شينجياڭداعى ءتۇيىندى كاسىپتەردىڭ ءوندىرىس، قۇرىلىس اياق الىسى كىدىرمەدى
□ انار بۇلت \ شينجياڭ گازەتىنىڭ تىلشىلەرى
2022.08.19 16:05 كەلۋ قاينارى : شينجياڭ گازەتى
كەزەكتە ىندەتتەن ساقتانۋ - تىزگىندەۋدىڭ كۇردەلى جاعدايىندا، رايونىمىزدىڭ كومىر، كومىر ەلەكتر، كومىر حيميا ونەركاسىبى، مۇناي - تابيعي گاز، ەلەكتر، جاڭا ەنەرگيا، جاڭا ماتەريال سياقتى ءتۇيىندى كاسىپتەرى، ءتۇيىندى كاسىپورىندارى ىندەتتەن ساقتانۋ - تىزگىندەۋ قىزمەتىن ويداعىداي ىستەۋمەن بىرگە، ءوندىرىس جانە نىسان قۇرىلىسى اياق الىسىنىڭ كىدىرمەۋىن كۇش سالا ىلگەرىلەتتى.
كومىر، كومىر حيميا ونەركاسىبىنىڭ ءوندىرىسى تارتىپپەن ءجۇرىلدى
1300دەن استام ادام كاسىپورىندا قالىپ، ءوندىرىس جۇرگىزىپ، كومىر قازۋدى، تاسىمالداۋدى قامتاماسىز ەتتى.
8 - ايدىڭ 17 - كۇنى جۇندۇڭ ەكونوميكالىق، تەحنيكالىق اشۋ رايونىنا ورنالاسقان جۇڭليان رۇنشى شينجياڭ كومىر كاسىبى شەكتى سەرىكتەستىگىندە ەندى عانا قازىپ شىعارىلعان كومىرلەر جۇك اۆتوموبيلدەرىنە تيەلىپ، شىحىزى قالاسىنداعى، ماناس اۋدانىنداعى، تۇرپان قالاسىنداعى ەلەكتر ستانسيالارىنا تاسىلدى.
”زەردەلى زات اينالىمى تۇعىرى ارقىلى جۇك اۆتوموبيل شوفەرلارى حىسۋان تەكسەرتۋ جانە ءجۇرىس - تۇرىس ەكى ولشەمدى كود ينفورماتسياسىن كىرگىزىپ الدىن الا كەلىسىپ، تەكسەرۋدەن وتكەننەن كەيىن، كىرىپ كومىر الىپ شىعادى، قازىر تاسىمال وتە ىركىلىسسىز، كۇنىنە 30 مىڭ توننادان استام كومىر ساتىلادى“، - دەدى جۇڭليان رۇنشى شينجياڭ كومىر كاسىبى شەكتى سەرىكتەستىگى ساتۋ ءبولىمىنىڭ ورىنباسار باستىعى سۇڭ جىيۋان.
8 - ايدىڭ 1 - كۇنىنەن 16 - كۇنىنە دەيىن لۋ - ان حيميا ونەركاسىبى توبىنىڭ شينجياڭ گوتاي شينحۋا كەن كاسىبى شەكتى جارنا سەرىكتەستىگى 10 مىڭ توننادان استام BDO (1، 4 − بۋتاديول)، 10 مىڭ توننادان استام مەتانول، 19 مىڭ توننادان استام كاربيد ءوندىردى. ”ءبىز ىندەتتەن ساقتانۋ - تىزگىندەۋ مەن ءوندىرىس حاۋىپسىزدىگى قىزمەتىن ءبىر تۇتاس جوسپارلاپ ويداعىداي ىستەۋگە تاباندى بولىپ، ءونىمدى ارتتىرىپ، قامداۋعا كەپىلدىك ەتتىك، ىشكى تاسىمال مەن سىرتقى بازاردا ساتۋدىڭ ىركىلىسسز، جوعارى ءونىمدى بولۋىن كۇش سالا قامتاماسىزداندىردىق“، - دەدى وسى سەرىكتەستىك پارتكومىنىڭ شۋجيى گۋ ليشين.
