جۇمىسشى ۇيىمدارىنىڭ شينجياڭعا باعىتتامالى كومەكتەسۋ قىزمەتى جونىندەگى مەملەكەتتىك ءماجىلىسى اشىلدى
چىن گاڭ، ما شيڭرۇي ءسوز سويلەدى
2022.08.19 15:58 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 17 - كۇنى ۇرىمجىدەن حابارلايدى. جۇمىسشى ۇيىمدارىنىڭ شينجياڭعا باعىتتامالى كومەكتەسۋ قىزمەتى جونىندەگى مەملەكەتتىك ءماجىلىسى 8 - ايدىڭ 17 - كۇنى تۇستەن بۇرىن بەينە ەكران تاسىلىندە اشىلىپ، جۇمىسشى ۇيىمىنىڭ شينجياڭعا باعىتتامالى كومەكتەسۋ قىزمەتىن اناعۇرلىم ويداعىداي ىستەۋ جونىندە ورنالاستىرۋ جاسادى. مەملەكەتتىك باس جۇمىسشى ۇيىمى پارتيا باسشىلىق گرۋپپاسىنىڭ شۋجيى، ورىنباسار ءتوراعاسى، شۋجيچۋىنىڭ ءبىرىنشى شۋجيى چىن گاڭ، اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.
چىن گاڭ مەملەكەتتىك باس جۇمىسشى ۇيىمى اتىنان شينجياڭداعى قالىڭ جۇمىسشى ۇيىم كادرلارىنان جانە ءار ۇلت جۇمىسشى - قىزمەتكەرلەرىنەن ىقىلاستى حال سۇراپ، قالتقىسىز ۇلەس قوسىپ جاتقان ءارقايسى ولكە، قالا جۇمىسشى ۇيىمدارىنا جانە شينجياڭعا كومەكتەسكەن جۇمىسشى ۇيىمى كادرلارىنا وسكەلەڭ قۇرمەت ءبىلدىردى. ول بىلاي دەپ اتاپ كورسەتتى: جۇمىسشى ۇيىمىنىڭ شينجياڭعا باعىتتامالى كومەكتەسۋ قىزمەتىن ويداعىداي ىستەۋ جۇمىسشى ۇيىمىنىڭ باس شۋجي شي جينپيڭنىڭ شينجياڭ جونىندەگى ماڭىزدى جەلىلەس سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن دايەكتىلەندىرىپ، تياناقتاندىرىپ، ساياسي جاۋاپكەرشىلىكتى اناعۇرلىم جاقسى اتقارىپ، شينجياڭنىڭ قوعامدىق كەلەلى جاعدايىنىڭ ورنىقتىلىعى مەن جوعارى ساپالى دامۋىن جەبەۋىنىڭ قاجەتتى تالابى. مەملەكەتتىك باس جۇمىسشى ۇيىمى جانە ءار دارەجەلى جۇمىسشى ۇيىمدارى پارتيا ورتالىق كوميتەتىنىڭ شينجياڭعا باعىتتامالى كومەكتەسۋ قىزمەتىن كۇشەيتۋ جانە ىلگەرىلەتۋ جونىندەگى شەشىمدەرىن، ورنالاستىرۋلارىن دايەكتىلەندىرۋدى مىقتاپ ارقاۋ ەتىپ، سايكەسۋدى، سەلبەسۋدى كۇشەيتىپ، تىڭعىلىقتى ورنالاستىرۋ جاساپ اتقارىپ، جۇمىسشى ۇيىمىنىڭ جاڭا كەزەكتى شينجياڭعا باعىتتامالى كومەكتەسۋ قىزمەتىندە كورنەكتى ناتيجەلەرگە قول جەتكىزۋىن ىلگەرىلەتتى. قازىرگى تاڭدا، شينجياڭنىڭ دامۋى تىڭ تاريحي باستامادا تۇر. جۇمىسشى ۇيىمىنىڭ شينجياڭعا باعىتتامالى كومەكتەسۋ قىزمەتىندە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەرىك ورناتۋ نەگىزگى جەلىسىن يگەرىپ، ءار ۇلت جۇمىسشى - قىزمەتكەرلەرىنىڭ ارالاسۋىن، ىشتەسۋىن، توعىسۋىن