7 تاراۋ ۇقتىرۋ باسىپ تاراتىپ، اۋىل – قىستاقتاعى الەۋمەتتىك دارەتحانا قۇرىلىسى مەن ونى باسقارۋدى كۇشەيتپەكشى
2022.08.17 13:05 كەلۋ قاينارى : حالىق تورابى
شينحۋا اگەنتتىگىنىڭ 8 – ايدىڭ 16 – كۇنى بەيجيڭنەن بەرگەن حابارى. اۋىل شارۋاشىلىعى، اۋىل – قىستاق مينيسترلىگى قاتارلى 7 تاراۋ تاياۋدا اۋىل – قىستاق الەۋمەتتىك دارەتحانا قۇرىلىسىن جانە ونى باسقارۋدى كۇشەيتۋ جونىندەگى ۇقتىرۋدى بىرلەسىپ باسىپ تاراتىپ، كەيبىر جەرلەردىڭ اۋىل – قىستاق الەۋمەتتىك دارەتحانالارىنىڭ ورنالاسۋى ۇيلەسىمسىز بولۋ، باسقارۋى جەتەرسىز بولۋ، قامتاماسىزداندىرۋى جەتەرسىز بولۋ سياقتى ماسەلەلەرىنە قاراتا ءبىرقىدىرۋ ولشەمدى شارانى ورتاعا قويدى.
بۇل ءتىلشىنىڭ 8 – ايدىڭ 16 – كۇنى اۋىل شارۋاشىلىعى، اۋىل ـ قىستاق مينيسترلىگىنەن ۇعىسقان حابارى.
ۇقتىرۋدا بىلاي دەپ اتاپ كورسەتىلدى: جەر ـ جەر ساننىڭ ساپاعا، قارقىننىڭ ناقتى ونىمدىلىككە بويسۇنۋىنا، تەز بولۋعا ەمەس، جاقسى بولۋعا ۇمتىلۋ پرينسيپتىك تالابىن باستان ـ اياق ساباقتاستىرىپ، جەرگىلىكتى جاعدايعا قاراي ىستەۋگە، عىلىمي ورنالاستىرۋعا، قۇرىلىس جۇرگىزۋگە، باسقارۋعا تەڭ ءمان بەرۋگە، ۇزاق ۋاقىت ءونىمدى جۇمىس جۇرگىزۋگە تاباندى بولىپ، سالىنىپ بولۋعا، كادەگە جاراتۋعا، ۇزاق ۋاقىت يگىلىكتەنۋگە كەپىلدىك ەتىپ، جاقسى ىستەردى شىن مانىندە ويداعىداي ىستەپ، بۇقارانى رازى ەتۋ كەرەك.
ۇقتىرۋدا مىنالار باسا دارىپتەلدى: قاجەتكە قاراي اۋىل ـ قىستاق الەۋمەتتىك دارەتحاناسىن عىلىمي ورنالاستىرىپ، شارۋالاردىڭ پىكىرىن تولىق تىڭداپ، وڭىرلىك شارت ـ جاعداي، قىستاقتىڭ ۇلكەن ـ كىشىلىگى، جان سانى كولەمى، كاسىپ ەرەكشەلىگى، حالىقتىق سالت ـ سانا، ادامداردىڭ اعىلۋى سياقتى عىلىمي دالەلدەۋدىڭ قاجەتتىلىگى مەن جارامدىلىعىنا ساي ورنالاستىرۋ كەرەك. اۋىل – قىستاق الەۋمەتتىك اۋماقتارىنىڭ جالپىلىق قىزمەت وتەۋ ورتالىعى، نەگىزگى ساتى جالپىلىق مادەنيەت قيمىل ورتالىعى، ساۋدا بازارى، اۋىل – قىستاق ساياحات كورىنىس رايونى (ءتۇيىنى) سياقتى الەۋمەتتىك ورىنداردا، مەملەكەتتىك، ولكەلىك نەگىزگى تاس جولداردا، اۋىل – قىستاق تاس جولدارىندا، سونداي - اق ورتالىق قىستاق سياقتى حالىق سانى ءبىرشاما شوعىرلى وڭىرلەردە الەۋمەتتىك دارەتحانا قۇرىلىسىن جەدەلدەتۋ كەرەك؛ ادام سانى از قالعان «بوس قالعان قىستاق»، كوشىرىلەتىن، بىرىكتىرىلەتىن قىستاق سياقتى جەرلەردە شىنىندا سالۋعا تۋرا كەلسە، قاراپايىم نەمەسە جىلجىمالى الەۋمەتتىك دارەتحانا سالۋ ارقىلى ديقانداردىڭ تازالىق دارەتحاناسىنان پايدالانۋ ماسەلەسىن ۋاقىتشا شەشۋگە بولادى.
ۇقتىرۋدا مىنالار تالاپ ەتىلدى: جەرگىلىكتى جاعدايعا قاراي دارەتحانانىڭ تەحنيكالىق ۇلگىسىن تاڭداۋدا سۋلى جەردە سۋدان پايدالاناتىن، قۇرعاق جەردە قۇرعاقتان پايدالاناتىن ۇلگىدەگى دارەتحانانى تاڭداۋ كەرەك؛ ەكولوگيالىق ورتانى قورعايتىن، وزىندىك قۇنى تومەن، وڭاي جوندەيتىن پىسىپ - جەتىلگەن تەحنيكالاردى، سونداي - اق سۋ ۇنەمدەۋ، ەنەرگيا ۇنەمدەۋ، سۋىقتان ساقتانۋ، ساسىق ءيىستى جويۋ سياقتى جاڭا تەحنيكالاردى، جاڭا ماتەريالداردى قولدانۋعا دەم بەرۋ كەرەك. قالا، اۋدانداردىڭ جاۋاپكەرشىلىك تۇلعالارىن، قالاشىق، قىستاقتاردىڭ باسقارۋ، قورعاۋ تۇلعالارىن، شارۋالاردىڭ يگىلىككە كەنەلۋ تۇلعالارى قالىپتاستىرعان «ءۇشتى ءبىر تۇلعالاندىرعان» اۋىل - قىستاق الەۋمەتتىك دارەتحانالارىن باسقارۋ، قورعاۋ جاۋاپكەرشىلىك جۇيەسىن جەدەل ورناتۋ كەرەك. وركەنيەتتى دارەتحانا سالتىن دارىپتەپ، الەۋمەتتىك دارەتحانا وركەنيەتىن جالپىلاستىرۋ ۇگىتىن كۇشەيتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