كومىر، كومىر حيميا ونەركاسىبى كاسىپورىندارىنىڭ قالىپتى ءوندىرىسىن قامتاماسىز ەتۋ ءۇشىن، جۇندۇڭ ەكونوميكالىق، تەحنيكالىق اشۋ رايونى كاسپورىنداردى ”وتباسى كۇتۋشىسى ۇلگىسىندە“ قىزمەت وتەۋمەن قامدادى. 8 - ايدىڭ 1 - كۇنىنەن 16 - كۇنىنە دەيىن، شينجياڭ يحۋا حيميا ونەركاسىبى شەكتى سەرىكتەستىگى 6.PVC1دان 10 مىڭ توننادان استام، كۇيدىرگىش سىلتىدەن 10 مىڭ توننادان استام، ۋرەادان 25 مىڭ توننا، مەلەميننەن 3400 نەشە توننادان استام ءوندىردى. ”كەزەكتە ءتۇرلى حيميا ونەركاسىبى ونىمدەرىن ءوندىرۋ اينالىمى قالىپتى بولۋدا“، - دەدى اتالعان سەرىكتەستىكتىڭ باس ديرەكتورى شيۇڭ جۇن.
قۇلجا اۋدانىنا ورنالاسقان شينجياڭ چيڭحۋا ەنەرگيا توبى شەكتى سەرىكتەستىگىنىڭ 2000نان استام جۇمىسشى - قىزمەتكەرى كاسىپورىندا تۇرىپ ءوندىرىس جۇرگىزدى، قوندىرعىلار تولىق اينالىمعا ءتۇستى، ءار كۇنى گازدى باتىستان شىعىسقا جەتكىزۋ قۇبىرى جەلىسىمەن 4 ميلليون 200 مىڭ تەكشەمەترلىك كومىردەن الىنعان تابيعي گاز جەتكىزىلدى. ”ءبىز ءار كۇنى زاۆودقا 15 مىڭ توننا كومىر اكەلىپ، تۇيىننەن - تۇيىنگە تاسىمالداۋدى، جۋىسپاي كومىر ءتۇسىرۋدى قامتاماسىز ەتۋىمىز كەرەك“، - دەدى اتالعان سەرىكتەستىك ءوندىرىس ءبولىمىنىڭ باستىعى يىن ۋىنيۋە.
ۋجياچۇي قالاسىنا ورنالاسقان شينجياڭ شين - يە ەنەرگيا حيميا ونەركاسىبى شەكتى سەرىكتەستىگى جابىق اينالىمدى باسقارۋ جۇرگىزدى، 1600 نەشە قىزمەتكەر كاسىپورىندا تۇرىپ ءوندىرىس جۇرگىزدى، زاۆودتىڭ ىشىندە ماشينالاردىڭ گۇرىلدەگەن داۋىسى تولاستامادى. ”ءبىز باسشىلىق القالارى تاۋلىك بويى كەزەكپەن كەزەكشىلىك مىندەتتە تۇرىپ، ءوندىرىستى قامتاماسىز ەتۋ ءتۇزىمىن ورناتتىق، ارناۋلى ءبان ۇيىمداستىرىپ، سەح ءبان - گرۋپپالارىن ارالاپ، ءوندىرىستىڭ الدىڭعى شەبىندەگى قيىنشىلىقتار مەن ماسەلەلەردى شەشۋگە جەتەكشىلىك ەتتىك“، اتالعان سەرىكتەستىك پارتكومىنىڭ شۋجيى، باسالقا ما جينرۇڭ ءسوزىن جالعاپ، قازىر ءار كۇنگى وندىرىلگەن مەتيل سپيريتى، LNG سياقتى ونىمدەردىڭ تولىق ءوندىرىلىپ، تۇگەلدەي ساتىلىپ بولعاندىعىن ايتتى.
