جەر - جەر جەمىس - جيدەكتىڭ جيناپ الىنۋىنا، ساتىلۋىنا كۇش سالا كەپىلدىك ەتتى
□ انار بۇلت \ شينجياڭ گازەتىنىڭ تىلشىلەرى
2022.08.19 15:59 كەلۋ قاينارى : شينجياڭ گازەتى
قازىر رايونىمىزداعى ءتۇرلى اۋىل شارۋاشىلىق ەرەكشە، ساپالى جەمىس - جيدەك ونىمدەرى ىركەس - تىركەس جيناپ الىنۋ مەزگىلىنە ءوتتى، جەر - جەردەگى پارتيا مۇشەلەرى مەن كادرلار، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتتەرى، ەرىكتىلەر قوسىندارى ىندەتتەن ساقتانۋ - تىزگىندەۋدى ويداعىداي ىستەۋمەن بىرگە، اتىز باسىنا بارىپ شارۋالاردىڭ جەمىستەردى دەر كەزىندە جيناپ الۋىنا كومەكتەستى ءارى كوپ ءتۇرلى جولدار ارقىلى اۋىل شارۋاشىلىق ونىمدەرىنىڭ ساتىلۋىنا كومەكتەستى.
”قىستاق پارتيا ياچەيكاسىنىڭ كومەگىندە ساتۋدان الاڭدامايتىن بولدىق“
”ءبىز 500 مۋ جەرگە ميا قاۋىن ەكتىك، مەجەمەن جالپى ءونىم مولشەرى 1200 توننا بولادى، قازىر 900 توننادان استامىن جيناپ الىپ ساتتىق“. 8 - ايدىڭ 17 - كۇنى باركول قازاق اۆتونوميالى اۋدانى سانتاڭحۋ قالاشىعى شياۋبيڭ ەگىمشىلىك كاسىپتىك سەلبەستىك كووپەراتيۆىنىڭ قاۋىن اتىزىندا كووپەراتيۆ مۇشەلەرى جيناۋ، قوراپتاۋ، تاسۋ، اۆتوموبيلگە تيەۋ جۇمىستارىمەن قاربالاس بولىپ جاتتى. سەلبەستىك كووپەراتيۆىنىڭ باس جوراسى يان شياۋبيڭ بىلاي دەدى: ميا قاۋىنىنىڭ قانت قۇرامى جوعارى، ءدامى ءتىل ۇيىرەدى، جىل باسىندا - اق گۋاڭدۇڭ سياقتى جەرلەردەگى ساۋداگەرلەر الدىن الا بارىنە تاپسىرىس بەرىپ قويعان. دەر كەزىندە جيناپ الۋعا، جونەلتۋگە شىنايى كەپىلدىك ەتۋ ءۇشىن، سەلبەستىك كووپەراتيۆىمىز قالاشىق ۇكىمەتىنىڭ كومەگىندە ادام كۇشىن، اۆتوموبيلدەردى ۇيىمداستىرىپ جينادى، تيەدى، تاسىدى، قازىر ءار كۇنى 100 توننا شاماسىندا جونەلتەمىز.
قازىر جىڭ اۋدانى ماڭديڭ اۋىلى بەساعاش قىستاعىندا قاۋىننان مول ءونىم الىندى، ايتسەدە مۇنى ساتۋ كوپتەگەن قىستاق تۇرعىنىنىڭ باسىن قاتىردى. قاۋىننىڭ ساتىلۋ ارناسىن كەڭەيتۋ ءۇشىن، قىستاق پارتيا ياچەيكاسى پارتيا مۇشەلەرى مەن كادرلاردى ”ينتەرنەت جەلىسىندە، ينتەرنەت جەلىسىنەن تىسقارى“ قاۋىن ساتۋ ارەكەتىن ورىستەتۋگە بەلسەندىلىكپەن ۇيىمداستىرىپ، ۋيشين توبىندا، دوستار شەڭبەرىندە ايعايلاپ ”زات ساتۋ“ ارقىلى، كوپ ارنامەن ساتۋ تورىن قالىپتاستىردى. سونىمەن بىرگە، قىستاق پارتيا ياچەيكاسىنىڭ شۋجيى قاۋىن شارۋالارىن ”اتىز باسىندا باسقالاردىڭ ساتىپ اكەتۋىن كۇتىپ وتىرۋدان“ ”سىرتقا شىعىپ بازار ىزدەۋگە“ جەتەكتەپ، قاۋىن شارۋالارىن ءارقايسى ۇلكەن ەرەن بازارلارمەن، اۋىل شارۋاشىلىق جانە قوسىمشا كاسىپ ونىمدەرى بازارىمەن ۇشتاسۋعا باستادى. قازىر جيىنى قىستاق تۇرعىندارىنىڭ 5 توننا قاۋىن ساتۋىنا كومەكتەستى.
