جۇڭگونىڭ جاڭاشا ساياسي پارتيا ءتۇزىمى وزگەشە ابزالدىعىن ايگىلەدى (جۇڭگونىڭ وسى 10 جىلى اتىنداعى جەلىلەس تاقىرىپتىق حابارلار)

ياڭ حاۋ («حالىق گازەتىنىڭ» ءتىلشىسى)

2022.08.17 16:30 كەلۋ قاينارى : حالىق تورابى

كوشىرۋ

باسىپ شىعارۋ

لەبىز جازۋ

　　ج ك پ ورتالىق كوميتەتىنىڭ ۇگىت ءبولىمى 8 - ايدىڭ 16 - كۇنى «جۇڭگونىڭ وسى 10 جىلى» اتىنداعى جەلىلەس تاقىرىپتىق اقپار جاريالاۋ ءماجىلىسىن اشتى، ورتالىق كوميتەت بىرلىكساپ ءبولىمى باستىعىنىڭ ورىنباسارى چىن شۇي، مەملەكەتتىك ساياسي كەڭەس باس حاتشىسىنىڭ ورىنباسارى زوۋ جيا - ي، مەملەكەتتىك ساياسي كەڭەس ۇسىنىس جوبا كوميتەتى مەڭگەرۋشىسىنىڭ تۇراقتى ورىنباسارى جاڭ جيڭ - ان، ورتالىق بىرلىكساپ ءبولىمى دەموكراتيالىق پارتيا - توپتار قىزمەت مەكەمەسىنىڭ باستىعى ساڭ فۋحۋا جاڭا داۋىردە جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىندە تاباندى بولۋ جانە ونى كەمەلدەندىرۋ جونىندەگى دامۋ مەن تابىستاردى تانىستىردى ءارى تىلشىلەردىڭ سۇراۋلارىنا جاۋاپ بەردى.

　　پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگونىڭ جاڭاشا ساياسي پارتيا ءتۇزىمى جاڭا داۋىرگە سايكەسىپ، جاڭا دامۋعا قول جەتكىزىپ، مەملەكەتتىڭ ساياسي جانە قوعامدىق ومىرىندە وزگەشە ابزالدىقتى ايگىلەدى، سونداي - اق دۇنيە ءجۇزىنىڭ ساياسي وركەنيەتىنىڭ دامۋىنا جۇڭگونىڭ اقىل - پاراساتى مەن جۇڭگو جوباسىن ازىرلەدى. جۇڭگونىڭ جاڭاشا ساياسي پارتيا ءتۇزىمى سىندى جۇڭگوشا ەرەكشەلىككە، جۇڭگوشا سالاۋاتقا، جۇڭگو نەگىزىنە يە تاماشا ءتۇزىم اناعۇرلىم ەلدەن ەرەك تۇزىمدىك ابزالدىقتى ايگىلەپ، اناعۇرلىم بەرىك دامۋ قادامىن باسادى.

