از ۇلتتاردىڭ ءتىلى مەن مادەنيەتىن قورعاۋدا، قولدانۋعا قولداۋ كورسەتۋ ەڭ جاقسى قورعاۋ شاراسى سانالادى
2022.08.18 15:56 كەلۋ قاينارى : حالىق تورابى
ورتالىق تەلەۆيزيا تورابىنىڭ حابارى: «مەنىڭشە، ولاردىڭ قولدانۋىنا قولداۋ كورسەتۋ ەڭ جاقسى قورعاۋ شاراسى سانالادى». 8 – ايدىڭ 17 – كۇنى، ج ك پ ورتالىق كوميتەتىنىڭ ۇگىت ءبولىمى جاڭا داۋىردەگى ۇلتتار ىنتىماعىن ىلگەرىلەتۋ ىستەرىندەگى جەتىستىكتەر مەن شارالار جونىندە اقپار جاريالاۋ ءماجىلىسىن وتكىزدى، مەملەكەتتىك ۇلتتىق ىستەر كوميتەتىىڭ ورىنباسار مەڭگەرۋشىسى جاۋ يۇڭ ءتىلشىنىڭ سۇراۋىنا جاۋاپ بەرگەن كەزدە: از ۇلت بۇقاراسىنىڭ ءوز ءتىلىن ۇيرەنۋىنە، قىزمەت جانە تۇرمىس بارىسىندا ءوز ءتىلىن قولدانۋىنا ەشقانداي كەدەرگى جوق، ءىشىنارا باتىس اقپارات قۇرالدارى قاساقانا قارلاعانىنداي اتالمىش مادەنيەتتى جويۋ تەكتەس ماسەلەلەر مۇلدە بولعان ەمەس، — دەدى.
ءىس جۇزىندە، جۇڭگونىڭ نەگىزگى زاڭى جانە مەملەكەت بويىنشا ءبىرتۇتاس قولدانىلاتىن ءتىل – جازۋ زاڭىندا مەملەكەت بويىنشا ءبىرتۇتاس قولدانىلاتىن ءتىل – جازۋدىڭ زاڭدى ورنى ايقىن بەلگىلەنۋمەن بىرگە، از ۇلتتاردىڭ ءوز ءتىلىن ۇيرەنۋ جانە ونى پايدالانۋ ەركىندىگىن قامتاماسىزداندىرۋ كەرەك ەكەندىگى دە ايقىندالعان. مەملەكەت بويىنشا ءبىرتۇتاس قولدانىلاتىن ءتىلدى زاڭ بويىنشا كۇش سالا جالپىلاستىرۋمەن بىرگە، جۇڭگو ۇكىمەتى از ۇلتتاردىڭ ءوز ۇلتىنىڭ ءتىلىن قولدانۋ ەركىندىگىنە تولىق قۇرمەت ەتەدى ءارى قامتاماسىزداندىردى، ولاردىڭ ءوز ۇلتىنىڭ ءتىلىن ۇيرەنۋى مەن قولدانىلۋىنا بارلىق شارت – جاعدايلاردى جاراتتى.
ۇيرەنۋ تۇرعىسىنان الىپ ايتقاندا، ورتا، باستاۋىش مەكتەپتەردە زاڭعا ساي مەملەكەت بويىنشا ءبىرتۇتاس قولدانىلاتىن ءتىل – جازۋداعى ساباقتاردى ورنالاستىرۋمەن بىرگە، ءىس جۇزىندىك جاعدايعا نەگىزدەلە وتىرىپ، از ۇلتتاردىڭ ءتىل – جازۋىنداعى ساباقتاردى دا ورنالاستىردى، وتە – موتە، ۇلتتىق اۆتونوميالى وڭىرلەردە، از ۇلتتاردىڭ جان سانى ءبىرشاما شوعىرلانعان جەرلەردە جاپپاي وسىلاي ىستەلدى. از ۇلتتاردىڭ ءتىل – جازۋىن ۇيرەنۋدى قالايتىن از ۇلت بۇقاراسىنىڭ بارلىعىنا دا ءوز ۇلتىنىڭ ءتىلىن ۇيرەنەتىن جانە قولداناتىن وراي بار، مۇنان سىرت، مەكتەپتەن اتتانىپ، قوعام قۇشاعىنا قادام تاستاعان ادامدار مەن مەملەكەت بويىنشا ءبىرتۇتاس قولدانىلاتىن ءتىل – جازۋدى ءالى جەتىك مەڭگەرمەگەن ءىشىنارا ادامدارعا مەملەكەت بويىنشا ءبىرتۇتاس قولدانىلاتىن ءتىل جازۋدى ۇيرەنۋ كۋرسىن ۇيىمداستىرۋمەن بىرگە، از ۇلتتاردىڭ ءتىلىن ۇيرەنۋىن دە قامتاماسىزداندىردى.
از ۇلت بۇقاراسىنىڭ ساياسي ومىرىندە، قوعامدىق تۇرمىسىندا اقپارات – باسپا ءسوز سىندى جاقتاردا دا شارت – جاعداي ازىرلەدى. ساياسي ءومىرى جاعىندا، ەكى ماجىلىستە باسىپ تاراتىلعان قۇجاتتاردىڭ از ۇلتتاردىڭ جازۋىنداعى ارناۋلى نۇسقاسى بار. ءادىليالىق قىزمەت بارىسىندا، از ۇلت بۇقاراسىنىڭ از ۇلتتاردىڭ ءتىل – جازۋىن قولدانۋ ارقىلى ارىز – شاعىم ايتۋىنا شارت – جاعداي ازىرلەنگەن، شينجياڭ، شيزاڭ سياقتى جەرلەردە تۇگەل از ۇلت ءتىل – جازۋىنداعى راديو، تەلەۆيزيا اشىلعان، كوپتەگەن از ۇلتتاردىڭ ءتىل – جازۋىندا مەرزىمدى باسىلىمدار شىعادى، بۇل از ۇلت بۇقاراسىنىڭ تۇرمىسىنا قولايلىلىق جاراتادى. ينتەرنەت جاعىندا دا، از ۇلت بۇقاراسىنىڭ از ۇلتتاردىڭ تىلىندە ەمىن – ەركىن ينفورماتسياعا يە بولۋىنا، ۇيرەنۋىنە جانە اۋىس - كۇيىس جاساۋىنا بولادى.
جاۋ يۇڭ از ۇلتتاردىڭ ءتىلىن، مادەنيەتىن قالاي قورعاۋ تۋرالى توقتالعاندا بىلاي دەپ قارادى: ولاردىڭ قولدانۋىنا قولداۋ كورسەتۋ ەڭ جاقسى قورعاۋ شاراسى سانالادى. قولدانۋ جانە قورعاۋمەن بىرگە، ەلىمىزدە حۇيزۋ ۇلتى مەن مانزۋ ۇلتى حانزۋ ءتىلىن قولدانۋدان سىرت، 53 از ۇلتتىڭ ءوز ءتىلى بار، 22 از ۇلت 28 ءتۇرلى جازۋدى قولدانادى، ولاردىڭ قولدانۋىنا كوڭىل ءبولۋ، قولداۋ كورسەتۋدەن سىرت، قاتىستى تاراۋلار وسىزاماندانعان تاسىلدەردى قولدانىپ قورعاپ، «جۇڭگو ءتىل بايلىعى دەرەكتەر قامباسىن» ارناۋلى جوبالاپ، بۇل ءتىل – جازۋلاردى جينادى، رەتتەدى، دامىتتى جانە پايدالاندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
