بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

اتا – انالار كوڭىل بولىڭىزدەر! بالالارعا ارنالعان مىناداي كيىمدەر حاۋىپتى، ساتىپ الماڭىزدار

2022.08.19 10:35     كەلۋ قاينارى : حالىق تورابى

  قولايلى نەمەسە ادەمى بولۋى ءۇشىن، كيىمگە ادەتتە تۇيمە، ءجىپ، باۋ قاتارلىلار ۇنەمى قولدانىلادى، الايدا، بۇل نارسەلەر بالالارعا ارنالعان كيىمدەرگە قولدانىلسا، كومەسكى حاۋىپ – قاتەر تۋىنداتۋى مۇمكىن.

  جىپكە قويىلاتىن تالاپ، قوسىمشا بولىكتەردىڭ سوزىلۋعا بولعان توزىمدىلىگى قاتارلىلار ولشەمگە تولمايتىن جاعداي جارىمىنا جۋىق سالىستىرمانى ۇستايدى

  مەملەكەتتىك بازاردى باقىلاۋ – باسقارۋ باس مەكەمەسى جۋىردا بالالار مەن نارەستەلەردىڭ كيىم – كەشەگىنە ءىشىنارالىق تەكسەرۋ جۇرگىزۋ ناتيجەسىن جاريالادى، ولشەمگە تولماۋ مولشەرى %14.9 كە جەتكەن، مۇندا جىپكە قويىلاتىن تالاپ، قوسىمشا بولشەكتەردىڭ سوزىلۋعا بولعان توزىمدىلىگى قاتارلى حاۋىپسىزدىك نىساندارى ولشەمگە تولمايتىن جاعداي جارىمىنا جۋىق سالىستىرمانى ۇستاعان.

  گۋاڭدۇڭ ولكەلىك بۇيىمدار ساپاسىن باقىلاۋ – تەكسەرۋ زەرتتەۋ مەكەمەسىنىڭ تەكسەرۋشى ينجەنەرى لي يان: ولشەمدەگى تالاپ بويىنشا، 7 جاستان تومەنگى بالالارعا ارنالعان كيىم – كەشەكتەردىڭ مويىن بولىگىندە ەشقانداي ءجىپ بولماۋى كەرەك. مىناداي ەكى ءجىپتىڭ ولشەمگە ساي كەلمەيتىنى انىق. بۇل ءجىپ قاتتى سوزىلسا، بالانىڭ موينىن قىلقىندىرۋى مۇمكىن.

  تەكسەرۋشى ينجەنەردىڭ ايتۋىنشا، بالالارعا ارنالعان كيىم – كەشەكتىڭ ارت جاعىندا ەشقانداي ءجىپ – باۋ بولماۋى كەرەك، ويتكەنى، بالا اۆتوموبيلدەن تۇسكەندە نەمەسە ليفتتەن شىققاندا ليفت نەمەسە ەسىك ءجىپتى قىسىپ قالىپ، سۇيرەپ كەتۋى، جىعىپ جارالاۋى سىندى قاتەرلى جاعداي تۋىندايدى. بالالارعا ارنالعان كيىم – كەشەكتىڭ بەلىندەگى، يىعىنداعى اشەكەيلىك ءجىپتىڭ ۇزىندىعى مەملەكەتتىك ولشەمدە بەلگىلەنگەن ۇزىندىقتان اسىپ كەتسە، حاۋىپتى بولىپ سانالادى.

  مۇنان سىرت، بالالارعا ارنالعان كيىمدەردەگى ءتۇرلى تۇيمە، جۇننەن، تۇبىتتەن جاسالعان تۇيىرشىك، كوبەلەكشە تۇيىنشەك قاتارلى اشەكەي بۇيىمدار دا كومەسكى قاتەر تۋىنداتادى. نارەستەلەر ۇنەمى كيىمدەگى وسى اشەكەي زاتتاردى تارتقىلاپ، تىستەلەيتىندىكتەن، مەملەكەتتىك ولشەمدە وسىنداي قوسىمشا بۇيىمداردىڭ سوزىلۋعا توزىمدىلىگىنە تالاپ قويىلادى، وڭاي ءۇزىلىپ كەتىپ، نارەستەنىڭ بىلمەي جۇتىپ الۋىنان ساقتانۋ كەرەك.