　　جوعارى دەڭگەيدە جوبالاۋ اناعۇرلىم ايقىندالىپ، سۇلبالىق جۇيە اناعۇرلىم كەمەلدەندى

　　شي جينپيڭ جولداستى ۇيىتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە ءجۇز جىلدا بولماعان زور وزگەرىس جاعدايىن ءبىر تۇتاس جوسپارلاپ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىندە تاباندى بولۋدى جانە ونى كەمەلدەندىرۋدى پارتيانىڭ نەگىزگى جالپى جوباسىنا ەنگىزىپ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس ءتۇزىمى −جاڭاشا ساياسي پارتيا ءتۇزىمى دەگەندى العا قويدى؛ دەموكراتيالىق پارتيا – توپتار − جۇڭگوشا سوتسياليستىك ساياسي پارتيالار، نەگىزگى فۋنكتسياسى − ۇكىمەت ىسىنە ارالاسۋ، كەڭەس بەرۋ، دەموكراتيالىق باقىلاۋ، جۇڭگو كوممۋنيستىك پارتياسىنىڭ باسشىلىعىنداعى ساياسي كەڭەسكە قاتىناسۋ دەگەندى العا قويدى؛ كوپ پارتيا سەلبەستىگىن ىلگەرىلەتۋدە جاڭا بەينە جارىققا شىعارىپ، يدەيالىق ورتاق تانىمدى تىڭ ورەگە كوتەرىپ، مىندەت اتقارىپ، جاۋاپكەرلىكتى ادا ەتىپ، جاڭا ىسكەرلىكتى ايگىلەۋ كەرەك، دەموكراتيالىق پارتيا - توپتار جۇڭگو كوممۋنيستىك پارتياسىنىڭ جاقسى اقىلشىسى، جاقسى كومەكشىسى، جاقسى قىزمەتتەسى بولۋى كەرەك دەگەندى العا قويدى. وسى جاڭا ۇستانىم، جاڭا يدەيا، جاڭا تۇجىرىمدار جاڭا داۋىردەگى «قانداي كوپ پارتيا سەلبەستىگى تۇزىمىندە تاباندى بولۋ جانە ونى دامىتۋ، كوپ پارتيا سەلبەستىگى تۇزىمىندە قالاي تاباندى بولۋ جانە ونى قالاي دامىتۋ كەرەك»، «قانداي ساياسي پارتيا قۇرۋ كەرەك، ساياسي پارتيانى قالاي قۇرۋ كەرەك» دەگەن سياقتى كەلەلى ماسەلەلەرگە جۇيەلى جاۋاپ بەرىپ، ەلىمىزدىڭ جاڭاشا ساياسي پارتيا تۇزىمىندە ويداعىداي تاباندى بولۋعا، ونى ويداعىداي دامىتۋعا ءتۇبىرلى تياناق ازىرلەدى.

　　ساياسي كەڭەس قىزمەتىن جاقسى ىستەۋ، سوتسياليستىك كەڭەس دەموكراتيا قۇرىلىسىن كۇشەيتۋ، جۇڭگوشا سوتسياليستىك ساياسي پارتيا قۇرىلىسىن كۇشەيتۋ سياقتى ماسەلەلەردى ارقاۋ ەتىپ، پارتيا ورتالىق كوميتەتى پارتيا ىشىندەگى ارناۋلى زاڭ - ەرەجەلەر مەن كوپتەگەن ماڭىزدى قۇجاتتى زەرتتەپ جاسادى، سونداي - اق دەموكراتيالىق پارتيا - توپتاردىڭ وزىندىك قۇرىلىسىن كۇشەيتۋىن قولداپ، وعان كومەكتەسىپ، ۇيىمدىق دامۋ، باسشىلىق القاسى قۇرىلىسى، ىشكى باقىلاۋ سياقتىلار جونىندە ءبىرقىدىرۋ قۇجات شىعاردى. قازىر مەملەكەتتىڭ نەگىزگى زاڭىن نەگىز، پارتيا ىشىندەگى زاڭ - ەرەجەلەر مەن قۇجاتتاردى نەگىزگى تۇلعا، قاتىستى سايكەستى ساياساتتاردى قوسىمشا ەتكەن ءبىرشاما كەمەلدى ءتۇزىم جۇلگەسى جۇيەسى قالىپتاسىپ، اينالىمى جاقسى، قامتاماسىزداندىرۋى پارمەندى بولدى.

