ىندەتتەن ساقتانۋدى ويداعىداي يگەرىپ، ءوندىرىستى جەبەپ، جۇمىستانۋدى ورنىقتىرىپ، حالىق تۇرمىسىن قامتاماسىز ەتتى
□ انار بۇلت \ شينجياڭ گازەتىنىڭ تىلشىلەرى
2022.08.16 15:53 كەلۋ قاينارى : شينجياڭ گازەتى
ىندەتتەن ساقتانۋ - تىزگىندەۋ كەزىندە جۇمىسقا قابىلداۋ قابىلەتى كۇشتى كاسىپورىندار جونىنەن ايتقاندا، قىزمەتكەرلەردىڭ دەنساۋلىعىن، حاۋىپسىزدىگىن قالاي قامتاماسىز ەتىپ، ءوندىرىستىڭ توقتاماۋىنا شىنايى كەپىلدىك ەتۋ ءبىر رەتكى زور سىن.
بىرنەشە كۇننەن بەرى رايونىمىزداعى كاسىپورىندار تۇلعالىق جاۋاپكەرشىلىكتەرىن بەلسەندىلىكپەن اتقارىپ، ىندەتتەن ساقتانۋ - تىزگىندەۋ مەن ءوندىرىستى، تيجاراتتى ءبىر تۇتاس جوسپارلاپ، ەرەكشە ”ەمتيحان سۇراۋىنا“ بار كۇشپەن ويداعىداي جاۋاپ بەردى.
قىزمەتكەرلەردىڭ كىرىسىن ورنىقتىرىپ، حالىق تۇرمىسىن قامداۋدى قامتاماسىز ەتتى
ىندەتتەن ساقتانۋ قىزمەتىن ويداعىداي ىستەۋ كاسىپورىننىڭ قالىپتى ءوندىرىستى ساقتاۋىنداعى ماڭداي الدى مىندەت، وسىنداي بولعاندا عانا قىزمەتكەرلەردىڭ كىرىسىن ورنىقتىرۋعا، حالىق تۇرمىسىن قامداۋدى قامتاماسىز ەتۋگە بولادى.
8 - ايدىڭ 14 - كۇنى بۇراتالا شەكارالىق ەكونوميكالىق سەلبەستىك اۋماعىنداعى شينجياڭ جينشينيۇي توقىماشىلىق شەكتى جاۋاپكەرشىلىك سەرىكتەستىگى توقىماشىلىق ءجىپ توقۋ سەحىندا ماشينالار گۇرىلدەپ اينالىپ جاتىر. ءوندىرىس جەلىسىندە قىزمەتكەرلەر ماسكا تارتىپ جۇمىستى بايىپتىلىقپەن ىستەۋدە. بىرنەشە كۇننىڭ الدىندا، وسى سەرىكتەستىك وندىرگەن 400 توننادان استام زات گۋاڭدۇڭعا ءساتتى جونەلتىلدى.
”كاسىپورنىمىزدا قىزمەتكەر كوپ بولىپ قانا قالماستان، ونىمدەرىمىز ءتىپتى دە حالىق تۇرمىسىن قامداۋدى قامتاماسىز ەتەتىن شيكىزاتتار. ىندەتكە مەڭزەس ءوندىرىستى ورنىقتىرامىز“. وسى سەرىكتەستىكتىڭ باسالقاسى لي بين بىلاي دەدى: قازىر سەرىكتەستىكتەگى 900دەن استام قىزمەتكەر زاۆودتا تۇرىپ، جابىق باسقارۋ بويىنشا جۇمىس جۇرگىزۋدە، سەرىكتەستىك ءار كۇنى كوپشىلىكتى توپقا ءبولىپ تارتىپپەن دەنە تەمپەراتۋراسىن ولشەيدى، حىسۋان تەكسەرتەدى ءارى زاۆود اۋماعىنا دا زارارسىزداندىرۋ جۇرگىزىپ، ءتۇرلى حاۋىپ - قاتەرلەردى، كومەسكى قاتەرلەردى الاستاپ، مۇلدەم حاۋىپسىزدىك ارقىلى كاسىپورىننىڭ ىندەتكە قارسى اتتانۋىنا مۇمكىندىك جاسادى.
