شينجياڭدا ىندەت تارالعان جەر ازايا باستادى
الايدا ءىشىنارا ايماق، وبلىس، قالالاردا ءالى دە اۋاشالاۋ ورنىنان سىرت جەرلەردە ىندەتكە شالدىققاندار بايقالۋدا
2022.08.22 14:35 كەلۋ قاينارى : حالىق تورابى
حالىق تورابىنىڭ 8 – ايدىڭ 21 – كۇنى ۇرىمجىدەن بەرگەن حابارى. 8 – ايدىڭ 21 – كۇنى كەشتە، شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات كەڭسەسى ىندەتتەن ساقتانۋ – تىزگىندەۋ جونىندەگى اقپار جاريالاۋ ءماجىلىسىن اشتى. ماجىلىستە اۆتونوميالى رايوندىق دەنساۋلىق ساقتاۋ – سالاماتتىق كوميتەتى پارگرۋپپاسىنىڭ مۇشەسى حۋ جىچۇن اۆتونوميالى رايونداعى جاڭا تيپتى ايدارشا ۆيرۋس وكپە قابىنۋ ىندەتى جاعىنداعى ەڭ جاڭا جاعداي مەن ىندەتتىڭ حاۋىپ – قاتەرى جونىندەگى تۇجىرىمدى تانىستىردى.
ءۇرتىس قامال الۋ ارقىلى شينجياڭ بويىنشا ىندەتتىڭ تارالۋ اۋقىمى جالپى جاقتان تەجەلە باستادى. قازىرگە دەيىن، 17 اۋدان، قالا، رايوندا ۇزدىكسىز 7 كۇن جاڭادان ارتقان جۇعىمدالۋشى جونىندە مالىمەت بەرىلمەدى، 22 اۋدان، قالا، رايوندا ۇزدىكسىز 3 كۇن جاڭادان ارتقان جۇعىمدالۋشى جونىندە مالىمەت بەرىلمەدى، ىندەت تارالعان جەر ازايا باستادى؛ جۋىرداعى 3 كۇننەن بەرى تەكسەرۋ ناتيجەسى بولىمدى بولدى دەپ مالىمەت بەرىلگەن جۇعىمدالۋشىلاردىڭ سانى جەكە – جەكە 225 ادام، 118 ادام جانە 201 ادام بولدى، كۇن سايىن بەرىلەتىن مالىمەتتەگى جۇعىمدالۋشىلاردىڭ سانى ءالى دە جوعارى بولعانمەن، بۇل ساندى الدىڭعى مەزەتتەگى جۇعىمدالۋشىلار سانى جوعارى بولعان كەزدەگىمەن سالىستىرعاندا، نەداۋىر تومەندەگەن، مۇندا،ءىشىنارا ايماق، وبلىس، قالالاردا جۋىردا اۋاشالاۋ ورنىنان سىرت جەرلەردە ءالى دە ىندەتكە شالدىققانداردىڭ بايقالعانى جونىندە مالىمەت بەرىلۋدە، ىندەتتەن ساقتانۋ – تىزگىندەۋ اۋقىمى ءالى دە قيىن ءارى كۇردەلى.
ىندەت تۋىلعاننان بەرى، ىندەت تارالعان وڭىرلەردەگى ءار ۇلت بۇقاراسى بۇكىل اۆتونوميالى رايوننىڭ ىندەتتەن ساقتانۋ – تىزگىندەۋ جالپى جاعدايىنا زور بوداۋ بەردى جانە ۇلەس قوستى. قازىر ىندەتتەن ساقتانۋ – تىزگىندەۋ ەڭ شەشۋشى ۇمتىلىس كەزەڭىنە ءوتتى، ءبىز، ءسوزسىز، قيىنشىلىقتى كۇش سالا جەڭۋىمىز كەرەك، تيتتەي دە نەمقۇرايدىلىق ىستەۋىمىزگە، تيتتەي دە بوساڭسۋىمىزعا بولمايدى. ىندەتتەن ساقتانۋ – تىزگىندەۋ — ءاربىر ادام جاۋاپكەرشىلىك ارقالايتىن، ءاربىر ادام قاتىناساتىن بۇكىل حالىقتىق ارەكەت، ءاربىر ادامنىڭ قالىس قالۋىنا بولمايدى. وسى ورايدا بارشا بۇقارانىڭ ءوز باسىنان باستاپ ىسكە كىرىسىپ، ۇساق ىستەردەن باستاپ ىستەپ، جەرگىلىكتى ورىننىڭ ىندەتتەن ساقتانۋ – تىزگىندەۋ قىزمەتىندەگى ءتۇرلى شارالارىن جاپپاي تياناقتاندىرىپ، حاۋىپ – قاتەر دارەجەسى جوعارى وڭىرلەردە «ۇيدەن شىقپاۋ، وتباسىنا بارىپ قىزمەت وتەۋ» شاراسىن، حاۋىپ – قاتەر دارەجەسى ورتاشا وڭىرلەردە «شاعىن اۋماقتان شىقپاۋ، زات العاندا ءبىر ۋاقىتقا شوعىرلاندىرماۋ» شاراسىن، حاۋىپ – قاتەر دارەجەسى تومەن وڭىرلەردە «ءوزىن ءوزى قورعاۋ، توپتاسۋدان ساقتانۋ» شاراسىن بۇلجىتپاستان تياناقتاندىرىپ، ىندەتتىڭ تارالۋ جولىن ءونىمدى ءۇزۋىن ءۇمىت ەتەمىز. بۇكىل اۆتونوميالى رايونداعى ءار ۇلت بۇقاراسى ءبىر نيەتپەن ىنتىماقتاسىپ، ءبىر جەڭنەن قول، ءبىر جاعادان باس شىعارسا، ءبىزدىڭ وسى رەتكى ىندەتتەن ساقتانۋ – تىزگىندەۋدە قامال الۋ شايقاسىنىڭ جەڭىسىنە ەرتەرەك قول جەتكىزەتىنىمىز داۋسىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
