لي كىچياڭ جۇڭگو مەن كورەيانىڭ ديپلوماتيالىق قاتىناس ورناتقانىنىڭ 30 جىلدىعىن ەسكە ءتۇسىرۋ ساۋدا سەلبەستىك تالقى مىنبەرىندە ءسوز سويلەدى
2022.08.26 16:31 كەلۋ قاينارى : حالىق تورابى
شينحۋا اگەنتتىگى، 8 - ايدىڭ 25 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 8 - ايدىڭ 24 - كۇنى جۇڭگو مەن كورەيانىڭ ديپلوماتيالىق قاتىناس ورناتقانىنىڭ 30 جىلدىعىن ەسكە ءتۇسىرۋ ساۋدا سەلبەستىك تالقى مىنبەرىندە بەينە ەكران ءسوزىن سويلەدى.
لي كىچياڭ مىنانى ءبىلدىردى: جۇڭگو مەن كورەيا − تەڭىز ءبولىپ تۇرعان كورشىلەر، ەكى ەل حالىقتارىنىڭ ءوزارا ۇيرەنۋ، ءوزارا ۇلگى الۋ تاريحى ارىدان باستاۋ الادى. ەكى جاق جۇڭگو مەن كورەيانىڭ ديپلوماتيالىق قاتىناس ورناتقانىنىڭ 30 جىلدىعىنا ايرىقشا ءمان بەردى، ەكى ەل باسشىلارى ءوزارا قۇتتىقتاۋ حاتىن جولدادى. 30 جىلدان بەرى جۇڭگو - كورەيا قاتىناسىنىڭ دامۋىندا سۇبەلى تابىستارعا قول جەتىپ، ەكونوميكا - ساۋدا سەلبەستىگىندە قوماقتى تابىستارعا قول جەتىپ، ەكى جاققا وراسان زور باقىت اكەلدى، سونداي - اق ءوڭىردىڭ بەيبىتشىلىگى مەن گۇلدەنۋىنە بەلسەندى ۇلەس قوستى.
لي كىچياڭ بىلاي دەپ اتاپ كورسەتتى: قازىر حالىقارالىق، وڭىرلىك جاعدايدا كۇردەلى دە تەرەڭ وزگەرىستەر تۋىلۋدا، دۇنيە ءجۇزى ەكونوميكاسىنىڭ دامۋى كوپتەگەن تۇراقسىز فاكتورعا ءدوپ كەلىپ وتىر. بەيبىتشىلىك پەن ورنىقتىلىقتى كوزدەۋ، دامۋدى، گۇلدەنۋدى جەبەۋ − ءالى دە جۇرت تىلەگى، جالپى جاعدايدىڭ بەتالىسى. جۇڭگو كورەيامەن بىرگە كەلەسى 30 جىلدى قول ۇستاسا اشۋعا پەيىل. ەكى جاق تاتۋ كورشىلىك دوستىقتا، ءوزارا قۇرمەت ەتۋدە، تەڭ تۇرعىدا مامىلە جاساۋدا تاباندى بولىپ، ءبىر - ءبىرىنىڭ وزەكتى مۇددەسى مەن باسا نازار اۋدارىپ وتىرعان كەلەلى ىستەرىنە كوڭىل ءبولىپ، ەكى جاقتى قاتىناستىڭ اقاۋسىز، ورنىقتى دامۋىن ىلگەرىلەتۋى كەرەك. ءبىرىن - ءبىرى تولىقتاۋ ابزالدىعىن ساۋلەلەندىرىپ، ءوزارا پايدا جەتكىزىپ، تەڭ يگىلىككە كەنەلۋدە تاباندى بولىپ، جاڭالىق اشۋ، يگىلىك جاراتۋ، وزىق جاساۋ، سيفرلى ەكونوميكا، جاسىل دامۋ، كليمات وزگەرىسىنە توتەپ بەرۋ سياقتى سالالارداعى سەلبەستىكتى تەرەڭدەتىپ، جۇڭگو مەن كورەيانىڭ ەركىن ساۋدا كەلىسىمىنىڭ 2 - كەزەڭدىك كەلىسسوزى ءۇشىن ەرتەرەك ءبىر اۋىزدىلىققا كەلۋ كەرەك. كوپ جاقتىلىقتا تاباندى بولىپ، ەكونوميكانىڭ جاھاندانۋ جالپى بەتالىسىن بەكەمدەپ، كاسىپ تىزبەگىنىڭ، قامداۋ تىزبەگىنىڭ حاۋىپسىزدىگىن، ىركىلىسسىزدىگىن بىرگە قورعاۋ كەرەك. وڭىرلىك جالپى بەتتىك ەكونوميكالىق سەرىكتەستىك قاتىناس كەلىسىمى الا كەلگەن ورايدان ويداعىداي پايدالانىپ، ءار ەل كاسىپورىندارى مەن حالقىن اناعۇرلىم ويداعىداي يگىلىككە كەنەلتۋمەن بىرگە، ءوڭىردىڭ دامۋىن، گۇلدەنۋىن جەبەۋگە تىڭ قوزعاۋشى كۇش قوسۋ كەرەك. «جۇڭگو مەن كورەيانىڭ مادەنيەت اۋىس - كۇيىس جىلىن» بىرگە ويداعىداي وتكىزىپ، ەكى ەل بۇقاراسىنىڭ، اسىرەسە، جاستار مەن ورەندەر اراسىنداعى ءوزارا ءتۇسىنىسۋ مەن دوستىق سۇيىسپەنشىلىكتى نىعايتۋ كەرەك. ادامداردىڭ بارىس - كەلىسىنىڭ «جىلدام ارنالىق» رولىن ۇزدىكسىز ويداعىداي ساۋلەلەندىرىپ، ەكى ەلدىڭ جۇمىستى، ءوندىرىستى قالپىنا كەلتىرۋىنە جانە ەكونوميكا - ساۋدا سەلبەستىگىنە دەم بەرۋ كەرەك.
لي كىچياڭ بىلاي دەپ دارىپتەدى: جۇڭگونىڭ اشىق ەسىگى باستان - اياق بۇكىل دۇنيە جۇزىنە اشىق ۇستالادى، سونداي - اق بارعان سايىن ايقارا اشىلادى. ءبىز بازارلانعان، زاڭمەن جونگە سالىناتىن، حالىقارالانعان ساۋدا ورتاسىن ۇزدىكسىز قالىپتاستىرىپ، جۇڭگونى باستان - اياق ءار ەل كاسىپورىندارىنىڭ قارجى قوسۋداعى قۇتتى مەكەنىنە، شارۋاشىلىقتى گۇلدەندىرۋدەگى بيىك بەلەسىنە اينالدىرۋعا كۇش سالامىز. كورەيانى قامتىعان ءار ەل كاسىپورىندارىنىڭ جۇڭگوعا قارجى قوسۋدى ۇزدىكسىز كەڭەيتىپ، جۇڭگونىڭ دامۋ ورايىنان بىرگە يگىلىكتەنىپ، جاڭا سەلبەستىك ءورىسىن اشۋىن قارسى الامىز.
كورەيانىڭ مەملەكەت ىستەرى زۇڭليى حان دىجۋ بەينە ەكران ءسوزىن سويلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
