حىسۋان تەكسەرتۋدىڭ الدىڭعى شەبىندە جانعا شۋاق شاشقان ” اق كيىمدىلەر“
□ انار بۇلت \ شينجياڭ گازەتىنىڭ تىلشىلەرى
2022.08.15 16:42 كەلۋ قاينارى : شينجياڭ گازەتى
ىندەت جاعدايىندا، تالايلاعان قاراپايىم الەۋمەتتىك اۋماق قىزمەتكەرلەرى ”اق كيىم“ كيىپ، حىسۋان تەكسەرتۋدىڭ الدىڭعى شەبىندە جان قيارلىقپەن شايقاسىپ، ”ىندەتپەن شايقاسۋدىڭ“ بەرىك قامالىن سوقتى. قوعامدىق جاقتان يكەمدى نولگە ءتۇسىرۋدى تەز ارادا جۇزەگە اسىرۋ ءۇشىن، تاڭ اتقاننان كۇن باتقانعا دەيىن ۇقساماعان الەۋمەتتىك اۋماقتاردا ”اق كيىمدىلەر“ مەن تۇرعىندار اراسىندا قىرۋار اسەرلى حيكايالار بولىپ جاتتى، كوپشىلىك ءبىر نيەت، ءبىر تىلەكپەن ىندەتپەن شايقاس جاساپ، ۋاقىتتىق قيىندىقتى بىرگە جەڭدى.
2 ساعاتتىڭ ىشىندە 10 مىڭ قادام جول باستى
8 - ايدىڭ 13 - كۇنى تاڭ ءسارى، ءۇرىمجى قالاسى شۇيموگوۋ رايونى حۋاگۋاڭجيە ءمالىسى فۋرۇڭ الەۋمەتتىك اۋماعىنىڭ قىزمەتكەرى جاڭ حۇڭ تۇرعىندار عيماراتىنىڭ استىندا تۇرىپ، تەلەفونداعى ۋيشين توبىندا ”بارلىق ادام، كوپشىلىك بۇگىن عيماراتتان ءتۇسىپ عيمارات ەسىگى الدىندا حىسۋان سىناماسىن الدىرتاسىزدار، بارلىق وتباسىنداعى تۇرعىندار بىرگە عيماراتتان تۇسىڭىزدەر“ دەپ ەسكەرتۋ جازدى.
جاڭ حۇڭ فۋرۇڭ الەۋمەتتىك اۋماعى بەييۋان 23 - ءنومىرلى عيماراتقا جاۋاپتى، وندا جالپى 6 عيمارات ەسىگى بار بولىپ، شاعىن اۋماقتاعى ەسىك ەڭ كوپ عيمارات سانالادى. وسىنشاما كوپ ادام، قايتكەندە شەكتى ۋاقىت ىشىندە تۇرعىنداردىڭ تەكسەرۋگە تيىستىلەرىن تۇگەلدەي تەكسەرۋگە، بىردە - ءبىر ادامدى قاعىس قالدىرماۋعا كەپىلدىك ەتۋگە بولادى؟ بۇل جونىندە جاڭ حۇڭ ادامداردى باسقارۋدىڭ كەمەلدى قىزمەت ءتارتىبىن الدەقاشان كوكەيىنە ءتۇيدى.
”مىنا ادامدار عيماراتتان ءتۇسىپ حىسۋان سىناماسىن الدىرتادى، مىنا ادامداردىڭ ۇيىنە بارىپ حىسۋان سىناماسىن الامىز، زەردەلى قول تەلەفون ىستەتە المايتىن قارتتار تاعى بار“. جاڭ حۇڭ تۇرعىنداردى اشالاپ تۇرگە ايىرعاننان كەيىن، حىسۋان سىناماسىن الۋعا كىرىستى، عيماراتقا شىعۋ ونىڭ كۇندەلىكتى جۇمىسى، 2 ساعات ىشىندە ونىڭ قادام ەسەپتەگىشىنەن 10 مىڭ قادام باسقاندىعى كورسەتىلدى.