جەبەۋدى اناعۇرلىم كورنەكتى ورىنعا قويىپ، كەڭدىگى مەن تەرەڭدىگىن ۇزدىكسىز ارتتىرىپ، شينجياڭعا كومەكتەسۋ قارجىسىن، نىساندارىن نەگىزگى ساتىعا جانە حالىق تۇرمىسىنا ءتىپتى كوبىرەك بەيىمدەپ، جۇرت تىلەگىن اناعۇرلىم ويداعىداي ۇيىستىرىپ، ىنتىماقتى جەبەپ، جۇمىسشى ۇيىمىنىڭ دارىندىلار ارقىلى شينجياڭعا كومەكتەسۋ سەرپىنىن ارتتىرىپ، شينجياڭ ەكونوميكاسىنىڭ دامۋىنا جانە قوعامنىڭ ورنىقتىلىعىنا دارىندى، اقىل - پاراسات جاعىنان تىرەك ازىرلەپ، شينجياڭدى مادەنيەتپەن نارلەندىرۋ بارىسىندا جۇمىسشى - قىزمەتكەرلەردى يدەيا - ساياسي جاقتان جەتەكتەۋدى كۇشەيتىپ، مادەنيەت جاعىنداعى اۋىس - كۇيىستى، دامۋدى، گۇلدەنۋدى جەبەپ، شينجياڭ جۇمىسشى ۇيىمىنىڭ دامۋ قابىلەتىن ارتتىرۋىن كۇش سالا قولداپ، جۇمىسشى ۇيىمىنىڭ شينجياڭعا باعىتتامالى كومەكتەسۋىنىڭ جالپىلىق ونىمدىلىگىن ونان ارى ارتتىرۋ كەرەك. اۆتونوميالى رايونداعى، بيڭتۋانداعى جانە كومەكتەسكەن ولكە، قالالارداعى جۇمىسشى ۇيىم كادرلارى جاۋاپكەرشىلىك ارقالاۋدى كۇشەيتىپ، ءبىر تۇتاس جوسپارلاپ سايكەستىرۋدى كۇشەيتىپ، ۇيىمداستىرىپ اتقارۋدى ويداعىداي يگەرىپ، تىڭعىلىقتى ستيلمەن جانە ناقتى ءىس ىستەۋ پوزيتسياسىمەن جۇمىسشى ۇيىمىنىڭ شينجياڭعا باعىتتامالى كومەكتەسۋ مىندەتتەرىنىڭ تياناقتانىپ ونىمدىلىك كورسەتۋىن ىلگەرىلەتىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋ كەرەك.
ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان مەملەكەتتىك باس جۇمىسشى ۇيىمىنىڭ، شينجياڭعا كومەكتەسكەن ولكە، قالالاردىڭ ۇزاق ۋاقىتتان بەرى شينجياڭعا كوڭىل ءبولىپ، قولداپ، كومەكتەسىپ كەلگەندىگىنە شىن جۇرەكتەن العىس ايتىپ، وسكەلەڭ قۇرمەت ءبىلدىردى. ما شيڭرۇي بىلاي دەپ اتاپ كورسەتتى: مەملەكەتتىك باس جۇمىسشى ۇيىمى مەن شينجياڭعا كومەكتەسكەن ولكە، قالالاردىڭ باس جۇمىسشى ۇيىمدارى پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدى بار كۇشپەن قولداۋعا شوعىرلاندىرىپ، شينجياڭنىڭ رەفورما، دامۋ، ورنىقتىلىق قىزمەتتەرىنە بەلسەندى ۇلەس قوستى. ءبىز ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ شينجياڭدى كوزدەن كەشىرگەندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شينجياڭعا باعىتتامالى كومەكتەسۋ جونىندەگى شەشىمدەرىن، ورنالاستىرۋلارىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى شينجياڭعا باعىتتامالى كومەكتەسۋ قىزمەتىنىڭ جوعارى