قىزىلسۋ قىرعىز اۆتونوميالى وبلىسى:
بەيزاتتىق مادەنيەت مۇرالارىن جالعاستىرىپ، جاڭا ءداۋىر اۋەنىن اسقاقتاتتى
□ انار بۇلت \ شينجياڭ گازەتىنىڭ ءتىلشىسى سۇڭ ۋيگو
2022.08.16 15:52 كەلۋ قاينارى : شينجياڭ گازەتى
بيىلعى 7 - اي ءۇمىتالى يتۇكتىڭ ەسىنەن كەتپەيدى. 14 جاستاعى ول العاش رەت اۋىلى ۇلۇقشات اۋدانىنان شىعىپ، «ماناستى» ايتتى، ونى ونان دا قاتتى اسەرلەندىرگەنى شينجياڭدى كوزدەن كەشىرىپ جۇرگەن باس شۋجي شي جينپيڭنىڭ اۆتونوميالى رايوندىق مۇراجايدا ولاردىڭ قويعان ويىنىن كورۋى بولدى.
باس شۋجي شي جينپيڭ بىلاي دەپ اتاپ كورسەتتى: بەيزاتتىق مادەنيەت مۇرالارىن قورعاۋدى، جالعاستىرۋدى كۇشەيتىپ، ءار ۇلتتىڭ تاڭداۋلى ءداستۇرلى مادەنيەتىن اسقاقتاتۋ، ساۋلەلەندىرۋ كەرەك.
پارتيا 18 - قۇرىلتايىنان بەرى، قىزىلسۋ قىرعىز اۆتونوميالى وبلىسى بەيزاتتىق مادەنيەت مۇرالارىن قورعاۋ جانە جالعاستىرۋ قىزمەتى جونىندە ۇزدىكسىز ىزدەنىس جاساپ، ءار ۇلتتىڭ تاڭداۋلى ءداستۇرلى مادەنيەتىن اسقاقتاتىپ، ءار ۇلتتىڭ بەيزاتتىق مادەنيەت مۇرالارىن بەينە شوق - شوق قارعالداق گۇلىندەي پامير ۇستىرتىندە قۇلپىرتتى.
بەيزاتتىق مادەنيەت مۇرالارى گۇلى ۇستىرتتە اشىلدى
قىزىلسۋ وبلىسى ”تاۋلى وبلىس“ بولىپ قالماستان، تاعى بەيزاتتىق مادەنيەت مۇرالارىنىڭ ”قۇتتى قونىسى“. ۇلتتىق ەپوس «ماناس»، قىرعىز ۇلتىنىڭ كەستەلى كيىم - كەشەكتەرى، اتۇش ۇيعۇر حالىقتىق بيلەرى... ەپوستان ءان - بيگە، ودان ارى كيىم - كەشەك مادەنيەتىنە دەيىن، از ۇلتتاردىڭ شيپاگەرلىك - دارىگەرلىگىنەن ءداستۇرلى ۇلتتىق سپورت تۇرلەرىنە دەيىن حالىق اراسىندا كومىلىپ جاتقان بەيزاتتىق مادەنيەت مۇرالارى كادەگە جاراتىلدى جانە رەتتەلدى، سونداي - اق ءبىر قىدىرۋ قورعاۋ جانە جالعاستىرۋ قىزمەتتەرى ورىستەتىلدى. تاياۋداعى جىلداردان بەرى قىزىلسۋ وبلىسى دۇنيە ءجۇزى دارەجەلى بەيزاتتىق مادەنيەت مۇرالارىن قورعاۋ نىسانىنان بىرەۋىن، مەملەكەت دارەجەلى بەيزاتتىق مادەنيەت مۇرالارىن قورعاۋ نىسانىنان تورتەۋىن جانە اۆتونوميالى رايون دارەجەلى بەيزاتتىق مادەنيەت مۇرالارىن قورعاۋ نىسانىنان 22سىن تىزىمگە الدىرۋ ءوتىنىشىن جولدادى.
قورعاۋ جانە جالعاستىرۋ بارىسىندا قىزىلسۋ وبلىسى قىراۋار جازبا ماتەريالداردى، بەينە ماتەريالداردى، سۋرەت ماتەريالداردى جيناپ - رەتتەپ، ۇلتتىق ەپوس «ماناستى» حانزۋشاعا اۋدارۋ جانە باسپادان شىعارۋ جۇمىستارىن اياقتادى. قازىر «ماناسشى» قوعامىنا دايىندىق جاساۋدا.