ءۇرىمجى قالاسى شۇيموگوۋ رايونى چيفاڭ ءمالىسى بەيشان الەۋمەتتىك اۋماعىنىڭ قىزمەتكەرى جاڭ جى شىجيە گۇڭيۋان شاعىن اۋماعىنداعى 120 وتباسىنداعى تۇرعىننىڭ حىسۋان سىناماسىن الۋعا جاۋاپتى. ”بۇل ۇيدە ءبىر كاريا تۇرادى، ەسىكتى باياۋ قاعۋ قاجەت، ءبىراز ۋاقىت كۇتە تۇرۋىمىز كەرەك“، ”مىنا ۇيدە كىشكەنە بالا بار، ەسىكتى ەپپەن قاعۋ قاجەت، بالانى شوشىتىپ الماڭدار...“، ”ەسىك قاعۋ گرۋپپاسىنىڭ“ مۇشەسى رەتىندە، تۇرعىندار ءۇيىنىڭ ەسىگىن قالاي قاعىپ حىسۋان سىناماسىن الۋدىڭ ءوزى ءبىر ”تەحنيكالىق جۇمىسقا“ اينالدى. قورعانۋ كيىمىن كيىپ، وتباسى سايىن حىسۋان سىناماسىن العاندا ءبىر جولدىڭ وزىندە 4 ساعات اينالاسىندا ۋاقىت كەتەدى، ءاربىر رەت حىسۋان سىناماسىن الىپ بولعاندا جاڭ جىنىڭ ونە بويى تەرگە مالشىنىپ سۇمەك بولىپ كەتەدى.
جاڭ جى بىلاي دەدى: ”تۇرعىنداردىڭ بارلىعى ەرەكشە سايكەسەدى، حىسۋان تەكسەرتۋدەگى ەكىلىك كودتى الدىن الا اشىپ دايىنداپ، ءبىزدىڭ حىسۋان سىناماسىن الۋ ۋاقىتىمىزدى بارىنشا ۇنەمدەيدى“. حىسۋان سىناماسىن الۋ اياقتاعاننان كەيىن، جاڭ جى تۇرعىنداردى باسقارۋ سيستەماسىنداعى تىزىمدىككە نەگىزدەلىپ، تۇرعىنداردىڭ تولىعىمەن حىسۋان سىناماسىن الدىرتىپ بولعاندىعىن قايتالاي تۇراقتاندىرادى.
شارشاعانىمنان ءار كۇنى جاتاققا قايتىسىممەن ۇيقىعا باس قويامىن
كەزەكتە قۇلجا قالاسىنداعى ەمدەۋ قۇرىلىمىنداعى قىزمەتكەرلەردەن 1320 ادام قۇلجا قالاسىندا حىسۋان سىناماسىن الۋ الدىڭعى شەبىندە كۇندىز - ءتۇنى ايانباي شايقاس جۇرگىزۋدە، ىلە قازاق اۆتونوميالى وبلىسىنىڭ باسقا اۋدان، قالالارىنان جانە وبلىس دارەجەلى ەمدەۋ قۇرىلىمدارىنان 200 ادام كومەككە كەلدى، بۇدان سىرت، 6500دەن استام ەرىكتى مەن الەۋمەتتىك اۋماق قىزمەتكەرى ەمدەۋ قىزمەتكەرلەرىنىڭ حىسۋان سىناماسىن الۋدا ينفورماتسيا كىرگىزۋ، حىسۋان سىناماسىن جونەلتۋ سياقتى قىزمەتتەرىنە كومەكتەسۋدە.
”بالام تۋىلعاننان قازىرگە دەيىن بۇل مەنىڭ تۇڭعىش رەت ونىمەن وسىنشاما ۇزاق ۋاقىت ايرىلىپ تۇرۋىم ، ونى ساعىنعان كەزىمدە بەينەكەسكىندە عانا سويلەسەمىن نەمەسە سۋرەتىنە قاراپ ماۋقىمدى باسامىن“. 8 - ايدىڭ 13 - كۇنى قۇلجا قالاسى ءدوڭمالى ءمالىسى دەنساۋلىق ساقتاۋ قىزمەت وتەۋ ورتالىعىنىڭ سەستراسى لي چۇنيان بالاسىمەن بەينە كەسكىندە سويلەسكەننەن كەيىن شىداي الماي كوزىنە جاس الدى.
ىندەت دەگەنىمىز بۇيرىق. 8 - ايدىڭ 2 - كۇنى لي چۇنيان ءدوڭمالى ءمالىسى يوۋحاۋ كوشەسى الەۋمەتتىك اۋماعىنا بارىپ، تۇرعىنداردىڭ حىسۋان سىناماسىن الۋ قىزمەتىنە جاۋاپتى بولدى.