قاراقاش اۋدانى ءوندىرىس پەن قالانى توعىستىرۋ باقشاسىنداعى حوتان ليڭحاي ەلەكترون شەكتى جاۋاپكەرشىلىك سەرىكتەستىگىنىڭ ءوندىرىس سەحىندا دا قاربالاس جۇمىس ءجۇرىلىپ جاتتى. بولشەكتەر ۇلاسپالى ءوندىرىس جەلىسىنەن ءوتىپ قىزمەتكەرلەردىڭ قولمەن بىرتىندەپ قۇراۋىندا تىڭداعىش بولىپ تولىق جاسالىپ شىعۋدا. قازىر بۇل سەرىكتەستىكتىڭ بارلىق ءوندىرىسى قالىپتى جۇرگىزىلۋدە.
”جۇمىسقا قابىلداۋ قابىلەتى كۇشتى كاسىپورىندار ىندەتتەن ساقتانۋ شارالارىن ءتىپتى دە قاتاڭ تياناقتاندىرىپ، قالىپتى وندىرىسكە كەپىلدىك ەتۋ، سول ارقىلى جۇمىستانۋدى ورنىقتىرۋ، حالىق تۇرمىسىن قامداۋدى قامتاماسىز ەتۋ كەرەك“. باقشا رايونىنىڭ ورىنباسار مەڭگەرۋشىسى ءماتقاسىم تۇراپ مىنالاردى ءبىلدىردى: باقشا رايونى ىندەتتەن ساقتانۋ - تىزگىندەۋ شارالارىن قاتاڭ تياناقتاندىرىپ، قالىپتى جۇمىس جۇرگىزىپ جاتقان 18 كاسىپورىنعا توركوزدەندىرىپ جابىق باسقارۋ جۇرگىزدى ءارى توقىما، ەلەكترون، بايپاق، جالعان شاش سىندى 4 اۋماققا ءبولدى. ءار اۋماقتى سالىستىرمالى دەربەس ەتىپ ورنالاستىرىپ، 3800دەن استام قىزمەتكەردى سەحقا، قاباتقا ءبولىپ باسقارىپ، قاۋىرت كەزگە شوعىرلاندىرماي تاماقتاندىرىپ، قىزمەتكەرلەردىڭ ءجۇرىس - تۇرىسىن ازايتتى.
قىزمەت وتەۋدى، قامتاماسىز ەتۋدى ويداعىداي ىستەپ، قىزمەتكەرلەرگە كوڭىل ءبولدى، قامقورلىق جاسادى
8 - ايدىڭ 11 - كۇنى تاڭەرتەڭ، تۇرپان قالاسى ءىدىقۇت رايونى ءجۇزىم قالاشىعىنداعى شينجياڭ رۇيزى توقىماشىلىق شەكتى سەرىكتەستىگىنىڭ 530 قىزمەتكەرى دەنە تەمپەراتۋراسىن ولشەتىپ، حىسۋان تەكسەرتكەننەن كەيىن، جۇمىس ورىندارىنا قايتىپ جۇمىستارىن جالعاستىردى.