مۇناي - تابيعي گازبەن، ەلەكتر قۋاتىمەن قامداۋ قامتاماسىز ەتىلدى
ءتىلشىنىڭ 8 - ايدىڭ 17 - كۇنى جۇڭگو مۇناي تارىم مۇناي الابى سەرىكتەستىگىنەن ۇعىسۋىنا قاراعاندا، مۇناي الابى ءوندىرىستى سايكەستىرۋ، قامتاماسىز ەتۋ ارناۋلى ءبانىن قۇرىپ، كورلا، باتىس وڭتۇستىك تارىم سياقتى 6 اۋماق قىزمەت گرۋپپاسىن ۇيىمداستىرىپ قۇرىپ، ءتۇيىندى مۇناي - تابيعي گاز ءوندىرىسى نىسانىمەن تىعىز بايلانىستىرىپ، ساقتانۋ - تىزگىندەۋ شاراسىن قاتاڭ تياناقتاندىردى، قىزمەتكەرلەر جانە زاتتىق ماتەريالدارمەن قامتاماسىز ەتۋدى بەلسەنە سايكەستىرىپ، ىندەتتەن ساقتانۋدى جانە ءوندىرىستى بىردەي اقساتپاۋعا شىنايى كەپىلدىك ەتتى.
كەزەكتە، تارىم مۇناي الابىنىڭ مۇناي - تابيعي گاز ءوندىرىسى ورنىقتى دا ءتارتىپتى جۇرگىزىلۋدە، مۇناي مەن تابيعي گازدىڭ كۇندىك ءوندىرىس دەڭگەيى جەكە - جەكە 20 مىڭ توننا، 82 ميلليون تەكشەمەترلىك جوبا سىزىعىنان جوعارى اينالىمدى ساقتادى.
كۇشار قالاسىنا ورنالاسقان جۇڭگو مۇناي - تابيعي گاز تارىم وزەنى مۇناي ايىرۋ حيميا شەكتى جاۋاپكەرشىلىك سەرىكتەستىگى وڭتۇستىك شينجياڭداعى وڭدەلگەن مۇنايمەن قامدايتىن نەگىزگى كاسىپورىن. 8 - ايدىڭ 11 - كۇنى ساعات 8دەن باستاپ، كۇشار قالاسى ۋاقىتتىق تىنىش كۇيدە باسقارۋ شاراسىن اتقاردى، تارىم وزەنى مۇناي ايىرۋ حيميا شەكتى جاۋاپكەرشىلىك سەرىكتەستىگى ىندەتتەن ساقتانۋ - تىزگىندەۋ جوباسىن دەرەۋ ىسكە قوسىپ، قىزمەتكەرلەردىڭ قىزمەت ورنىنا كەلۋى، ءوندىرىس جۇمىسى، مۇناي ونىمدەرىن تاسۋ سياقتى ءتۇيىندى قىزمەتتەردى جان - جاقتى ورنالاستىرىپ، ءبىر تۇتاس جوسپارلاپ سايكەستىردى. بىرنەشە كۇننەن بەرى، سەرىكتەستىكتىڭ ءاربىر ءوندىرىس قوندىرعىلارى جوعارى كوتەرىمدىلىكتى ءوندىرىس كۇيىن ساقتادى، بەنزين، سالەركامەن جەتكىلىكتى قامدادى.