　　بيىل 6 - ايدا جاريالانعان «جۇڭگو كوممۋنيستىك پارتياسىنىڭ ساياسي كەڭەس قىزمەت ەرەجەسى» (تومەندە قىسقاشا «ەرەجە» دەلىنەدى) − پارتيا ورتالىق كوميتەتىنىڭ ساياسي كەڭەس قىزمەتىن ارناۋلى ارناعا تۇسىرۋىندەگى پارتيا ىشىندەگى تۇڭعىش زاڭ - ەرەجەسى، ءبىزدىڭ جاڭا داۋىردەگى ساياسي كەڭەس قىزمەتىن ويداعىداي ىستەۋىمىزدىڭ نەگىزگى ولشەمى. «‹ەرەجەنىڭ› جاسالۋى مەن اتقارىلۋى پارتيانىڭ ساياسي كەڭەس قىزمەتىنە باسشىلىعىن كۇشەيتىپ، ساياسي كەڭەس قىزمەتىنىڭ ساپاسى مەن ونىمدىلىگىن جوعارىلاتۋعا ءتيىمدى؛ جۇڭگونىڭ جاڭاشا ساياسي پارتيا تۇزىمىندە تاباندى بولىپ جانە ونى كەمەلدەندىرىپ، كوپ پارتيا سەلبەستىگىنىڭ رولىن اناعۇرلىم ويداعىداي ساۋلەلەندىرىپ، جاڭا داۋىردەگى وتانشىلدىق بىرلىكساپتى بەكەمدەۋگە جانە دامىتۋعا ءتيىمدى» دەدى چىن شۇي.

　　جالپى بارىستىق حالىق دەموكراتياسىن دامىتۋدا ورنىن وگەيسىتۋگە بولمايتىن رول اتقارادى

　　ساياسي پارتيالار كەڭەسى ءتارتىپتى ورىستەتىلدى. پارتيانىڭ 18 – قۇرىلتايىنان 2022 – جىلى 7 - ايدىڭ سوڭىنا دەيىن پارتيا ورتالىق كوميتەتى ساياسي پارتيالاردىڭ كەڭەس ءماجىلىسىن 185 رەت اشتى، مۇنىڭ ىشىندە باس شۋجي شي جينپيڭ 42 رەت تىكەلەي باسقارىپ اشىپ، كەلەلى ماسەلەلەر جونىندە پارتيا سىرتىنداعى قايراتكەرلەرمەن شىنايى كەڭەسىپ، پىكىر تىڭدادى.

　　ۇكىمەت ىسىنە ارالاسۋ، ۇكىمەت ءىسىن كەڭەسۋ ناتيجەسى قوماقتى بولدى. دەموكراتيالىق پارتيا - توپتاردىڭ ورتالىق كوميتەتتەرى، پارتيادا، توپتا جوق قايراتكەرلەر جاڭا دامۋ ۇستانىمىن دايەكتىلەندىرۋ، جاڭا دامۋ جاعدايىن ورناتۋ، ساپالى دامۋدى ىلگەرىلەتۋ، سونداي - اق «ءبىر بەلدەۋ، ءبىر جول» قۇرىلىسى، بەيجيڭ - تيانجين - حىبەيدىڭ سايكەستى دامۋى، چاڭجياڭ اتىراۋىنىڭ ءبىر تۇلعالانىپ دامۋى، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسى سياقتى كەلەلى ساياساتتاردى بەلگىلەۋ جانە كەلەلى ستراتەگيالاردى اتقارۋ توڭىرەگىندە مىڭنان استام پىكىر - ۇسىنىس قويدى، ءبىر توپ ماڭىزدى ۇسىنىس پارتيا مەن مەملەكەتتىڭ شەشىمىنە اينالدى.