”ءوندىرىستىڭ قالىپتى اينالىمىنا كەپىلدىك ەتۋمەن بىرگە، قىزمەتكەرلەردىڭ كۇندەلىكتى تۇرمىستىق قاجەتىن قاناعاتتاندىرۋعا كەپىلدىك ەتۋ دە توتەنشە ماڭىزدى“، - دەدى وسى سەرىكتەستىكتىڭ كەڭسە مەڭگەرۋشىسى ليۋ يۇڭي، - ”سەرىكتەستىكتە قىزمەتكەرلەر جاتاعى مەن اسحانا بار، قىزمەتكەرلەردىڭ ءار كۇنگى اس - سۋى ويداعىداي ورنالاستىرىلىپ، بەلسەندى، تالپىنعىش جۇمىس ورتاسى جاسالىپ، كوپشىلىكتىڭ زاۆودتا تۇرىپ قىزمەت ىستەگەن كەزدە تاماشا رۋحاني كۇيدى جانە ارىندى ساقتاۋىنا مۇمكىندىك جاسالدى“.
8 - ايدىڭ 14 - كۇنى تۇستە شايار اۋدانى اينالمالى ەكونوميكا ونەركاسىپ باقشا رايونىنداعى شينجياڭ يۇيشياڭ حۋياڭ حيميا ونەركاسىپ شەكتى سەرىكتەستىگىندە 500گە جۋىق قىزمەتكەر ءوز تاراۋلارىندا تارتىپپەن تاماقتاندى.
وسى سەرىكتەستىكتىڭ ەلەكتر - گاز سەحىنىڭ كومەكشى ينجەنەرى شىكارام ءتاشتومۇر تانىستىرىپ بىلاي دەدى: ىندەتتەن ساقتانۋ - تىزگىندەۋ كەزىندە سەرىكتەستىك ءار كۇنى جاتاق، كەڭسە، ءوندىرىس سەحى سياقتى اۋماقتارعا زارارسىزداندىرۋ قىزمەتتەرىن جۇرگىزەدى. ادامداردىڭ ءجۇرىس - تۇرىسى مەن توپتالۋىن ازايتۋ ءۇشىن، سەرىكتەستىك قىزمەتكەرلەردىڭ ءبىر كۇندەگى 3 ۋاق تاماعىن تۇگەلدەي قىزمەت ورىندارىنا جەتكىزىپ، وسى جەردەگى قىزمەتكەرلەردى قىزمەتتەن تۇسكەندە، قىزمەتكە شىققاندا ارناۋلى اۆتوكولىكپەن جەتكىزىپ تۇردى.
”ءىستىڭ ۇلكەن - كىشىسىنە قاراماي قىزمەتكەرلەرگە كوڭىل ءبولىپ، قامقورلىق جاساپ، قىزمەت ورتاسىن ۇزدىكسىز جاقسارتۋ قىزمەتكەرلەردىڭ بار ىنتا - پەيىلىمەن وندىرىسكە كىرىسۋىنە ءتيىمدى“، - دەدى شىكارام ءتاشتومۇر، - ”ءبىز بار كۇشپەن ءوندىرىس جۇرگىزىپ، ىندەت كەزىندەگى بازاردىڭ سۇرانىسىن قاناعاتتاندىرامىز“.
دامۋ سەنىمىن بەكەمدەپ، ءوندىرىستى ورنىقتىرۋدى، ءونىم مولشەرىن ارتتىرۋدى كۇش سالا جەبەدى
8 - ايدىڭ 14 - كۇنى اتۇش ونەركاسىپ باقشا رايونىندا قىزىلسۋ وبلىسى رۇنحۋا توقىماشىلىق عىلىم - تەحنيكا شەكتى سەرىكتەستىگىنەن گۇرىلدەگەن ماشينا ءۇنى شىعىپ جاتتى. سەرىكتەستىكتىڭ سەحىنداعى ءوندىرىس جەلىلەرىنىڭ بارلىعى جۇمىس ىستەپ، ماقتا شۇيكەلەرى وڭدەۋدەن ءوتىپ ۇرشىق جىپكە اينالۋدا.