ساپالى دامۋىن ىلگەرىلەتىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الۋىمىز كەرەك. ساياسي جەتەكشىلىكتى كۇشەيتىپ، قاجىماس تاباندىلىقپەن شي جينپيڭ جاڭا ءداۋىر جۇڭگوشا سوتسياليزم يدەياسى ارقىلى رۋح سومداپ، ادام تاربيەلەپ، قالىڭ جۇمىسشى - قىزمەتكەرلەردى تاباندىلىقپەن پارتيانىڭ سوزىنە قۇلاق اسۋعا، پارتياعا ىلەسىپ، پارتيانىڭ توڭىرەگىنە اناعۇرلىم تىعىز ىنتىماقتاسۋعا جەتەكتەۋ؛ شينجياڭدى مادەنيەتپەن نارلەندىرۋدى ىلگەرىلەتىپ، جۇڭحۋا ۇلتى ورتاق تۇلعا تانىمىن بەرىك ورناتۋ قىزمەتىن ناقتى، اسەرلى، ءونىمدى تۇردە ويداعىداي ىستەپ، ءار ۇلت جۇمىسشى - قىزمەتكەرلەر قاۋىمىن اناردىڭ دانىندەي تىعىز ۇيىسۋعا تاربيەلەۋ، جەتەكتەۋ؛ بەلسەندىلىكپەن جاۋاپكەرشىلىك ارقالاپ، ىسكەرلىك كورسەتىپ، شينجياڭ حيكايالارىن كوپ ساتىلى، جان - جاقتى، ستەرەولدى تۇردە جاقسى بايانداپ، شينجياڭنىڭ تىنىش، جاراسىمدى، قارىشتاپ دامىعان تاماشا جاعدايىن تولىق ايگىلەۋ؛ دارىندىلار ارقىلى دەمەۋدى كۇشەيتىپ، جوعارى ساپالى كاسىپ سالاسى جۇمىسشىلار قوسىنىن كۇش سالا باۋلىپ، سومداپ، شينجياڭنىڭ قوعام ورنىقتىلىعى مەن باياندى تىنىشتىعىنا بەرىك نەگىز قالاۋ كەرەك. قازىر شينجياڭنىڭ ىندەتتەن ساقتانۋ - تىزگىندەۋ مىندەتى ءالى دە جاپالى، ءار دارەجەلى جۇمىسشى ۇيىمدارىنىڭ رولدارىن بەلسەندىلىكپەن ساۋلەلەندىرىپ، قالىڭ جۇمىسشى - قىزمەتكەرلەردى ىندەتتەن ساقتانۋ - تىزگىندەۋگە ات سالىسۋعا، ەرىكتىلەر قيمىلىن ورىستەتۋگە، قىزمەت وتەۋمەن قامتاماسىز ەتۋدى ويداعىداي ىستەۋگە جۇمىلدىرىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىلدىقپەن قول جەتكىزۋگە دەم بەرۋىن ءۇمىت ەتەمىن.
تيانجين قالالىق باس جۇمىسشى ۇيىمىنداعى، جياڭشي ولكەلىك باس جۇمىسشى ۇيىمىنداعى، حۋنان ولكەلىك باس جۇمىسشى ۇيىمىنداعى جانە اۆتونوميالى رايوندىق باس جۇمىسشى ۇيىمىنداعى، بيڭتۋان باس جۇمىسشى ۇيىمىنداعى قاتىستى جاۋاپتى جولداستار پىكىر اۋىستىرىپ، لەبىز ءبىلدىردى.
مەملەكەتتىك باس جۇمىسشى ۇيىمىنىڭ ورىنباسار ءتوراعاسى، شۋجيچۋىنىڭ شۋجيى ما لۋ ءماجىلىستى باسقاردى. مەملەكەتتىك باس جۇمىسشى ۇيىمىنىڭ باسشىلارى ياڭ يۇيدۇڭ، جاڭ ماۋحۋا، زوۋ جىن، ورتالىق كوميتەت بىرلىكساپ بولىمىندەگى قاتىستى جاۋاپتى جولداستار، اۆتونوميالى رايوننىڭ جانە بيڭتۋاننىڭ باسشىلارىنان ەلزات احمەتجان، جاڭ ۋىنشىڭ قاتارلىلار ماجىلىسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