”بيىل وتباسىمىز 40 مۋ جەرگە قاۋىن ەكتى. قىستاق پارتيا ياچەيكاسىنىڭ زور كۇشپەن ۇگىتتەۋىمەن جانە كومەگىمەن قازىرگە دەيىن 40 نەشە مىڭ يۋاننىڭ قاۋىنىن ساتتىق، تاعى ءبىرتالاي ادام تەلەفونمەن زاكاز بەرۋدە، ساتۋدان الاڭدامايتىن بولدىم“، - دەدى قاۋىنشى امانتاي مۇستافا.
8 - ايدىڭ 16 - كۇنى چارقىلىق اۋدانى ۋاشاري قالاشىعى ۇدۇلوستەڭ قىستاعىنىڭ اتىزىندا پارتيا مۇشەلەرى ەكپىندىلەر اترەتى مەن ەرىكتىلەر قىزمەت وتەۋ اترەتى ەگىمشىلەرمەن بىرگە قۇمىل قاۋىنىن، قاربىز جيناۋمەن قاربالاس بولدى. ”قىستاق پارتيا ياچەيكاسى ماعان كومەكتەسىپ اۋداندىق قامداۋ - ساتۋ كووپەراتيۆىمەن قۇمىل قاۋىنىن ساتىپ الۋ جونىندە بايلانىس جاساۋىنىڭ ارقاسىندا، دەر كەزىندە ساتىلدى“، - دەدى قىستاق تۇرعىنى سىمايىل داۋۇت.
”ەرىكتىلەرگە راقىمەت، المالارىمنىڭ اتىزدا ءشىرىپ قالۋىنان الاڭدامايتىن بولدىم“
قۇمىل قالاسى يجوۋ رايونى تاۋجياگۇڭ قالاشىعى يا - ۋلۇڭ قىستاعى 3000 نەشە مۋ جەرگە ءجۇزىم ەككەن، قازىر قاۋىرت ساتىلاتىن مەزگىل. بىرنەشە كۇننەن بەرى بيڭتۋان 13 - شىسى شينشيڭ قالاسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ مۇشەلەرى مەن قىستاق كادرلارىنان ۇيىمداسقان شارۋالارعا كومەكتەسۋ قىزمەت وتەۋ اترەتى وتباسىلاردىڭ ءجۇزىم ۇزۋىنە كومەكتەسىپ، اترەت مۇشەلەرى ءبولىنىپ ءۇزىپ، ۇلاسپالى جۇمىس ىستەپ، ءار كۇنى ورتا ەسەپپەن 2 توننادان ارتىق ءۇزىپ قوراپتادى.
8 - ايدىڭ 14 - كۇنى ونسۋ اۋدانى كوكيار قالاشىعى كوكيار قىستاعىنداعى جەمىس ءوسىرۋشى ليۋ لياننىڭ جەمىس باعىندا جيناپ الۋعا، ساتۋعا كومەكتەسۋگە كەلگەن ەرىكتىلەردىڭ شارباق - شارباق قىپ - قىزىل المالاردى جەمىس باعىنان كوتەرىپ شىققانىن كورگەندە، ليۋ ليان ىشتەي قۋانىپ: ”ەرىكتىلەرگە راقىمەت، سىزدەردىڭ كومەكتەرىڭىزدىڭ ارقاسىندا المالارىمنىڭ اتىزدا ءشىرىپ قالۋىنان الاڭدامايتىن بولدىم“، - دەدى.
