ شاراسى اتقارىلعاننان بەرى، پوچتا، شۇنفىڭ سياقتى جەدەل جەتكىزۋ سەرىكتەستىكتەرى ىندەتتەن ساقتانۋ شارالارىن قاتاڭ تياناقتاندىرۋ العى شارتىندا، تۇرمىستىق زاتتىق ماتەريالداردى، شۇعىل ىستەتىلەتىن ءدارى - دارمەكتەردى جەتكىزۋ بويىنشا قىزمەت وتەۋدى قامتاماسىز ەتۋ قىزمەتىن بەلسەنە ورىستەتتى.
”8 - ايدىڭ 9 - كۇنى كەشتە ءبىز بازارداعى 130دان استام دۇكەن يەسىن جيناپ، شۇعىل جيىن اشىپ، گاۋچاڭ رايونىنداعى قالا تۇرعىندارىن كوكونىسپەن، جەمىس - جيدەكپەن قامداۋعا قالاي كەپىلدىك ەتۋدى اقىلداستىق. وسى 2 كۇندە دۇڭجياڭ تولايىم ساتۋ بازارىنان كۇنىنە 300 توننا توڭىرەگىندە كۇرىش، ۇن، ازىقتىق ماي جانە كوكونىس پەن جەمىس - جيدەك شىعارىلىپ، قالا تۇرعىندارىنىڭ قاجەتىن نەگىزىنەن قاناعاتتاندىردى“، - دەدى تۇرپان قالاسى مەيجيايۋان ءۇي قوجالىعىن باسقارۋ شەكتى سەرىكتەستىگىنىڭ (دۇڭجياڭ تولايىم ساتۋ بازارى) باس ديرەكتورى ۋاڭ زايرۇڭ تانىستىرىپ.
”ءدارى - دارمەك، قوسىمشا ازىق - تۇلىكتەر، كوكونىس، ءسۇت تالقانى... ءبىز نەنى قاجەت ەتسەك، ولار سونى جەتكىزىپ بەردى“، - دەدى 8 - ايدىڭ 12 - كۇنى شايار اۋدانى شايار قالاشىعى ميڭجۋيۋان شاعىن اۋماعىنىڭ تۇرعىنى ءراحمات ءيۇسۇپ قاريا. بىرنەشە كۇننەن بەرى شايار اۋداندىق بازار باقىلاۋ - باسقارۋ مەكەمەسى قاتىستى تاراۋلارمەن، اۋىل - قالاشىقتارمەن، الەۋمەتتىك اۋماقتارمەن جانە قاتىستى كاسىپورىندارمەن بىرلەسە قيمىلداپ، تۇرعىندارعا زاتتىق ماتەريال جەتكىزىپ بەرۋ ءىسىن بار كۇشپەن ويداعىداي ىستەپ، تۇرعىنداردىڭ تالاپ - تىلەكتەرىن دالمە - ءدال شەشتى.
ىندەتتەن ساقتانۋدى دا، ءوندىرىستى دە اقساتپادى
قازىر قۇلجا اۋدانى توقىماشىلىق كاسىپ سالاسى باقشاسىنداعى ءوندىرىس كاسىپورىندارى جابىق كۇيدە باسقارۋ جۇرگىزىپ، ءوندىرىستىڭ قالىپتى جۇرگىزىلۋىن بار كۇشپەن قامتاماسىز ەتتى. شينجياڭ يچىڭ توقىماشىلىق عىلىم - تەحنيكاسى شەكتى سەرىكتەستىگى جوعارى سورتتى ءجىپ وندىرەتىن كاسىپورىن. 8 - ايدىڭ 11 - كۇنى ءوندىرىس سەحىندا قاربالاس جۇمىس جۇرگىزىلىپ جاتتى، كەزەكتە كاسىپورىن كۇنىنە 20 توننا جوعارى سورتتى ءجىپ ءوندىرىپ، ايلىق ءونىم قۇنىن 14 ميلليون يۋانعا جەتكىزىپ وتىر. سەرىكتەستىكتىڭ باس ديرەكتورى ۋاڭ شىڭنىڭ ايتۋىنشا، جەرگىلىكتى ۇكىمەت باقشا رايونىنداعى ءار كاسىپورىندا تۇرۋعا كادر جىبەرىپ، ءوندىرىس بارىسىندا جولىققان قيىنشىلىقتار مەن ماسەلەلەردى دەر كەزىندە سايكەستىرىپ شەشىپ بەرگەن. قازىر 120 جۇمىسشى - قىزمەتكەردىڭ ءبارى جۇمىس ورىندارىندا اۋەلگى جوسپار بويىنشا ءوندىرىس جۇرگىزىپ جاتىر ەكەن.
