لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2022.08.22 16:54 كەلۋ قاينارى : حالىق تورابى
كاسىپورىنداردىڭ قارجى قۇراۋ وزىندىك قۇنى مەن جەكەلەردىڭ تۇتىنۋ امانات - قارىزىنىڭ وزىندىك قۇنىن تومەندەتۋ شارالارىن ورنالاستىرىپ، فينانستىڭ ناقتى ەكونوميكاعا قولداۋ كورسەتۋ تەبىنىن ارتتىرۋدى العا قويدى؛ قيىنشىلىعى بار بۇقارانىڭ نەگىزگى تۇرمىسىن قامتاماسىزداندىرۋ شارالارىن نىعايتىپ، حالىق تۇرمىسىنىڭ تومەنگى شەگىن مىقتى يگەرۋدى ورنالاستىردى؛ قارتتاردى كۇتىمگە الۋ قىزمەت وتەۋ كاسىبىندەگى قيىن تۇيىندەردى شەشۋ شارالارىمەن قولداۋ كورسەتىپ، قيىن وتكەلدەن وتۋگە، دامۋدى قالپىنا كەلتىرۋگە كومەكتەسۋدى بەلگىلەدى؛ جاڭا ەنەرگيالى اۆتوموبيلدەردەن اۆتوموبيل ساتىپ الۋ سالىعىن الماۋ سياقتى ساياساتتاردى ۇزدىكسىز اتقارىپ، جالپىلىق تۇتىنۋدى جەبەۋدى ۇيعاردى
شينحۋا اگەنتتىگى، 8 - ايدىڭ 19 – كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 8 - ايدىڭ 18 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، كاسىپورىنداردىڭ قارجى قۇراۋ وزىندىك قۇنى مەن جەكەلەردىڭ تۇتىنۋ امانات - قارىزىنىڭ وزىندىك قۇنىن تومەندەتۋ شارالارىن ورنالاستىرىپ، فينانستىڭ ناقتى ەكونوميكاعا قولداۋ كورسەتۋ تەبىنىن ارتتىرۋدى العا قويدى؛ قيىنشىلىعى بار بۇقارانىڭ نەگىزگى تۇرمىسىن قامتاماسىزداندىرۋ شارالارىن نىعايتىپ، حالىق تۇرمىسىنىڭ تومەنگى شەگىن مىقتى يگەرۋدى ورنالاستىردى؛ قارتتاردى كۇتىمگە الۋ قىزمەت وتەۋ كاسىبىندەگى قيىن تۇيىندەردى شەشۋ شارالارىمەن قولداۋ كورسەتىپ، قيىن وتكەلدەن وتۋگە، دامۋدى قالپىنا كەلتىرۋگە كومەكتەسۋدى بەلگىلەدى؛ جاڭا ەنەرگيالى اۆتوموبيلدەردەن اۆتوموبيل ساتىپ الۋ سالىعىن الماۋ سياقتى ساياساتتاردى ۇزدىكسىز اتقارىپ، جالپىلىق تۇتىنۋدى جەبەۋدى ۇيعاردى.
ءماجىلىس مىنالاردى اتاپ كورسەتتى: قازىر ەكونوميكالىق دامۋ جاعدايى ۇزدىكسىز قالپىنا كەلگەنىمەن، ءالى دە شاعىن تولقۋ بار. پارتيا ورتالىق كوميتەتى مەن مەملەكەتتىك كەڭەستىڭ ورنالاستىرۋلارىن دايەكتىلەندىرىپ، قازىنا - اقشا ساياساتىنىڭ ناقتى ەكونوميكانى قولداۋ سەرپىنىن باعىتتامالى ارتتىرىپ، ەكونوميكانىڭ قالپىنا كەلۋ نەگىزىن اناعۇرلىم بەكەمدەپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋ كەرەك. جەرگىلىكتى ورىنداردىڭ ارناۋلى قارىز شەگى كولەمىن زاڭ بويىنشا جانداندىرۋ كەرەك. بازارلانعان ءوسىم مولشەرىن قالىپتاستىرۋ جانە جەتكىزۋ مەحانيزمىن كەمەلدەندىرىپ، قارىز اقشا بازارىنىڭ باعانى مالىمدەۋ ءوسىم شاماسىنداعى جەتەكشىلىك رولىن ساۋلەلەندىرىپ، امانات - قارىزدىڭ ءونىمدى سۇرانىسىنىڭ جوعارىلاۋىنا قولداۋ كورسەتىپ، كاسىپورىنداردىڭ جالپىلىق قارجى قۇراۋ وزىندىك قۇنى مەن جەكەلەردىڭ تۇتىنۋ امانات - قارىزىنىڭ وزىندىك قۇنىن تومەندەتۋدى ىلگەرىلەتۋ كەرەك.