　　دەموكراتيالىق باقىلاۋ تىڭعىلىقتى ىلگەرىلەتىلدى. پارتيا ورتالىق كوميتەتىنىڭ تاپسىرۋىمەن 2016 - جىلدان 2020 - جىلعا دەيىن 8 دەموكراتيالىق پارتيا - توپتىڭ ورتالىق كوميتەتتەرى باعىتتامالى تۇردە 8 كەدەي، حالىق سانى كوپ، كەدەيلەسۋ مولشەرى جوعارى ورتا، باتىس بولەكتەگى ولكەلەردە كەدەيلىكتەن ارىلتۋدان قامال الۋعا دەموكراتيالىق باقىلاۋ جۇرگىزدى، بۇل دەموكراتيالىق پارتيا - توپتاردىڭ ورتالىق كوميتەتتەرىنىڭ مەملەكەتتىڭ كەلەلى ستراتەگياسىنا تۇڭعىش رەت ارناۋلى باقىلاۋ جۇرگىزۋى سانالادى. 2021 - جىلدان باستاپ ءارقايسى دەموكراتيالىق پارتيا - توپتاردىڭ ورتالىق كوميتەتتەرى، پارتيادا، توپتا جوق قايراتكەرلەر چاڭجياڭ وزەنىنىڭ ەكولوگيالىق ورتاسىن قورعاۋ بويىنشا 5 جىلدىق دەموكراتيالىق باقىلاۋ قىزمەتىن ورىستەتتى، 2021 - جىلى ءتۇرلى فورماداعى ناقتى باقىلاۋ - تەكسەرۋ قىزمەتىن 45 رەت ۇيىمداستىرىپ، باعىتتامالى كومەك بەرىلەتىن ولكەلىك پارتكوم مەن ۇكىمەتكە 250 دەن استام پىكىر - ۇسىنىس اڭىس قايتارىپ، «توتە جەتكىزۋ» سياقتى فورمالار ارقىلى ج ك پ ورتالىق كوميتەتىنە 6 نۇسقا ارناۋلى مالىمەت جولدادى.

　　حاۋىپ - قاتەر مەن سىن - سايىسقا توتەپ بەرۋگە دەم بەرەدى. تولىقسىز ساناققا قاراعاندا، 2021 - جىلى 6 - ايعا دەيىن، دەموكراتيالىق پارتيا - توپتاردان، پارتيادا، توپتا جوق قايراتكەرلەردەن جالپى 60 مىڭنان استام ەمدەۋ قىزمەتكەرى ىندەتكە قارسى اتتانۋدىڭ ءبىرىنشى شەبىنە ات سالىسقان، ءارقايسى دەموكراتيالىق پارتيا - توپتاردىڭ ورتالىق كوميتەتتەرى، پارتيادا، توپتا جوق قايراتكەرلەر ج ك پ ورتالىق كوميتەتىنە، مەملەكەتتىك كەڭەسكە جانە قاتىستى تاراۋلارعا 4 مىڭعا جۋىق پىكىر - ۇسىنىس جولداعان، دەموكراتيالىق پارتيا - توپتاردىڭ مۇشەلەرى مەن وزدەرى بايلانىس جاساپ وتىرعان بۇقارا، پارتيادا، توپتا جوق قايراتكەرلەر 5 ميلليارد 108 ميلليون يۋان جىلۋ اقشا، جىلۋ بۇيىم اتاعان.

　　تانىستىرۋعا قاراعاندا، جاڭاشا ساياسي پارتيا ءتۇزىمى دامۋدىڭ تۇتاس بارىسىندا حالىق دەموكراتياسىندا ورنىن وگەيسىتۋگە بولمايتىن رول اتقارعان. ءبىرىنشى، ساياسي پارتيالاردىڭ كەڭەسۋ، ۇكىمەت ىسىنە ارالاسۋ، كەڭەس بەرۋ، دەموكراتيالىق باقىلاۋ سياقتى تۇزىمدىك ورنالاستىرۋلارى ارقىلى مۇددەنى بەينەلەۋ ارناسىن ىركىلىسسىزدەندىرۋ جانە كەڭەيتۋ، حالىقتىڭ اقىل - پاراساتىن كەڭىنەن شوعىرلاندىرۋ، اقىل - كەڭەس بەرۋ، بيلىك باسىنداعى پارتيانىڭ قىزمەتتى جاقسارتۋ رولىن ساۋلەلەندىردى. ەكىنشى، جۇمىس بولسا كوبىرەك اقىلداسۋدى، جۇمىس بولسا وڭتايلى اقىلداسۋدى، جۇمىس بولسا اقىلداسا ءبىلۋدى دارىپتەپ، ءار جاقتىڭ پىكىرىن تولىق تىڭداپ، ورتاق تانىمدى، اقىل - پاراساتتى، كۇش - قۋاتتى، ءار جاقتىڭ بەلسەندىلىگىن جۇمىلدىرىپ، كۇشتى شوعىرلاندىرا وتىرىپ ءىرى ىستەردى ىستەۋ، جاقسى ىستەردى ىستەۋ رولىن ساۋلەلەندىردى. ءۇشىنشى، قاراما - قارسىلىقتىڭ ورنىنا سەلبەستىك پەن كەڭەسۋدى قويىپ، قوعامنىڭ ىشكى قۇراۋىن ازايتۋ، ساياسي ورنىقتىلىق پەن قوعامنىڭ جاراسىمدىلىعىن ساقتاۋ رولىن ساۋلەلەندىردى.