8 - ايدىڭ 13 - كۇنى كورلا ەكونوميكالىق - تەحنيكالىق اشۋ رايونىنداعى كورلا حۇيتۇڭتاي گۇل باسۋ - بوياۋ عىلىم - تەحنيكا شەكتى سەرىكتەستىگىنىڭ گۇل باسۋ - بوياۋ سەحىندا جۇمىسشىلار ءوز جۇمىس ورىندارىندا تارتىپپەن قاربالاس جۇمىس جۇرگىزىپ جاتتى، توپ - توپ ماتالار وڭدەۋ جابدىعىنىڭ قۇرعاتىپ، پىشىندەۋىنەن وتكەن سوڭ، ەل ءىشى - سىرتىنداعى بازارلارعا جونەلتىلمەك. ”سەرىكتەستىگىمىز ىندەتتەن ساقتانۋ - تىزگىندەۋ قىزمەتى باسشىلىق گرۋپپاسىن قۇرىپ، قىزمەتكەرلەرگە جۇمىسقا دەيىن ىندەتتەن ساقتانۋ - تىزگىندەۋ بىلىمدەرىن ۇيرەتتى، سونداي - اق 7 قىزمەتكەردى زاۆود اۋماعىنا جالپى بەتتىك زارارسىزداندىرۋ جانە تازالاۋ جۇرگىزۋگە ورنالاستىرىپ، ىندەتتەن ساقتانۋدى دا، ءوندىرىستى دە اقساتپاۋعا شىنايى كەپىلدىك ەتتى“، - دەدى سەرىكتەستىكتىڭ باس ديرەكتورى گو شياۋجۇن.
8 - ايدىڭ 12 - كۇنى التاي قالاسى جينحى استىق - ماي ساتىپ الۋ - ساتۋ شەكتى سەرىكتەستىگىنىڭ قىزىلتاس قالاشىعىنداعى استىق پۋنكتىندە تولتىرا ءبيداي تيەلگەن اۆتوموبيلدەر تارتىپپەن كەزەككە تۇرىپ، استىق قامباسىنىڭ قىزمەتكەرلەرى اۆتوموبيلدەگى ءبيدايدى ءبىر - بىردەن ۇلگى الىپ تەكسەرىپ، تىركەپ، ساپالىق تەكسەرۋدەن جانە تارازىدان وتكىزىپ جاتتى.
بىرنەشە كۇننەن بەرى التاي قالالىق اۋىل شارۋاشىلىعى، اۋىل - قىستاق مەكەمەسى ىندەتتەن ساقتانۋ - تىزگىندەۋ قىزمەتىن جاقسى ىستەۋمەن بىرگە، بۇقارانى ەگىس ۋاقىتىن مىقتى ۇستاپ كۇزگى اۋىل شارۋاشىلىعى ءوندىرىسىن بەلسەندىلىكپەن جۇرگىزۋگە جۇمىلدىرىپ، كۇزگى استىق داقىلدارىنىڭ جيناۋعا تيىستىلەرىن مۇمكىندىگىنشە تۇگەل جيناپ الۋعا شىنايى كەپىلدىك ەتتى.
سول كۇنى باركول قازاق اۆتونوميالى اۋدانى شىرىنزى اۋىلى كادىمگى كوكونىس ەگىمشىلىگى بازاسىندا بىرنەشە جۇمىسكەر حىسۋان تەكسەرۋىن ىستەپ بولعان سوڭ، ماسكالارىن جاقسىلاپ تاعىپ، ءبىر مەتردەن ارالىق تاستاپ، كوكونىس جيناۋعا كىرىستى.
باركول قازاق اۆتونوميالى اۋدانى بيىل جالپى 5000 مۋدان استام جەرگە كادىمگى كوكونىس ەككەن بولاتىن، قازىر بۇل كوكونىستەر ءونىم جيناۋ مەزگىلىنە ءوتتى. اتالعان اۋدان ىندەتتەن ساقتانۋ - تىزگىندەۋ شارالارىن قاتاڭ تياناقتاندىرىپ، جۇمىسكەرلەردىڭ ينفورماتسيالارىن تىركەۋ جانە باسقارۋ ءىسىن ويداعىداي ىستەدى، ءارقايسى اۋىل - قالاشىق حىسۋان تەكسەرۋشى قىزمەتكەرلەردى اتىز باسىنا، مالشىلاردى وتىرىقتاندىرۋ تۇيىندەرىنە بارىپ حىسۋان سىناماسىن الۋعا ۇدايىلاندىرىپ ۇيىمداستىرىپ، كۇزگى جيىن - تەرىننىڭ ءساتتى بولۋىنا شىنايى كەپىلدىك ەتتى.
(ءتىلشى ۋاڭ حۇڭۋي، قاتىناسقان تىلشىلەر بارشا تەگىس، دۋ جيانحۇي، حان چين − يان، جاڭ جىلي، جاڭ تيڭ، جاڭ رۇيلين، ۋي يۇڭگۇي، سۋ لۋپيڭ، فان چيۇڭيان، ەرىكتى تىلشىلەر لو چۇنمەي، جاڭ يۇيرۇڭ)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