  گۋاڭدۇڭ ولكەلىك بۇيىمدار ساپاسىن باقىلاۋ – تەكسەرۋ زەرتتەۋ مەكەمەسىنىڭ تەكسەرۋشى ينجەنەرى جاڭ شيڭيا: كيىم – كەشەكتەگى كىشى – گىرىم قوسىمشا بۇيىمدار بەلگىلەنگەن توزىمدىلىك ولشەمىنە جەتپەيتىن بولسا، ءسابي ونى وپ – وڭاي جۇلىپ الادى. ەگەر بىلمەي جۇتىپ السا قاقالىپ قالۋى، ءتىپتى ومىرىنە حاۋىپ ءتونۋى مۇمكىن، — دەدى.

  بوياۋىنىڭ ءوڭى تۇسپەۋ دارەجەسى ولشەمگە تولمايدى، بالالارعا ارنالعان كيىمدەردىڭ ءوڭى وڭاي تۇسەدى

  بالالارعا جانە نارەستەلەرگە ارنالعان كيىم – كەشەكتەردىڭ ولشەمگە تولماۋى، ءىشىنارا جاعدايدا ونى كيۋ بارىسىندا تىكەلەي بايقالادى. مىسالى، بوياۋىنىڭ ءوڭى تۇسپەۋ دارەجەسى، بالالارعا ارنالعان كوپتەگەن كيىمدەرگە سۋ تيسە، ۇيكەلىسكە ۇشىراسا، كۇن تۇسسە، تەر سىڭسە نەمەسە ونى جۋسا ءوڭى تۇسەدى، ءىس جۇزىندە بۇل بوياۋىنىڭ ءوڭى تۇسپەۋ دارەجەسىنىڭ ولشەمگە تولىمسىز بولۋىنان تۋىندايتىن ماسەلە.

  تەكسەرۋشى ينجەنەر مىنانى ءبىلدىردى: 3 جاستان تومەنگى نارەستەلەردىڭ ەرەكشەلىگىن ويلاستىرا وتىرىپ، مەملەكەتتىك ولشەمدە وسى جاس كەزەڭىندەگى بالالارعا ارنالعان كيىمدەردىڭ بوياۋىنىڭ شىدامدىلىعىن تەكسەرەتىن نىسان — بوياۋدىڭ سىلەكەيگە توزىمدىلىگىن تەكسەرۋ نىسانى ارناۋلى ورنالاستىرىلعان. ەگەر كيىم – كەشەككە سىلەكەي جۇققان كەزدە ءوڭى تۇسسە، كوشكەن بوياۋ مولەكۋلاسى مەن اۋىر مەتال يونى نارەستەنىڭ دەنەسىنە ءسىڭىپ، دەنساۋلىعىن زيانداۋى مۇمكىن.

  وسى رەتكى تەكسەرۋ بارىسىندا فورمالدەگيد، سوزىمدىلىگىن ارتتىرۋشى سۇيىقتىق، ىدىراتۋعا بولاتىن، راكقا شالدىقتىراتىن حوش ءيىستى اميندى بوياۋ ماتەرلى قاتارلى كوپ ساندى حيميالىق نىساندارعا قاتىستى تەكسەرۋ ناتيجەسى ولشەمدەگى تالاپتارعا تولاتىندىعى بايقالعان، الايدا، بالالارعا ارنالعان 4 توپتاعى كيىم – كەشەكتەردىڭ pH ءمانى ولشەمنەن اسىپ كەتكەن. تەكسەرۋشى ينجەنەردىڭ ايتۋىنشا، pH ءمانى كيىم – كەشەكتىڭ قىشقىلدىق – سىلتىلىك دارەجەسىن كورسەتەدى، بۇل ءمان ولشەمنەن اسىپ كەتسە، بالانىڭ تەرىسىن تىتىركەندىرۋى جانە جايسىزداندىرۋى، مىسالى، قىشىندىرۋى نەمەسە قابىنۋدى تۋدىرۋى مۇمكىن.