لي چۇنيان جەل وتپەيتىن قورعانۋ كيىمىن كيىپ، قورعانۋ بەت قالقاسىن تاعىپ، جابدىقتاردى كوتەرىپ، ءۇرتىس 10 نەشە كۇن بويى تۇرعىنداردىڭ ۇيىنە بارىپ حىسۋان تەكسەرتۋگە بارعاندا بەلىنىڭ اشىپ، قول - اياعىنىڭ سىرقىراپ اۋىراتىندىعىن بۇكپەسىز ايتتى. ”شارشاعانىمنان ءار كۇنى جاتاققا قايتىسىممەن ۇيقىعا باس قويامىن“.
لي چۇنياننىڭ شارشاعانىن يوۋحاۋ كوشەسى الەۋمەتتىك اۋماعىنداعى تۇرعىندار كوزدەرىمەن كورىپ، كوكەيلەرىندە ساقتادى، ولار قاشاندا دەر كەزىندە ەسىك اشىپ، حىسۋان سىناماسىن الۋىنا سايكەستى، سونداي - اق ونىڭ جاقسى ساقتانۋىن قاداعالادى.
لي چۇنياننىڭ ۋيشين دوستار شەڭبەرىندە مىناداي ءبىر اۋىز ءسوز بار: ”ءاربىر ءداۋىر بىزگە تۇرلىشە بورىش جۇكتەۋدە، ىس - تۇتەكسىز شايقاس مايدانىندا مىناداي ءبىر توپ سۇيىكتى ادامدار ءۇن - ءتۇنسىز تابانداپ تۇرىپ، سان شىڭدالۋدى باستان كەشىرگەن قيىن كۇندەردە ۇددەدەن شىقتى، ولار بولاشاققا كوز جىبەرىپ، ومىرگە قورعاۋشى بولىپ، تابانىمىزعا شوق گۇلدەردى توسەۋدە، مەن انە سولاردىڭ اراسىنداعى ءبىر شوق گۇل بولۋعا پەيىلمىن، وعان ەشقانداي ناز ايتپايمىن دا وكىنبەيمىن“.
”تۇرعىندار جانىڭدى ءتۇسىنىپ، قولداپ - قۋاتتاپ تۇرعاندا، ءبىزدىڭ شارشاپ - شالدىققانىمىز تۇككە دە تۇرمايدى“
ءار كۇنى ساعات 7، الەۋمەتتىك اۋماقتاعى سانسىزداعان ”اق كيىمدىلەردىڭ“ شايقاسقا اتتاناتىن شاعى. حىسۋان سىناماسىن الۋدا قارقىندى جانە ساپا - ونىمدىلىكتى جوعارىلاتۋ ءۇشىن، الەۋمەتتىك اۋماق قىزمەتكەرلەرى الدىن الا قىزمەت ورىندارىنا بارىپ، دايىندىق قىزمەتتەرىن ويداعىداي ىستەي باستايدى.
ءۇرىمجى قالاسى تيانشان رايونى باقىت جولى ءمالىسى جۇڭحۋان جولى سولتۇستىك الەۋمەتتىك اۋماعىندا الەۋمەتتىك اۋماق قىزمەتكەرى ما يۋەحۋا مەن چىن رىنفاڭ تۇرعىنداردىڭ كۇندەلىكتى تۇرمىستىق زاتتىق ماتەريالدارىن قامتاماسىز ەتۋدەن سىرت، 4 شاعىن اۋماقتاعى 250 وتباسىنداعى تۇرعىننىڭ حىسۋان سىناماسىن الۋ قىزمەتىن دە ۇستىنە العان.
”حىسۋان سىناماسىن الۋ ۋاقىتىن ءدال تۇراقتاندىرىپ، عيمارات ەسىكتەرىن بىرلىك ەتىپ رەتىمەن عيماراتتان ءتۇسىرىپ حىسۋان سىناماسىن العاندا قارقىن ەڭ تەز بولادى“. ما يۋەحۋا مەن چىن رىنفاڭ تىنباي تاجىريبە الماستىردى، حىسۋان سىناماسىن العاندا بىرەۋى ەكىلىك كودتى جايمالاۋعا، ەندى بىرەۋى ۇلگى الۋعا جاۋاپتى بولدى، تۇرعىندار بىرىنەن كەيىن ءبىرى كەلىپ حىسۋان سىناماسىن الدىرتتى.