　　ارناۋلى كەڭەس قۇرىلىمدارىنىڭ امالياتىندا جاڭالىق اشۋىن ىلگەرىلەتىپ، ورتاق تانىمدى كەڭىنەن، ىشكەرىلەي ۇيىستىردى

　　ساناققا قاراعاندا، 10 جىلدان بەرى مەملەكەتتىك ساياسي كەڭەس مەملەكەتتىڭ زور ىستەرى، حالىقتىڭ نازارىن اۋدارىپ وتىرعان ماسەلەلەرى توڭىرەگىندە 18 رەت ارناۋلى تاقىرىپتا ۇكىمەت ءىسىن كەڭەسۋ سيپاتتى تۇراقتى كوميتەت ءماجىلىسىن، 20 رەت ارناۋلى تاقىرىپتا كەڭەس ءماجىلىسىن، 140 رەت قوس اپتالىق كەڭەس اڭگىمە ءماجىلىسىن، 16 رەت توراپتا ۇكىمەت ءىسىن كەڭەسۋ الىس ارالىقتى كەڭەس ءماجىلىسىن، 51 رەت ماماندار كەڭەس ءماجىلىسىن اشىپ، كەڭەس ءتاسىلى مەن تۇعىر دانەكەرىن ۇزدىكسىز جاڭالاپ كەمەلدەندىرگەن.

　　زوۋ جيا - ي بىلاي دەپ تانىستىردى: ەكى اپتالىق كەڭەس اڭگىمە ءماجىلىسىن ساياسي كەڭەس مەملەكەتتىك 12 - كەزەكتى كوميتەتى باستاپ اشقان، بۇل كەڭەس جيىلىگىن بارىنشا ارتتىرىپ، كەيبىر ماڭىزدى كەڭەستىك تاقىرىپتاردى دەر كەزىندە تولىق كەڭەسۋگە مۇمكىندىك جاسادى. مەملەكەتتىك 13 - كەزەكتى ساياسي كەڭەس جاڭا جاعداي مەن جاڭا مىندەتتىڭ تالابىنا ۇيلەسىپ، الىس ارالىقتى كەڭەس قوعامى مەن ماماندار كەڭەسىن قۇرىپ، كەڭەسۋدىڭ تەرەڭدىگى مەن كەڭدىگىن ونان ارى كەڭەيتتى. الىس ارالىقتى كەڭەس قوعامى توراپ بەينە ەكرانى ءتاسىلى ارقىلى كەڭەسۋدى كەڭىستىكتەن كاسىپورىن، مەكتەپ، الەۋمەتتىك اۋماق، قىستاق سياقتىلارعا دەيىن كەڭەيتتى.