   100 پايىز ماقتادان جاسالعان دەپ بەلگى سالىنعانىمەن كوپ مولشەردەگى حيميالىق تالشىقتار ارالاستىرىلادى

  تەكسەرۋ بارىسىنداعى تاعى ءبىر نىسان — بالالاردىڭ كيىم – كەشەكتەرىندەگى تالشىق قۇرامى، بۇل نارەستەلەردىڭ ءوزىن جايلى سەزىنۋىنە تىكەلەي ىقپال جاسايدى. الايدا، تەكسەرۋ بارىسىندا بايقاۋعا قاراعاندا، ءجۇز پايىز ماقتادان جاسالعان دەپ بەلگىلەنگەنىمەن، كوپ مولشەردەگى حيميالىق تالشىقتار ارالاستىرىلۋى مۇمكىن؛ نەگىزىنەن ماقتالى ماتەريالدان جاسالعان دەپ بەلگىلەنگەن بولسا دا، ءىس جۇزىندە قۇرامىنداعى ماقتانىڭ مولشەرى ولشەمگە تولمايدى.

  قازىر، ەلىمىزدە بالالارعا ارنالعان كيىم – كەشەكتەردى وندىرەتىن كاسىپورىندار ون مىڭنان اسادى، بازار كولەمى دە 200 ميلليارد يۋان اينالاسىندا بولادى. نەگىزدىك سانى وسىنشاما زور بولعان بالالار مەن نارەستەلەرگە ارنالعان كيىم – كەشەك بازارىندا، جۋىرداعى جىلداردان بەرى تولىمسىزدىق مولشەرى دە تومەن بولماي كەلەدى. جۋىرداعى 3 رەتكى ءىشىنارالىق تەكسەرۋدە تولىمسىز بولۋ مولشەرى جەكە – جەكە %13.2، %16.4، %14.9 بولعان. جىل بويى تولىمسىز بولعان تۇرلەر بويىنشا ءبىرىنشى ورىندى بەرمەي كەلە جاتقان تالشىق قۇرامىنىڭ تولىمسىز بولۋىنىڭ سەبەبى، ءىس جۇزىندە وزىندىك قۇنىن تومەندەتۋدى ويلاستىرۋدان تۋىندايدى.

  وسى رەت بالالار مەن نارەستەلەرگە ارنالعان كيىم – كەشەكتەردى ءىشىنارالىق تەكسەرۋ ناتيجەسىنە باعىتتاي وتىرىپ، مەملەكەتتىك بازاردى باقىلاۋ – باسقارۋ باس مەكەمەسى ەلەكتروندى ساۋدا تەكشەلەرىن قاتىستى ونىمدەردى سورەدەن تۇسىرۋگە، باسقارۋ – تەجەۋ بورىشىن تياناقتاندىرىپ، ونىمدەردىڭ ساپالىق ورەسىن جوعارىلاتۋدى ىلگەرىلەتۋگە بۇيىردى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

سۋرەتتە: قورعانۋ كيىمىن كيگەن قىزمەتكەرلەر شىنجىن قالاسى شينجياڭنىڭ شۇعىل جاعدايعا توتەپ بەرىپ، اپاتتان قۇتقارۋعا پايدالانۋىنا كومەككە بەرگەن زاتتاردى تاسىمالداۋدا (ورتالىق راديو تورابى جاريالاعان، جاۋ شي فوتوسى)

شىنجىن قالاسى مايلاعان ۇشاقپەن شينجياڭعا جوتكەگەن تۇڭعىش توپتاعى زاتتار ۇرىمجىگە ءساتتى جەتكىزىلدى (ورتالىق راديو تورابى جاريالاعان، جاۋ شي فوتوسى)