مەملەكەتتىك ەلەكتر قۋاتى قارجى قوسۋ توبى شينجياڭ ەنەرگيا، حيميا ونەركاسىبى شەكتى جاۋاپكەرشىلىك سەرىكتەستىگى شينجياڭداعى ەڭ ۇلكەن جاڭا ەنەرگيامەن ەلەكتر تاراتۋ كاسىپورنى، تۇتاس شينجياڭدا 116 جاڭا ەنەرگيالى ەلەكتر تاراتۋ الاڭ - پۋنكتى بار، كۇنىنە ورتا ەسەپپەن 40 ميلليون كيلوۆات ساعاتتىق تازا ەلەكتر قۋاتىن جەتكىزەدى. ىندەتتەن ساقتانۋ - تىزگىندەۋ كەزىندەگى ءوندىرىس، تيجاراتىنىڭ ءتارتىپتى، ەنەرگيا قامداۋىنىڭ جەتكىلىكتى بولۋىن قامتاماسىز ەتۋ ءۇشىن، بۇل سەرىكتەستىك الدىن الا توتەپ بەرىپ، باتىل ارەكەت قولداندى. بۇل سەرىكتەستىكتىڭ لاۋجۇنمياۋ جەل ەلەكترى شوعىرلاندىرۋ پۋنكتىنىڭ باستىعى چىن دوپيڭ سەرىكتەستىكتىڭ ىندەتتەن ساقتانۋ - تىزگىندەۋ جونىندە باعىتتامالى ورنالاستىرۋ جاساعاندىعىن، قازىر 40 نەشە جۇمىسشىنىڭ تۇگەلدەي پۋنكتتە تۇرىپ، ورنىقتى وندىرىسكە شىنايى كەپىلدىك ەتىلگەندىگىن ءبىلدىردى.
ەلەكتر قۋاتى جاڭا ەنەرگيا قۇرىلىسىنىڭ اياق الىسى كىدىرمەدى
8 - ايدىڭ 17 - كۇنى فىڭحۋاڭ − ياجۇڭ − دابانچىڭ قوس قايتىمدى 750 كيلوۆولتتىق ەلەكتر جەتكىزۋ، كەرنەۋ وزگەرتۋ ينجەنەرياسىنىڭ جۇمىس باسىندا، قىزمەتكەرلەر ەلەكتر سىمىن بەكەمدەدى. بۇل نىسان 2022 - جىلعى اۆتونوميالى رايوننىڭ ءتۇيىندى نىسانى، سالىنىپ بىتكەننەن كەيىن، شينجياڭنىڭ ەلەكتر تورىنىڭ وڭتۇستىك پەن سولتۇستىك ءوزارا تولىقتايتىن، شىعىس پەن باتىستى ءوزارا قامدايتىن ماڭىزدى تورابى بولادى.
8 - اي شينجياڭنىڭ ەرەكشە جوعارى كەرنەۋلى ەلەكتر تورى قۇرىلىسىنىڭ قاۋىرت مەزگىلى سانالادى، كەزەكتە، سالىنىپ جاتقان 750 كيلوۆاتتىق ەلەكتر جەتكىزۋ، كەرنەۋ وزگەرتۋ ينجەنەرياسىنان جالپى التاۋى بار. ىندەتتەن ساقتانۋ - تىزگىندەۋ كەزىندە ەلەكتر تورى قۇرىلىسى اياق الىسىنىڭ كىدىرمەۋىنە كەپىلدىك ەتۋ ءۇشىن، مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگىنىڭ قۇرىلىس بولىمشە سەرىكتەستىگى ينجەنەريا باسىندا ىندەتتەن ساقتانۋ، زارارسىزداندىرۋ گرۋپپاسىن قۇرىپ، ىندەتتەن ساقتانۋ شارالارىن تىڭعىلىقتى تياناقتاندىرۋ جاعدايىندا قۇرىلىس جۇرگىزۋ اۋماعىن يكەمدى تاڭدادى.