جەمىس ورمانى ەگىمشىلىگىن نەگىز ەتەتىن كوكيار قالاشىعىندا الما ەگىلگەن جەردىڭ اۋدانى 20 مىڭ مۋدان اسادى، مۇندا ارالاستىرا ەگىلگەن ەرتە پىساتىن الما 600 مۋ، جالپى ءونىم مولشەرى شامامەن 1500 توننا. بىرنەشە كۇننەن بەرى تۇتاس قالاشىقتا ءار كۇنى 20 تونناداي الما جينالدى، بۇل المالاردى ۇكىمەت كۇنى بۇرىن بايلانىس جاساعان ساۋداگەرلەر اتىز باسىندا ساتىپ اكەتىپ، شينجياڭنىڭ سىرتىنداعى بازارلارعا ساۋدالادى.
ءۇشتۇرپان اۋدانى ءۇشتۇرپان قالاشىعى جيۋيانچۋان قىستاعىنداعى 350 مۋ جەردەگى شابدالى پىساتىن مەزگىلگە ءوتتى، ءار كۇنگى ءونىم مولشەرى 8 توننا اينالاسىندا. ءۇشتۇرپان قالاشىعى پارتكومى ەرىكتىلەردى، قىستاق كادرلارىن اتتانىسقا كەلتىرىپ، شابدالىنى جيناۋعا، سۇرىپتاۋعا، قوراپتاۋعا كومەكتەستى. سونىمەن بىرگە، تۇتاس قالاشىقتاعى كادرلاردى ۋيشين توبى، دوستار شەڭبەرى سياقتى جولداردان پايدالانىپ ساتۋ ارناسىن كەڭەيتۋگە اتتانىسقا كەلتىردى، قازىر 80 توننا شابدالى ساتىلدى.
8 - ايدىڭ 14 - كۇنى كونەءشار اۋدانى مۇش اۋىلى وستەڭبويى قىستاعىنداعى سارى شابدالى ەگەتىن ياڭ يانحۇڭنىڭ شابدالى باعىندا، ەرىكتىلەر مەن قىستاق تۇرعىندارى جيناۋمەن، قوراپتاۋمەن، سىرتقا تاسۋمەن ابىگەر بولدى. ”سارى شابدالى ءبىزدىڭ مۇش اۋىلىنىڭ اۋىل شارۋاشىلىق ەرەكشە، ساپالى ءونىمى، اۋىلدىق ۇكىمەت كادرلار مەن ەرىكتىلەردى كەلىپ كومەكتەسۋگە ۇيىمداستىرىپ، ءبىزدىڭ جيناپ الۋ جانە ساتۋ ماسەلەمىزدى شەشتى“، - دەدى ياڭ يانحۇڭ.
”ءبىز اۋدان قالاشىعىنداعى ءارقايسى ۇلكەن ەرەن بازارلارمەن، الەۋمەتتىك اۋماقتارمەن بايلانىس جاساپ ساتتىق، تاعى ءار دارەجەلى كادرلاردىڭ تۋىس - تۋعان، دوس - جاراندارىنىڭ ءبىر - بىرىنە حابار جولداۋى، دوستار شەڭبەرىن جالعاپ تاراتۋى سياقتى تاسىلدەر ارقىلى ساتۋ ارناسىن اشتىق، ءار كۇنى ورتا ەسەپپەن سىرتقا ساتىلاتىن اۋىل شارۋاشىلىق قوسىمشا ونىمدەرى 105 تونناعا جەتتى“، - دەدى مۇش اۋىلىنىڭ ورىنباسار اۋىل باستىعى ءالشير اركىن.
”ۇيدە جوق بولسام دا، 100 مۋ شابدالى تۇگەلدەي ساتىلىپتى“
وسى بىرنەشە كۇندە قاعىلىق اۋدانى وجىرىك اۋىلى ايرىق قىستاعىنىڭ تۇرعىنى ۋاڭ سۇڭكۇيدىڭ شابدالى باعىندا، سامسىپ وسكەن شابدالىدان بۇتاقتار باسىن كوتەرە الماي قالدى. قاعىلىق اۋدانىنان سىرت جەردە جۇرگەن ۋاڭ سۇڭكۇي 100 مۋ جەرىندەگى شابدالىن جينايتىن ادام بولماۋىنان، ەندى قايتۋ كەرەكتىگىنەن قاتتى الاڭدادى.