ءماجىلىس مىنالاردى اتاپ كورسەتتى: نەگىزگى حالىق تۇرمىسىن قامتاماسىز ەتۋ − بۇقارا باسا نازار اۋدارىپ وتىرعان ماسەلە، ۇكىمەتتىڭ بۇلتارتپاس جاۋاپكەرلىگى. ىندەت، اپات سياقتىلاردىڭ ىقپالىنان قيىنشىلىقتا قالعان بۇقارا كوبەيدى. جەر – جەر، قاتىستى تاراۋلار قيىنشىلىقتا قالعان بۇقارانىڭ نەگىزگى تۇرمىسىن قامتاماسىزداندىرۋدى كۇشەيتتى، الدىڭعى جارتى جىلدا جالپى مەملەكەت قازىناسىنان ەڭ تومەنگى تۇرمىستى قامتاماسىزداندىرۋ سياقتى قارجىلاردان 120 ميلليارد يۋاننان استام شىعىس ەتىلىپ، سايكەس مەزگىلدەگىدەن %7 ارتتى. قامتاماسىز ەتۋ جانە تومەنگى شەكتەن تۇسىرمەۋ سەرپىنىن اناعۇرلىم ارتتىرۋ كەرەك. ءبىرىنشى، ەڭ تومەنگى تۇرمىستى قامتاماسىزداندىرۋ كولەمىن كەڭەيتۋدى جاپپاي تياناقتاندىرۋ كەرەك. اۋقىمدىق باقىلاۋ، تەكسەرۋدى كۇشەيتىپ، ەڭ تومەنگى تۇرمىستى قامتاماسىزداندىرۋ ولشەمىنە ۇيلەسەتىن حالىق سانى قاتارلىلاردى دەر كەزىندە ەڭ تومەنگى تۇرمىستى قامتاماسىزداندىرۋ كولەمىنە ەنگىزۋ كەرەك. ەڭ تومەنگى تۇرمىستى قامتاماسىزداندىرۋ وبيەكتىسى سياقتى قيىنشىلىعى بار بۇقاراعا كوبەيتىپ بەرىلەتىن ءبى رەتكى تۇرمىستىق قوسىمشا قاراجاتتى تەز ارادا تولىق تاراتۋ كەرەك. ەكىنشى، قيىنشىلىعى بار بۇقارانى قۇتقارۋ تەبىنىن ارتتىرىپ، ءبىر رەتتىك ۋاقىتتىق قۇتقارۋ قاراجاتىن تاراتۋ ساياساتىن جەدەل تياناقتاندىرۋ كەرەك. ءۇشىنشى، بيىل 9 – ايدان كەلەر جىلى 3 – ايعا دەيىن باعا قوسىمشاسىنىڭ ىقپالداستىق مەحانيزمىن كەزەڭدىك رەتتەۋ كەرەك. قازىر قامتىلىپ وتىرعان ەڭ تومەنگى تۇرمىستى قامتاماسىزداندىرۋ وبيەكتىسى، جەتىم بالالار قاتارلى 7 تۇردەگى بۇقارالىق توپ نەگىزىندە كاسىپسىزدىك كومەك قاراجاتىن الاتىنداردى، ەڭ تومەنگى تۇرمىستى قامتاماسىزداندىرۋ جيەگىندەگى حالىق سانىن قامتاماسىزداندىرۋ كولەمىنە تىڭنان قوسۋ كەرەك. كولەمدى كەڭەيتكەننەن كەيىن ساياسات 67 ميلليون ادامدى قامتيتىن بولادى. شارت - جاعدايى بار تۇرعىنداردىڭ تۇتىنۋ باعاسىنىڭ 1 - ايدا جوعارىلاۋ شاماسى ۇقساس مەزگىلدەگى %3.5 تەن %3.0 كە تومەندەتىلەدى. ءتورتىنشى، ورتالىق قازىنا جەرگىلىكتى ورىنداردىڭ ەڭ تومەنگى تۇرمىسى قامتاماسىزداندىرىلاتىنداردىڭ كولەمىن كەڭەيتۋ، باعا قوسىمشا قاراجاتىنىڭ ىقپالداستىق مەحانيزمىن رەتكە سالۋ سەبەبىنەن ارتقان شىعىسىنا قوسىمشا قاراجات بەرەدى، فاكتور ءتاسىلى بويىنشا بەلگىلى سالىستىرمادا قارجى كومەگىن بەرەدى، جەرگىلىكتى ورىندار الدىمەن تاراتىپ، ورتالىق قازىنا سوڭىنان ەسەپ جابادى. بەسىنشى، جەرگىلىكتى ورىنداردىڭ جاۋاپكەرلىگىن كۇشەيتىپ، سۇيەمەلدەۋ – كومەكتەسۋدىڭ دالدىگىن، ۋاقىتىندا بولۋىن جوعارىلاتىپ، قارجىنى الداپ الۋ جانە يەلەپ الۋ، الباتى جۇمساۋ سياقتى ارەكەتتەردى باتىل تەكسەرىپ، ءبىر جاقتى ەتۋ كەرەك.