قاجىماي - تالماي قۇلشىنۋ مول تابىس اكەلدى. ورتاق قۇلشىنۋ ارقىلى قىزىلسۋ وبلىسى مەن ورتالىق وپەرا تەاترى كولەمدى ءتول تۋىندى «ماناس» وپەراسىن بىرگە جاساپ تۇلعالاپ، ەل ءىشى - سىرتىندا 60 نەشە رەت قويدى؛ ىلگەرىندى - كەيىندى 7 كەزەك «ماناس» حالىقارالىق ساياحات مادەنيەت فەستيۆالىن، 5 رەت «ماناس» حالىقارالىق ءىلمي تالقى ءماجىلىسىن وتكىزىپ، دۇنيە جۇزىنە جۇڭحۋا مادەنيەتىنىڭ وزگەشە تارتىمدىلىعىن ايگىلەپ، ەل ءىشى - سىرتىنداعى كورەرمەندەردىڭ جاقسى باعاسى مەن قىزىعۋشىلىعىنا قول جەتكىزدى.
بار نيەتپەن كۇش سالىپ، جالعاستىرىپ اسقاقتاتتى
”«ماناستى» ورىنداۋعا، ءسوز جوق، بار ىنتا - پەيىلمەن بەرىلۋ كەرەك، جاي عانا ءسوز - سويلەمدەردى شىرقاي سالۋمەن بىتپەيدى، كوتەرىڭكى كوڭىل كۇيمەن ءوزىن سول كورىنىسكە ارناۋ كەرەك“. 8 - ايدىڭ 6 - كۇنى ۇلىقشات اۋدانى قىزىلوي اۋىلى اقتەرەك قىستاعىنداعى ءبىر ۇيدەن تۇسىندىرگەن داۋىستار شىعىپ تۇردى.
ءتۇسىندىرۋشى اۆتونوميالى رايون دارەجەلى بەيزاتتىق مادەنيەت مۇراسىن جالعاستىرۋشى، 56 جاستاعى جاننۇر تۇرعانباي، ”مەن 50 نەشە’ ماناسشى‘ تاربيەلەدىم، ءۇمىتالى ەڭ ەرەكشەسى، ونىڭ ورىنداۋ ونەرى ەرەكشە اسەرلى، كورەرمەندەردى سۋرەتتەگەن كورىنىسكە الىپ بارا الادى“.
بەيزاتتىق مادەنيەت مۇرالارىن جالعاستىرۋشىلاردى تاربيەلەۋدە بەتپە - بەت ۇيرەتۋ ەڭ ءونىمدى ءادىس، ۇستاز بەن شاكىرت اراسىنداعى بەتپە - بەت ۇيرەتۋدەن سىرت، قىزىلسۋ وبلىسى تاعى جازعى، قىسقى دەمالىس ۋاقىتتان تولىق پايدالانىپ، مادەنيەت سارايى، مەكتەپ، جاستار مەن ورەندەر قيمىل ورتالىعى، اۋىل - قالاشىق كەشەندى مادەنيەت پۋنكتى سياقتى ورىنداردا بەيزاتتىق مادەنيەت مۇرالارىن جالعاستىرۋ كۋرسىن وتكىزىپ، كوپتەگەن جاستار مەن ورەندەردى ۇيرەنۋ جولىنا تۇسۋگە باۋرادى. بيىل جىل باسىنان بەرى قىزىلسۋ وبلىسى 6 كەزەك بەيزاتتىق مادەنيەت مۇرالارىن جالعاستىرۋ كۋرسىن اشقاندىقتان، بەيزاتتىق مادەنيەت مۇرالارىنا اۋەس 200دەن استام ءار ۇلت بۇقاراسى ۇيرەنۋ بارىسىندا مول تابىسقا كەنەلدى.
”بۇركىت − قىرعىزداردىڭ جان سەرىگى، بۇركىت باپتاۋ ونەرىن جالعاستىرۋ، ءارى ءداستۇرلى مادەنيەتتى جالعاستىرۋ، ءارى ادام مەن تابيعاتتىڭ جاراسىمدى بىرگە جاساسۋىنىڭ بەينەلەنۋى“، - دەدى 71 جاستاعى قىرعىز ۇلتىنىڭ بۇركىت باپتاۋ ادەت - عۇرپىن ۋاكىلدىك جالعاستىرۋشى قۇرماش قۇتمان.