كەزەكتە، حۋانىڭ شينجياڭ ەنەرگيا اشۋ شەكتى سەرىكتەستىگىنىڭ ۇلۇقشات اۋدانىنداعى 2 - مەرزىمدىك 100 مىڭ كيلوۆاتتىق فوتوۆولت نىسانى مەن اقتاۋ اۋدانىنداعى 2 - مەرزىمدىك 100 مىڭ كيلوۆاتتىق فوتوۆولت نىسانى قاۋىرت جۇمىس جۇرگىزۋدە. ەكى فوتوۆولت نەگىزدىك قۇرىلىس نىسانىنىڭ ءساتتى ىلگەرىلەتىلۋىنە شىنايى كەپىلدىك ەتۋ ءۇشىن، اتالعان سەرىكتەستىك ىندەتتەن ساقتانۋ - تىزگىندەۋ بويىنشا شۇعىل توتەپ بەرۋ جوباسىن ىسكە قوستى. ”سەرىكتەستىك قاراماعىنداعى 25 ءوندىرىس الاڭ - پۋنكتى، 6 نىسان جۇمىس باسى قۇرىلىستارى بۇكىل شينجياڭنىڭ جەر - جەرىنە تارالعان، ءبىز الاڭدا تۇرىپ جۇمىس اتقارۋ ۇلگىسىن تاباندا اتقارىپ، حىسۋان تەكسەرتۋىن جانە الاڭ ءىشىن زارارسىزداندىرۋدى جوعارى جيىلىكتە، تولىق قامتىمدى ورىستەتتىك، سونىمەن بىرگە ءوندىرىس پەن نىسان قۇرىلىسىن دا تەزدەتتىك“، - دەدى اتالعان سەرىكتەستىك پارتكومىنىڭ شۋجيى، اتقارۋشى القاسى ليۋ جيان.
ءتىلشىنىڭ ءۇرىمجى گانچۋانپۋ ەكونوميكالىق، تەحنيكالىق اشۋ رايونى (ونەركاسىپ رايونى) باسقارۋ كوميتەتىنەن ۇعىسۋىنا قاراعاندا، كەزەكتە جىلىنا 200 مىڭ توننا ساپتىعى جوعارى كوپ كريستالدى كرەمني ءوندىرۋ نىسانى مەن جىلىنا 50 مىڭ توننا جوعارى يقۋاتتى كومىرتەگى تالشىعىن ءوندىرۋ نىسانى قۇرىلىسى ءتارتىپتى ىلگەرىلەتىلۋدە ەكەن. مۇندا كوپ كريستالدى كرەمني نىسانى قۇرىلىس ورنىندا 7500دەن استام جۇمىسكەر بار. ىندەتتەن ساقتانۋ - تىزگىندەۋ قىزمەتىن ويداعىداي ىستەۋ ءۇشىن، قۇرىلىس ورنى ۋاقىتتىق حىسۋان تەكسەرتۋ ورنىن قۇردى، سونىمەن بىرگە باقشا رايونى قۇرىلىس جۇرگىزۋ زاتتىق ماتەريالدارىن، تۇرمىستىق زاتتىق ماتەريالدارىن الاڭعا كىرگىزۋدى بەلسەنە سايكەستىردى.
اراتۇرىك اۋدانىنا ورنالاسقان شينجياڭ گۋاڭحۇي كومىرتەگى عىلىم - تەحنيكاسىنان جالپىلىق پايدالانۋ شەكتى سەرىكتەستىگىنىڭ جىلىنا 100 مىڭ توننا كومىر قىشقىل گازىن الۋ مەن پايدالانۋدان ۇلگى كورسەتۋ نىسانى كەزەكتە جابدىقتاردى ورنالاستىرۋ كەزەڭىنە ءوتتى. بۇل سەرىكتەستىكتىڭ باس ديرەكتورى ليۋ چىڭ العاشقى مەرزىمدىك نىساننىڭ مەجەمەن 9 - ايدىڭ سوڭىندا رەسمي وندىرىسكە قوسىلاتىندىعىن ءبىلدىردى.