”باقشا رايونىندا جيىنى 104 كاسىپورىن بار، ماۋسىمدىق وندىرىسپەن شۇعىلداناتىن جانە سالىنىپ جاتقان كاسىپورىنداردى شىعارىپ تاستاعاندا، باسقا 74 كاسىپورىن تۇگەلدەي قالىپتى ءوندىرىس جۇرگىزۋدە. باقشا رايونىندا جيىنى 3679 ادام جۇمىستانعان، ءوندىرىس، تۇرمىس ءتارتىبى قالىپتى“، - دەدى اتۇش ونەركاسىپ باقشا رايونى پارتيا، ۇكىمەت كەڭسەسىنىڭ مەڭگەرۋشىسى لي ميڭجۇن، - ”كاسىپورىندار مەن باقشا رايونى ءبىر نيەتپەن كۇش قوسسا بولعانى، ءبىز، ءسوز جوق، ىندەتتىڭ ىقپالىن جەڭىپ، اناعۇرلىم باياندى دامۋ ورايىنا قول جەتكىزە الامىز“.
وسى مەزگىلدە شينجياڭ يۇيشياڭ حۋياڭ حيميا ونەركاسىپ شەكتى سەرىكتەستىگىنىڭ ءار كۇنگى ۋرەا، قوسپا تىڭايتقىش سياقتى ونىمدەرىنىڭ ءونىم مولشەرى ىندەت تۋىلۋدىڭ الدىنداعىمەن تەڭ بولدى.
”سەنىم التىننان دا قىمبات. بيىل جىل باسىنان بەرى شينجياڭنىڭ شارۋاشىلىق - ساۋدا ورتاسى ۇزدىكسىز جاقسارىپ، كاسىپورىننىڭ دامۋ جاعدايى تاماشا بولدى. ءبىز ۇكىمەت پەن وزىمىزگە نىق سەنىمدەمىز، ىندەتتى جەڭۋگە دە نىق سەنىمدەمىز“. وسى سەرىكتەستىكتىڭ باس ديرەكتورىنىڭ كومەكشىسى چىن يۇيشياڭ بىلاي دەدى: قازىر سەرىكتەستىكتىڭ ءار كۇنگى ءوندىرىسى توقتاعان جوق، ءونىم مولشەرى، ءونىم قۇنى مەن پايدا بىلتىرعى سول تۇستاعىدان تۇگەلدەي كورنەكتى جوعارىلادى، ال بىرلىك ءونىمنىڭ شىعىنى تومەندەدى.
شينجياڭ رۇيزى توقىماشىلىق سەرىكتەستىگىنىڭ تۇرپان قالاسىنداعى ءجىپ ءيىرۋ ءوندىرىس قۋاتى 150 مىڭ ۇرشىق، 2021 - جىلى تيجارات كىرىسى 6 ميلليارد 800 ميلليون يۋان بولعان بولاتىن. ”ءبىز شيكىزاتتى تاسۋ، ءونىم جەتكىزۋ سياقتى جاقتاردا تۇگەلدەي قاتىستى ساياساتتىق قولداۋعا يە بولىپ، ءوندىرىسىمىز ورنىقتى جۇرگىزىلدى“. ليۋ يۇڭي تانىستىرىپ بىلاي دەدى: بيىل سەرىكتەستىك تاعى 6 ميلليارد يۋان قارجى سالىپ، جالپى ءوندىرىس قۋاتى ءبىر ميلليون 650 مىڭ ۇرشىق بولاتىن جوعارى سورتتى، جىنتىكتەي وڭدەلگەن تازا ماقتادان ءجىپ ءيىرۋ نىسانىن جالپى بەتتىك سالادى. نىسان وندىرىسكە قوسىلعاننان كەيىن، تۇرپان قالاسىندا 6000نان استام ادامنىڭ جۇمىستانۋىن جەبەپ، 10 ميلليارد يۋان ءونىم قۇنىن جۇزەگە اسىرادى.
(ءتىلشى ليۋ شياڭ، قاتىناسقان تىلشىلەر جاڭ رۇيلين، سۇڭ يا - ۋىن، ءپاريزات ابدۇل، سۇڭ ۋيگو، جاڭ جىلي)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
