وسى كەزەكتى جۇڭگو − ازيا - ەۆروپا كورمەسىنىڭ باستى دايىندىق قىزمەتتەرى نەگىزىنەن ءبىتتى
2022.08.16 15:51 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ۋاڭ يۇڭفي 8 - ايدىڭ 14 - كۇنى ۇرىمجىدەن حابارلايدى. قازىرگە دەيىن 7 - كەزەكتى جۇڭگو − ازيا - ەۆروپا كورمەسىنىڭ اشىلۋ سالتى، تالقى مىنبەرى، ساۋدانى جەبەۋ قيمىلى سياقتى ءماجىلىستىڭ دايىندىق قىزمەتتەرى نەگىزىنەن ءبىتتى، ساۋداگەر شاقىرۋ، كورمەگە شاقىرۋ قىزمەتتەرى دە نەگىزىنەن ءبىتتى.
شينجياڭ حالىقارالىق ءماجىلىس - كورمە ورتالىعى ءماجىلىس ىستەرى مەديا ءبولىمى ءماجىلىس اۋماعىنىڭ باسقارۋشىسى يان شياۋفۋ بىلاي دەدى: شينجياڭ حالىقارالىق ءماجىلىس - كورمە ورتالىعى جەكە - جەكە 5 - ايدا، 8 - ايدا ءماجىلىس زالىنىڭ ەسىك - تەرەزەسى، ەدەنى، دىبىس ساندىعى سياقتى قۇرىلعى - جابدىقتارىنا 2 رەت تەكسەرۋ - جوندەۋ جۇرگىزدى؛ 8 - ايدىڭ 10 - كۇنىنەن بۇرىن ءماجىلىستىڭ زاتتىق ماتەريالدارى دايىندالىپ بولدى؛ 8 - ايدىڭ 12 - كۇنىنەن بۇرىن، 32 الاڭ (رەت) اشىلۋ سالتى، تالقى مىنبەرى، ساۋدانى جەبەۋ قيمىلدارى ۇشتاستىرىلىپ بولدى، مۇنىڭ ىشىندە 23 الاڭ (رەت) سەلبەستىك جاساستى.
شينجياڭ حالىقارالىق ءماجىلىس - كورمە ورتالىعىنىڭ 5 - قاباتىنداعى كوپ يقۋاتتى زال − وسى كەزەكتى جۇڭگو − ازيا - ەۆروپا كورمەسىنىڭ اشىلۋ سالتى، نەگىزگى تالقى مىنبەرى، تەڭ دارەجەلەس تالقى مىنبەرى، سونداي - اق ساۋدانى جەبەۋ قيمىلدارى وتكىزىلەتىن ورىن. 8 - ايدىڭ 14 - كۇنى ءتىلشى سول ورىننان ۇستەل - ورىندىقتاردىڭ رەتتى قويىلعاندىعىن، بىرنەشە جۇمىسشىنىڭ كىلەم تازالاپ جاتقاندىعىن كوردى.
ساحنانىڭ قاق ورتاسىنا بيىكتىگى 7 مەتر، ۇزىندىعى شامامەن 43 مەتر كەلەتىن LED ۇلكەن ەكرانى قويىلىپ، بىرنەشە ينجەنەر ۇلكەن ەكراندى سىناپ جاتىپتى. ”بۇل ءبىز بەيجيڭنەن الىپ كەلگەن ەل ىشىندەگى ەڭ وزىق LED ۇلكەن ەكرانى، توتەنشە تۇنىق، ايقىندىعى 16Kعا جەتەدى“، - دەدى يان شياۋفۋ.
”كەلەسى قادامدا ءبىز ءماجىلىس زالدارىنىڭ ورتا تازالىعى سياقتى قىزمەتتەردى ونان ارى اشالاپ، وسى كەزەكتى جۇڭگو − ازيا - ەۆروپا كورمەسىنىڭ تابىستى، تارتىمدى بولۋىنا بار كۇشپەن شىنايى كەپىلدىك ەتەمىز“، - دەدى شينجياڭ حالىقارالىق ءماجىلىس - كورمە ورتالىعى ءماجىلىس ىستەرى مەديا ءبولىمىنىڭ جاۋاپتىسى سۇڭ جيا - ۋي.
ساۋداگەر شاقىرۋ، كورمەگە شاقىرۋ قىزمەتى دە تارتىپپەن ىلگەرىلەتىلۋدە. شينجياڭ حالىقارالىق كورمە ىستەرى مەكەمەسى ساۋداگەر شاقىرۋ، كورمەگە شاقىرۋ ءبولىمىنىڭ باستىعى جۋ ديچياڭ بىلاي دەپ تانىستىردى: كورمەگە شاقىرۋ قىزمەتى 5 كۇننىڭ الدىندا ءبىتتى، وسى كەزەكتى جۇڭگو − ازيا - ەۆروپا كورمەسىنىڭ كورمە اۋماعى 90 نەشە مىڭ شارشى مەترگە جەتەدى، كورمەگە قاتىناساتىن كاسىپورىن 1600، ولشەمدى كورمە ورنى 4000نان اسادى. ەرەكشە جابدىقتالعان كورمەگە قاتىناساتىن ورىننان 206سى بار، ەرەكشە جابدىقتالعان كورمەنىڭ اۋماعى 20 نەشە مىڭ شارشى مەترگە جەتەدى، تۇتاس كورمە اۋماعىنىڭ ％63ىن يەلەيدى.
”كەزەكتە ءماجىلىس حاتشىلار باسقارماسى كورمەگە قاتىناساتىن ساۋداگەرلەردىڭ تىزىمدىگىن رەتتەۋ، كومپيۋتەردە ءتىزۋ جانە باسىپ شىعارۋ جۇمىستارىن ىستەۋدە؛ 8 - ايدىڭ 17 - كۇنىنەن باستاپ ولشەمدى كورمە ورنىنىڭ نەگىزگى الاڭىن سالاتىن ساۋداگەرلەر جانە قالىپتى ماتەريالدارمەن ەرەكشە جابدىقتايتىن ورىندار شينجياڭ حالىقارالىق ءماجىلىس - كورمە ورتالىعىنا جايعاسىپ قىزمەت ورىستەتەدى؛ 8 - ايدىڭ 18 - كۇنىنەن باستاپ اعاش قۇرىلىمدى ەرەكشە جابدىقتاۋ ورىندارى دا كەلىپ جايعاسىپ قىزمەت ورىستەتەدى“، - دەدى جۋ ديچياڭ.
قازىرگە دەيىن وسى كەزەكتى جۇڭگو − ازيا - ەۆروپا كورمەسىندە ساۋداگەر شاقىرىپ قارجى ەنگىزۋ نىسانى 364كە جەتىپ، ساۋداگەر شاقىرىپ قارجى ەنگىزۋ سوماسى 900 ميلليارد يۋاننان استى. ”كورمە اشىلۋعا ءالى 10 كۇن بار، ساۋداگەر شاقىرىپ قارجى ەنگىزۋ نىسانى ءالى دە ارتادى، ساۋداگەر شاقىرىپ قارجى ەنگىزۋ سوماسى دا ارتادى“، - دەدى جۋ ديچياڭ.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
