شينجياڭ كىتاپ كورمەسىنە قاتىناسۋعا شاقىرۋ قىزمەتى اياقتالدى
كورمەگە قويىلاتىن كىتاپ 20 مىڭ تۇرگە تايادى
2022.08.15 16:40 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جيا چۇنشيا 8 - ايدىڭ 13 - كۇنى ۇرىمجىدەن حابارلايدى. 7 - كەزەكتى جۇڭگو − ازيا − ەۆروپا كورمەسى. 2022 شينجياڭ كىتاپ كورمەسى 8 - ايدىڭ 25 - كۇنىنەن 30 - كۇنىنە دەيىن ۇرىمجىدە وتكىزىلەدى. كەزەكتە، كورمەگە قاتىناسۋعا قابىلداۋ قىزمەتى اياقتاپ، دايىندىق قىزمەتتەر قالىپتى تارتىپپەن ىلگەرىلەتىلۋدە.
ۇعىسۋىمىزشا، وسى جولعى شينجياڭ كىتاپ كورمەسىنە شينجياڭداعى 13 باسپا تولىق قاتىناسىپ، ساۋدا باسپاحاناسى، حالىق ادەبيەتى باسپاسى، ۇيرەنۋ باسپاسى، جازۋشى باسپاسى، شەتەل ءتىل وقىتۋى جانە زەرتتەۋى باسپاسى، جۇڭگو ورەندەر مەن بالالار اقپارات - باسپا ءسوز باس باسپاسى سياقتى ەل ىشىندەگى 120دان استام باسپا ءسوز ورنى كورمەگە قاتىناسىپ، كورمەدە 20 مىڭ تۇرگە جۋىق كىتاپ قويىلادى ەكەن.
جاقىنعى جىلداردان بەرى، شينجياڭ جاستار - ورەندەر باسپاسى جۇڭحۋانىڭ تاڭداۋلى ءداستۇرلى مادەنيەتىن بەلسەنە جاڭعىرتىپ، ءبىرسىپىرا تاڭداۋلى بالالار باسىلىمىن باسپادان شىعاردى. ”وسى جولى كىتاپ كورمەسىنەن ءبىز 4 كورمە ورنىن ءوتىنىش ەتىپ، 750 ءتۇرلى كىتاپتى كورمەگە قويماقپىز، كورمەگە قوياتىن كىتاپتارىمىزدىڭ ％90تەن استامى ورەندەرگە ارنالعان باسىلىمدار. «ماناس»، «بۇل جەر − شينجياڭ»، «جوعارى جىلدامدىقتى پويەزبەن شينجياڭعا جول الايىق» سياقتى ورەندەردىڭ سۋرەتتى كىتاپ باسىلىمدارى دا وسى جولعى كورمە بۇيىمدارى سەريالىنىڭ قاتارىنان ورىن الدى“، - دەدى اتالعان باسپانىڭ باس رەداكسيا كەڭسەسىنىڭ مەڭگەرۋشىسى جاڭ جۇڭگو.
سونىمەن بىرگە، شينجياڭ كىتاپ كورمەسى كەزىندە، ”جاڭا داۋىردەگى اۋىل - قىستاق كىتاپ وقۋ ماۋسىمى“ كىتاپ وقۋدى جالپىلاستىرۋ قيمىلى، ”قول ۇستاسىپ گۇلدەنۋگە ۇمتىلايىق“ كىتاپ تارتۋ ەتۋ قيمىلى، ”مەنىڭ كىتاپ ءۇيىم جانە مەنىڭ ارمانىم“ اۋىل - قىستاق ورەندەرى مەن بالالارىنىڭ كىتاپ وقۋ امالياتى قيمىلى، كىتاپقا تاپسىرىس بەرۋ قيمىلى سياقتىلار وتكىزىلمەك. ”نەگىزگى كورمە الاڭىندا، ءبىز ءبىرتالاي ايگىلى جەرگىلىكتى جازۋشىلاردى مادەنيەت سالونى قيمىلىن وتكىزۋگە ۇسىنىس ەتەمىز. ’قول ۇستاسىپ، گۇلدەنۋگە ۇمتىلايىق‘ كىتاپ تارتۋ ەتۋ قيمىلى بويىنشا، قازىرگە دەيىن ساۋدا باسپاحاناسىنان جىلۋعا اتاعان جالپى قۇنى 700 مىڭ يۋاندىق كىتاپ تاپسىرىپ الدىق، ءبىز بۇل كىتاپتاردى بۇكىل شينجياڭداعى شارۋالار كىتاپ ۇيىنە تارتۋ ەتپەكپىز، باسقا باسپا ورىندارى جىلۋعا اتاعان كىتاپتار قازىر ساناققا الىنۋ ۇستىندە“، - دەدى شينجياڭ كىتاپ كورمەسى قىزمەتى باسشىلىق گرۋپپاسى كەڭسەسىنىڭ قىزمەتكەرى ءوز تانىستىرۋىندا.
بۇدان سىرت، ءۇرىمجى شينحۋا حالىقارالىق كىتاپ سارايى مەن نانمىن شينحۋا كىتاپ دۇكەنىندەگى بولىمشە كورمە الاڭىندا ”كىتاپ وقۋ مەرەيىنە شومعان تيانشان“ جالپى حالىققا كىتاپ وقۋدى جالپىلاستىرۋ قيمىلىن جانە جازۋشىلاردىڭ كىتاپتارىنا قول قويىپ بەرۋى، جۇزدەسۋى، جاڭا كىتاپتاردى تانىستىرۋ، اتا - انا مەن بالا بىرگە كىتاپ وقىپ اسەر الۋ سياقتى قيمىلدار وتكىزىلەدى. 8 - ايدىڭ 26 - كۇنىنەن 30 - كۇنىنە دەيىنگى ارالىقتا، بۇكىل شينجياڭداعى ءارقايسى شينحۋا كىتاپ دۇكەندەرىندە تيىمدىلىك باعامەن كىتاپ ساتۋ قيمىلى وتكىزىلەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
