مەملەكەتتىك كەڭەستىڭ باقىلاۋ – تەكسەرۋ گرۋپپاسى 19 ولكەگە (اۆتونوميالى رايون، توتە قاراستى قالا) جانە شينجياڭ ءوندىرىس – قۇرىلىس بيڭتۋانىنا بارىپ ناق مايداندا باقىلاۋ – تەكسەرۋ ورىستەتەدى
2022.08.24 13:08 كەلۋ قاينارى : حالىق تورابى
شينحۋا اگەنتتىگىنىڭ 8 – ايدىڭ 23 – كۇنى بەيجيڭنەن بەرگەن حابارى. پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن ىشكەرىلەي دايەكتىلەندىرىپ، ىندەتتەن ساقتانۋ، ەكونوميكانى ورنىقتىرۋ، دامۋدى حاۋىپسىز ىلگەرىلەتۋ تالابىن جاپپاي تياناقتاندىرىپ، ورتالىقتىڭ ەكونوميكالىق قىزمەت ءماجىلىسى مەن «ۇكىمەت قىزمەتىنەن باياندامادا» تۇراقتاندىرىلعان ءتۇرلى مىندەتتەردى ورىنداۋ، سونداي- اق، ەكونوميكانى ورنىقتىرۋعا قاتىستى ساياساتتىق شارالاردى ناقتى تياناقتاندىرۋ، ەكونوميكانىڭ ۇيلەسىمدى كولەمدەگى اينالىمىن ساقتاۋ ءۇشىن، مەملەكەتتىك كەڭەس 9 – رەت زور كولەمدى باقىلاۋ – تەكسەرۋ ورىستەتەدى. ءبىرتۇتاس ورنالاستىرۋعا ساي، مەملەكەتتىك كەڭەستىڭ باقىلاۋ – تەكسەرۋ گرۋپپالارىنان 19 گرۋپپا سانشي ولكەسى، ىشكى موڭعۇل اۆتونوميالى رايونى، حەيلۇڭجياڭ ولكەسى، شاڭحاي قالاسى، جياڭسۋ ولكەسى، جىجياڭ ولكەسى، فۋجيان ولكەسى، جياڭشي ولكەسى، حىنان ولكەسى، حۋبەي ولكەسى، حۋنان ولكەسى، گۋاڭدۇڭ ولكەسى، گۋاڭشي جۋاڭزۋ اۆتونوميالى رايونى، يۇننان ولكەسى، شيزاڭ اۆتونوميالى رايونى، شانشي ولكەسى، گانسۋ ولكەسى، چيڭحاي ولكەسى، شينجياڭ ۇيعۇر اۆتونوميالى رايونى قاتارلى 19 ولكە (اۆتونوميالى رايون، توتە قاراستى قالا) مەن شينجياڭ ءوندىرىس – قۇرىلىس بيڭتۋانىنا بارىپ، ناق مايداندا باقىلاۋ – تەكسەرۋ قىزمەتىن ورىستەتەدى.
مەملەكەتتىك كەڭەستىڭ باقىلاۋ – تەكسەرۋ گرۋپپاسى «التىنى ورنىقتىرۋ» قىزمەتىن ويداعىداي ىستەۋدى، «التىعا كەپىلدىك ەتۋ» مىندەتىن تياناقتاندىرۋدى توڭىرەكتەي وتىرىپ، ەكونوميكانى ورنىقتى ارتتىىرۋعا نازاردى شوعىرلاندىرۋ، بازار نەگىزگى تۇلعالارىن ورنىقتىرۋ، كاسىپتەنۋدى ورنىقتىرىپ، حالىق تۇرمىسىنا كەپىلدىك ەتۋ، كاسىپ سالاسى تىزبەگى مەن قامداۋ تىزبەگىنىڭ ورنىقتىلىعىنا كەپىلدىك ەتۋ، ۇقىقتى تومەنگە ءتۇسىرۋ مەن باسقارۋدى ۇشتاستىرۋ جانە قىزمەت وتەۋدى ساپالىلاندىرۋ رەفورماسىن تەرەڭدەتۋ، تيجارات ورتاسىن جاقسارتۋ جاقتارىنا باقىلاۋ – تەكسەرۋ ورىستەتەدى، سونىمەن بىرگە، 2021 – جىلعى ورتالىقتىڭ مەجە ەسەبىن اتقارۋ جانە باسقا قازىنالىق كىرىم – شىعىم ەسەبىن تەكسەرۋ بارىسىندا بايقالعان ماسەلەلەردى رەتتەۋ جانە تۇزەتۋ، استىق جانە ەنەرگيا حاۋىپسىزدىگىنە كەپىلدىك ەتۋ، ءىشىنارا جەرلەردە «ءۇش ءتۇرلى ۇكىمەت ءىسى» قاراجاتىنىڭ ازايۋدىڭ ورنىنا ونان ارى ارتا ءتۇسۋى، اۋىل – قىستاقتى گۇلدەندىرۋدى جاپپاي ىلگەرىلەتۋ، ىندەتتەن ساقتانۋ – تىزگىندەۋدىڭ 9 – نۇسقاداعى جوباسىنداعى شارالاردى تياناقتاندىرىپ، ساتى سايىن شارا ۇستەمەلەۋدەن ساقتانۋ قاتارلى جاعدايلارعا تەكسەرۋ جۇرگىزىپ، ساياساتتىق شارالاردىڭ اتقارىلۋىنداعى كەدەرگىلەر مەن قيىن تۇيىندەردى شەشىم ەتۋدى ىلگەرىلەتەدى.
ناق مايداندا باقىلاۋ – تەكسەرۋ ورىستەتۋ بارىسىندا، مەملەكەتتىك كەڭەستىڭ باقىلاۋ – تەكسەرۋ گرۋپپاسى ورتالىقتىڭ 8 ءتۇرلى بەلگىلەمەسى مەن ونى اتقارۋدىڭ ناقتى ەرەجەسىنىڭ رۋحىن قاتاڭ تياناقتاندىرىپ، فورماشىلدىق پەن تورەشىلدىكتەن كۇش سالا ساقتانىپ، دەرەكتەردى الا بارۋعا، ماسەلەنىڭ سوڭىنان تۇسۋگە، ماسەلەنى وزگەرتۋدى قاداعالاۋعا تاباندى بولىپ، باقىلاۋ – تەكسەرۋ قىزمەتكەرلەرىنىڭ ۇشتەن ەكى بولىگىنەن استامىن، ۋاقىت پەن زەيىننىڭ ۇشتەن ەكى بولىگىنەن استامىن دەرەكتەردى ءبىر – بىرلەپ تەكسەرۋگە، جاسىرىن باقىلاۋ – تەكسەرۋ جۇرگىزۋگە جۇمساۋعا تاباندى بولىپ، باقىلاۋ مەن كومەكتەسۋدى ءبىر تۇلعالاندىرۋعا تاباندى بولىپ، باقىلاۋ – تەكسەرۋ قىزمەتىنىڭ ساپاسى مەن ونىمدىلىگىن جوعارىلاتۋدى جانە نەگىزگى ساتىداعىلاردىڭ اۋىرتپالىعىن جەڭىلدەتۋدى قاتار جۇرگىزۋدى كۇش سالا ىسكە اسىرىپ، ءىس جۇزىندىك ارەكەت ارقىلى حالىق بۇقاراسى مەن بازار نەگىزگى تۇلعالارى كوڭىل ءبولىپ وتىرعان ماسەلەلەر جونىندە جاۋاپ قايتارادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