تاياۋدا قۇمىل جۇيرۇڭ ەنەرگيا، تابيعي گاز شەكتى سەرىكتەستىگى قارجى قوسىپ قۇرعان گازدى باتىستان شىعىسقا جەتكىزۋ 2 - جەلىسىنە سايكەستىرىلگەن جىلىنا 500 مىڭ توننا سۇيىلتىلعان تابيعي گاز ءوندىرۋ زاۆودى جانە سايكەستى نەگىزدىك قۇرىلعى ينجەنەرياسى دا جابدىقتاردى سىناۋ كەزەڭىنە ءوتتى، بۇل نىسان مەجەمەن 9 - ايدا وندىرىسكە قوسىلادى. ”نىسان قۇرىلىس جۇرگىزۋ بارىسىندا ىندەتتەن ساقتانۋ - تىزگىندەۋ شارالارىن قاتاڭ تياناقتاندىرىپ، قۇرىلىس باسىندا 500 نەشە ادامدى تۇگەلدەي جابىق كۇيدە باسقاردى“، - دەدى اتالعان سەرىكتەستىكتىڭ تەحنولوگيا ينجەنەرى چىن ليياڭ.
ىندەت كەزىندە، اۆتونوميالى رايوندىق دامۋ جانە رەفورما كوميتەتى ءتۇيىندى نىساندارعا ءونىمدى قارجى قوسۋدى قولداۋ تەبىنىن كۇشەيتتى، اسىرەسە، ەنەرگيا سالاسىنداعى قامداۋدى قامتاماسىز ەتۋ نىساندارىنا جاسىل ارنا اشىپ، نىسانداردىڭ ەنەرگيا فاكتورى قامتاماسىزدىعى، ەنەرگيا ۇنەمدەۋ بويىنشا تەكسەرۋ راسمياتىن ءبىتىرۋ سياقتى جاقتاردا ورىن تەۋىپ وتىرعان بوگەت تۇيىندەر مەن قيىن تۇيىندەردى كۇش سالا اشىپ، ەنەرگيا باعالاۋى راسمياتىن زاڭ، بەلگىلەمە بويىنشا جىلدام ءبىتىردى.
”ءبىز مۇناي - تابيعي گازدىڭ ءوندىرىسىن مولايتىپ، ونىمدىلىگىن ارتتىرۋداعى ءبىر توپ نىسانداردىڭ ەنەرگيا ۇنەمدەۋ تەكسەرۋى راسمياتىن ءبىتىرىپ، تارىم مۇناي الابى سەرىكتەستىگى فۋمان مۇناي الابى اۋتاۋ جۇيەسى كومىر قىشقىل تۇزدى جىنىسىنىڭ مۇناي ساقتالعان قاباتىن اشۋ جەر بەتى قاڭقاسى ينجەنەرياسى سىندى 9 ءتۇيىندى مۇناي - تابيعي گاز اشۋ، پايدالانۋ نىساندارىنىڭ قۇرىلىس جۇمىسىن باستاۋىنا قولداۋ كورسەتتىك“. اۆتونوميالى رايوندىق دامۋ جانە رەفورما كوميتەتى بايلىق ۇنەمدەۋ جانە قورشاعان ورتانى قورعاۋ باسقارماسىنىڭ باستىعى شۇي جۇڭ اۆتونوميالى رايوننىڭ تالابى بويىنشا، ءتۇيىندى كاسىپتەردىڭ ءوندىرىس جانە نىسان قۇرىلىستارىنىڭ اياق الىسىن كىدىرتپەۋدى ۇزدىكسىز ىلگەرىلەتىپ، ەكونوميكالىق، قوعامدىق دامۋعا بولعان تىرەكتىلىك رولىن اناعۇرلىم ويداعىداي ساۋلەلەندىرەتىندىكتەرىن ءبىلدىردى.
(ءتىلشى يۇي جياڭيان، قاتىناسقان تىلشىلەر ما ينيڭ، چىن چياڭۋي، ۋي يۇڭگۇي، شى شين، ەرىكتى تىلشىلەر ۋاڭ چيانشي، تيان يۇي)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