مىڭ جىلدىق جالعاستىرىپ شىرقاۋ اناعۇرلىم اۋەلەي ءتۇستى
ءار جولعى ەلەۋلى مەرەكە كۇندەرى اقتاۋ اۋدانى كۇنلۇن جيايۋان الەۋمەتتىك اۋماعىنىڭ قىزمەت وتەۋ ورتالىعىنان ريتىمى ويناقى ءولوڭ ايتىش اۋەندەرى ەستىلىپ تۇرادى، بۇل قاراستى اۋماقتاعى تۇرعىنداردىڭ ەڭ ۇناتىپ باراتىن قيمىل ورىندارىنىڭ ءبىرى.
پامير ۇستىرتىندە كەڭ تارالعان وسى حالىقتىق سالت - سانا اۋەندەرى ەڭ باستابىندا توي جىرى رەتىندە ساقتالىپ قالعان، ۇرپاقتان - ۇرپاققا جالعاستىرىپ ايتىلا كەلە سول جەردەگى بۇقارانىڭ ەلەۋلى مەرەكە كۇندەردە ءسوزسىز ورىندايتىن ويىن نومىرىنە اينالدى.
قىزىلسۋ وبلىسىنىڭ 3 اۋدان، ءبىر قالاسىندا تۇگەلدەي وسىنداي ءداستۇرلى بەيزاتتىق مادەنيەت مۇرالارى ورنى بار، مادەنيەت قىستاعى، ءجۇسۇپ ماماي ەسكەرتكىش سارايى، بۇركىت مادەنيەتىن ايگىلەۋ اۋماعى، ۇلتتىق ەرەكشە قىستاق... تالاي - تالاي بەيزاتتىق مادەنيەت الاڭ - سارايلارىندا ءان اۋەنى قۇلاقتان كىرىپ بويدى الىپ، اسەم ءبي بيلەنىپ، بەيزاتتىق مادەنيەت مۇرالارى وسى ارادا ءونىمدى جالعاستىرىلدى.
بەيزاتتىق مادەنيەت مۇرالارىن ايگىلەۋ (ۇيرەتۋ - ۇيرەنۋ) الاڭ - سارايلارىنىڭ قامتاماسىزدىعى بولعاندىقتان، قىزىلسۋ وبلىسىنىڭ بەيزاتتىق مادەنيەت مۇرالارىن قورعاۋ جانە جالعاستىرۋ قىزمەتى دە وزىندىك شەپكە يە بولدى. قىزىلسۋ وبلىسى تاعى تۇزىمدىك جاقتان كەپىلدىك ەتىپ، بەيزاتتىق مادەنيەت مۇرالارىن قورعاۋ مەن جالعاستىرۋعا دەمەۋشى بولدى.
تاياۋداعى جىلداردان بەرى قىزىلسۋ وبلىسى ىلگەرىندى - كەيىندى «قىزىلسۋ وبلىسىنىڭ وبلىس دارەجەلى بەيزاتتىق مادەنيەت مۇرالارى نىسانىنىڭ ۋاكىلدىك جالعاستىرۋشىلارىن بەكىتۋ جانە باسقارۋ ءادىسى»، «قىزىلسۋ وبلىسىنىڭ ماناسشىلاردى بەكىتۋ ناقتى ەرەجەسى»، «ماناستى جالعاستىرۋ، قورعاۋ جوباسى (2017 − 2026 - جىلى)» سياقتىلاردى شىعارىپ، قورعاۋ شارالارىن ونان ارى كەمەلدەندىرىپ، قىزىلسۋ وبلىسىنىڭ بەيزاتتىق مادەنيەت مۇرالارىن قورعاۋدى جۇيەلىلەندىرۋدى، تۇزىمدەندىرۋدى ىلگەرىلەتىپ، بەيزاتتىق مادەنيەت مۇرالارىن ءار ۇلت بۇقاراسىنىڭ تاماشا تۇرمىسىنىڭ ءبىر بولىگىنە اينالدىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا قۋاتتى رۋحاني تىرەك ازىرلەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
