ساياسي كەڭەس مەملەكەتتىك 13 - كەزەكتى كوميتەتى تۇراقتى كوميتەتىنىڭ 23 - ءماجىلىسى اشىلدى
ۋاڭ ياڭ ماجىلىسكە قاتىناستى
2022.08.23 16:02 كەلۋ قاينارى : حالىق تورابى
«حالىق گازەتى»، 8 - ايدىڭ 22 - كۇنى، بەيجيڭ (ءتىلشى فىڭ چۇنمەي). ساياسي كەڭەس مەملەكەتتىك 13 – كەزەكتى كوميتەتى تۇراقتى كوميتەتىنىڭ 23 – ءماجىلىسى 8 - ايدىڭ 22 - كۇنى تۇستەن بۇرىن بەيجيڭدە اشىلدى. وسى رەتكى ماجىلىستە ارنايى «جۇمىستاندىرۋدى ماڭداي الدى ورىنعا قويۋ ساياساتىن اتقارۋدا تاباندى بولۋ» توڭىرەگىندە ۇكىمەت ءىسى كەڭەسىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ماجىلىسكە قاتىناستى.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى حۋ چۇنحۋا ۇسىنىس بويىنشا ماجىلىسكە قاتىناستى ءارى بايانداما جاسادى، ساياسي كەڭەس تۇراقتى مۇشەلەرىنىڭ ۇسىنىس - پىكىرلەرىن ناق مايداندا تىڭدادى. حۋ چۇنحۋا مىنالاردى اتاپ كورسەتتى: شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ پارمەندى باسشىلىعىندا، ەلىمىزدىڭ جۇمىستاندىرۋ قىزمەتى كوپتەگەن ءتيىمسىز فاكتوردىڭ ىقپالىن جەڭىپ، ۇزدىكسىز تىڭ تابىستارعا قول جەتكىزدى. جۇمىستانۋ قىزمەتىن ونان ارى ويداعىداي ىستەۋدە، ءسوز جوق، پارتيانىڭ جۇمىستانۋ قىزمەتىنە باسشىلىعىندا تاباندى بولۋ جانە ونى كۇشەيتۋ، جۇمىستانۋدى الدىمەن ەسكەرۋ ايقىن بەتالىسىندا تاباندى بولۋ، بازاردىڭ ادام كۇشى بايلىعىن ورنالاستىرۋدا شەشۋشى رول اتقارۋىندا تاباندى بولۋ، ۇكىمەتتىڭ رولىن اناعۇرلىم ويداعىداي ساۋلەلەندىرۋدە تاباندى بولۋ، ەلىمىزدىڭ ءتۇزىم ابزالدىعىنان ويداعىداي پايدالانۋدا تاباندى بولۋ كەرەك. باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، جۇمىستاندىرۋدى ورنىقتىرۋدىڭ ءتۇرلى ساياسات - شارالارىن اشالاپ، ناقتىلاندىرىپ، جۇمىس ورنىن كەڭەيتۋ، قىزمەت ورنىن ورنىقتىرۋ سەرپىنىن كۇش سالا نىعايتىپ، ءتۇيىندى قاۋىمدى جۇمىستاندىرۋ قىزمەتىن كورنەكتى تۇردە ويداعىداي ىستەپ، جۇمىستاندىرۋعا قىزمەت وتەۋدى اناعۇرلىم كۇشەيتىپ جانە جاقسارتىپ، ەڭبەك ۇقىق - مۇددەسىن قامتاماسىز ەتۋ سەرپىنىن ارتتىرىپ، جۇمىستاندىرۋ سالاسىنداعى حاۋىپ - قاتەردەن، كومەسكى قاتەرلەردەن ءونىمدى ساقتانىپ جانە ونى شەشىپ، جۇمىستاندىرۋدىڭ اناعۇرلىم ورنىقتى تۇردە جاقسارۋىن ىلگەرىلەتۋ كەرەك.