دۇڭدالياڭ باتىس كوشەسى 353 - ءنومىرلى اۋلادا تۇراتىن ليۋ شاشا ۋيشين توبىندا حىسۋان تەكسەرتۋ جونىندەگى ينفورماتسيانى كورگەننەن كەيىن، تاباندا وتباسىنداعىلارعا جىلدام عيماراتتان ءتۇسۋدى ايتتى: ”ءبىزدىڭ عيماراتتان ءتۇسىپ حىسۋان تەكسەرتەتىن ۋاقىتىمىز بولدى، الدىن الا دايىندالايىق، ۋاقىتتى المايىق“. ليۋ شاشانىڭ وتباسىنداعىلار عيماراتتىڭ استىنا تۇسكەندە 2 ەرىكتى ولاردى قاتارعا تۇرىپ حىسۋان سىناماسىن الدىرتۋعا جول نۇسقادى، تۇتاس بارىسقا 5 مينۋتقا جەتپەيتىن ۋاقىت كەتتى.
دۇڭ لي - ۋي ءۇرىمجى قالاسى تيانشان رايونى سۇيچۋان جولى اۋماعى يۋەگۋاڭ الەۋمەتتىك اۋماعىنىڭ قىزمەتكەرى، ياڭگۋاڭ ميڭجۇي شاعىن اۋماعى 2 - ءنومىرلى عيماراتىنداعى 165 تۇرعىننىڭ حىسۋان سىناماسىن الۋعا جاۋاپتى. بىرنەشە كۇننەن بەرى دۇڭ لي - ۋي ىندەتتەن ساقتانۋ - تىزگىندەۋ الدىڭعى شەبىندە باستان - اياق ايانباي شايقاس جۇرگىزدى.
”شياۋدۇڭ ىستىق ىقىلاستى، ىجداعاتتى، بارلىعىندا ءبىزدىڭ قامىمىزدى ويلايدى، ءار رەت حىسۋان تەكسەرتىپ بولعاننان كەيىن مەنەن قانداي مۇقتاجدىق بار ەكەندىگىن سۇرايدى“. 90 جاستاعى تۇرعىن فۋ جاڭجۇننىڭ ءجۇرىپ - تۇرۋى قولايسىز، الەۋمەتتىك اۋماق قىزمەتكەرلەرىن اۋىزعا العاندا: ”ولار باردا مەنىڭ كوڭىلىم جاي تابادى“، - دەدى العىس سەزىممەن.
ياڭگۋاڭ ميڭجۇي شاعىن اۋماعى 2 - ءنومىرلى عيماراتىنداعى تۇرعىنداردىڭ ۇشتەن بىرىنەن استامى قارتتار، ادەتتە قارتتاردىڭ شارۋاسى بولعاندا ۇنەمى دۇڭ لي - ۋيگە تەلەفون شالادى. ءدارى - دارمەك الۋ، ءدارى - دارمەك جەتكىزۋ، سۋ، ەلەكتر اقىسىن تاپسىرۋ سىندى ۇساق - تۇيەك ىستەردەن سىرت، دۇڭ لي -ۋي تاعى شاش الۋدى دا ۇيرەنىپ الدى، مەرزىم سايىن وتباسىلارىنا بارىپ، ءجۇرىس - تۇرىسى قولايسىز قارتتاردىڭ شاشىن الىپ بەرەدى.
شىنايى سۇيىسپەنشىلىك شىن پەيىلدىڭ بوداۋىنا كەلەدى، حىسۋان سىناماسىن العاندا تۇرعىندار وزدىكتەرىنەن ءتارتىپتى ساقتادى، ۋيشين توبىندا ىندەتتەن ساقتانۋعا قاتىستى بىلىمدەردى ۇگىتتەدى. تۇرعىنداردىڭ بەلسەنە سايكەسۋىنەن اسا تەبىرەنگەن دۇڭ لي - ۋي: تۇرعىندار جانىڭدى ءتۇسىنىپ، قولداپ - قۋاتتاپ تۇرعاندا، ءبىزدىڭ شارشاپ - شالدىققانىمىز تۇككە دە تۇرمايدى“، - دەدى تەبىرەنە.
(ءتىلشى يە شياۋمين، قاتىناسقان تىلشىلەر ۋي حۇڭپيڭ، گان شيڭحۋا، سو رۇڭجى، جاۋ شييا، بارشا تەگىس، جاڭ دۇڭمەي، ەرىكتى ءتىلشى ما چىڭلۋ)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