ءماجىلىس مىنالاردى اتاپ كورسەتتى: قارتتاردى كۇتىمگە الۋعا قىزمەت وتەۋ كاسىبى بۇقارانىڭ تۇرمىسىمەن تىعىز بايلانىستى، قارتتار، بالالار ماسەلەسىن شەشۋدەگى ماڭىزدى كۇش. بۇل ەكى سالا ىندەتتىڭ ىقپالىنا كوپ ۇشىراپ، جاپپاي تيجارات جۇرگىزۋى قيىنعا سوعىپ، ءبىرقىدىرۋ سۇيەمەلدەۋ شارالارىن اتقارۋعا تۋرا كەلدى. بۇل باستىسى مىنالاردى قامتيدى: قارتتاردى كۇتىمگە العان ورتا، شاعىن، ۇساق كاسىپورىندار جانە جەكەشە ونەركاسىپشىلەر مەن ساۋداگەرلەرگە مەملەكەت مەنشىگىندەگى ءۇيدىڭ ماي اقىسى جىل سوڭىنا دەيىن تۇگەلدەي كەشىرىم ەتىلەدى؛ شارت – جاعدايى جار بەرەتىن جەرلەر جارامدى شارالار قولدانىپ، مەملەكەت مەنشىگىنە جاتپايتىن ءۇي مايعا بەرۋشىنىڭ ماياقىنى ازايتۋىنا، كەشىرىم ەتۋىنە قولداۋ كورسەتۋى كەرەك؛ قارتتاردى كۇتىمگە الۋ قىزمەت وتەۋ كاسىبىنىڭ ارتقان قۇن سالىعىنا دولايلاستىرىلعان سالىقتىڭ قورداعى مولشەرى ءبىر جولدا قايتارىلادى، ارتقان مولشەرى اي سايىن قايتارىلادى؛ جەر – جەر بيىل جەرگىلىكتى ورىنداردىڭ «التى سالىق، ەكى اقىسىن» كەمەيتەدى جانە كەشىرىم ەتەدى.
تۇتىنۋدى كەڭەيتۋ، جاڭا ارتۋ تۇيىندەرىن جەتىلدىرۋ جانە جاڭا ەنەرگيالى اۆتوكولىك تۇتىنۋىن جەبەۋ، قاتىستى كاسىپتەردىڭ دارەجەسىن جوعارىلاتۋدى، جاسىل، تومەن كومىرتەكتى دامۋدى جەبەۋ ءۇشىن، ءماجىلىس مىنالاردى ۇيعاردى: ءبىرىنشى، جاڭا ەنەرگيالى اۆتوكولىك ساتىپ الۋ سالىعىن الماۋ ساياساتىن كەلەر جىلدىڭ سوڭىنا دەيىن جالعاستىرۋ كەرەك، كەشىرىم ەتىلەتىن سالىق مەجەمەن 100 ميلليارد يۋان بولادى. ەكىنشى، جاڭا ەنەرگيالى اۆتوموبيل تۇتىنۋىن جەبەۋدەگى باسقا قاتىستى قولداۋ ساياساتىنىڭ ورنىقتىلىعى ساقتالىپ، كولىك سالىعى مەن تۇتىنۋ سالىعى ءۇرتىس كەشىرىم ەتىلىپ، جولعا شىعۋ ۇقىعى، كۋالىك سياقتى جاقتاردان ۇزدىكسىز قولداۋ كورسەتىلەدى. ءۇشىنشى، جاڭا ەنەرگيالى اۆتوموبيل كاسىبىنىڭ دامۋىن سايكەستىرۋ مەحانيزمىن ورناتىپ، بازارلاندىرۋ ادىسىندە تاباندى بولىپ، تۇتاس تۇلعالى اۆتوموبيل كاسىپورىندارىنىڭ جارامدىسىن الىپ، جارامسىزىن قاتاردان قالدىرۋدى جانە سايكەستى كاسىپتەردىڭ دامۋىن جەبەپ، تۇتاس كاسىپتىڭ باسەكەلىك قۋاتىن جوعارىلاتۋدى ىلگەرىلەتۋ كەرەك. زاريادتاۋ باعاناسى قۇرىلىسىن زور كۇشپەن ىلگەرىلەتىپ، ساياساتتىق اشۋ سيپاتىنداعى فينانس قۇرالدارىن قولداۋ كولەمىنە ەنگىزۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
