مەملەكەتتىك مەديتسينالىق قامتاماسىزداندىرۋ مەكەمەسى: كاسىپتەنبەگەن ايەلدەردىڭ تۋىتقا قاتىستى ەمدەلۋ قاراجاتىن مەديتسينالىق قامسىزداندىرۋ ەسەبىنەن كوتەرۋگە بولادى
2022.08.18 15:53 كەلۋ قاينارى : حالىق تورابى
مەملەكەتتىك دەنساۋلىق ساقتاۋ – سالاماتتىق كوميتەتى 8 – ايدىڭ 17 – كۇنى تۇستەن بۇرىن اقپار جاريالاۋ ءماجىلىسىن اشىپ، «تۋىتقا بەلسەندى قولداۋ كورسەتۋ شارالارىن اناعۇرلىم كەمەلدەندىرۋ جانە تياناقتاندىرۋ جونىندەگى جەتەكشى پىكىرگە» قاتىستى جاعدايلاردى تانىستىردى. مەملەكەتتىك مەديتسينالىق قامتاماسىزداندىرۋ مەكەمەسى يگىلىكتەنۋ ۇقىعىن قامتاماسىزداندىرۋ مەڭگەرمەسىنىڭ ورىنباسار باستىعى ليۋ جۋان بىلاي دەپ تانىستىردى: جۋىرداعى جىلداردان بەرى، تۋىت قامسىزداندىرۋىنا قاتىناسقانداردىڭ سانى ۇزدىكسىز ارتىپ، قامتيتىن كولەمى اناعۇرلىم كەڭەيدى. 2021 – جىلى تۋىت قامسىزداندىرۋىنا قاتىناسقانداردىڭ سانى 240 ميلليون ادام بولدى، بۇل 2012 – جىلداعىنىڭ 1.5 ەسەسىندەي. كاسىپتەنبەگەن جانە يكەمد كاسىپتەنۋشى ايەلدەردىڭ تۋىت بارىسىندا تۋىنداعان ەمدەلۋ قاراجاتىن نەگىزدىك مەديتسينالىق قامسىزداندىرۋعا قاتىناستىرۋ ارقىلى بەلگىلەمە بويىنشا ەسەپتەن كوتەرۋگە بولادى. «جەتەكشى پىكىردە» جەرگىلىكتى ورىنداردىڭ يكەمدى كاسىپتەنۋشىلەردى تۋىت قامسىزداندىرۋىنىڭ قامتيتىن كولەمىنە ەنگىزۋ جاعىندا ىزدەنىس جاساۋىنا جەتەكشىلىك ەتۋ ورتاعا قويىلعان، باستىسى مىناداي ءۇش جاقتان ويلاستىرىلعان:
بىرىنشىدەن، ءتۇزىمدى اقاۋسىزداندىرۋ جانە كەمەلدەندىرۋ. جاڭا كاسىپ كۇيىنىڭ، جاڭا ەكونوميكانىڭ دامۋىنا بايلانىستى، ءارقايسى جاقتار يكەمدى كاسىپتەنۋشىلەردىڭ الەۋمەتتىك قامتاماسىزداندىرۋ ماسەلەسىنە توتەنشە نازار اۋدارىپ وتىر. يكەمدى كاسىپتەنۋشىلەردىڭ تۇراقتى قىزمەت ورنى بولمايتىندىقتان، تۋىت قامسىزداندىرۋىنا قاتىستى زاڭدا بەلگىلەنگەن قامتيتىن كولەمگە جاتپايدى، يكەمدى كاسىپتەنگەندەردى تۋىت قامسىزداندىرۋىنا قاتىناستىرۋ جاعىندا ىزدەنىس جاساۋ ءتۇزىمدى اقاۋسىزداندىرۋعا ءتيىمدى بولىپ قالماستان، ساياساتتىڭ قامتىمدىلىعىن دا تولىق ايگىلەيدى.
ەكىنشىدەن، يكەمدى كاسىپتەنۋشىلەردىڭ تۋىتقا قاتىستى ۇقىق – مۇددەسىن قامتاماسىزداندىرۋ. يكەمدى كاسىپتەنگەن ايەلدەردىڭ كوبى تۋىت جاسىندا بولادى، يكەمدى كاسىپتەنۋشىلەردىڭ تۋىت قامسىزداندىرۋىنا قاتىناسۋىنا رۇقسات بەرۋ ءارى تۋىتقا قاتىستى قوسىمشا قاراجات بەرۋ تۋىتقا قاتىستى قامتاماسىزداندىرۋدى كۇشەيتۋگە ءتيىمدى.
ۇشىنشىدەن، ايەلدەردىڭ يكەمدى كاسىپتەنۋىن ىلگەرىلەتۋ. يكەمدى كاسىپتەنۋشىلەردىڭ كاسىپتەنۋى تۇراقسىز بولاتىندىقتان، تۋىت مەزگىلىندە كىرىسى بەلگىلى دەڭگەيدە ىقپالعا ۇشىرايدى، ولاردى قامتاماسىزداندىرۋ كولەمىنە ەنگىزۋ ولاردىڭ بالالى بولۋدان الاڭداماۋىنا ءتيىمدى. مۇنان سىرت، جەرگىلىكتى ورىندار اماليات بارىسىندا ءىشىنارا وڭىرلەردە يكەمدى كاسىپتەنۋشىلەردى تۋىت قامسىزداندىرۋىمەن قامتاماسىزداندىرۋ كولەمىنە ەنگىزۋ جونىندە ىزدەنىس جاساپ، جۇمىسشى – قىزمەتكەرلەردى مەديتسينالىق جاقتان قامسىزداندىرۋعا قاتىناستىرۋمەن بىرگە، تۋىت قامسىزداندىرۋىنا دا قاتىناستىردى ءارى تۋىتقا قاتىستى قوسىمشا قاراجاتتان يگىلىكتەندىردى، امالياتتا ناتيجەسى جاقسى بولدى. «جەتەكشى پىكىردە» ىزدەنىس جاساۋ باعدارى اناعۇرلىم ايقىندالىپ، يكەمدى كاسىپتەنۋشىلەردىڭ ەمدەلۋ جانە تۋىت جاعىنداعى ۇقىق – مۇددەلەرىن قامسىزداندىرۋعا اناعۇرلىم ويداعىداي كەپىلدىك ەتىلگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