　　مەملەكەتتىك ساياسي كەڭەس دەموكراتيانى ساۋلەلەندىرۋ مەن ىنتىماقتى نىعايتۋدىڭ ءوزارا توعىسۋىندا تاباندى بولىپ، اقىل - كەڭەس بەرىپ، ورتاق تانىم ۇيىستىرۋعا قوس باعىتتا كۇش سالىپ، پارتيا ىشىنەن پارتيا سىرتىنا، مۇشەلەردەن سالاداعى بۇقاراعا دەيىنگى ورتاق تانىمدى شوعىرلاندىرۋ قىزمەت جاعدايىن كەمەلدەندىردى. ورتاق يدەيالىق - ساياسي نەگىزدە ورتاق تانىمعا جەتەكشىلىك ەتۋگە باسا ءمان بەرىپ، جۇڭگو كوممۋنيستىك پارتياسىنىڭ پارتيا تاريحىن ءتۇيىن ەتكەن «ءتورت تاريح» تاربيەسىن ىشكەرىلەي ورىستەتىپ، ءىس جۇزىندىك جاعدايمەن ۇشتاستىرىپ، «پارتيا قۇرۋ ۇلى رۋحىن ساۋلەلەندىرىپ، اناعۇرلىم زور داڭققا قول جەتكىزۋ» تاقىرىپتىق قيمىلىن ورىستەتتى. كەڭەسۋ بارىسىندا ورتاق تانىم ۇيىستىرۋعا باسا ءمان بەرىپ، ورتاق تانىمدى كۇشەيتۋدى كوزدەن كەشىرۋ، تەكسەرۋ - زەرتتەۋ، كەڭەس ءماجىلىسى سياقتى مىندەت اتقارۋ قيمىلدارىمەن توعىستىرىپ، ءوزارا اۋىس - كۇيىستى كۇشەيتتى. ءوزى ۇيرەنۋ، ءوزىن تاربيەلەۋ بارىسىندا ورتاق تانىمدى كۇشەيتۋگە باسا ءمان بەرىپ، مۇشەلەرمەن سىرلاسۋ، اڭگىمەلەسۋ سياقتى تۇزىمدەر مەن بارلىق مۇشەگە باعىتتالعان كىتاپ وقۋ تۇعىرىن قۇرىپ، ءۇرتىس 3 جىل 34 سالاداعى مۇشەلەردى ارناۋلى كوزدەن كەشىرۋگە ۇيىمداستىردى.

　　ۇسىنىس جوبا قىزمەتى − حالىق ساياسي كەڭەسىنىڭ جالپى جاعدايلىق، امبەباپ، ۇنەمىلىك قىزمەتى، حالىق ساياسي كەڭەسىنىڭ فۋنكتسياسىن اتقارۋداعى ەڭ نەگىزگى تاسىلدەرىنىڭ ءبىرى. جاڭ جيڭ - ان بىلاي دەپ تانىستىردى: پارتيانىڭ 18 - قۇرىلتايىنان بەرى مەملەكەتتىك ساياسي كەڭەس باس شۋجي شي جينپيڭنىڭ قاتىستى ماڭىزدى نۇسقاۋلارىنىڭ رۋحىن مۇقيات دايەكتىلەندىرىپ، تياناقتاندىرىپ، ۇسىنىس جوبا قىزمەتىنىڭ ساپاسىن كۇش سالا جوعارىلاتتى. 10 جىلدان بەرى مەملەكەتتىك ساياسي كەڭەس 58 مىڭنان استام ۇسىنىس جوبا تاپسىرىپ الدى، تەكسەرۋ ارقىلى 47 مىڭنان استام ۇسىنىس جوبا ارحيۆكە الىندى. ءبىر توپ پىكىر، ۇسىنىس قابىلدانىپ، ەكونوميكانىڭ، قوعامنىڭ دامۋىن ىلگەرىلەتەتىن ساياساتتىق شاراعا اينالىپ، پارتيا مەن ۇكىمەتتىڭ عىلمي، دەموكراتيالى شەشىم جاساۋىنا ماڭىزدى پايدالانۋ ماتەريالى ازىرلەندى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

وقىرمان نازارىنا

بۇل حابارعا باعاڭىز

1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.

ورتالىق
ەل ءىشى
شينجياڭ
حالىقارا

سۋرەتتى حابار

مادەنيەت

تەلەفون: 67 /65368365-010 ‍حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved