بالنيتساعا شۇعىل جاتۋ قاجەت بولعان جۇكتى ايەل شيپاحاناعا جەتكىزىلىپ، ەمدەۋگە الىندى
انار بۇلت \ شينجياڭ گازەتىنىڭ ءتىلشىسى يە شياۋمين
2022.08.16 15:54 كەلۋ قاينارى : شينجياڭ گازەتى
”جۇكتى بولعانىما 4 ايدان استى، ىشتەگى نارەستەنىڭ ءوسىپ - جەتىلۋ ماسەلەسىن ەسكەرە وتىرىپ، تولعاق جيىلەتۋ وپەراتسياسىن جاساتۋىما تۋرا كەلدى، الەۋمەتتىك اۋماق پەن شيپاحانانىڭ وپەراتسيا جاساتۋىما سايكەسۋىن ءۇمىت ەتەمىن“. 8 - ايدىڭ 14 - كۇنى تۇستەن بۇرىن ءۇرىمجى قالاسىنىڭ تۇرعىنى جاۋ حانىم ”انار بۇلت 12345 كەڭەس سۇراۋ“ لەبىز تاقتاسىنا ءسوز قالدىرىپ، كومەك سۇرادى.
قالدىرىلعان لەبىزدى كورگەننەن كەيىن، ءتىلشى دەرەۋ جاۋ حانىممەن حابارلاسىپ، اسىلىندە 8 - ايدىڭ 10 - كۇنىنەن بۇرىن شيپاحاناعا بارىپ كورىنبەكشى بولعان جاۋ حانىمنىڭ ىندەت سەبەبىنەن شيپاحاناعا بارا الماعاندىعىن، وپەراتسيا ۋاقىتىنىڭ كەشەۋىلدەتىلۋىنە بايلانىستى جاۋ حانىمنىڭ ىشتەي ۋايىمداپ، دەر كەزىندە وپەراتسيا جاساتپاسا باسقا دا ناشار زارداپتاردىڭ تۋىلۋىنان الاڭداپ وتىرعاندىعىن بىلەدى.
جاۋ حانىمنىڭ قونىس ورنىنا نەگىزدەلىپ، ءتىلشى الدىمەن جاۋ حانىم تۇرعان ءۇرىمجى جوعارى، جاڭا تەحنيكا كاسىپ سالالارىن اشۋ رايونى (جاڭا قالا رايونى) يىنچۋان جولى اۋماعى چۋانجوۋ كوشەسى الەۋمەتتىك اۋماعىمەن بايلانىس جاسادى، وسى الەۋمەتتىك اۋماق پارتيا باس ياچەيكاسىنىڭ شۋجيى لي شيا مىنالاردى ءبىلدىردى: الەۋمەتتىك اۋماقتا تاسىمالداۋعا جاۋاپتى ءبىر عانا اۆتوكولىك بار، بىرنەشە كۇننەن بەرى توقتاۋسىز ءجۇرىپ جاتىر. قازىر ەگەر شيپاحانا جۇكتى ايەلدى قابىلدايتىن بولسا، جۇكتى ايەلدىڭ شيپاحاناعا بارىپ ەمدەلۋىنە تەز ارادا اۆتوكولىك شىعارىپ بەرەمىز.
ءتىلشى ءۇرىمجى قالالىق انا - بالالار دەنساۋلىعىن قورعاۋ شيپاحاناسىنىڭ قاتىستى جاۋاپتىسىمەن بايلانىس جاسادى، شيپاحانا قىزمەتكەرى تەكسەرىپ انىقتاعاننان كەيىن مىنالاردى ءبىلدىردى: بۇل شيپاحانا قازىر ناۋقاستاردى قالىپتى قابىلدايدى، ورتا، جوعارى دارەجەلى قاتەرلى وڭىرلەردەگى ناۋقاس كورسەتۋشىلەردى وزدەرى تۇرعان الەۋمەتتىك اۋماقتىڭ قىزمەتكەرلەرى شيپاحاناعا جەتكىزۋى كەرەك، ءۇش دارەجەلى الدىن الا تەكسەرىپ، ايىرىپ دياگنوز قويىپ باعالاۋدان كەيىن شيپاحاناعا جاتۋىنا بولادى. كەزەكتە بۇل شيپاحانا ناۋقاستارعا 24 ساعات ەمدەلۋدى قامتاماسىز ەتۋ قىزمەت وتەۋىمەن قامدايدى، تۇرعىنداردىڭ شيپاحانا جاريالاعان انا - بالالار سالاماتتىعى ىستىق لەنياسى 96595 نومىرىنە تەلەفون شالىپ، ەمدەلۋ قاجەتى جونىندە كەڭەس سۇراۋىنا بولادى. سونىمەن بىرگە، بۇل شيپاحانا شۇعىل، قاتەرلى، سالماقتى ناۋقاستار ارناسىن جانە جاسىل ارنا اشىپ، قالىڭ ايەلدەر مەن بالالارعا قىزمەت وتەۋدە ەكەن.
وسىدان كەيىن ءتىلشى جاۋ حانىممەن تەلەفوندا تاعى دا حابارلاستى، جاۋ حانىم تىلشىگە الەۋمەتتىك اۋماق قىزمەتكەرلەرىنىڭ وزىمەن حابارلاسقانىن، سونداي - اق اۆتوكولىكپەن شيپاحاناعا جەتكىزىپ قويعاندىعىن ايتتى. جاۋ حانىم تەلەفوندا تىلشىگە قايتا - قايتا العىسىن ءبىلدىردى. 8 - ايدىڭ 14 - كۇنى ساعات 17دەن 30 مينۋت وتكەندە، جاۋ حانىم الەۋمەتتىك اۋماق قىزمەتكەرلەرىنىڭ سەرىك بولۋىندا، ءۇرىمجى قالالىق انا - بالالار دەنساۋلىعىن قورعاۋ شيپاحاناسى يوۋ - اي شيپاحانا اۋلاسىنا ءساتتى كىرىپ، سول اراداعى ەمدەۋ قىزمەتكەرلەرىنىڭ العاشقى دياگنوزى ارقىلى جاۋ حانىمنىڭ دەنساۋلىق جاعدايىنىڭ ورنىقتى، ءىشى اۋىرۋ، قان شىعۋ سياقتى اۋرۋ بەلگىلەرى بايقالماعاندىعىن انىقتادى.
ءتىلشىنىڭ ۇعىسۋىنشا، 8 - ايدىڭ 11 - كۇنى ءۇرىمجى قالالىق دەنساۋلىق ساقتاۋ، سالاماتتىق كوميتەتى جاريالاعان شۇعىل جاعدايعا توتەپ بەرۋ، بوسانۋعا كومەكتەسۋ قۇرىلىمدارىنىڭ تىزىمدىگىنە نەگىزدەلىپ، ءۇرىمجى قالاسى 13 شيپاحانانى دەنساۋلىعى قالىپتى جۇكتى ايەلدەردى بوساندىرۋعا، تەكسەرۋگە شۇعىل قابىلداۋعا جانە بالنيتساعا جاتىپ بوسانۋعا قاتىستى قىزمەت وتەۋگە ازىرلەگەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