ايرىق قىستاعى پارتيا ياچەيكاسىنىڭ شۋجيى مامەتتۇرسۇن سىلام قىستاقتاعى ەرىكتى قىزمەت وتەۋ اترەتىن باستاپ، ىرىقتىلىقپەن ۋاڭ سۇڭكۇي وتباسىنىڭ شابدالىنى جيناۋىنا، ساتۋىنا كومەكتەستى. قىسقا عانا 3 كۇندە 100 مۋ جەردەگى شابدالى تۇگەلدەي جيناپ الىنىپ، ساتىلىپ بولدى ءارى ساتىلعان شابدالىنىڭ اقشاسىن دەر كەزىندە ۋاڭ سۇڭكۇيگە جىبەرىپ بەردى. ”ۇيدە جوق بولسام دا، 100 مۋ جەردەگى شابدالى تۇگەلدەي ساتىلىپتى، ەرەكشە راقىمەت!“، - دەدى ۋاڭ سۇڭكۇي ايرىقشا تەبىرەنىپ.
8 - ايدىڭ 13 - كۇنى، اقسۋ قالاسى يگەنشى قالاشىعى قارامۇق قىستاعىندا جاڭا جاڭعاق ساتىپ الۋعا كەلگەن تراكتور، ءۇش دوڭگەلەكتى اربا ءتىزىلىپ قالدى، جەمىس شارۋالارى مەن ەرىكتىلەر قوراپتالعان جاڭعاقتاردى ماشينالارعا تيەۋمەن ابىگەر بولدى. يگەنشى قالاشىعى ۇكىمەتى مەن قاتىستى تاراۋلار ساتىپ الۋشى ساۋداگەرلەرگە جاسىل وتكەل اشىپ، جەمىس شارۋالارىنىڭ ساتۋ ارناسىن ىركىلىسسىزدەندىرىپ، ءبىر كۇندە 70 توننا جاڭعاق ساتىلدى.
اقسۋ قالاسى ەرىكتى قىزمەت وتەۋ اترەتىن شارۋالاردىڭ جاس قاۋىن - قاربىز، جەمىس - جيدەكتەردى جيناۋىنا كومەكتەسۋگە ۇيىمداستىردى ءارى تىكە تاراتىپ زات ساتۋ تۇعىرى ارقىلى ساتتى. ”قازىر شينجياڭنىڭ جاڭا جاڭعاعى پىسىپ بازارعا تۇسەتىن مەزگىل، جاڭا جاڭعاق ءدانىنىڭ قابىعى وڭاي ارشىلادى. ءدامى دە تۇتقىر، اشتى ەمەس، ماي تاتىپ تۇرادى، ارالاسپالى سۋىق تاماق جاساۋعا، بۇرشاق شىرىنىن تارتۋعا دا بولادى“... ەكران الدىندا، تاراتۋشى ميرزات كامىل اقسۋدىڭ جاسىل قابىقتى جاڭعاعىن تىكە تاراتىپ ساتتى. سايتتاستار ميرزاتتىڭ تانىستىرۋىمەن اقسۋدىڭ جاسىل، ساپالى اۋىل شارۋاشىلىق ءونىمىن تىكە سەزىنىپ، ءبىر كۇنگى تىكە تاراتۋدا 1000 زاكاز شاماسىندا ساتىلدى.
(ءتىلشى ۋاڭ حۇڭۋي، قاتىناسقان تىلشىلەر جاڭ جىلي، ۋي يۇڭگۇي، سۇڭ يا - ۋىن، حان چين - يان، ەرىكتى تىلشىلەر جاڭ جۇنسىن، ليۋ يۇينا، ماۋ جاڭياۋ، ما شۋچين، ميرادىل، حۋ شياۋشياۋ، ياڭ جۋان، لي جيە، ءۋالي قيۇم، جاڭ يۇڭ، سۇن يالان، لياڭ جيا - ني)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