مەملەكەتتىك ساياسي كەڭەس ءتوراعاسىنىڭ ورىنباسارى جاڭ چيڭلي ءماجىلىستىڭ اشىلۋ سالتىن باسقاردى. ول مىنالاردى دارىپتەدى: ج ك پ 18 - قۇرىلتايىنان بەرى شي جينپيڭ جولداستى ۇيىتقى ەتكەن ج ك پ ورتالىق كوميتەتى جۇمىستاندىرۋ قىزمەتىنە ايرىقشا ءمان بەرىپ، جۇمىستاندىرۋدى جەبەۋدى باستان - اياق ماڭداي الدى ورىنعا قويدى. ءبىز باس شۋجي شي جينپيڭنىڭ جۇمىستاندىرۋ قىزمەتى جونىندەگى ماڭىزدى نۇسقاۋىنىڭ رۋحىن مۇقيات دايەكتىلەندىرىپ، تياناقتاندىرىپ، حالىق ساياسي كەڭەسىنىڭ ارناۋلى كەڭەس قۇرىلىمى بولۋ رولىن تولىق ساۋلەلەندىرىپ، باستان - اياق «ەكى جالپى جاعدايدى» كوكەيدە ساقتاپ، مەملەكەتتىڭ زور ىستەرىن، حالىق كوڭىل ءبولىپ وتىرعان ىستەردى ارقاۋ ەتىپ، مىندەت اتقارىپ، جاۋاپكەرلىكتى ادا ەتىپ، ىشكەرىلەي كەڭەسىپ، بەلسەنە ۇسىنىس - پىكىر بەرىپ، قۇندى، تارتىمدى ۇسىنىس - پىكىردى العا قويىپ، اناعۇرلىم تولىق، اناعۇرلىم ساپالى جۇمىستاندىرۋدى جۇزەگە اسىرۋدى ىلگەرىلەتۋگە اقىل - پاراساتىمىز بەن كۇش - قۋاتىمىزدى ارناۋىمىز كەرەك.
وسى رەتكى تۇراقتى كوميتەت ءماجىلىسى ناق مايدان ءماجىلىسى مەن بەينە ەكران ءماجىلىسىن ۇشتاستىرۋ تاسىلىمەن وتكىزىلدى، مەملەكەتتىك ساياسي كەڭەس ورگانىندا نەگىزگى ءماجىلىس الاڭى، شياڭگاڭ قاتارلى جەرلەردە بولىمشە ءماجىلىس الاڭى ورنالاستىرىلدى. ءماجىلىس كەزىندە تۇراقتى كوميتەت قۇرامىنداعىلار «ەكونوميكالىق دامۋدى، جۇمىستاندىرۋدى باعدار ەتۋدە تاباندى بولۋ»، «قالا مەن اۋىلدىڭ جۇمىستاندىرۋ ساياسات جۇيەسىن ءبىر تۇتاس جوسپارلاۋ»، «ءتۇيىندى قاۋىمنىڭ جۇمىستانۋىن قولداۋ جۇيەسىن كەمەلدەندىرۋ»، «جۇمىستاندىرۋ ساپاسىن كۇش سالا جوعارىلاتۋ»، «الەۋمەتتىك جۇمىستاندىرۋعا قىزمەت وتەۋ جۇيەسىن اقاۋسىزداندىرۋ»، «قوس باعىتتا ەسىك اشۋدى كەڭەيتىپ، جۇمىستانۋدىڭ ورنىقتىلىعىن جەبەۋ» سياقتى ارناۋلى تاقىرىپتار توڭىرەگىندە تالقى جۇرگىزەدى.
مەملەكەتتىك ساياسي كەڭەس ءتوراعاسىنىڭ ورىنباسارى، قوسىمشا باس حاتشىسى لي بين قاتارلىلار قاتىستى تاقىرىپتار جونىندە تۇسىنىك جاسادى. سۇن سىجيڭ، جاڭ داۋحۇڭ، يىن ۋەيمين، ما جىڭچي، ۋاڭ تيانگو، چۋان جىجۋ قاتارلى 6 تۇراقتى مۇشە ماجىلىستە ءسوز سويلەدى.
مەملەكەتتىك ساياسي كەڭەس ءتوراعاسىنىڭ ورىنباسارلارى ليۋ چيباۋ، ۋان گاڭ، حى حوۋحۋا، لۋ جانگۇڭ، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋەي، شاۋ حۇڭ، گاۋ يۇنلۇڭ قاتارلىلار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
